| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
੨੮. ਕਮ੍ਮਨਿਦ੍ਦੇਸવਣ੍ਣਨਾ
28. Kammaniddesavaṇṇanā
੧੯੯. વਗ੍ਗੇਨ ਅਧਮ੍ਮਕਮ੍ਮਞ੍ਚ ਸਮਗ੍ਗੇਨ ਅਧਮ੍ਮਕਮ੍ਮਞ੍ਚ વਗ੍ਗੇਨ ਧਮ੍ਮਕਮ੍ਮਞ੍ਚ ਸਮਗ੍ਗੇਨ ਧਮ੍ਮਕਮ੍ਮਞ੍ਚਾਤਿ ਚਤ੍ਤਾਰਿ ਕਮ੍ਮਾਨਿ ਹੋਨ੍ਤੀਤਿ ਸੇਸੋ। ਤਤ੍ਥ વਗ੍ਗੇਨ ਅਧਮ੍ਮਕਮ੍ਮਨ੍ਤਿ વਗ੍ਗੇਨ ਸਙ੍ਘੇਨ ਕਰਣੀਯਂ ਅਧਮ੍ਮਕਮ੍ਮਂ। ਏਸ ਨਯੋ ਸਬ੍ਬਤ੍ਥ। વਗ੍ਗੋਤਿ ਚ ਸਮੂਹੋ વੁਚ੍ਚਤਿ, ਸੋ ਚ ਚਤੁવਗ੍ਗਾਦਿਕਰਣੀਯਾਦੀਸੁ ਯਾવਤਿਕਾਨਂ ਕਮ੍ਮਪ੍ਪਤ੍ਤਾਨਂ ਅਸਮ੍ਮੁਖੀਭਾવੇਨ, ਛਨ੍ਦਾਰਹਾਨਂ ਛਨ੍ਦਾਨਾਹਰਣੇਨ, ਸਮ੍ਮੁਖੀਭੂਤਾਨਞ੍ਚ ਪਟਿਕ੍ਕੋਸਨੇਨ, ਤੇਸੁ ਏਕੇਨਾਪਿ વਾ ਇਧ ਅਧਿਪ੍ਪੇਤੋ। ਅਧਮ੍ਮਕਮ੍ਮਨ੍ਤਿ ਏਤ੍ਥ ਪਨ ਧਮ੍ਮੋ ਨਾਮ ‘‘ਉਤ੍ਤਿਦੁਤਿਯੇ ਚੇ, ਭਿਕ੍ਖવੇ, ਕਮ੍ਮੇ ਏਕਾਯ ਉਤ੍ਤਿਯਾ ਕਮ੍ਮਂ ਕਰੋਤਿ, ਨ ਚ ਕਮ੍ਮવਾਚਂ ਅਨੁਸ੍ਸਾવੇਤਿ, ਅਧਮ੍ਮਕਮ੍ਮ’’ਨ੍ਤਿਆਦਿਨਾ (ਮਹਾવ॰ ੩੮੭) ਏਕਾਯੇવ ਞਤ੍ਤਿਯਾ , ਤਥਾ ਦ੍વੀਹਿ ਞਤ੍ਤੀਹਿ ਏਕਾਯੇવ વਾ ਕਮ੍ਮવਾਚਾਯ, ਤਥਾ ਦ੍વੀਹਿ ਕਮ੍ਮવਾਚਾਹੀਤਿ ਆਗਤਾਯ ਚ ਤਥਾ ਹਾਪਨਅਞ੍ਞਥਾਕਰਣਭਾવੇਨ ਞਤ੍ਤਿਕਮ੍ਮਂ ਠਪੇਤ੍વਾ ਞਤ੍ਤਿਚਤੁਤ੍ਥੇ ਚ ਕਮ੍ਮੇ ਆਗਤਾਯ ਚ ਅਕਮ੍ਮਾਰਹਸ੍ਸ ਤਜ੍ਜਨੀਯਪਬ੍ਬਾਜਨੀਯਪਟਿਸਾਰਣੀਯਨਿਯਸ੍ਸਤਿવਿਧਉਕ੍ਖੇਪਨੀਯਾਨਂ ਸਤ੍ਤਨ੍ਨਂ ਕਮ੍ਮਾਨਂ ਕਰਣવਸੇਨ, ਕਮ੍ਮਾਰਹਸ੍ਸ ਚ વਿਰਾਧੇਤ੍વਾ ਕਰਣવਸੇਨ ਆਗਤਾਯ ਚ ਪਾਲ਼ਿਯਾ વਿਪਰੀਤਾ ਚ ਪਾਲ਼ਿ, ਉਪਸਮ੍ਪਦਾਦਿਕਮ੍ਮવਸੇਨ ਆਗਤਾ ਚ ਪਾਲ਼ਿ, ਸਮ੍ਮੁਖਾવਿਨਯਸਤਿવਿਨਯਅਮੂਲ਼੍ਹવਿਨਯਪਟਿਞ੍ਞਾਕਰਣਯੇਭੁਯ੍ਯਸਿਕਾਤਸ੍ਸਪਾਪਿ- ਯਸਿਕਾਤਿਣવਤ੍ਥਾਰਕਸਙ੍ਖਾਤਾਨਂ ਸਤ੍ਤਨ੍ਨਂ ਕਮ੍ਮਾਨਂ ਯਥਾਲਾਭਕਰਣવਸੇਨ ਆਗਤਾ ਚ ਪਾਲ਼ਿ, ਤੇਨ ਕਰਣੀਯਂ ਅਪਲੋਕਨਞਤ੍ਤਿਞਤ੍ਤਿਦੁਤਿਯਞਤ੍ਤਿਚਤੁਤ੍ਥਸਙ੍ਖਾਤਂ ਚਤੁਬ੍ਬਿਧਂ ਕਮ੍ਮਂ ਧਮ੍ਮਕਮ੍ਮਂ, ਤਪ੍ਪਟਿਪਕ੍ਖਂ ਅਧਮ੍ਮਕਮ੍ਮਂ। ਤਬ੍ਬਿਪਰਿਯਾਯੇਨ ਸਮਗ੍ਗੋ ਧਮ੍ਮਕਮ੍ਮਞ੍ਚ વੇਦਿਤਬ੍ਬਂ। ਧਮ੍ਮੋ ਯਥਾવੁਤ੍ਤਾ ਪਾਲ਼ਿ ਅਸ੍ਸ ਅਤ੍ਥਿ, ਧਮ੍ਮੇਨ ਕਤਂ વਾਤਿ ਧਮ੍ਮਿਕਂ। ਤਬ੍ਬਿਪਰੀਤਂ ਅਧਮ੍ਮਿਕਂ। ਚਤੁਤ੍ਥਂਯੇવਾਤਿ ਤੇਸੁ ਚਤੂਸੁ ਕਮ੍ਮੇਸੁ ਚਤੁਨ੍ਨਂ ਪੂਰਣਂ ਸਮਗ੍ਗੇਨ ਧਮ੍ਮਿਕਂ। ਸੇਸਕਮ੍ਮਾਨਂ ਭਾવੇਨ ਭਿਕ੍ਖੁਨਾ ਦੁਕ੍ਕਟਸ੍ਸ ਭવਨਂ ਲਕ੍ਖੀਯਤੀਤਿ ਸੇਸਕਮ੍ਮੇਸੂਤਿ ਭਾવਲਕ੍ਖਣੇ ਸਤ੍ਤਮੀ। ਦੁਕ੍ਕਟਨ੍ਤਿ ਕੁਪ੍ਪਾਨਂ ਅਧਮ੍ਮਕਮ੍ਮવਗ੍ਗਕਮ੍ਮਾਨਂ ਕਤਤ੍ਤਾ ਦੁਕ੍ਕਟਂ।
199. Vaggena adhammakammañca samaggena adhammakammañca vaggena dhammakammañca samaggena dhammakammañcāti cattāri kammāni hontīti seso. Tattha vaggena adhammakammanti vaggena saṅghena karaṇīyaṃ adhammakammaṃ. Esa nayo sabbattha. Vaggoti ca samūho vuccati, so ca catuvaggādikaraṇīyādīsu yāvatikānaṃ kammappattānaṃ asammukhībhāvena, chandārahānaṃ chandānāharaṇena, sammukhībhūtānañca paṭikkosanena, tesu ekenāpi vā idha adhippeto. Adhammakammanti ettha pana dhammo nāma ‘‘uttidutiye ce, bhikkhave, kamme ekāya uttiyā kammaṃ karoti, na ca kammavācaṃ anussāveti, adhammakamma’’ntiādinā (mahāva. 387) ekāyeva ñattiyā , tathā dvīhi ñattīhi ekāyeva vā kammavācāya, tathā dvīhi kammavācāhīti āgatāya ca tathā hāpanaaññathākaraṇabhāvena ñattikammaṃ ṭhapetvā ñatticatutthe ca kamme āgatāya ca akammārahassa tajjanīyapabbājanīyapaṭisāraṇīyaniyassatividhaukkhepanīyānaṃ sattannaṃ kammānaṃ karaṇavasena, kammārahassa ca virādhetvā karaṇavasena āgatāya ca pāḷiyā viparītā ca pāḷi, upasampadādikammavasena āgatā ca pāḷi, sammukhāvinayasativinayaamūḷhavinayapaṭiññākaraṇayebhuyyasikātassapāpi- yasikātiṇavatthārakasaṅkhātānaṃ sattannaṃ kammānaṃ yathālābhakaraṇavasena āgatā ca pāḷi, tena karaṇīyaṃ apalokanañattiñattidutiyañatticatutthasaṅkhātaṃ catubbidhaṃ kammaṃ dhammakammaṃ, tappaṭipakkhaṃ adhammakammaṃ. Tabbipariyāyena samaggo dhammakammañca veditabbaṃ. Dhammo yathāvuttā pāḷi assa atthi, dhammena kataṃ vāti dhammikaṃ. Tabbiparītaṃ adhammikaṃ. Catutthaṃyevāti tesu catūsu kammesu catunnaṃ pūraṇaṃ samaggena dhammikaṃ. Sesakammānaṃ bhāvena bhikkhunā dukkaṭassa bhavanaṃ lakkhīyatīti sesakammesūti bhāvalakkhaṇe sattamī. Dukkaṭanti kuppānaṃ adhammakammavaggakammānaṃ katattā dukkaṭaṃ.
੨੦੦. ਇਦਾਨਿ ਯਦਿਦਂ ਸਮਗ੍ਗੇਨ ਧਮ੍ਮਿਕਂ ਨਾਮ, ਤਂ ਯੇਹਿ ਸਙ੍ਘੇਹਿ ਕਾਤਬ੍ਬਂ, ਤੇਸਂ ਪਭੇਦਂ ਦਸ੍ਸੇਤੁਂ ‘‘ਚਤੁવਗ੍ਗੋ’’ਤਿਆਦਿਮਾਹ। ਚਤ੍વਾਦੀਨਂ ਸਙ੍ਖ੍ਯੇਯવੁਤ੍ਤਿਤ੍ਤਾ ਚਤੁਨ੍ਨਂ વਗ੍ਗੋਤਿਆਦਿਨਾ વਿਗ੍ਗਹੋ। ਦਸવੀਸਤਿવਗ੍ਗਿਕੋਤਿ ਦਸਨ੍ਨਂ વੀਸਤਿਯਾ ਚ વਗ੍ਗਭੇਦવਸੇਨ ਦਸવੀਸਤੀਨਂ વਗ੍ਗੋਤਿ વਿਗ੍ਗਹੋ, ਣਿਕੋ ਸਕਤ੍ਥੇ। વੀਸਤਿਯਾ વਗ੍ਗੋ, ਅਤਿਰੇਕੇਨ ਸਹਿਤੋ વੀਸਤਿવਗ੍ਗੋਤਿ વਿਗ੍ਗਹੋ।
200. Idāni yadidaṃ samaggena dhammikaṃ nāma, taṃ yehi saṅghehi kātabbaṃ, tesaṃ pabhedaṃ dassetuṃ ‘‘catuvaggo’’tiādimāha. Catvādīnaṃ saṅkhyeyavuttittā catunnaṃ vaggotiādinā viggaho. Dasavīsativaggikoti dasannaṃ vīsatiyā ca vaggabhedavasena dasavīsatīnaṃ vaggoti viggaho, ṇiko sakatthe. Vīsatiyā vaggo, atirekena sahito vīsativaggoti viggaho.
੨੦੧-੨. ਪਞ੍ਚਨ੍ਨਂ ਕਮ੍ਮਾਨਂ ਨਿਯਮੇਤਿ ‘‘ਚਤੂ’’ਤਿਆਦਿਨਾ। ਅਬ੍ਭਾਨਂ ਉਪਸਮ੍ਪਦਂ ਪવਾਰਣਂ ਠਪੇਤ੍વਾ ਚਤੁવਗ੍ਗੋ ਚਾਤਿਆਦਿਨਾ ਯੋਜੇਤ੍વਾ ਸਬ੍ਬਕਮ੍ਮੇਸੁ ਕਮ੍ਮਪ੍ਪਤ੍ਤੋਤਿ ਦੀਪਿਤੋਤਿ ਯੋਜੇਤਬ੍ਬਂ। ਤਤ੍ਥ ਤਤ੍ਥ ਚ-ਸਦ੍ਦੋ ਚਤੁવਗ੍ਗਾਦਯੋ ਕਮ੍ਮਪਤ੍ਤਿਕਿਰਿਯਾਯਂ ਸਮੁਚ੍ਚਿਨੋਤਿ। ਇਧ ਪਨ ਸਬ੍ਬ-ਸਦ੍ਦੋ ਅਬ੍ਭਾਨਾਦੀਨਂ ਕੇਸਞ੍ਚਿ ਠਪਿਤਤ੍ਤਾ ਪਦੇਸਸਬ੍ਬੇ ਗਯ੍ਹਤਿ। ਕਮ੍ਮਪਤ੍ਤੋਤਿ ਕਮ੍ਮਸ੍ਸ ਪਤ੍ਤੋ ਯੁਤ੍ਤੋ ਅਨੁਰੂਪੋ। ਇਤਰੋਤਿ વੀਸਤਿવਗ੍ਗੋ ਅਤਿਰੇਕવੀਸਤਿવਗ੍ਗੋ। ਸਬ੍ਬਕਮ੍ਮੇਸੂਤਿ ਏਤ੍ਥ ਪਨ ਸਬ੍ਬ-ਸਦ੍ਦੋ ਸਬ੍ਬਸਬ੍ਬੇ। ਨਨੁ ਚ વੀਸਤਿવਗ੍ਗਸ੍ਸ ਕਮ੍ਮਪ੍ਪਤ੍ਤਭਾવੇਸਤਿ ਅਤਿਰੇਕવੀਸਤਿવਗ੍ਗਸ੍ਸ ਪਗੇવਾਤਿ વਿਞ੍ਞਾਯਤਿ। ਤਥਾ ਸਤਿ ਸੋ ਕਸ੍ਮਾ વੁਤ੍ਤੋਤਿ? ਸਚ੍ਚਂ, ਤਥਾਪਿ ਸੋ ਚਤੁવਗ੍ਗਾਦਿਨਾ ਸਙ੍ਘੇਨ ਕਤ੍ਤਬ੍ਬਕਮ੍ਮਂ ਊਨਕਤਰੇਨ ਨ વਟ੍ਟਤਿ, ਅਤਿਰੇਕੇਨ ਪਨ વਟ੍ਟਤੀਤਿ ਞਾਪਨਤ੍ਥਂ વੁਤ੍ਤੋ।
201-2. Pañcannaṃ kammānaṃ niyameti ‘‘catū’’tiādinā. Abbhānaṃ upasampadaṃ pavāraṇaṃ ṭhapetvā catuvaggo cātiādinā yojetvā sabbakammesu kammappattoti dīpitoti yojetabbaṃ. Tattha tattha ca-saddo catuvaggādayo kammapattikiriyāyaṃ samuccinoti. Idha pana sabba-saddo abbhānādīnaṃ kesañci ṭhapitattā padesasabbe gayhati. Kammapattoti kammassa patto yutto anurūpo. Itaroti vīsativaggo atirekavīsativaggo. Sabbakammesūti ettha pana sabba-saddo sabbasabbe. Nanu ca vīsativaggassa kammappattabhāvesati atirekavīsativaggassa pagevāti viññāyati. Tathā sati so kasmā vuttoti? Saccaṃ, tathāpi so catuvaggādinā saṅghena kattabbakammaṃ ūnakatarena na vaṭṭati, atirekena pana vaṭṭatīti ñāpanatthaṃ vutto.
੨੦੩. ਇਦਾਨਿ ਚਤੁવਗ੍ਗਾਦਿਕੇਨ ਛਨ੍ਦਾਹਰਣੇਨ ਪੂਰੇਤਬ੍ਬੋਤਿ ਦਸ੍ਸੇਤਿ ‘‘ਚਤੂ’’ਤਿਆਦਿਨਾ। ਪਾਰਾਜਿਕਾਦਿਭਾવਮਨਾਪਨ੍ਨਤ੍ਤਾ ਪਕਤਿਯਾ ਸਭਾવੇਨੇવ ਠਿਤੋ ਅਤ੍ਤਾ ਯੇਸਂ, ਪਕਤੋ વਾ ਤਤੋਯੇવ ਕਮ੍ਮੇਸੁ ਅવਿਗਤੋ ਅਤ੍ਤਾ ਯੇਸਂ ਤੇਤਿ ਪਕਤਤ੍ਤਕਾ, ਪਾਰਾਜਿਕਉਕ੍ਖਿਤ੍ਤਕਲਦ੍ਧਿਨਾਨਾਸਂવਾਸਕੇਹਿ ਅਞ੍ਞੇ। ਪਰੇਤਿ ਏਕਸੀਮਟ੍ਠਾ ਤਾਦਿਸਾਯੇવ ਅਞ੍ਞੇ। ਸੇਸੇਪੀਤਿ ਅવਸੇਸੇ ਪਞ੍ਚવਗ੍ਗਾਦਿਕਰਣੀਯੇਪਿ।
203. Idāni catuvaggādikena chandāharaṇena pūretabboti dasseti ‘‘catū’’tiādinā. Pārājikādibhāvamanāpannattā pakatiyā sabhāveneva ṭhito attā yesaṃ, pakato vā tatoyeva kammesu avigato attā yesaṃ teti pakatattakā, pārājikaukkhittakaladdhinānāsaṃvāsakehi aññe. Pareti ekasīmaṭṭhā tādisāyeva aññe. Sesepīti avasese pañcavaggādikaraṇīyepi.
੨੦੪. ਇਦਾਨਿ વਤ੍ਥੁਞਤ੍ਤਿਅਨੁਸ੍ਸਾવਨਸੀਮਾਦਿવਿਪਤ੍ਤਿਤੋ, ਕਮ੍ਮવਿਪਤ੍ਤੀਸੁ ਪਰਿਸਤੋ ਚ ਪਟਿਕ੍ਕੋਸਤੋ ਚ ਕਮ੍ਮਸ੍ਸ ਕੁਪ੍ਪਾਕੁਪ੍ਪਭਾવਂ ਤਤ੍ਥ ਚ ਆਪਤ੍ਤਿਆਦਿਂ ਦਸ੍ਸੇਤੁਂ ‘‘ਚਤੂ’’ਤਿਆਦਿ ਮਾਹ। ਚਤੁવਗ੍ਗਾਦਿਕਤ੍ਤਬ੍ਬਂ ਅਸਂવਾਸਗਣਪੂਰਂ વਾ ਕਮ੍ਮਾਰਹਗਣਪੂਰਂ વਾ ਕਮ੍ਮਞ੍ਚ ਗਰੁਕਟ੍ਠਗਣਪੂਰਂ વਾ ਪਰਿવਾਸਾਦਿਕਮ੍ਮਞ੍ਚਾਤਿ ਯੋਜਨਾ। ਏਤ੍ਥ ਚ ਕਮ੍ਮਾਰਹੋ ਗਰੁਕਟ੍ਠਤੋ ਅਞ੍ਞੋ, ਨਿਕ੍ਖਿਤ੍ਤવਤ੍ਤੋ ਪਨ ਗਰੁਕਟ੍ਠੋ ਗਣਪੂਰਕੋ ਹੋਤਿਯੇવ। ਕਤਨ੍ਤਿ ਚਤੁવਗ੍ਗਾਦਿਨਾ ਕਤਂ।
204. Idāni vatthuñattianussāvanasīmādivipattito, kammavipattīsu parisato ca paṭikkosato ca kammassa kuppākuppabhāvaṃ tattha ca āpattiādiṃ dassetuṃ ‘‘catū’’tiādi māha. Catuvaggādikattabbaṃ asaṃvāsagaṇapūraṃ vā kammārahagaṇapūraṃ vā kammañca garukaṭṭhagaṇapūraṃ vā parivāsādikammañcāti yojanā. Ettha ca kammāraho garukaṭṭhato añño, nikkhittavatto pana garukaṭṭho gaṇapūrako hotiyeva. Katanti catuvaggādinā kataṃ.
੨੦੫. વਾਰੇਯ੍ਯਾਤਿ ਅਨ੍ਤਰਾਯੇ ਅਸਤਿ ਅਨ੍ਤਮਸੋ ਏਕੋਪਿ વਾਰੇਯ੍ਯਾਤਿ ਅਤ੍ਥੋ। ਅਨ੍ਤਰਾਯੇਤਿ ਪਾਪੇਹਿ ਕਰਿਯਮਾਨੇ ਜੀવਿਤਬ੍ਰਹ੍ਮਚਰਿਯਨ੍ਤਰਾਯੇ ਸਤਿ। ਅਨਨ੍ਤਰਾਯਿਕਾ ਚੇ ਨ વਾਰੇਨ੍ਤਿ, ਦੁਕ੍ਕਟਂ। ਦਿਟ੍ਠਾવਿਨ੍ਤਿ ਅਤ੍ਤਨੋ ਅਤ੍ਤਨੋ ਦਿਟ੍ਠਿਂ ਲਦ੍ਧਿਂ ‘‘ਅਧਮ੍ਮਕਮ੍ਮਂ ਇਦਂ, ਨ ਮੇਤਂ ਖਮਤੀ’’ਤਿ ਅਞ੍ਞਮਞ੍ਞਂ ਆવਿ ਕਰੇਯ੍ਯੁਨ੍ਤਿ ਸੇਸੋ। ਏਕੋਧਿਟ੍ਠਾਨਨ੍ਤਿ ਏਕੋ ਭਿਕ੍ਖੁ ‘‘ਨ ਮੇਤਂ ਖਮਤੀ’’ਤਿ ਅਧਿਟ੍ਠਾਨਂ ਕਰੇਯ੍ਯਾਤਿ ਸੇਸੋ। ਤਤੋਧਿਕਾਤਿ ਤੀਹਿ ਅਧਿਕਾ। ਤੇ ਪਨ ਸਙ੍ਘਤ੍ਤਾ ਪਹੋਨ੍ਤਿ ਅਤ੍ਤਨੋ ਕਮ੍ਮਂ ਨਿਤ੍ਥਰਿਤੁਂ।
205.Vāreyyāti antarāye asati antamaso ekopi vāreyyāti attho. Antarāyeti pāpehi kariyamāne jīvitabrahmacariyantarāye sati. Anantarāyikā ce na vārenti, dukkaṭaṃ. Diṭṭhāvinti attano attano diṭṭhiṃ laddhiṃ ‘‘adhammakammaṃ idaṃ, na metaṃ khamatī’’ti aññamaññaṃ āvi kareyyunti seso. Ekodhiṭṭhānanti eko bhikkhu ‘‘na metaṃ khamatī’’ti adhiṭṭhānaṃ kareyyāti seso. Tatodhikāti tīhi adhikā. Te pana saṅghattā pahonti attano kammaṃ nittharituṃ.
੨੦੬. ਖਿਤ੍ਤਚਿਤ੍ਤੋ ਨਾਮ ਉਮ੍ਮਤ੍ਤਕੋ। ਦੁਖਟ੍ਟਿਤੋਤਿ વੇਦਨਟ੍ਟੋ। ਨ ਰੂਹਤੀਤਿ ਗਯ੍ਹਤ੍ਤਂ ਨ ਰੋਹਤੀਤਿ ਅਤ੍ਥੋ।
206.Khittacitto nāma ummattako. Dukhaṭṭitoti vedanaṭṭo. Na rūhatīti gayhattaṃ na rohatīti attho.
੨੦੭. ਅਨ੍ਤਮਸੋ ਅਨਨ੍ਤਰਸ੍ਸਾਪਿ ਆਰੋਚੇਨ੍ਤਸ੍ਸ ਪਕਤ…ਪੇ॰… ਭਿਕ੍ਖੁਨੋਤਿ ਸਮ੍ਬਨ੍ਧੋ। ਏਕਸੀਮਾਯਂ ਤਿਟ੍ਠਤੀਤਿ ਏਕਸੀਮਟ੍ਠੋ। ਸਮੋ ਸਂવਾਸੋ ਅਸ੍ਸਾਤਿ ਸਮਸਂવਾਸੋ। ਏਕਸੀਮਟ੍ਠੋ ਚ ਸੋ ਸਮਸਂવਾਸੋ ਚ, ਪਕਤਤ੍ਤੋ ਚ ਸੋ ਏਕਸੀਮਟ੍ਠਸਮਸਂવਾਸੋ ਚ, ਸੋ ਚਾਯਂ ਭਿਕ੍ਖੁ ਚਾਤਿ ਸਬ੍ਬਤ੍ਥ ਕਮ੍ਮਧਾਰਯੋ, ਤਸ੍ਸ। ਏਤ੍ਥ ਪਨ ਅવਿਪਨ੍ਨਸੀਲੋ ਪਕਤਤ੍ਤੋਤਿ ਅਧਿਪ੍ਪੇਤੋ। ਆਰੋਚੇਨ੍ਤਸ੍ਸਾਤਿ ਅਤ੍ਤਨੋ ਲਦ੍ਧਿਂ ਪਕਾਸੇਨ੍ਤਸ੍ਸ। ਰੂਹਤੀਤਿ ਪਟਿਕ੍ਖੇਪੋ ਰੁਹਤਿ।
207. Antamaso anantarassāpi ārocentassa pakata…pe… bhikkhunoti sambandho. Ekasīmāyaṃ tiṭṭhatīti ekasīmaṭṭho. Samo saṃvāso assāti samasaṃvāso. Ekasīmaṭṭho ca so samasaṃvāso ca, pakatatto ca so ekasīmaṭṭhasamasaṃvāso ca, so cāyaṃ bhikkhu cāti sabbattha kammadhārayo, tassa. Ettha pana avipannasīlo pakatattoti adhippeto. Ārocentassāti attano laddhiṃ pakāsentassa. Rūhatīti paṭikkhepo ruhati.
੨੦੮. ਧਮ੍ਮਿਕਂ ਕਮ੍ਮਨ੍ਤਿ ਧਮ੍ਮੇਨ ਕਤ੍ਤਬ੍ਬਂ ਅਪਲੋਕਨਾਦਿਕਮ੍ਮਂ। ਪਟਿਕ੍ਕੋਸੇਯ੍ਯਾਤਿ ਨਿવਾਰੇਯ੍ਯ। ਤਿਰੋਕ੍ਖਾ ਕਾਯਸਾਮਗ੍ਗਿਂ વਾ ਛਨ੍ਦਂ વਾਤਿ વਾ-ਸਦ੍ਦਂ ਨੇਤ੍વਾ ਅਤ੍ਥੋ ਨੇਤਬ੍ਬੋ। ਤਿਰੋਕ੍ਖਾਤਿ ਪਰਮ੍ਮੁਖਾ। ਸੋ ਸਮ੍ਮੁਖਾ-ਸਦ੍ਦੋ વਿਯ ਨਿਪਾਤੋ, ਅਥ વਾ ਅਕ੍ਖਾ ਇਨ੍ਦ੍ਰਿਯવਿਸਯਤੋ ਤਿਰੋ ਬਹੀਤਿ ਅਤ੍ਥੋਤਿ।
208.Dhammikaṃ kammanti dhammena kattabbaṃ apalokanādikammaṃ. Paṭikkoseyyāti nivāreyya. Tirokkhā kāyasāmaggiṃ vā chandaṃ vāti vā-saddaṃ netvā attho netabbo. Tirokkhāti parammukhā. So sammukhā-saddo viya nipāto, atha vā akkhā indriyavisayato tiro bahīti atthoti.
ਕਮ੍ਮਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Kammaniddesavaṇṇanā niṭṭhitā.
