| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
15. навабураан̣аваг̇г̇о
15. Navapurāṇavaggo
1. гамманирод̇хасуд̇д̇ам̣
1. Kammanirodhasuttaṃ
146. ‘‘навабураан̣аани , бхигкавз, гаммаани д̣̇зсзссаами гамманирод̇хам̣ гамманирод̇хаг̇ааминин̃жа бадибад̣̇ам̣. д̇ам̣ сун̣аат̇а, саад̇хугам̣ манаси гарот̇а; бхаасиссаамийд̇и. гад̇аман̃жа, бхигкавз, бураан̣агаммам̣? жагку, бхигкавз, бураан̣агаммам̣ абхисан̇кад̇ам̣ абхисан̃жзд̇аяид̇ам̣ взд̣̇анияам̣ д̣̇адтаб̣б̣ам̣…бз… ж̇ивхаа бураан̣агаммаа абхисан̇кад̇аа абхисан̃жзд̇аяид̇аа взд̣̇анияаа д̣̇адтаб̣б̣аа…бз… мано бураан̣агаммо абхисан̇кад̇о абхисан̃жзд̇аяид̇о взд̣̇анияо д̣̇адтаб̣б̣о. ид̣̇ам̣ вужжад̇и, бхигкавз, бураан̣агаммам̣. гад̇аман̃жа, бхигкавз, навагаммам̣? яам̣ ко, бхигкавз, зд̇арахи гаммам̣ гарод̇и гааязна ваажааяа манасаа, ид̣̇ам̣ вужжад̇и, бхигкавз, навагаммам̣. гад̇амо жа, бхигкавз, гамманирод̇хо? яо ко, бхигкавз, гааяагаммаважийгаммаманогаммасса нирод̇хаа вимуд̇д̇им̣ пусад̇и, аяам̣ вужжад̇и, бхигкавз, гамманирод̇хо. гад̇амаа жа, бхигкавз, гамманирод̇хаг̇ааминий бадибад̣̇аа? аяамзва арияо адтан̇г̇иго маг̇г̇о, сзяяат̇ид̣̇ам̣ – саммаад̣̇идти, саммаасан̇габбо, саммааваажаа, саммаагамманд̇о, саммааааж̇ийво, саммаавааяаамо, саммаасад̇и, саммаасамаад̇хи – аяам̣ вужжад̇и, бхигкавз, гамманирод̇хаг̇ааминий бадибад̣̇аа. ид̇и ко, бхигкавз, д̣̇зсид̇ам̣ маяаа бураан̣агаммам̣, д̣̇зсид̇ам̣ навагаммам̣, д̣̇зсид̇о гамманирод̇хо, д̣̇зсид̇аа гамманирод̇хаг̇ааминий бадибад̣̇аа. яам̣ ко, бхигкавз, сад̇т̇аараа гаран̣ийяам̣ саавагаанам̣ хид̇зсинаа анугамбагзна анугамбам̣ убаад̣̇ааяа, гад̇ам̣ во д̇ам̣ маяаа. зд̇аани, бхигкавз, ругкамуулаани, зд̇аани сун̃н̃ааг̇аараани. жхааяат̇а, бхигкавз, маа бамаад̣̇ад̇т̇а; маа бажчаавиббадисаарино ахувад̇т̇а. аяам̣ во амхаагам̣ анусаасаний’’д̇и. батамам̣.
146. ‘‘Navapurāṇāni , bhikkhave, kammāni desessāmi kammanirodhaṃ kammanirodhagāminiñca paṭipadaṃ. Taṃ suṇātha, sādhukaṃ manasi karotha; bhāsissāmīti. Katamañca, bhikkhave, purāṇakammaṃ? Cakkhu, bhikkhave, purāṇakammaṃ abhisaṅkhataṃ abhisañcetayitaṃ vedaniyaṃ daṭṭhabbaṃ…pe… jivhā purāṇakammā abhisaṅkhatā abhisañcetayitā vedaniyā daṭṭhabbā…pe… mano purāṇakammo abhisaṅkhato abhisañcetayito vedaniyo daṭṭhabbo. Idaṃ vuccati, bhikkhave, purāṇakammaṃ. Katamañca, bhikkhave, navakammaṃ? Yaṃ kho, bhikkhave, etarahi kammaṃ karoti kāyena vācāya manasā, idaṃ vuccati, bhikkhave, navakammaṃ. Katamo ca, bhikkhave, kammanirodho? Yo kho, bhikkhave, kāyakammavacīkammamanokammassa nirodhā vimuttiṃ phusati, ayaṃ vuccati, bhikkhave, kammanirodho. Katamā ca, bhikkhave, kammanirodhagāminī paṭipadā? Ayameva ariyo aṭṭhaṅgiko maggo, seyyathidaṃ – sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi – ayaṃ vuccati, bhikkhave, kammanirodhagāminī paṭipadā. Iti kho, bhikkhave, desitaṃ mayā purāṇakammaṃ, desitaṃ navakammaṃ, desito kammanirodho, desitā kammanirodhagāminī paṭipadā. Yaṃ kho, bhikkhave, satthārā karaṇīyaṃ sāvakānaṃ hitesinā anukampakena anukampaṃ upādāya, kataṃ vo taṃ mayā. Etāni, bhikkhave, rukkhamūlāni, etāni suññāgārāni. Jhāyatha, bhikkhave, mā pamādattha; mā pacchāvippaṭisārino ahuvattha. Ayaṃ vo amhākaṃ anusāsanī’’ti. Paṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. гамманирод̇хасуд̇д̇аван̣н̣анаа • 1. Kammanirodhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. гамманирод̇хасуд̇д̇аван̣н̣анаа • 1. Kammanirodhasuttavaṇṇanā
