| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
15. நவபுராணவக்³கோ³
15. Navapurāṇavaggo
1. கம்மனிரோத⁴ஸுத்தவண்ணனா
1. Kammanirodhasuttavaṇṇanā
146. நவபுராணவக்³க³ஸ்ஸ பட²மே நவபுராணானீதி நவானி ச புராணானி ச. சக்கு², பி⁴க்க²வே, புராணகம்மந்தி ந சக்கு² புராணங், கம்மமேவ புராணங், கம்மதோ பன நிப்³ப³த்தத்தா பச்சயனாமேன ஏவங் வுத்தங். அபி⁴ஸங்க²தந்தி பச்சயேஹி அபி⁴ஸமாக³ந்த்வா கதங். அபி⁴ஸஞ்சேதயிதந்தி சேதனாய பகப்பிதங். வேத³னியங் த³ட்ட²ப்³ப³ந்தி வேத³னாய வத்தூ²தி பஸ்ஸிதப்³ப³ங். நிரோதா⁴ விமுத்திங் பு²ஸதீதி இமஸ்ஸ திவித⁴ஸ்ஸ கம்மஸ்ஸ நிரோதே⁴ன விமுத்திங் பு²ஸதி. அயங் வுச்சதீதி அயங் தஸ்ஸா விமுத்தியா ஆரம்மணபூ⁴தோ நிரோதோ⁴ கம்மனிரோதோ⁴தி வுச்சதி. இதி இமஸ்மிங் ஸுத்தே புப்³ப³பா⁴க³விபஸ்ஸனா கதி²தா.
146. Navapurāṇavaggassa paṭhame navapurāṇānīti navāni ca purāṇāni ca. Cakkhu, bhikkhave, purāṇakammanti na cakkhu purāṇaṃ, kammameva purāṇaṃ, kammato pana nibbattattā paccayanāmena evaṃ vuttaṃ. Abhisaṅkhatanti paccayehi abhisamāgantvā kataṃ. Abhisañcetayitanti cetanāya pakappitaṃ. Vedaniyaṃ daṭṭhabbanti vedanāya vatthūti passitabbaṃ. Nirodhā vimuttiṃ phusatīti imassa tividhassa kammassa nirodhena vimuttiṃ phusati. Ayaṃ vuccatīti ayaṃ tassā vimuttiyā ārammaṇabhūto nirodho kammanirodhoti vuccati. Iti imasmiṃ sutte pubbabhāgavipassanā kathitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. கம்மனிரோத⁴ஸுத்தங் • 1. Kammanirodhasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1. கம்மனிரோத⁴ஸுத்தவண்ணனா • 1. Kammanirodhasuttavaṇṇanā
