| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
15. навабураан̣аваг̇г̇о
15. Navapurāṇavaggo
1. гамманирод̇хасуд̇д̇аван̣н̣анаа
1. Kammanirodhasuttavaṇṇanā
146. самбад̇и виж̇ж̇амаанасса жагкусса д̇ам̣ниб̣б̣ад̇д̇асса гаммасса жа ад̇хиббзд̇ад̇д̇аа ‘‘на жагку бураан̣ам̣, гаммамзва бураан̣а’’нд̇и вад̇ваа яат̇аа д̇асса жагкусса бураан̣абарияааяо вуд̇д̇о, д̇ам̣ д̣̇ассзнд̇о ааха – ‘‘гаммад̇о банаа’’д̇иаад̣̇и. бажжаяанаамзнаад̇и буримаж̇аад̇исам̣сид̣̇д̇хад̇д̇аа ‘‘бураан̣а’’нд̇и вад̇д̇аб̣б̣асса бажжаяабхууд̇асса гаммасса наамзна. звам̣ вуд̇д̇анд̇и ‘‘бураан̣агамма’’нд̇и звам̣ вуд̇д̇ам̣. бажжаязхи абхисамааг̇анд̇ваа гад̇анд̇и д̇ан̣хаавиж̇ж̇аад̣̇ибажжаязхи абхимукабхаавзна самааг̇анд̇ваа самзжжа ниб̣б̣ад̇д̇ид̇ам̣. жзд̇анааяаад̇и гаммажзд̇анааяа. багаббид̇анд̇и абхисамийхид̇ам̣. взд̣̇анааяаад̇и ад̇д̇аанам̣ ниссааяа аарамман̣ам̣ гад̇ваа бавад̇д̇ааяа взд̣̇анааяа. вад̇т̇ууд̇и ниб̣б̣ад̇д̇игааран̣ам̣ бавад̇д̇адтаананд̇и вибассанаабан̃н̃ааяа бассид̇аб̣б̣ам̣. гаммасса нирод̇хзнаад̇и гилзсаанам̣ ануббаад̣̇анирод̇хасид̣̇д̇хзна гаммасса нирод̇хзна. вимуд̇д̇им̣ пусад̇ийд̇и арахад̇д̇апалавимуд̇д̇им̣ баабун̣аад̇и. аарамман̣абхууд̇о нирод̇хо ниб̣б̣аанам̣ ‘‘гамманирод̇хо’’д̇и вужжад̇и, ‘‘гаммам̣ нируж̇жхад̇и зд̇т̇аа’’д̇и гад̇ваа. ‘‘жхааяат̇а, бхигкавз, маа бамаад̣̇ад̇т̇аа’’д̇и вуд̇д̇ад̇д̇аа ‘‘буб̣б̣абхааг̇авибассанаа гат̇ид̇аа’’д̇и вуд̇д̇ам̣.
146. Sampati vijjamānassa cakkhussa taṃnibbattassa kammassa ca adhippetattā ‘‘na cakkhu purāṇaṃ, kammameva purāṇa’’nti vatvā yathā tassa cakkhussa purāṇapariyāyo vutto, taṃ dassento āha – ‘‘kammato panā’’tiādi. Paccayanāmenāti purimajātisaṃsiddhattā ‘‘purāṇa’’nti vattabbassa paccayabhūtassa kammassa nāmena. Evaṃ vuttanti ‘‘purāṇakamma’’nti evaṃ vuttaṃ. Paccayehi abhisamāgantvā katanti taṇhāvijjādipaccayehi abhimukhabhāvena samāgantvā samecca nibbattitaṃ. Cetanāyāti kammacetanāya. Pakappitanti abhisamīhitaṃ. Vedanāyāti attānaṃ nissāya ārammaṇaṃ katvā pavattāya vedanāya. Vatthūti nibbattikāraṇaṃ pavattaṭṭhānanti vipassanāpaññāya passitabbaṃ. Kammassa nirodhenāti kilesānaṃ anuppādanirodhasiddhena kammassa nirodhena. Vimuttiṃ phusatīti arahattaphalavimuttiṃ pāpuṇāti. Ārammaṇabhūto nirodho nibbānaṃ ‘‘kammanirodho’’ti vuccati, ‘‘kammaṃ nirujjhati etthā’’ti katvā. ‘‘Jhāyatha, bhikkhave, mā pamādatthā’’ti vuttattā ‘‘pubbabhāgavipassanā kathitā’’ti vuttaṃ.
гамманирод̇хасуд̇д̇аван̣н̣анаа нидтид̇аа.
Kammanirodhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. гамманирод̇хасуд̇д̇ам̣ • 1. Kammanirodhasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. гамманирод̇хасуд̇д̇аван̣н̣анаа • 1. Kammanirodhasuttavaṇṇanā
