| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๗. กมฺมนฺตสุตฺตํ
7. Kammantasuttaṃ
๑๒๐. ‘‘ติโสฺส อิมา, ภิกฺขเว, วิปตฺติโยฯ กตมา ติโสฺส? กมฺมนฺตวิปตฺติ, อาชีววิปตฺติ, ทิฎฺฐิวิปตฺติฯ กตมา จ, ภิกฺขเว, กมฺมนฺตวิปตฺติ? อิธ, ภิกฺขเว, เอกโจฺจ ปาณาติปาตี โหติ…เป.… สมฺผปฺปลาปี โหติ ฯ อยํ วุจฺจติ, ภิกฺขเว, กมฺมนฺตวิปตฺติฯ
120. ‘‘Tisso imā, bhikkhave, vipattiyo. Katamā tisso? Kammantavipatti, ājīvavipatti, diṭṭhivipatti. Katamā ca, bhikkhave, kammantavipatti? Idha, bhikkhave, ekacco pāṇātipātī hoti…pe… samphappalāpī hoti . Ayaṃ vuccati, bhikkhave, kammantavipatti.
‘‘กตมา จ, ภิกฺขเว, อาชีววิปตฺติ? อิธ, ภิกฺขเว, เอกโจฺจ มิจฺฉาอาชีโว โหติ, มิจฺฉาอาชีเวน ชีวิกํ 1 กเปฺปติฯ อยํ วุจฺจติ, ภิกฺขเว, อาชีววิปตฺติฯ
‘‘Katamā ca, bhikkhave, ājīvavipatti? Idha, bhikkhave, ekacco micchāājīvo hoti, micchāājīvena jīvikaṃ 2 kappeti. Ayaṃ vuccati, bhikkhave, ājīvavipatti.
‘‘กตมา จ, ภิกฺขเว, ทิฎฺฐิวิปตฺติ? อิธ , ภิกฺขเว, เอกโจฺจ มิจฺฉาทิฎฺฐิโก โหติ วิปรีตทสฺสโน – ‘นตฺถิ ทินฺนํ, นตฺถิ ยิฎฺฐํ…เป.… เย อิมญฺจ โลกํ ปรญฺจ โลกํ สยํ อภิญฺญา สจฺฉิกตฺวา ปเวเทนฺตี’ติฯ อยํ วุจฺจติ, ภิกฺขเว, ทิฎฺฐิวิปตฺติฯ อิมา โข, ภิกฺขเว, ติโสฺส วิปตฺติโยติฯ
‘‘Katamā ca, bhikkhave, diṭṭhivipatti? Idha , bhikkhave, ekacco micchādiṭṭhiko hoti viparītadassano – ‘natthi dinnaṃ, natthi yiṭṭhaṃ…pe… ye imañca lokaṃ parañca lokaṃ sayaṃ abhiññā sacchikatvā pavedentī’ti. Ayaṃ vuccati, bhikkhave, diṭṭhivipatti. Imā kho, bhikkhave, tisso vipattiyoti.
‘‘ติโสฺส อิมา, ภิกฺขเว, สมฺปทาฯ กตมา ติโสฺส? กมฺมนฺตสมฺปทา, อาชีวสมฺปทา, ทิฎฺฐิสมฺปทาฯ กตมา จ, ภิกฺขเว, กมฺมนฺตสมฺปทา? อิธ, ภิกฺขเว, เอกโจฺจ ปาณาติปาตา ปฎิวิรโต โหติ…เป.… สมฺผปฺปลาปา ปฎิวิรโต โหติฯ อยํ วุจฺจติ, ภิกฺขเว, กมฺมนฺตสมฺปทาฯ
‘‘Tisso imā, bhikkhave, sampadā. Katamā tisso? Kammantasampadā, ājīvasampadā, diṭṭhisampadā. Katamā ca, bhikkhave, kammantasampadā? Idha, bhikkhave, ekacco pāṇātipātā paṭivirato hoti…pe… samphappalāpā paṭivirato hoti. Ayaṃ vuccati, bhikkhave, kammantasampadā.
‘‘กตมา จ, ภิกฺขเว, อาชีวสมฺปทา? อิธ, ภิกฺขเว, เอกโจฺจ สมฺมาอาชีโว โหติ, สมฺมาอาชีเวน ชีวิกํ กเปฺปติฯ อยํ วุจฺจติ, ภิกฺขเว, อาชีวสมฺปทาฯ
‘‘Katamā ca, bhikkhave, ājīvasampadā? Idha, bhikkhave, ekacco sammāājīvo hoti, sammāājīvena jīvikaṃ kappeti. Ayaṃ vuccati, bhikkhave, ājīvasampadā.
‘‘กตมา จ, ภิกฺขเว, ทิฎฺฐิสมฺปทา? อิธ, ภิกฺขเว, เอกโจฺจ สมฺมาทิฎฺฐิโก โหติ อวิปรีตทสฺสโน – ‘อตฺถิ ทินฺนํ, อตฺถิ ยิฎฺฐํ…เป.… เย อิมญฺจ โลกํ ปรญฺจ โลกํ สยํ อภิญฺญา สจฺฉิกตฺวา ปเวเทนฺตี’ติฯ อยํ วุจฺจติ, ภิกฺขเว, ทิฎฺฐิสมฺปทาฯ อิมา โข, ภิกฺขเว, ติโสฺส สมฺปทา’’ติฯ สตฺตมํฯ
‘‘Katamā ca, bhikkhave, diṭṭhisampadā? Idha, bhikkhave, ekacco sammādiṭṭhiko hoti aviparītadassano – ‘atthi dinnaṃ, atthi yiṭṭhaṃ…pe… ye imañca lokaṃ parañca lokaṃ sayaṃ abhiññā sacchikatvā pavedentī’ti. Ayaṃ vuccati, bhikkhave, diṭṭhisampadā. Imā kho, bhikkhave, tisso sampadā’’ti. Sattamaṃ.
Footnotes:
Related texts:
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๖-๗. อปณฺณกสุตฺตาทิวณฺณนา • 6-7. Apaṇṇakasuttādivaṇṇanā
