| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
13. гаммабажжаяанид̣̇д̣̇зсаван̣н̣анаа
13. Kammapaccayaniddesavaṇṇanā
13. гаммабажжаяанид̣̇д̣̇зсз гамманд̇и жзд̇анаагаммамзва. гадад̇д̇аа жа руубаананд̇и гаммасса гадад̇д̇аа уббаннаруубаанам̣. гаммабажжаязнаад̇и анзгаанамби габбагодийнам̣ мад̇т̇агз ад̇д̇ано палам̣ уббаад̣̇зд̇ум̣ самад̇т̇зна наанаагкан̣игагаммабажжаязнаад̇и ад̇т̇о. гусалаагусалан̃хи гаммам̣ ад̇д̇ано бавад̇д̇игкан̣з палам̣ на д̣̇зд̇и. яад̣̇и д̣̇ад̣̇зяяа, яам̣ мануссо д̣̇звалогуубаг̇ам̣ гусалагаммам̣ гарод̇и, д̇ассаанубхаавзна д̇асмим̣язва кан̣з д̣̇зво бхавзяяа. яасмим̣ бана кан̣з д̇ам̣ гад̇ам̣, д̇ад̇о ан̃н̃асмим̣ кан̣з авиж̇ж̇амаанамби гзвалам̣ гадад̇д̇ааязва д̣̇идтзва д̇хаммз убабаж̇ж̇з ваа абарз ваа барияааяз авасзсабажжаяасамааяог̇з сад̇и палам̣ уббаад̣̇зд̇и нируд̣̇д̇хааби буримасиббаад̣̇игирияаа вияа гааланд̇арз бажчимасиббаад̣̇игирияааяа. д̇асмаа наанаагкан̣игагаммабажжаяод̇и вужжад̇и. жзд̇анаа самбаяуд̇д̇агаанам̣ д̇хаммаананд̇и яаа гаажи жзд̇анаа ад̇д̇анаа самбаяуд̇д̇агаанам̣ д̇хаммаанам̣. д̇ам̣самудтаанаананд̇и иминаа бадисанд̇хигкан̣з гадад̇д̇ааруубамби г̇ан̣хаад̇и. гаммабажжаязнаад̇и ид̣̇ам̣ сахаж̇аад̇ажзд̇анам̣ санд̇хааяа вуд̇д̇ам̣. гусалаад̣̇ийсу хи яаа гаажи сахаж̇аад̇ажзд̇анаа сзсад̇хаммаанам̣ жид̇д̇абаяог̇асан̇каад̇зна гирияаабхаавзна убагааригаа ход̇и. д̇асмаа сахаж̇аад̇агаммабажжаяод̇и вужжад̇и. аяам̣ д̇аавзд̇т̇а баал̣иван̣н̣анаа.
13. Kammapaccayaniddese kammanti cetanākammameva. Kaṭattā ca rūpānanti kammassa kaṭattā uppannarūpānaṃ. Kammapaccayenāti anekānampi kappakoṭīnaṃ matthake attano phalaṃ uppādetuṃ samatthena nānākkhaṇikakammapaccayenāti attho. Kusalākusalañhi kammaṃ attano pavattikkhaṇe phalaṃ na deti. Yadi dadeyya, yaṃ manusso devalokūpagaṃ kusalakammaṃ karoti, tassānubhāvena tasmiṃyeva khaṇe devo bhaveyya. Yasmiṃ pana khaṇe taṃ kataṃ, tato aññasmiṃ khaṇe avijjamānampi kevalaṃ kaṭattāyeva diṭṭheva dhamme upapajje vā apare vā pariyāye avasesapaccayasamāyoge sati phalaṃ uppādeti niruddhāpi purimasippādikiriyā viya kālantare pacchimasippādikiriyāya. Tasmā nānākkhaṇikakammapaccayoti vuccati. Cetanā sampayuttakānaṃ dhammānanti yā kāci cetanā attanā sampayuttakānaṃ dhammānaṃ. Taṃsamuṭṭhānānanti iminā paṭisandhikkhaṇe kaṭattārūpampi gaṇhāti. Kammapaccayenāti idaṃ sahajātacetanaṃ sandhāya vuttaṃ. Kusalādīsu hi yā kāci sahajātacetanā sesadhammānaṃ cittapayogasaṅkhātena kiriyābhāvena upakārikā hoti. Tasmā sahajātakammapaccayoti vuccati. Ayaṃ tāvettha pāḷivaṇṇanā.
аяам̣ бана гаммабажжаяо ад̇т̇ад̇о жад̇убхуумигажзд̇анаамад̇д̇амзва. со хи ж̇аад̇ибхзд̣̇ад̇о гусало агусало вибааго гирияаад̇и жад̇уд̇хаа бхиж̇ж̇ад̇и. д̇ад̇т̇а гусало бхуумид̇о гаамааважараад̣̇ивасзна жад̇уд̇хаа бхиж̇ж̇ад̇и. агусало згад̇хаава вибааго жад̇уд̇хаа, гирияаа д̇ид̇хааваад̇и звамзд̇т̇а наанаббагаарабхзд̣̇ад̇о вин̃н̃аад̇аб̣б̣о винижчаяо.
Ayaṃ pana kammapaccayo atthato catubhūmikacetanāmattameva. So hi jātibhedato kusalo akusalo vipāko kiriyāti catudhā bhijjati. Tattha kusalo bhūmito kāmāvacarādivasena catudhā bhijjati. Akusalo ekadhāva vipāko catudhā, kiriyā tidhāvāti evamettha nānappakārabhedato viññātabbo vinicchayo.
звам̣ бхиннз банзд̇т̇а сахаж̇аад̇аа гаамааважарагусалажзд̇анаа бан̃жавогаарз ад̇д̇анаа самбаяуд̇д̇ад̇хаммаанан̃жзва жид̇д̇асамудтаанаруубасса жа, жад̇увогаарз самбаяуд̇д̇агканд̇хаанан̃н̃зва сахаж̇аад̇агаммабажжаяо ход̇и. уббаж̇ж̇ид̇ваа нируд̣̇д̇хаа бана ад̇д̇ано вибаагаанам̣ канд̇хаанам̣ гадад̇д̇аа жа руубаанам̣ наанаагкан̣игагаммабажжаязна бажжаяо ход̇и. саа жа ко бан̃жавогаарзязва, на ан̃н̃ад̇т̇а. сахаж̇аад̇аа руубааважарагусалажзд̇анаа ад̇д̇анаа самбаяуд̇д̇ад̇хаммаанан̃жзва жид̇д̇асамудтаанаруубаанан̃жа зганд̇знзва сахаж̇аад̇агаммабажжаязна бажжаяо. уббаж̇ж̇ид̇ваа нируд̣̇д̇хаа бана ад̇д̇ано вибаагаанан̃жзва гадад̇д̇ааруубаанан̃жа наанаагкан̣игагаммабажжаязна бажжаяо. аруубааважараа бана логуд̇д̇араа жа сахаж̇аад̇аа гусалажзд̇анаа бан̃жавогаарз ад̇д̇анаа самбаяуд̇д̇ад̇хаммаанан̃жзва жид̇д̇асамудтаанаруубаанан̃жа, жад̇увогаарз самбаяуд̇д̇агканд̇хаанан̃н̃зва сахаж̇аад̇агаммабажжаязна бажжаяо. уббаж̇ж̇ид̇ваа нируд̣̇д̇хаа банзсаа д̣̇увид̇хааби ад̇д̇ано ад̇д̇ано вибаагагканд̇хаанан̃н̃зва наанаагкан̣игагаммабажжаязна бажжаяо. сахаж̇аад̇аа агусалажзд̇анаа бан̃жавогаарз ад̇д̇анаа самбаяуд̇д̇агканд̇хаанан̃жзва жид̇д̇асамудтаанаруубаанан̃жа жад̇увогаарз аруубагканд̇хаанан̃н̃зва сахаж̇аад̇агаммабажжаязна бажжаяо. уббаж̇ж̇ид̇ваа нируд̣̇д̇хаа бана вибаагагканд̇хаанан̃жзва гадад̇д̇ааруубаанан̃жа наанаагкан̣игагаммабажжаязна бажжаяо.
Evaṃ bhinne panettha sahajātā kāmāvacarakusalacetanā pañcavokāre attanā sampayuttadhammānañceva cittasamuṭṭhānarūpassa ca, catuvokāre sampayuttakkhandhānaññeva sahajātakammapaccayo hoti. Uppajjitvā niruddhā pana attano vipākānaṃ khandhānaṃ kaṭattā ca rūpānaṃ nānākkhaṇikakammapaccayena paccayo hoti. Sā ca kho pañcavokāreyeva, na aññattha. Sahajātā rūpāvacarakusalacetanā attanā sampayuttadhammānañceva cittasamuṭṭhānarūpānañca ekanteneva sahajātakammapaccayena paccayo. Uppajjitvā niruddhā pana attano vipākānañceva kaṭattārūpānañca nānākkhaṇikakammapaccayena paccayo. Arūpāvacarā pana lokuttarā ca sahajātā kusalacetanā pañcavokāre attanā sampayuttadhammānañceva cittasamuṭṭhānarūpānañca, catuvokāre sampayuttakkhandhānaññeva sahajātakammapaccayena paccayo. Uppajjitvā niruddhā panesā duvidhāpi attano attano vipākakkhandhānaññeva nānākkhaṇikakammapaccayena paccayo. Sahajātā akusalacetanā pañcavokāre attanā sampayuttakkhandhānañceva cittasamuṭṭhānarūpānañca catuvokāre arūpakkhandhānaññeva sahajātakammapaccayena paccayo. Uppajjitvā niruddhā pana vipākakkhandhānañceva kaṭattārūpānañca nānākkhaṇikakammapaccayena paccayo.
гаамааважараруубааважарад̇о вибаагажзд̇анаа ад̇д̇анаа самбаяуд̇д̇ад̇хаммаанам̣ бавад̇д̇з жид̇д̇асамудтаанаруубаанам̣, бадисанд̇хияам̣ гадад̇д̇ааруубаанан̃жа сахаж̇аад̇агаммабажжаязна бажжаяо. аруубааважаравибаагажзд̇анаа ад̇д̇анаа самбаяуд̇д̇ад̇хаммаанан̃н̃зва сахаж̇аад̇агаммабажжаязна бажжаяо. логуд̇д̇аравибаагажзд̇анаа бан̃жавогаарз ад̇д̇анаа самбаяуд̇д̇ад̇хаммаанан̃жзва жид̇д̇асамудтаанаруубасса жа, жад̇увогаарз аруубассзва сахаж̇аад̇агаммабажжаязна бажжаяо. д̇збхуумигаа гирияажзд̇анаа бан̃жавогаарз самбаяуд̇д̇ад̇хаммаанан̃жзва жид̇д̇асамудтаанаруубасса жа сахаж̇аад̇агаммабажжаязна бажжаяо. яаа банзд̇т̇а ааруббз уббаж̇ж̇ад̇и, саа аруубад̇хаммаанан̃н̃зва сахаж̇аад̇агаммабажжаязна бажжаяод̇и звамзд̇т̇а бажжаяуббаннад̇оби вин̃н̃аад̇аб̣б̣о винижчаяод̇и.
Kāmāvacararūpāvacarato vipākacetanā attanā sampayuttadhammānaṃ pavatte cittasamuṭṭhānarūpānaṃ, paṭisandhiyaṃ kaṭattārūpānañca sahajātakammapaccayena paccayo. Arūpāvacaravipākacetanā attanā sampayuttadhammānaññeva sahajātakammapaccayena paccayo. Lokuttaravipākacetanā pañcavokāre attanā sampayuttadhammānañceva cittasamuṭṭhānarūpassa ca, catuvokāre arūpasseva sahajātakammapaccayena paccayo. Tebhūmikā kiriyacetanā pañcavokāre sampayuttadhammānañceva cittasamuṭṭhānarūpassa ca sahajātakammapaccayena paccayo. Yā panettha āruppe uppajjati, sā arūpadhammānaññeva sahajātakammapaccayena paccayoti evamettha paccayuppannatopi viññātabbo vinicchayoti.
гаммабажжаяанид̣̇д̣̇зсаван̣н̣анаа.
Kammapaccayaniddesavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / (2) бажжаяанид̣̇д̣̇зсо • (2) Paccayaniddeso
