| Library / Tipiṭaka / තිපිටක • Tipiṭaka / ධම්‌මසඞ්‌ගණී-අනුටීකා • Dhammasaṅgaṇī-anuṭīkā |
කම්‌මපථරාසිවණ්‌ණනා
Kammapatharāsivaṇṇanā
අභිජ්‌ඣාදයො විය අනභිජ්‌ඣාදයොපි න එකන්‌තං කම්‌මපථභූතායෙවාති ආහ ‘‘කම්‌මපථතාතංසභාගතාහී’’ති. මනොකම්‌මපථභාවෙන පවත්‌තනකම්‌මභාවතො හි එතෙසං කම්‌මපථරාසිභාවෙන සඞ්‌ගහො, න සබ්‌බදා කම්‌මපථායෙවාති. තෙන යො අඤ්‌ඤොපි ධම්‌මො අනියතො කම්‌මපථභාවෙන පාකටො ච, තස්‌සපි කම්‌මපථතාවචනං න විරුජ්‌ඣතීති දස්‌සෙති.
Abhijjhādayo viya anabhijjhādayopi na ekantaṃ kammapathabhūtāyevāti āha ‘‘kammapathatātaṃsabhāgatāhī’’ti. Manokammapathabhāvena pavattanakammabhāvato hi etesaṃ kammapatharāsibhāvena saṅgaho, na sabbadā kammapathāyevāti. Tena yo aññopi dhammo aniyato kammapathabhāvena pākaṭo ca, tassapi kammapathatāvacanaṃ na virujjhatīti dasseti.
Related texts:
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / ධම්‌මසඞ්‌ගණී-මූලටීකා • Dhammasaṅgaṇī-mūlaṭīkā / කම්‌මපථරාසිවණ්‌ණනා • Kammapatharāsivaṇṇanā
