| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
гаммабат̇асам̣санд̣̇анагат̇аа
Kammapathasaṃsandanakathā
ид̣̇аани имасмим̣ таанз гаммабат̇асам̣санд̣̇анам̣ наама взд̣̇ид̇аб̣б̣ам̣. бан̃жапассад̣̇вааравасзна хи уббанно асам̣варо агусалам̣ маногаммамзва ход̇и. манопассад̣̇вааравасзна уббанно д̇ийн̣иби гаммаани хонд̇и – со хи гааяад̣̇ваарз жобанаббад̇д̇о агусалам̣ гааяагаммам̣ ход̇и, важийд̣̇ваарз агусалам̣ важийгаммам̣, убхаяад̇т̇а жобанам̣ аббад̇д̇о агусалам̣ маногаммам̣. бан̃жаасам̣варад̣̇вааравасзна уббанноби агусалам̣ маногаммамзва ход̇и. жобанагааяаасам̣варад̣̇вааравасзна уббанно агусалам̣ гааяагаммамзва ход̇и, ваажааасам̣варад̣̇вааравасзна уббанно агусалам̣ важийгаммамзва ход̇и, маноасам̣варад̣̇вааравасзна уббанно агусалам̣ маногаммамзва ход̇и. д̇ивид̇хам̣ гааяад̣̇ужжарид̇ам̣ агусалам̣ гааяагаммамзва ход̇и, жад̇уб̣б̣ид̇хам̣ важийд̣̇ужжарид̇ам̣ агусалам̣ важийгаммамзва ход̇и, д̇ивид̇хам̣ манод̣̇ужжарид̇ам̣ агусалам̣ маногаммамзва ход̇и.
Idāni imasmiṃ ṭhāne kammapathasaṃsandanaṃ nāma veditabbaṃ. Pañcaphassadvāravasena hi uppanno asaṃvaro akusalaṃ manokammameva hoti. Manophassadvāravasena uppanno tīṇipi kammāni honti – so hi kāyadvāre copanappatto akusalaṃ kāyakammaṃ hoti, vacīdvāre akusalaṃ vacīkammaṃ, ubhayattha copanaṃ appatto akusalaṃ manokammaṃ. Pañcaasaṃvaradvāravasena uppannopi akusalaṃ manokammameva hoti. Copanakāyaasaṃvaradvāravasena uppanno akusalaṃ kāyakammameva hoti, vācāasaṃvaradvāravasena uppanno akusalaṃ vacīkammameva hoti, manoasaṃvaradvāravasena uppanno akusalaṃ manokammameva hoti. Tividhaṃ kāyaduccaritaṃ akusalaṃ kāyakammameva hoti, catubbidhaṃ vacīduccaritaṃ akusalaṃ vacīkammameva hoti, tividhaṃ manoduccaritaṃ akusalaṃ manokammameva hoti.
бан̃жапассад̣̇вааравасзна уббанно сам̣вароби гусалам̣ маногаммамзва ход̇и. манопассад̣̇вааравасзна уббанно бана аяамби, асам̣варо вияа, д̇ийн̣иби гаммаани хонд̇и. бан̃жасам̣варад̣̇вааравасзна уббанноби гусалам̣ маногаммамзва ход̇и, жобанагааяасам̣варад̣̇вааравасзна уббанно гусалам̣ гааяагаммамзва ход̇и, ваажаасам̣варад̣̇вааравасзна уббанно гусалам̣ важийгаммамзва ход̇и, маносам̣варад̣̇вааравасзна уббанно гусалам̣ маногаммамзва ход̇и. д̇ивид̇хам̣ гааяасужарид̇ам̣ гусалам̣ гааяагаммамзва ход̇и, жад̇уб̣б̣ид̇хам̣ важийсужарид̇ам̣ гусалам̣ важийгаммамзва ход̇и, д̇ивид̇хам̣ маносужарид̇ам̣ гусалам̣ маногаммамзва ход̇и.
Pañcaphassadvāravasena uppanno saṃvaropi kusalaṃ manokammameva hoti. Manophassadvāravasena uppanno pana ayampi, asaṃvaro viya, tīṇipi kammāni honti. Pañcasaṃvaradvāravasena uppannopi kusalaṃ manokammameva hoti, copanakāyasaṃvaradvāravasena uppanno kusalaṃ kāyakammameva hoti, vācāsaṃvaradvāravasena uppanno kusalaṃ vacīkammameva hoti, manosaṃvaradvāravasena uppanno kusalaṃ manokammameva hoti. Tividhaṃ kāyasucaritaṃ kusalaṃ kāyakammameva hoti, catubbidhaṃ vacīsucaritaṃ kusalaṃ vacīkammameva hoti, tividhaṃ manosucaritaṃ kusalaṃ manokammameva hoti.
агусалам̣ гааяагаммам̣ бан̃жапассад̣̇вааравасзна нуббаж̇ж̇ад̇и; манопассад̣̇вааравасзнзва уббаж̇ж̇ад̇и. д̇ат̇аа агусалам̣ важийгаммам̣. агусалам̣ маногаммам̣ бана чапассад̣̇вааравасзна уббаж̇ж̇ад̇и; д̇ам̣ гааяаважийд̣̇ваарзсу жобанам̣ бад̇д̇ам̣ агусалам̣ гааяаважийгаммам̣ ход̇и, жобанам̣ аббад̇д̇ам̣ агусалам̣ маногаммамзва. яат̇аа жа бан̃жапассад̣̇вааравасзна, звам̣ бан̃жаасам̣варад̣̇вааравасзнаби агусалам̣ гааяагаммам̣ нуббаж̇ж̇ад̇и, жобанагааяаасам̣варад̣̇вааравасзна бана ваажааасам̣варад̣̇вааравасзна жа уббаж̇ж̇ад̇и; маноасам̣варад̣̇вааравасзна нуббаж̇ж̇ад̇и. агусалам̣ важийгаммамби бан̃жаасам̣варад̣̇вааравасзна нуббаж̇ж̇ад̇и, жобанагааяаваажааасам̣варад̣̇вааравасзна уббаж̇ж̇ад̇и; маноасам̣варад̣̇вааравасзна нуббаж̇ж̇ад̇и. агусалам̣ маногаммам̣ адтаасам̣варад̣̇вааравасзнаби уббаж̇ж̇ад̇зва. гусалагааяагаммаад̣̇ийсуби зсзва наяо.
Akusalaṃ kāyakammaṃ pañcaphassadvāravasena nuppajjati; manophassadvāravaseneva uppajjati. Tathā akusalaṃ vacīkammaṃ. Akusalaṃ manokammaṃ pana chaphassadvāravasena uppajjati; taṃ kāyavacīdvāresu copanaṃ pattaṃ akusalaṃ kāyavacīkammaṃ hoti, copanaṃ appattaṃ akusalaṃ manokammameva. Yathā ca pañcaphassadvāravasena, evaṃ pañcaasaṃvaradvāravasenapi akusalaṃ kāyakammaṃ nuppajjati, copanakāyaasaṃvaradvāravasena pana vācāasaṃvaradvāravasena ca uppajjati; manoasaṃvaradvāravasena nuppajjati. Akusalaṃ vacīkammampi pañcaasaṃvaradvāravasena nuppajjati, copanakāyavācāasaṃvaradvāravasena uppajjati; manoasaṃvaradvāravasena nuppajjati. Akusalaṃ manokammaṃ aṭṭhaasaṃvaradvāravasenapi uppajjateva. Kusalakāyakammādīsupi eseva nayo.
аяам̣ бана висзсо – яат̇аа агусалагааяагаммаважийгаммаани маноасам̣варад̣̇вааравасзна нуббаж̇ж̇анд̇и, на д̇ат̇аа зд̇аани. зд̇аани бана гааяан̇г̇аваажан̇г̇ам̣ ажобзд̇ваа сигкаабад̣̇аани г̇ан̣ханд̇асса маносам̣варад̣̇ваарзби уббаж̇ж̇анд̇и зва. д̇ад̇т̇а гаамааважарам̣ гусалам̣ жид̇д̇ам̣ д̇ивид̇хагаммад̣̇вааравасзна уббаж̇ж̇ад̇и, бан̃жавин̃н̃аан̣ад̣̇вааравасзна нуббаж̇ж̇ад̇и; ‘яамид̣̇ам̣ жагкусампассабажжаяаа уббаж̇ж̇ад̇и взд̣̇аяид̇ам̣, сукам̣ ваа д̣̇угкам̣ ваа ад̣̇угкамасукам̣ ваа’д̇и иминаа бана наязна чапассад̣̇вааравасзна уббаж̇ж̇ад̇и; адтаасам̣варад̣̇вааравасзна нуббаж̇ж̇ад̇и, адтасам̣варад̣̇вааравасзна уббаж̇ж̇ад̇и; д̣̇асаагусалагаммабат̇авасзна нуббаж̇ж̇ад̇и, д̣̇асагусалагаммабат̇авасзна уббаж̇ж̇ад̇и; д̇асмаа ид̣̇амби жид̇д̇ам̣ д̇ивид̇хагаммад̣̇вааравасзна ваа уббаннам̣ ход̇у, чапассад̣̇вааравасзна ваа, адтасам̣варад̣̇вааравасзна ваа д̣̇асагусалагаммабат̇авасзна ваа. ‘‘гаамааважарам̣ гусалам̣ жид̇д̇ам̣ уббаннам̣ ход̇и…бз… руубаарамман̣ам̣ ваа…бз… д̇хаммаарамман̣ам̣ ваа’’д̇и вуд̇д̇з саб̣б̣ам̣ вуд̇д̇амзва ход̇ийд̇и.
Ayaṃ pana viseso – yathā akusalakāyakammavacīkammāni manoasaṃvaradvāravasena nuppajjanti, na tathā etāni. Etāni pana kāyaṅgavācaṅgaṃ acopetvā sikkhāpadāni gaṇhantassa manosaṃvaradvārepi uppajjanti eva. Tattha kāmāvacaraṃ kusalaṃ cittaṃ tividhakammadvāravasena uppajjati, pañcaviññāṇadvāravasena nuppajjati; ‘yamidaṃ cakkhusamphassapaccayā uppajjati vedayitaṃ, sukhaṃ vā dukkhaṃ vā adukkhamasukhaṃ vā’ti iminā pana nayena chaphassadvāravasena uppajjati; aṭṭhaasaṃvaradvāravasena nuppajjati, aṭṭhasaṃvaradvāravasena uppajjati; dasaakusalakammapathavasena nuppajjati, dasakusalakammapathavasena uppajjati; tasmā idampi cittaṃ tividhakammadvāravasena vā uppannaṃ hotu, chaphassadvāravasena vā, aṭṭhasaṃvaradvāravasena vā dasakusalakammapathavasena vā. ‘‘Kāmāvacaraṃ kusalaṃ cittaṃ uppannaṃ hoti…pe… rūpārammaṇaṃ vā…pe… dhammārammaṇaṃ vā’’ti vutte sabbaṃ vuttameva hotīti.
д̣̇ваарагат̇аа нидтид̇аа.
Dvārakathā niṭṭhitā.
яам̣ яам̣ ваа банаараб̣бхаад̇и зд̇т̇а аяам̣ яож̇анаа – хздтаа вуд̇д̇зсу руубаарамман̣аад̣̇ийсу руубаарамман̣ам̣ ваа аараб̣бха, аарамман̣ам̣ гад̇ваад̇и ад̇т̇о. сад̣̇д̣̇аарамман̣ам̣ ваа…бз… д̇хаммаарамман̣ам̣ ваа аараб̣бха уббаннам̣ ход̇и. зд̇д̇аавад̇аа зд̇асса жид̇д̇асса зд̇зсу аарамман̣зсу яам̣гин̃жи згамзва аарамман̣ам̣ анун̃н̃аад̇асад̣̇исам̣ ход̇и. ид̣̇ан̃жа згасмим̣ самаяз згасса ваа буг̇г̇аласса руубаарамман̣ам̣ аараб̣бха уббаннам̣ буна ан̃н̃асмим̣ самаяз ан̃н̃асса ваа буг̇г̇аласса сад̣̇д̣̇аад̣̇ийсуби ан̃н̃ад̇арам̣ аарамман̣ам̣ аараб̣бха уббаж̇ж̇ад̇и зва. звам̣ уббаж̇ж̇амаанасса жасса згасмим̣ бхавз батамам̣ руубаарамман̣ам̣ аараб̣бха бавад̇д̇и ход̇и, бажчаа сад̣̇д̣̇аарамман̣анд̇и аяамби гамо над̇т̇и. руубаад̣̇ийсу жааби батамам̣ нийлаарамман̣ам̣ бажчаа бийд̇аарамман̣анд̇и аяамби нияамо над̇т̇и. ид̇и имам̣ саб̣б̣аарамман̣ад̇ан̃жзва, гамаабхааван̃жа, гамаабхаавзби жа нийлабийд̇аад̣̇ийсу нияамаабхаавам̣ д̣̇ассзд̇ум̣ ‘яам̣ яам̣ ваа банаараб̣бхаа’д̇и ааха. ид̣̇ам̣ вуд̇д̇ам̣ ход̇и – имзсу руубаад̣̇ийсу на яам̣гин̃жи згамзва, ат̇а ко яам̣ яам̣ ваа банаараб̣бха уббаннам̣ ход̇и. звам̣ уббаж̇ж̇амаанамби жа ‘батамам̣ руубаарамман̣ам̣ бажчаа сад̣̇д̣̇аарамман̣ам̣ аараб̣бхаа’д̇и звамби ануббаж̇ж̇ид̇ваа яам̣ яам̣ ваа банаараб̣бха уббаннам̣ ход̇и; ‘бадиломад̇о ваа ануломад̇о ваа, зганд̇аригад̣̇ванд̇аригаад̣̇инаязна ваа, руубаарамман̣аад̣̇ийсу яам̣ ваа д̇ам̣ ваа аарамман̣ам̣ гад̇ваа уббаннам̣ ход̇ий’д̇и ад̇т̇о. руубаарамман̣зсуби жа ‘батамам̣ нийлаарамман̣ам̣ бажчаа бийд̇аарамман̣а’нд̇и иминааби нияамзна ануббаж̇ж̇ид̇ваа, яам̣ яам̣ ваа банаараб̣бха ‘нийлабийд̇агаад̣̇ийсу руубаарамман̣зсу яам̣ ваа д̇ам̣ ваа руубаарамман̣ам̣ аараб̣бха уббаннам̣ ход̇ий’д̇и ад̇т̇о. сад̣̇д̣̇аарамман̣аад̣̇ийсуби зсзва наяо. аяам̣ д̇аава згаа яож̇анаа.
Yaṃ yaṃ vā panārabbhāti ettha ayaṃ yojanā – heṭṭhā vuttesu rūpārammaṇādīsu rūpārammaṇaṃ vā ārabbha, ārammaṇaṃ katvāti attho. Saddārammaṇaṃ vā…pe… dhammārammaṇaṃ vā ārabbha uppannaṃ hoti. Ettāvatā etassa cittassa etesu ārammaṇesu yaṃkiñci ekameva ārammaṇaṃ anuññātasadisaṃ hoti. Idañca ekasmiṃ samaye ekassa vā puggalassa rūpārammaṇaṃ ārabbha uppannaṃ puna aññasmiṃ samaye aññassa vā puggalassa saddādīsupi aññataraṃ ārammaṇaṃ ārabbha uppajjati eva. Evaṃ uppajjamānassa cassa ekasmiṃ bhave paṭhamaṃ rūpārammaṇaṃ ārabbha pavatti hoti, pacchā saddārammaṇanti ayampi kamo natthi. Rūpādīsu cāpi paṭhamaṃ nīlārammaṇaṃ pacchā pītārammaṇanti ayampi niyamo natthi. Iti imaṃ sabbārammaṇatañceva, kamābhāvañca, kamābhāvepi ca nīlapītādīsu niyamābhāvaṃ dassetuṃ ‘yaṃ yaṃ vā panārabbhā’ti āha. Idaṃ vuttaṃ hoti – imesu rūpādīsu na yaṃkiñci ekameva, atha kho yaṃ yaṃ vā panārabbha uppannaṃ hoti. Evaṃ uppajjamānampi ca ‘paṭhamaṃ rūpārammaṇaṃ pacchā saddārammaṇaṃ ārabbhā’ti evampi anuppajjitvā yaṃ yaṃ vā panārabbha uppannaṃ hoti; ‘paṭilomato vā anulomato vā, ekantarikadvantarikādinayena vā, rūpārammaṇādīsu yaṃ vā taṃ vā ārammaṇaṃ katvā uppannaṃ hotī’ti attho. Rūpārammaṇesupi ca ‘paṭhamaṃ nīlārammaṇaṃ pacchā pītārammaṇa’nti imināpi niyamena anuppajjitvā, yaṃ yaṃ vā panārabbha ‘nīlapītakādīsu rūpārammaṇesu yaṃ vā taṃ vā rūpārammaṇaṃ ārabbha uppannaṃ hotī’ti attho. Saddārammaṇādīsupi eseva nayo. Ayaṃ tāva ekā yojanā.
аяам̣ бана абараа – руубам̣ аарамман̣ам̣ зд̇ассаад̇и руубаарамман̣ам̣…бз… д̇хаммо аарамман̣ам̣ зд̇ассаад̇и д̇хаммаарамман̣ам̣ . ид̇и руубаарамман̣ам̣ ваа…бз… д̇хаммаарамман̣ам̣ ваа жид̇д̇ам̣ уббаннам̣ ход̇ийд̇и вад̇ваа буна ‘яам̣ яам̣ ваа банаараб̣бхаа’д̇и ааха. д̇ассад̇т̇о – зд̇зсу руубаад̣̇ийсу хздтаа вуд̇д̇анаязнзва яам̣ ваа д̇ам̣ ваа бана аараб̣бха уббаннам̣ ход̇ийд̇и. махааадтагат̇ааяам̣ бана язваабанагз абхинавам̣ над̇т̇и, хздтаа г̇ахид̇амзва г̇ахид̇а’нд̇и вад̇ваа ‘руубам̣ ваа аараб̣бха…бз… д̇хаммам̣ ваа аараб̣бха, ид̣̇ам̣ ваа ид̣̇ам̣ ваа аараб̣бхаад̇и гат̇зд̇ум̣ ид̣̇ам̣ вуд̇д̇а’нд̇и зд̇д̇агамзва ааг̇ад̇ам̣.
Ayaṃ pana aparā – rūpaṃ ārammaṇaṃ etassāti rūpārammaṇaṃ…pe… dhammo ārammaṇaṃ etassāti dhammārammaṇaṃ . Iti rūpārammaṇaṃ vā…pe… dhammārammaṇaṃ vā cittaṃ uppannaṃ hotīti vatvā puna ‘yaṃ yaṃ vā panārabbhā’ti āha. Tassattho – etesu rūpādīsu heṭṭhā vuttanayeneva yaṃ vā taṃ vā pana ārabbha uppannaṃ hotīti. Mahāaṭṭhakathāyaṃ pana yevāpanake abhinavaṃ natthi, heṭṭhā gahitameva gahita’nti vatvā ‘rūpaṃ vā ārabbha…pe… dhammaṃ vā ārabbha, idaṃ vā idaṃ vā ārabbhāti kathetuṃ idaṃ vutta’nti ettakameva āgataṃ.
