| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā |
гаммабат̇асам̣санд̣̇анагат̇ааван̣н̣анаа
Kammapathasaṃsandanakathāvaṇṇanā
гаммабат̇аббад̇д̇аанам̣ д̣̇уссийляаад̣̇ийнам̣ асам̣вараанам̣ д̇ат̇аа д̣̇ужжарид̇аанан̃жа агусалагаммабат̇зхи гаммабат̇аббад̇д̇аанамзва жа сусийляаад̣̇ийнам̣ сам̣вараанам̣ д̇ат̇аа сужарид̇аанан̃жа гусалагаммабат̇зхи ад̇т̇ад̇о наанад̇д̇аабхаавад̣̇ассанам̣. ат̇а ваа д̇зсам̣ пассад̣̇ваараад̣̇ийхи авирод̇хабхаавзна д̣̇ийбанам̣ гаммабат̇асам̣санд̣̇ананд̇и гзжи вад̣̇анд̇и , д̇ад̣̇зд̇ам̣ вижаарзд̇аб̣б̣ам̣. на хи бан̃жапассад̣̇ваарабан̃жаасам̣варад̣̇ваарабан̃жасам̣варад̣̇ваарзсу уббаннаанам̣ асам̣вараанам̣ сам̣вараанан̃жа гаммабат̇ад̇аа ад̇т̇и баан̣аад̇ибаад̇аад̣̇ийнам̣ барасанд̇агавад̇т̇улобхабарасад̇д̇аарамман̣аб̣яаабаад̣̇аахзд̇угад̣̇идтиаад̣̇ийнан̃жа д̇зсу д̣̇ваарзсу ануббад̇д̇ид̇о. д̇ивид̇хагаааяад̣̇ужжарид̇аад̣̇ийни жа гаммабат̇аад̇и баагадаа зваад̇и гим̣ д̇зсам̣ гаммабат̇зхи наанад̇д̇аабхаавад̣̇ассанзна, на жа д̣̇ужжарид̇аанам̣ сужарид̇аанан̃жа пассад̣̇ваараад̣̇ивасзна уббад̇д̇и д̣̇ийбид̇аа, нааби асам̣вараанам̣ сам̣вараанан̃жа яад̇о д̇зсам̣ пассад̣̇ваараад̣̇ийхи авирод̇хабхаавзна д̣̇ийбанаа сияаа, гзвалам̣ бана пассад̣̇ваараад̣̇ивасзна уббаннаанам̣ асам̣вараанам̣ сам̣вараанан̃жа гааяагаммаад̣̇ид̇аа д̣̇ийбид̇аа. яад̣̇и жа зд̇д̇агам̣ гаммабат̇асам̣санд̣̇анам̣, ‘‘агусалам̣ гааяагаммам̣ бан̃жапассад̣̇вааравасзна нуббаж̇ж̇ад̇ий’’д̇иаад̣̇и гаммабат̇асам̣санд̣̇анам̣ на сияаа. зсааби чапассад̣̇ваараад̣̇ийхи авирод̇хад̣̇ийбанаад̇и жз, вуд̇д̇амзва багааранд̇арзна д̣̇ассзд̇ум̣ ‘‘ат̇а ваа’’д̇и на вад̇д̇аб̣б̣ам̣. самужжаяад̇т̇з жа ат̇а ваа-сад̣̇д̣̇з гаммабат̇аббад̇д̇аанзва д̣̇уссийляаад̣̇ийни гааяагаммаад̣̇инаамзхи вад̣̇анд̇зхи маногаммасса чапассад̣̇вааравасзна уббад̇д̇и на вад̇д̇аб̣б̣аа. на хи д̇ам̣ жагкуд̣̇ваараад̣̇ивасзна уббаж̇ж̇ад̇ийд̇и. яад̣̇и жа гаммабат̇аббад̇д̇аа зва асам̣вараад̣̇аяо г̇ахид̇аа, д̣̇ужжарид̇зхи ан̃н̃зсам̣ асам̣вараанам̣ абхааваа д̇зсан̃жа д̇ам̣д̇ам̣гаммабхаавасса вуд̇д̇ад̇д̇аа ‘‘жобанагааяаасам̣варад̣̇вааравасзна уббанно асам̣варо агусалам̣ гааяагаммамзва ход̇ий’’д̇иаад̣̇и на вад̇д̇аб̣б̣ам̣ сияаа. вужжамаанз хи д̇асмим̣ сан̇гаро сияаа, важийманогаммааниби хи гааяад̣̇ваарз уббаж̇ж̇анд̇и, д̇ат̇аа сзсад̣̇ваарзсуби гамманд̇араанийд̇и.
Kammapathappattānaṃ dussīlyādīnaṃ asaṃvarānaṃ tathā duccaritānañca akusalakammapathehi kammapathappattānameva ca susīlyādīnaṃ saṃvarānaṃ tathā sucaritānañca kusalakammapathehi atthato nānattābhāvadassanaṃ. Atha vā tesaṃ phassadvārādīhi avirodhabhāvena dīpanaṃ kammapathasaṃsandananti keci vadanti , tadetaṃ vicāretabbaṃ. Na hi pañcaphassadvārapañcaasaṃvaradvārapañcasaṃvaradvāresu uppannānaṃ asaṃvarānaṃ saṃvarānañca kammapathatā atthi pāṇātipātādīnaṃ parasantakavatthulobhaparasattārammaṇabyāpādaahetukadiṭṭhiādīnañca tesu dvāresu anuppattito. Tividhakaāyaduccaritādīni ca kammapathāti pākaṭā evāti kiṃ tesaṃ kammapathehi nānattābhāvadassanena, na ca duccaritānaṃ sucaritānañca phassadvārādivasena uppatti dīpitā, nāpi asaṃvarānaṃ saṃvarānañca yato tesaṃ phassadvārādīhi avirodhabhāvena dīpanā siyā, kevalaṃ pana phassadvārādivasena uppannānaṃ asaṃvarānaṃ saṃvarānañca kāyakammāditā dīpitā. Yadi ca ettakaṃ kammapathasaṃsandanaṃ, ‘‘akusalaṃ kāyakammaṃ pañcaphassadvāravasena nuppajjatī’’tiādi kammapathasaṃsandanaṃ na siyā. Esāpi chaphassadvārādīhi avirodhadīpanāti ce, vuttameva pakārantarena dassetuṃ ‘‘atha vā’’ti na vattabbaṃ. Samuccayatthe ca atha vā-sadde kammapathappattāneva dussīlyādīni kāyakammādināmehi vadantehi manokammassa chaphassadvāravasena uppatti na vattabbā. Na hi taṃ cakkhudvārādivasena uppajjatīti. Yadi ca kammapathappattā eva asaṃvarādayo gahitā, duccaritehi aññesaṃ asaṃvarānaṃ abhāvā tesañca taṃtaṃkammabhāvassa vuttattā ‘‘copanakāyaasaṃvaradvāravasena uppanno asaṃvaro akusalaṃ kāyakammameva hotī’’tiādi na vattabbaṃ siyā. Vuccamāne hi tasmiṃ saṅkaro siyā, vacīmanokammānipi hi kāyadvāre uppajjanti, tathā sesadvāresupi kammantarānīti.
ат̇а бана д̣̇вааранд̇арз уббаж̇ж̇амаанам̣ гамманд̇арамби д̇ам̣д̣̇вааригагаммамзва сияаа, ‘‘д̇ивид̇хам̣ гааяад̣̇ужжарид̇ам̣ агусалам̣ гааяагаммамзваа’’д̇иаад̣̇и, ‘‘агусалам̣ гааяагаммам̣ жобанагааяаасам̣варад̣̇вааравасзна ваажааасам̣варад̣̇вааравасзна жа уббаж̇ж̇ад̇ий’’д̇иаад̣̇и жа вируж̇жхзяяа. д̣̇ужжарид̇аанан̃хи ан̃н̃ад̣̇вааражаран̣ам̣ ад̇т̇и, на жасса д̣̇вааранд̇аруббаннам̣ гамманд̇арам̣ ход̇ийд̇и. д̇асмаа хздтаа гаммабат̇аббад̇д̇аанам̣ зва гааяагаммаад̣̇ибхаавасса вуд̇д̇ад̇д̇аа сзсаанан̃жа д̇ам̣д̇ам̣д̣̇вааруббаннаанам̣ гусалаагусалаанам̣ д̣̇ваарасам̣санд̣̇анз д̇ам̣д̇ам̣д̣̇ваарабагкигабхаавасса гад̇ад̇д̇аа ид̇ха гаммабат̇ам̣ аббад̇д̇аанан̃жа жзд̇анаабхаавад̇о агаммаанан̃жа асам̣вараанам̣ сам̣вараанан̃жа бхаж̇аабияамаанаанам̣ гаммабат̇аанам̣ вияа гааяагаммаад̣̇ид̇аад̣̇ийбанам̣, гаммабат̇аббад̇д̇аанам̣ д̇ивид̇хагааяад̣̇ужжарид̇аад̣̇ийнам̣ д̇ивид̇хагааяасужарид̇аад̣̇ийнан̃жа д̣̇вааранд̇аражаран̣зби гааяагаммаад̣̇ибхааваавиж̇аханад̣̇ийбанам̣, яат̇аабагаасид̇аанан̃жа гаммабат̇абхаавам̣ бад̇д̇аанам̣ абад̇д̇аанан̃жа агусалагааяагаммаад̣̇ийнан̃жа гусалагааяагаммаад̣̇ийнан̃жа пассад̣̇ваараад̣̇ийхи уббад̇д̇ибагаасанан̃жа гаммабат̇асам̣санд̣̇анам̣ наама. гасмаа? агаммабат̇аанам̣ гаммабат̇зсу гаммабат̇аанан̃жа агаммабат̇зсу самаананаамад̇аавасзна, гаммабат̇аанам̣ гаммабат̇зсу сааман̃н̃анаамаавиж̇аханавасзна, убхаязсан̃жа уббад̇д̇ивасзна д̣̇ваарзсу зд̇т̇а сам̣санд̣̇ид̇ад̇д̇аа.
Atha pana dvārantare uppajjamānaṃ kammantarampi taṃdvārikakammameva siyā, ‘‘tividhaṃ kāyaduccaritaṃ akusalaṃ kāyakammamevā’’tiādi, ‘‘akusalaṃ kāyakammaṃ copanakāyaasaṃvaradvāravasena vācāasaṃvaradvāravasena ca uppajjatī’’tiādi ca virujjheyya. Duccaritānañhi aññadvāracaraṇaṃ atthi, na cassa dvārantaruppannaṃ kammantaraṃ hotīti. Tasmā heṭṭhā kammapathappattānaṃ eva kāyakammādibhāvassa vuttattā sesānañca taṃtaṃdvāruppannānaṃ kusalākusalānaṃ dvārasaṃsandane taṃtaṃdvārapakkhikabhāvassa katattā idha kammapathaṃ appattānañca cetanābhāvato akammānañca asaṃvarānaṃ saṃvarānañca bhajāpiyamānānaṃ kammapathānaṃ viya kāyakammāditādīpanaṃ, kammapathappattānaṃ tividhakāyaduccaritādīnaṃ tividhakāyasucaritādīnañca dvārantaracaraṇepi kāyakammādibhāvāvijahanadīpanaṃ, yathāpakāsitānañca kammapathabhāvaṃ pattānaṃ apattānañca akusalakāyakammādīnañca kusalakāyakammādīnañca phassadvārādīhi uppattipakāsanañca kammapathasaṃsandanaṃ nāma. Kasmā? Akammapathānaṃ kammapathesu kammapathānañca akammapathesu samānanāmatāvasena, kammapathānaṃ kammapathesu sāmaññanāmāvijahanavasena, ubhayesañca uppattivasena dvāresu ettha saṃsanditattā.
д̇ад̇т̇а д̇ивид̇хагаммад̣̇вааравасзна уббаннаанам̣ гаммаанам̣ н̃аад̇агаммабхаавад̇ааяа д̇ам̣д̇ам̣гаммабхаавасса аважанийяад̇д̇аа гаммад̣̇ваарзсу д̇зсам̣ уббад̇д̇ияаа жа вуд̇д̇ад̇д̇аа бан̃жавин̃н̃аан̣ад̣̇вааравасзна асам̣вараад̣̇ийнам̣ уббад̇д̇ибарияааяаважанаабхаавад̇о жа гаммад̣̇вааравин̃н̃аан̣ад̣̇ваараани вираж̇жхид̇ваа ‘‘бан̃жапассад̣̇вааравасзна хи уббанно’’д̇иаад̣̇и вуд̇д̇ам̣. ‘‘яамбид̣̇ам̣ жагкусампассабажжаяаа уббаж̇ж̇ад̇и сукам̣ ваа’’д̇иаад̣̇инаа ‘‘жагкусампассабажжаяаа взд̣̇анаагканд̇хо ад̇т̇и гусало’’д̇иаад̣̇инаа жа бан̃жапассад̣̇вааравасзна асам̣вараад̣̇ийнам̣ уббад̇д̇ибарияааяо вуд̇д̇о, на жа ‘‘яамид̣̇ам̣ жагкувин̃н̃аан̣абажжаяаа’’д̇иаад̣̇иважанам̣ ад̇т̇ийд̇и. вуд̇д̇амби жзд̇ам̣ ‘‘жагкувин̃н̃аан̣асахаж̇аад̇о хи пассо жагкусампассо’’д̇иаад̣̇и (д̇ха. са. 1 гаммагат̇аа; махаани. адта. 86). д̇зна хи асам̣вараанам̣ сам̣вараанан̃жа жагкусампассаад̣̇ийхи асахаж̇аад̇ад̇д̇аа маносампассасахаж̇аад̇аанан̃жа жагкусампассад̣̇ваараад̣̇ивасзна уббад̇д̇и д̣̇ийбид̇аад̇и. ‘‘со хи гааяад̣̇ваарз жобанам̣ бад̇д̇о агусалам̣ гааяагаммам̣ ход̇ий’’д̇иаад̣̇инаа ‘‘жобанагааяаасам̣варад̣̇вааравасзна уббанно агусалам̣ гааяагаммамзва ход̇ий’’д̇иаад̣̇инаа жа важийгаммаад̣̇ийнан̃жа гаммабат̇аббад̇д̇аанам̣ асам̣варабхууд̇аанам̣ гааяагаммаад̣̇ибхаавз аабаннз ‘‘жад̇уб̣б̣ид̇хам̣ важийд̣̇ужжарид̇ам̣ агусалам̣ важийгаммамзва ход̇ий’’д̇иаад̣̇инаа абаваад̣̇зна нивад̇д̇и д̣̇адтаб̣б̣аа. зван̃жа гад̇ваа буб̣б̣з д̣̇ассид̇зсу асам̣варавинижчаязсу д̣̇уд̇ияавинижчаязсу жа на гожи вирод̇хо. на хи важийгаммаад̣̇ибхууд̇о жобанагааяаасам̣варо гааяагаммаад̣̇и ход̇ийд̇и.
Tattha tividhakammadvāravasena uppannānaṃ kammānaṃ ñātakammabhāvatāya taṃtaṃkammabhāvassa avacanīyattā kammadvāresu tesaṃ uppattiyā ca vuttattā pañcaviññāṇadvāravasena asaṃvarādīnaṃ uppattipariyāyavacanābhāvato ca kammadvāraviññāṇadvārāni virajjhitvā ‘‘pañcaphassadvāravasena hi uppanno’’tiādi vuttaṃ. ‘‘Yampidaṃ cakkhusamphassapaccayā uppajjati sukhaṃ vā’’tiādinā ‘‘cakkhusamphassapaccayā vedanākkhandho atthi kusalo’’tiādinā ca pañcaphassadvāravasena asaṃvarādīnaṃ uppattipariyāyo vutto, na ca ‘‘yamidaṃ cakkhuviññāṇapaccayā’’tiādivacanaṃ atthīti. Vuttampi cetaṃ ‘‘cakkhuviññāṇasahajāto hi phasso cakkhusamphasso’’tiādi (dha. sa. 1 kammakathā; mahāni. aṭṭha. 86). Tena hi asaṃvarānaṃ saṃvarānañca cakkhusamphassādīhi asahajātattā manosamphassasahajātānañca cakkhusamphassadvārādivasena uppatti dīpitāti. ‘‘So hi kāyadvāre copanaṃ patto akusalaṃ kāyakammaṃ hotī’’tiādinā ‘‘copanakāyaasaṃvaradvāravasena uppanno akusalaṃ kāyakammameva hotī’’tiādinā ca vacīkammādīnañca kammapathappattānaṃ asaṃvarabhūtānaṃ kāyakammādibhāve āpanne ‘‘catubbidhaṃ vacīduccaritaṃ akusalaṃ vacīkammameva hotī’’tiādinā apavādena nivatti daṭṭhabbā. Evañca katvā pubbe dassitesu asaṃvaravinicchayesu dutiyavinicchayesu ca na koci virodho. Na hi vacīkammādibhūto copanakāyaasaṃvaro kāyakammādi hotīti.
агусалам̣ маногаммам̣ бана чапассад̣̇вааравасзна уббаж̇ж̇ад̇и, д̇ам̣ гааяаважийд̣̇ваарзсу жобанам̣ бад̇д̇ам̣ агусалам̣ гааяаважийгаммам̣ ход̇ийд̇и зд̇т̇а гим̣ д̇ам̣ агусалам̣ маногаммам̣ наама, хздтаа д̣̇ассид̇анаязна жа гааяаважийд̣̇ваарзсу уббаннам̣ д̇ивид̇хам̣ манод̣̇ужжарид̇ам̣ жобанам̣ аббад̇д̇ам̣ саб̣б̣аагусалан̃жа. яад̣̇и звам̣ д̇асса гааяаважийгаммабхааво над̇т̇ийд̇и ‘‘жобанаббад̇д̇ам̣ гааяаважийгаммам̣ ход̇ий’’д̇и на яуж̇ж̇ад̇ийд̇и ? но на яуж̇ж̇ад̇и жобанаббад̇д̇ам̣ гааяз ваажааяа жа агусалам̣ гаммам̣ ход̇ийд̇и ад̇т̇асид̣̇д̇хид̇о. гаммам̣ бана хонд̇ам̣ гим̣ гаммам̣ ход̇ийд̇и? маногаммамзва ход̇ийд̇и. ид̣̇ам̣ вуд̇д̇ам̣ ход̇и – жобанаббад̇д̇ам̣ агусалам̣ гааяад̣̇ваарз важийд̣̇ваарз жа маногаммам̣ ход̇ийд̇и. ат̇а ваа д̇ам̣-сад̣̇д̣̇асса маногаммзна самб̣анд̇хам̣ агад̇ваа чапассад̣̇вааравасзна яам̣ уббаж̇ж̇ад̇и, д̇анд̇и яат̇аавуд̇д̇ауббаад̣̇амад̇д̇абарижчиннзна самб̣анд̇хо гаад̇аб̣б̣о. гим̣ бана д̇анд̇и? гаммагат̇ааяа бавад̇д̇амаанад̇д̇аа гамманд̇и вин̃н̃ааяад̇и, д̇ан̃жа маносампассад̣̇ваарз уббаж̇ж̇амаанамби д̇ивид̇хам̣ гаммам̣ ход̇ийд̇и. яат̇аа д̇ам̣ ход̇и, д̇ам̣ д̣̇ассзд̇ум̣ ‘‘гааяаважийд̣̇ваарзсу жобанам̣ бад̇д̇а’’нд̇иаад̣̇имааха. д̇ад̇т̇а нияамасса агад̇ад̇д̇аа жобанаббад̇д̇и убалагкан̣абхаавзна гааяаважийгамманаамасаад̇хигаава, на бана саб̣б̣амби жобанаббад̇д̇ам̣ гааяаважийгаммамзва, нааби гусалабагкз жобанам̣ аббад̇д̇ам̣ гааяаважийгаммам̣ на ход̇ийд̇и аяамад̇т̇о сид̣̇д̇хова ход̇ийд̇и.
Akusalaṃ manokammaṃ pana chaphassadvāravasena uppajjati, taṃ kāyavacīdvāresu copanaṃ pattaṃ akusalaṃ kāyavacīkammaṃ hotīti ettha kiṃ taṃ akusalaṃ manokammaṃ nāma, heṭṭhā dassitanayena ca kāyavacīdvāresu uppannaṃ tividhaṃ manoduccaritaṃ copanaṃ appattaṃ sabbākusalañca. Yadi evaṃ tassa kāyavacīkammabhāvo natthīti ‘‘copanappattaṃ kāyavacīkammaṃ hotī’’ti na yujjatīti ? No na yujjati copanappattaṃ kāye vācāya ca akusalaṃ kammaṃ hotīti atthasiddhito. Kammaṃ pana hontaṃ kiṃ kammaṃ hotīti? Manokammameva hotīti. Idaṃ vuttaṃ hoti – copanappattaṃ akusalaṃ kāyadvāre vacīdvāre ca manokammaṃ hotīti. Atha vā taṃ-saddassa manokammena sambandhaṃ akatvā chaphassadvāravasena yaṃ uppajjati, tanti yathāvuttauppādamattaparicchinnena sambandho kātabbo. Kiṃ pana tanti? Kammakathāya pavattamānattā kammanti viññāyati, tañca manosamphassadvāre uppajjamānampi tividhaṃ kammaṃ hotīti. Yathā taṃ hoti, taṃ dassetuṃ ‘‘kāyavacīdvāresu copanaṃ patta’’ntiādimāha. Tattha niyamassa akatattā copanappatti upalakkhaṇabhāvena kāyavacīkammanāmasādhikāva, na pana sabbampi copanappattaṃ kāyavacīkammameva, nāpi kusalapakkhe copanaṃ appattaṃ kāyavacīkammaṃ na hotīti ayamattho siddhova hotīti.
ат̇а ваа д̇анд̇и д̇ам̣ чапассад̣̇вааравасзна уббаж̇ж̇амаанам̣ маногамманд̇и саб̣б̣ам̣ манасааби нибпаж̇ж̇амаанам̣ гаммам̣ маногамманд̇и жод̣̇агаад̇хиббааязна г̇ахзд̇ваа вад̣̇ад̇и, на буб̣б̣з д̣̇ассид̇аманогамманд̇и. яо хи барасса ад̇хиббааяо ‘‘манасаа нибпад̇д̇ид̇о саб̣б̣зна маногаммзнзва бхавид̇аб̣б̣ам̣, на гааяаважийгаммзнаа’’д̇и, д̇ам̣ нивад̇д̇зд̇ваа гаммад̇д̇аяанияамам̣ д̣̇ассзд̇ум̣ ид̣̇амаарад̣̇д̇хам̣ ‘‘д̇ам̣ гааяаважийд̣̇ваарзсу жобанам̣ бад̇д̇а’’нд̇иаад̣̇и. зд̇т̇а жа сан̇гараабхааво буриманаязнзва взд̣̇ид̇аб̣б̣о. ат̇а ваа гамманд̇и ависзсзна гаммасад̣̇д̣̇амад̇д̇зна самб̣анд̇хам̣ гад̇ваа яат̇аавуд̇д̇о гаммаббабхзд̣̇о яат̇аа ход̇и, д̇ам̣ багаарам̣ д̣̇ассзд̇и. асан̇гаро жа вуд̇д̇анаяова. яам̣ бана вад̣̇анд̇и ‘‘гааяаважийгаммасахаж̇аад̇аа абхиж̇жхаад̣̇аяо яад̣̇аа жзд̇анаабагкигаа хонд̇и, д̇ад̣̇аа д̇аани маногаммаани гааяаважийгаммаани хонд̇ий’’д̇и, д̇ан̃жа на, жзд̇анаабагкигаанам̣ маногаммад̇д̇аабхааваа. аб̣б̣охааригад̇д̇з жа маногаммад̇аа судтуд̇арам̣ над̇т̇и. вуд̇д̇амби жзд̇ам̣ ‘‘аб̣б̣охааригаа ваа’’д̇и. д̇асмаа маногаммасса гааяаважийгаммад̇аа на вад̇д̇аб̣б̣аа. абхиж̇жхаад̣̇игирияаагааригааяа зва жзд̇анааяа самбаяуд̇д̇аа абхиж̇жхаад̣̇аяо маногаммам̣, на баан̣аад̇ибаад̇аад̣̇игааяаважийгирияаагааригааяаад̇и бхияяоби д̇зсам̣ маногаммад̇аад̇и на д̇зсам̣ маногаммаанам̣ сад̇ам̣ гааяаважийгаммад̇аа вад̇д̇аб̣б̣аад̇и. звам̣ гаммаанам̣ д̣̇ваарзсу д̣̇ваараанан̃жа гаммзсу анияад̇ад̇д̇аа д̣̇ваараниб̣анд̇ханам̣ на гад̇ам̣. ид̣̇аани агад̇зби жа д̣̇ваараниб̣анд̇ханз язсам̣ д̣̇ваараанам̣ васзна ид̣̇ам̣ жид̇д̇ам̣ уббаж̇ж̇ад̇и, д̇зсам̣ д̇ам̣д̇ам̣д̣̇ваарагаммабат̇аанан̃жа васзна уббад̇д̇ияаа яат̇аабхадтабаал̣ияаа вуд̇д̇ааяа жа д̣̇ийбанад̇т̇ам̣ ‘‘д̇ад̇т̇а гаамааважара’’нд̇иаад̣̇имааха. жид̇д̇ам̣ д̇ивид̇хагаммад̣̇вааравасзна уббаж̇ж̇ад̇ийд̇и ид̣̇ам̣ маногаммад̣̇ваарабхууд̇асса д̇зна сабхаавзна уббад̇д̇им̣ г̇ахзд̇ваа вуд̇д̇ам̣. яат̇аа ваа жид̇д̇ам̣ жид̇д̇аад̇хибад̇зяяанд̇и самбаяуд̇д̇авасзна вужжад̇и, звамид̇хаабийд̇и взд̣̇ид̇аб̣б̣ам̣. жобанад̣̇ваяарахид̇асса манобаб̣анд̇хасса маногаммад̣̇ваарабхаавз бана вад̇д̇аб̣б̣амзва над̇т̇и.
Atha vā tanti taṃ chaphassadvāravasena uppajjamānaṃ manokammanti sabbaṃ manasāpi nipphajjamānaṃ kammaṃ manokammanti codakādhippāyena gahetvā vadati, na pubbe dassitamanokammanti. Yo hi parassa adhippāyo ‘‘manasā nipphattito sabbena manokammeneva bhavitabbaṃ, na kāyavacīkammenā’’ti, taṃ nivattetvā kammattayaniyamaṃ dassetuṃ idamāraddhaṃ ‘‘taṃ kāyavacīdvāresu copanaṃ patta’’ntiādi. Ettha ca saṅkarābhāvo purimanayeneva veditabbo. Atha vā kammanti avisesena kammasaddamattena sambandhaṃ katvā yathāvutto kammappabhedo yathā hoti, taṃ pakāraṃ dasseti. Asaṅkaro ca vuttanayova. Yaṃ pana vadanti ‘‘kāyavacīkammasahajātā abhijjhādayo yadā cetanāpakkhikā honti, tadā tāni manokammāni kāyavacīkammāni hontī’’ti, tañca na, cetanāpakkhikānaṃ manokammattābhāvā. Abbohārikatte ca manokammatā suṭṭhutaraṃ natthi. Vuttampi cetaṃ ‘‘abbohārikā vā’’ti. Tasmā manokammassa kāyavacīkammatā na vattabbā. Abhijjhādikiriyākārikāya eva cetanāya sampayuttā abhijjhādayo manokammaṃ, na pāṇātipātādikāyavacīkiriyākārikāyāti bhiyyopi tesaṃ manokammatāti na tesaṃ manokammānaṃ sataṃ kāyavacīkammatā vattabbāti. Evaṃ kammānaṃ dvāresu dvārānañca kammesu aniyatattā dvāranibandhanaṃ na kataṃ. Idāni akatepi ca dvāranibandhane yesaṃ dvārānaṃ vasena idaṃ cittaṃ uppajjati, tesaṃ taṃtaṃdvārakammapathānañca vasena uppattiyā yathābhaṭṭhapāḷiyā vuttāya ca dīpanatthaṃ ‘‘tattha kāmāvacara’’ntiādimāha. Cittaṃ tividhakammadvāravasena uppajjatīti idaṃ manokammadvārabhūtassa tena sabhāvena uppattiṃ gahetvā vuttaṃ. Yathā vā cittaṃ cittādhipateyyanti sampayuttavasena vuccati, evamidhāpīti veditabbaṃ. Copanadvayarahitassa manopabandhassa manokammadvārabhāve pana vattabbameva natthi.
гаммабат̇асам̣санд̣̇анагат̇ааван̣н̣анаа нидтид̇аа.
Kammapathasaṃsandanakathāvaṇṇanā niṭṭhitā.
д̣̇ваарагат̇ааван̣н̣анаа нидтид̇аа.
Dvārakathāvaṇṇanā niṭṭhitā.
аяам̣ яож̇анаад̇и ‘‘руубаарамман̣ам̣ ваа…бз… д̇хаммаарамман̣ам̣ ваа’’д̇и зд̇зна саха ‘‘яам̣ яам̣ ваа банаа’’д̇и зд̇асса аяам̣ самб̣анд̇ход̇и ад̇т̇о. го банааяам̣ самб̣анд̇ход̇и? язна важанаани ан̃н̃аман̃н̃ам̣ самб̣аж̇жханд̇и, д̇ам̣ буб̣б̣аабараважанз баяож̇анам̣ самб̣анд̇хо. ид̇ха жа саб̣б̣аарамман̣ад̇аад̣̇ид̣̇ассанам̣ ‘‘руубаарамман̣ам̣ ваа…бз… д̇хаммаарамман̣ам̣ ваа’’д̇и зд̇асса ананд̇арам̣ ‘‘яам̣ яам̣ ваа банаа’’д̇и зд̇асса важанз баяож̇анам̣ яож̇анаа д̣̇адтаб̣б̣ам̣. д̇ад̇т̇а ‘‘руубаарамман̣ам̣ ваа…бз… д̇хаммаарамман̣ам̣ ваа аараб̣бхаа’’д̇и зд̇д̇агзна аабаннам̣ д̣̇осам̣ д̣̇ассзд̇ваа д̇аннивад̇д̇анавасзна ‘‘яам̣ яам̣ ваа банаа’’д̇и зд̇асса баяож̇анам̣ д̣̇ассзд̇ум̣ ‘‘хздтаа’’д̇иаад̣̇имааха. д̣̇уд̇ияз ад̇т̇авигаббз ‘‘яам̣ яам̣ ваабанаа’’д̇и зд̇зна аббад̇хаанамби руубаад̣̇им̣ аагад̣дхад̇и. на хи бад̇хаанасса жид̇д̇асса ад̇д̇аноязва аарамман̣абхааво ад̇т̇ийд̇и. хздтаа вуд̇д̇анаязнаад̇и саб̣б̣аарамман̣ад̇аад̣̇инаязна. ‘‘хздтаа г̇ахид̇амзва г̇ахид̇анд̇и вад̇ваа д̇асса важанз баяож̇анам̣ д̣̇ассзд̇ум̣ ‘руубам̣ ваа…бз… ид̣̇ам̣ ваа ид̣̇ам̣ ваа аараб̣бхаа’д̇и гат̇зд̇ум̣ ид̣̇ам̣ вуд̇д̇а’’нд̇и вуд̇д̇ам̣. д̇ад̇т̇а ид̣̇ам̣ ваа ид̣̇ам̣ ваад̇и зд̇ам̣ саб̣б̣аарамман̣ад̇аад̣̇им̣ санд̇хааяа гат̇ид̇анд̇и взд̣̇ид̇аб̣б̣ам̣.
Ayaṃ yojanāti ‘‘rūpārammaṇaṃ vā…pe… dhammārammaṇaṃ vā’’ti etena saha ‘‘yaṃ yaṃ vā panā’’ti etassa ayaṃ sambandhoti attho. Ko panāyaṃ sambandhoti? Yena vacanāni aññamaññaṃ sambajjhanti, taṃ pubbāparavacane payojanaṃ sambandho. Idha ca sabbārammaṇatādidassanaṃ ‘‘rūpārammaṇaṃ vā…pe… dhammārammaṇaṃ vā’’ti etassa anantaraṃ ‘‘yaṃ yaṃ vā panā’’ti etassa vacane payojanaṃ yojanā daṭṭhabbaṃ. Tattha ‘‘rūpārammaṇaṃ vā…pe… dhammārammaṇaṃ vā ārabbhā’’ti ettakena āpannaṃ dosaṃ dassetvā tannivattanavasena ‘‘yaṃ yaṃ vā panā’’ti etassa payojanaṃ dassetuṃ ‘‘heṭṭhā’’tiādimāha. Dutiye atthavikappe ‘‘yaṃ yaṃ vāpanā’’ti etena appadhānampi rūpādiṃ ākaḍḍhati. Na hi padhānassa cittassa attanoyeva ārammaṇabhāvo atthīti. Heṭṭhā vuttanayenāti sabbārammaṇatādinayena. ‘‘Heṭṭhā gahitameva gahitanti vatvā tassa vacane payojanaṃ dassetuṃ ‘rūpaṃ vā…pe… idaṃ vā idaṃ vā ārabbhā’ti kathetuṃ idaṃ vutta’’nti vuttaṃ. Tattha idaṃ vā idaṃ vāti etaṃ sabbārammaṇatādiṃ sandhāya kathitanti veditabbaṃ.
Related texts:
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / гаммабат̇асам̣санд̣̇анагат̇ааван̣н̣анаа • Kammapathasaṃsandanakathāvaṇṇanā
