| Library / Tipiṭaka / তিপিটক • Tipiṭaka / ৰজিরবুদ্ধি-টীকা • Vajirabuddhi-ṭīkā |
৯. কম্মপটিবাহনসিক্খাপদৰণ্ণনা
9. Kammapaṭibāhanasikkhāpadavaṇṇanā
৪৭৪. ‘‘ধম্মিকানং কম্মান’’ন্তি (পাচি॰ ৪৭৫) ৰচনতো একচ্চে ভিক্খূ ধম্মিকানং কম্মানং ‘‘ছন্দং দম্মী’’তি ছন্দং দেন্তি, তং তেসং মতিমত্তমেৰ, ন পটিপত্তি। অধম্মং নিস্সায খিয্যতি, তং ৰা উক্কোটেতি, অনাপত্তি নেৰ হোতীতি? ন, তথা ছন্দদানকালে অকত্ৰা পচ্ছা অধম্মকম্মখিয্যনাদিপচ্চযা অনাপত্তিৰারে ৰুত্তত্তা। অধম্মেন ৰা ৰগ্গেন ৰা ন কম্মারহস্স ৰা কম্মকরণপচ্চযা আপত্তিমোক্খকরণতো অৰিসেসমেৰ তথাৰচনন্তি চে? ন, ছন্দদানকালে অধম্মকম্মকরণানুমতিযা অভাৰতো, কারকস্সেৰ ৰজ্জপ্পসঙ্গতো চ। গণস্স দুক্কটন্তি চে? পারিসুদ্ধিছন্দদাযকাৰ তে, ন গণো অকম্মপ্পত্তত্তা, পরিৰারেপি (পরি॰ ৪৮২ আদযো) কম্মৰগ্গে কম্মপ্পত্তছন্দদাযকা ৰিসুং ৰুত্তা। তথাপি অধম্মকম্মস্স ছন্দো ন দাতব্বো দেন্তে অকপ্পিযানুমতিদুক্কটতো। তত্থ হি যোজনদুক্কটতো ন মুচ্চন্তীতি নো তক্কোতি আচরিযো।
474. ‘‘Dhammikānaṃ kammāna’’nti (pāci. 475) vacanato ekacce bhikkhū dhammikānaṃ kammānaṃ ‘‘chandaṃ dammī’’ti chandaṃ denti, taṃ tesaṃ matimattameva, na paṭipatti. Adhammaṃ nissāya khiyyati, taṃ vā ukkoṭeti, anāpatti neva hotīti? Na, tathā chandadānakāle akatvā pacchā adhammakammakhiyyanādipaccayā anāpattivāre vuttattā. Adhammena vā vaggena vā na kammārahassa vā kammakaraṇapaccayā āpattimokkhakaraṇato avisesameva tathāvacananti ce? Na, chandadānakāle adhammakammakaraṇānumatiyā abhāvato, kārakasseva vajjappasaṅgato ca. Gaṇassa dukkaṭanti ce? Pārisuddhichandadāyakāva te, na gaṇo akammappattattā, parivārepi (pari. 482 ādayo) kammavagge kammappattachandadāyakā visuṃ vuttā. Tathāpi adhammakammassa chando na dātabbo dente akappiyānumatidukkaṭato. Tattha hi yojanadukkaṭato na muccantīti no takkoti ācariyo.
কম্মপটিবাহনসিক্খাপদৰণ্ণনা নিট্ঠিতা।
Kammapaṭibāhanasikkhāpadavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ৮. সহধম্মিকৰগ্গো • 8. Sahadhammikavaggo
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā / ৯. কম্মপটিবাহনসিক্খাপদৰণ্ণনা • 9. Kammapaṭibāhanasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৯. কম্মপটিবাহনসিক্খাপদৰণ্ণনা • 9. Kammapaṭibāhanasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ৯. খিয্যনসিক্খাপদৰণ্ণনা • 9. Khiyyanasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৯. কম্মপটিবাহনসিক্খাপদং • 9. Kammapaṭibāhanasikkhāpadaṃ
