| Library / Tipiṭaka / တိပိဋက • Tipiṭaka / ဝဇိရဗုဒ္ဓိ-ဋီကာ • Vajirabuddhi-ṭīkā |
၉. ကမ္မပဋိဗာဟနသိက္ခာပဒဝဏ္ဏနာ
9. Kammapaṭibāhanasikkhāpadavaṇṇanā
၄၇၄. ‘‘ဓမ္မိကာနံ ကမ္မာန’’န္တိ (ပာစိ. ၄၇၅) ဝစနတော ဧကစ္စေ ဘိက္ခူ ဓမ္မိကာနံ ကမ္မာနံ ‘‘ဆန္ဒံ ဒမ္မီ’’တိ ဆန္ဒံ ဒေန္တိ, တံ တေသံ မတိမတ္တမေဝ, န ပဋိပတ္တိ။ အဓမ္မံ နိသ္သာယ ခိယ္ယတိ, တံ ဝာ ဥက္ကောဋေတိ, အနာပတ္တိ နေဝ ဟောတီတိ? န, တထာ ဆန္ဒဒာနကာလေ အကတ္ဝာ ပစ္ဆာ အဓမ္မကမ္မခိယ္ယနာဒိပစ္စယာ အနာပတ္တိဝာရေ ဝုတ္တတ္တာ။ အဓမ္မေန ဝာ ဝဂ္ဂေန ဝာ န ကမ္မာရဟသ္သ ဝာ ကမ္မကရဏပစ္စယာ အာပတ္တိမောက္ခကရဏတော အဝိသေသမေဝ တထာဝစနန္တိ စေ? န, ဆန္ဒဒာနကာလေ အဓမ္မကမ္မကရဏာနုမတိယာ အဘာဝတော, ကာရကသ္သေဝ ဝဇ္ဇပ္ပသင္ဂတော စ။ ဂဏသ္သ ဒုက္ကဋန္တိ စေ? ပာရိသုဒ္ဓိဆန္ဒဒာယကာဝ တေ, န ဂဏော အကမ္မပ္ပတ္တတ္တာ, ပရိဝာရေပိ (ပရိ. ၄၈၂ အာဒယော) ကမ္မဝဂ္ဂေ ကမ္မပ္ပတ္တဆန္ဒဒာယကာ ဝိသုံ ဝုတ္တာ။ တထာပိ အဓမ္မကမ္မသ္သ ဆန္ဒော န ဒာတဗ္ဗော ဒေန္တေ အကပ္ပိယာနုမတိဒုက္ကဋတော။ တတ္ထ ဟိ ယောဇနဒုက္ကဋတော န မုစ္စန္တီတိ နော တက္ကောတိ အာစရိယော။
474. ‘‘Dhammikānaṃ kammāna’’nti (pāci. 475) vacanato ekacce bhikkhū dhammikānaṃ kammānaṃ ‘‘chandaṃ dammī’’ti chandaṃ denti, taṃ tesaṃ matimattameva, na paṭipatti. Adhammaṃ nissāya khiyyati, taṃ vā ukkoṭeti, anāpatti neva hotīti? Na, tathā chandadānakāle akatvā pacchā adhammakammakhiyyanādipaccayā anāpattivāre vuttattā. Adhammena vā vaggena vā na kammārahassa vā kammakaraṇapaccayā āpattimokkhakaraṇato avisesameva tathāvacananti ce? Na, chandadānakāle adhammakammakaraṇānumatiyā abhāvato, kārakasseva vajjappasaṅgato ca. Gaṇassa dukkaṭanti ce? Pārisuddhichandadāyakāva te, na gaṇo akammappattattā, parivārepi (pari. 482 ādayo) kammavagge kammappattachandadāyakā visuṃ vuttā. Tathāpi adhammakammassa chando na dātabbo dente akappiyānumatidukkaṭato. Tattha hi yojanadukkaṭato na muccantīti no takkoti ācariyo.
ကမ္မပဋိဗာဟနသိက္ခာပဒဝဏ္ဏနာ နိဋ္ဌိတာ။
Kammapaṭibāhanasikkhāpadavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၈. သဟဓမ္မိကဝဂ္ဂော • 8. Sahadhammikavaggo
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၉. ကမ္မပဋိဗာဟနသိက္ခာပဒဝဏ္ဏနာ • 9. Kammapaṭibāhanasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၉. ကမ္မပဋိဗာဟနသိက္ခာပဒဝဏ္ဏနာ • 9. Kammapaṭibāhanasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၉. ခိယ္ယနသိက္ခာပဒဝဏ္ဏနာ • 9. Khiyyanasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၉. ကမ္မပဋိဗာဟနသိက္ခာပဒံ • 9. Kammapaṭibāhanasikkhāpadaṃ
