| Library / Tipiṭaka / ཏིཔིཊཀ • Tipiṭaka / ཝཛིརབུདྡྷི-ཊཱིཀཱ • Vajirabuddhi-ṭīkā |
༩. ཀམྨཔཊིབཱཧནསིཀྑཱཔདཝཎྞནཱ
9. Kammapaṭibāhanasikkhāpadavaṇṇanā
༤༧༤. ‘‘དྷམྨིཀཱནཾ ཀམྨཱན’’ནྟི (པཱཙི॰ ༤༧༥) ཝཙནཏོ ཨེཀཙྩེ བྷིཀྑཱུ དྷམྨིཀཱནཾ ཀམྨཱནཾ ‘‘ཚནྡཾ དམྨཱི’’ཏི ཚནྡཾ དེནྟི, ཏཾ ཏེསཾ མཏིམཏྟམེཝ, ན པཊིཔཏྟི། ཨདྷམྨཾ ནིསྶཱཡ ཁིཡྻཏི, ཏཾ ཝཱ ཨུཀྐོཊེཏི, ཨནཱཔཏྟི ནེཝ ཧོཏཱིཏི? ན, ཏཐཱ ཚནྡདཱནཀཱལེ ཨཀཏྭཱ པཙྪཱ ཨདྷམྨཀམྨཁིཡྻནཱདིཔཙྩཡཱ ཨནཱཔཏྟིཝཱརེ ཝུཏྟཏྟཱ། ཨདྷམྨེན ཝཱ ཝགྒེན ཝཱ ན ཀམྨཱརཧསྶ ཝཱ ཀམྨཀརཎཔཙྩཡཱ ཨཱཔཏྟིམོཀྑཀརཎཏོ ཨཝིསེསམེཝ ཏཐཱཝཙནནྟི ཙེ? ན, ཚནྡདཱནཀཱལེ ཨདྷམྨཀམྨཀརཎཱནུམཏིཡཱ ཨབྷཱཝཏོ, ཀཱརཀསྶེཝ ཝཛྫཔྤསངྒཏོ ཙ། གཎསྶ དུཀྐཊནྟི ཙེ? པཱརིསུདྡྷིཚནྡདཱཡཀཱཝ ཏེ, ན གཎོ ཨཀམྨཔྤཏྟཏྟཱ, པརིཝཱརེཔི (པརི॰ ༤༨༢ ཨཱདཡོ) ཀམྨཝགྒེ ཀམྨཔྤཏྟཚནྡདཱཡཀཱ ཝིསུཾ ཝུཏྟཱ། ཏཐཱཔི ཨདྷམྨཀམྨསྶ ཚནྡོ ན དཱཏབྦོ དེནྟེ ཨཀཔྤིཡཱནུམཏིདུཀྐཊཏོ། ཏཏྠ ཧི ཡོཛནདུཀྐཊཏོ ན མུཙྩནྟཱིཏི ནོ ཏཀྐོཏི ཨཱཙརིཡོ།
474. ‘‘Dhammikānaṃ kammāna’’nti (pāci. 475) vacanato ekacce bhikkhū dhammikānaṃ kammānaṃ ‘‘chandaṃ dammī’’ti chandaṃ denti, taṃ tesaṃ matimattameva, na paṭipatti. Adhammaṃ nissāya khiyyati, taṃ vā ukkoṭeti, anāpatti neva hotīti? Na, tathā chandadānakāle akatvā pacchā adhammakammakhiyyanādipaccayā anāpattivāre vuttattā. Adhammena vā vaggena vā na kammārahassa vā kammakaraṇapaccayā āpattimokkhakaraṇato avisesameva tathāvacananti ce? Na, chandadānakāle adhammakammakaraṇānumatiyā abhāvato, kārakasseva vajjappasaṅgato ca. Gaṇassa dukkaṭanti ce? Pārisuddhichandadāyakāva te, na gaṇo akammappattattā, parivārepi (pari. 482 ādayo) kammavagge kammappattachandadāyakā visuṃ vuttā. Tathāpi adhammakammassa chando na dātabbo dente akappiyānumatidukkaṭato. Tattha hi yojanadukkaṭato na muccantīti no takkoti ācariyo.
ཀམྨཔཊིབཱཧནསིཀྑཱཔདཝཎྞནཱ ནིཊྛིཏཱ།
Kammapaṭibāhanasikkhāpadavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༨. སཧདྷམྨིཀཝགྒོ • 8. Sahadhammikavaggo
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā / ༩. ཀམྨཔཊིབཱཧནསིཀྑཱཔདཝཎྞནཱ • 9. Kammapaṭibāhanasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༩. ཀམྨཔཊིབཱཧནསིཀྑཱཔདཝཎྞནཱ • 9. Kammapaṭibāhanasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༩. ཁིཡྻནསིཀྑཱཔདཝཎྞནཱ • 9. Khiyyanasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༩. ཀམྨཔཊིབཱཧནསིཀྑཱཔདཾ • 9. Kammapaṭibāhanasikkhāpadaṃ
