| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
8. гаммапалаад̇т̇ибхаавабан̃хо
8. Kammaphalaatthibhāvapañho
8. рааж̇аа ааха ‘‘бханд̇з нааг̇асзна, иминаа наамаруубзна гаммам̣ гад̇ам̣ гусалам̣ ваа агусалам̣ ваа, гухим̣ д̇аани гаммаани д̇идтанд̇ий’’д̇и? ‘‘ануб̣анд̇хзяяум̣ ко, махаарааж̇а, д̇аани гаммаани чааяаава анабааяиний’’д̇и 1. ‘‘саггаа бана, бханд̇з, д̇аани гаммаани д̣̇ассзд̇ум̣ ‘ид̇ха ваа ид̇ха ваа д̇аани гаммаани д̇идтанд̇ий’’’д̇и? ‘‘на саггаа, махаарааж̇а, д̇аани гаммаани д̣̇ассзд̇ум̣ ‘ид̇ха ваа ид̇ха ваа д̇аани гаммаани д̇идтанд̇ий’’’д̇и.
8. Rājā āha ‘‘bhante nāgasena, iminā nāmarūpena kammaṃ kataṃ kusalaṃ vā akusalaṃ vā, kuhiṃ tāni kammāni tiṭṭhantī’’ti? ‘‘Anubandheyyuṃ kho, mahārāja, tāni kammāni chāyāva anapāyinī’’ti 2. ‘‘Sakkā pana, bhante, tāni kammāni dassetuṃ ‘idha vā idha vā tāni kammāni tiṭṭhantī’’’ti? ‘‘Na sakkā, mahārāja, tāni kammāni dassetuṃ ‘idha vā idha vā tāni kammāni tiṭṭhantī’’’ti.
‘‘обаммам̣ гарохий’’д̇и. ‘‘д̇ам̣ гим̣ ман̃н̃аси, махаарааж̇а, яаанимаани ругкаани аниб̣б̣ад̇д̇апалаани, саггаа д̇зсам̣ палаани д̣̇ассзд̇ум̣ ‘ид̇ха ваа ид̇ха ваа д̇аани палаани д̇идтанд̇ий’’’д̇и. ‘‘на хи, бханд̇з’’д̇и. ‘‘звамзва ко, махаарааж̇а, аб̣б̣ожчиннааяа санд̇ад̇ияаа на саггаа д̇аани гаммаани д̣̇ассзд̇ум̣ ‘ид̇ха ваа ид̇ха ваа д̇аани гаммаани д̇идтанд̇ий’д̇и.
‘‘Opammaṃ karohī’’ti. ‘‘Taṃ kiṃ maññasi, mahārāja, yānimāni rukkhāni anibbattaphalāni, sakkā tesaṃ phalāni dassetuṃ ‘idha vā idha vā tāni phalāni tiṭṭhantī’’’ti. ‘‘Na hi, bhante’’ti. ‘‘Evameva kho, mahārāja, abbocchinnāya santatiyā na sakkā tāni kammāni dassetuṃ ‘idha vā idha vā tāni kammāni tiṭṭhantī’ti.
‘‘галлоси, бханд̇з нааг̇асзнаа’’д̇и.
‘‘Kallosi, bhante nāgasenā’’ti.
гаммапалаад̇т̇ибхаавабан̃хо адтамо.
Kammaphalaatthibhāvapañho aṭṭhamo.
Footnotes:
