| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੮. ਕਮ੍ਮਫਲਅਤ੍ਥਿਭਾવਪਞ੍ਹੋ
8. Kammaphalaatthibhāvapañho
੮. ਰਾਜਾ ਆਹ ‘‘ਭਨ੍ਤੇ ਨਾਗਸੇਨ, ਇਮਿਨਾ ਨਾਮਰੂਪੇਨ ਕਮ੍ਮਂ ਕਤਂ ਕੁਸਲਂ વਾ ਅਕੁਸਲਂ વਾ, ਕੁਹਿਂ ਤਾਨਿ ਕਮ੍ਮਾਨਿ ਤਿਟ੍ਠਨ੍ਤੀ’’ਤਿ? ‘‘ਅਨੁਬਨ੍ਧੇਯ੍ਯੁਂ ਖੋ, ਮਹਾਰਾਜ, ਤਾਨਿ ਕਮ੍ਮਾਨਿ ਛਾਯਾવ ਅਨਪਾਯਿਨੀ’’ਤਿ 1। ‘‘ਸਕ੍ਕਾ ਪਨ, ਭਨ੍ਤੇ, ਤਾਨਿ ਕਮ੍ਮਾਨਿ ਦਸ੍ਸੇਤੁਂ ‘ਇਧ વਾ ਇਧ વਾ ਤਾਨਿ ਕਮ੍ਮਾਨਿ ਤਿਟ੍ਠਨ੍ਤੀ’’’ਤਿ? ‘‘ਨ ਸਕ੍ਕਾ, ਮਹਾਰਾਜ, ਤਾਨਿ ਕਮ੍ਮਾਨਿ ਦਸ੍ਸੇਤੁਂ ‘ਇਧ વਾ ਇਧ વਾ ਤਾਨਿ ਕਮ੍ਮਾਨਿ ਤਿਟ੍ਠਨ੍ਤੀ’’’ਤਿ।
8. Rājā āha ‘‘bhante nāgasena, iminā nāmarūpena kammaṃ kataṃ kusalaṃ vā akusalaṃ vā, kuhiṃ tāni kammāni tiṭṭhantī’’ti? ‘‘Anubandheyyuṃ kho, mahārāja, tāni kammāni chāyāva anapāyinī’’ti 2. ‘‘Sakkā pana, bhante, tāni kammāni dassetuṃ ‘idha vā idha vā tāni kammāni tiṭṭhantī’’’ti? ‘‘Na sakkā, mahārāja, tāni kammāni dassetuṃ ‘idha vā idha vā tāni kammāni tiṭṭhantī’’’ti.
‘‘ਓਪਮ੍ਮਂ ਕਰੋਹੀ’’ਤਿ। ‘‘ਤਂ ਕਿਂ ਮਞ੍ਞਸਿ, ਮਹਾਰਾਜ, ਯਾਨਿਮਾਨਿ ਰੁਕ੍ਖਾਨਿ ਅਨਿਬ੍ਬਤ੍ਤਫਲਾਨਿ, ਸਕ੍ਕਾ ਤੇਸਂ ਫਲਾਨਿ ਦਸ੍ਸੇਤੁਂ ‘ਇਧ વਾ ਇਧ વਾ ਤਾਨਿ ਫਲਾਨਿ ਤਿਟ੍ਠਨ੍ਤੀ’’’ਤਿ। ‘‘ਨ ਹਿ, ਭਨ੍ਤੇ’’ਤਿ। ‘‘ਏવਮੇવ ਖੋ, ਮਹਾਰਾਜ, ਅਬ੍ਬੋਚ੍ਛਿਨ੍ਨਾਯ ਸਨ੍ਤਤਿਯਾ ਨ ਸਕ੍ਕਾ ਤਾਨਿ ਕਮ੍ਮਾਨਿ ਦਸ੍ਸੇਤੁਂ ‘ਇਧ વਾ ਇਧ વਾ ਤਾਨਿ ਕਮ੍ਮਾਨਿ ਤਿਟ੍ਠਨ੍ਤੀ’ਤਿ।
‘‘Opammaṃ karohī’’ti. ‘‘Taṃ kiṃ maññasi, mahārāja, yānimāni rukkhāni anibbattaphalāni, sakkā tesaṃ phalāni dassetuṃ ‘idha vā idha vā tāni phalāni tiṭṭhantī’’’ti. ‘‘Na hi, bhante’’ti. ‘‘Evameva kho, mahārāja, abbocchinnāya santatiyā na sakkā tāni kammāni dassetuṃ ‘idha vā idha vā tāni kammāni tiṭṭhantī’ti.
‘‘ਕਲ੍ਲੋਸਿ, ਭਨ੍ਤੇ ਨਾਗਸੇਨਾ’’ਤਿ।
‘‘Kallosi, bhante nāgasenā’’ti.
ਕਮ੍ਮਫਲਅਤ੍ਥਿਭਾવਪਞ੍ਹੋ ਅਟ੍ਠਮੋ।
Kammaphalaatthibhāvapañho aṭṭhamo.
Footnotes:
