| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
гаммаарабхан̣д̣увад̇т̇аад̣̇игат̇аа
Kammārabhaṇḍuvatthādikathā
98-9. гаммаарабхан̣д̣ууд̇и д̇улаад̇хаарамун̣д̣аго суван̣н̣агаарабуд̇д̇о, бан̃жасико д̇арун̣ад̣̇аарагод̇и вуд̇д̇ам̣ ход̇и. сан̇гхам̣ абалогзд̇ум̣ бхан̣д̣угаммааяаад̇и сан̇гхам̣ бхан̣д̣угаммад̇т̇ааяа аабужчид̇ум̣ ануж̇аанаамийд̇и ад̇т̇о. д̇ад̇рааяам̣ аабужчанавид̇хи – сиймаабарияаабаннз бхигкуу саннибаад̇зд̇ваа баб̣б̣аж̇ж̇аабзгкам̣ д̇ад̇т̇а нзд̇ваа ‘‘сан̇гхам̣ бханд̇з имасса д̣̇аарагасса бхан̣д̣угаммам̣ аабужчаамий’’д̇и д̇игкад̇д̇ум̣ ваа д̣̇вигкад̇д̇ум̣ ваа сагим̣ ваа вад̇д̇аб̣б̣ам̣. зд̇т̇а жа ‘‘имасса д̣̇аарагасса бхан̣д̣угаммам̣ аабужчаамий’’д̇иби ‘‘имасса саман̣агаран̣ам̣ аабужчаамий’’д̇иби ‘‘имасса баб̣б̣ааж̇анам̣ аабужчаамий’’д̇иби ‘‘аяам̣ саман̣о ход̇угаамо’’д̇иби ‘‘аяам̣ баб̣б̣аж̇ид̇угаамо’’д̇иби вад̇д̇ум̣ ваддад̇иязва.
98-9.Kammārabhaṇḍūti tulādhāramuṇḍako suvaṇṇakāraputto, pañcasikho taruṇadārakoti vuttaṃ hoti. Saṅghaṃ apaloketuṃ bhaṇḍukammāyāti saṅghaṃ bhaṇḍukammatthāya āpucchituṃ anujānāmīti attho. Tatrāyaṃ āpucchanavidhi – sīmāpariyāpanne bhikkhū sannipātetvā pabbajjāpekkhaṃ tattha netvā ‘‘saṅghaṃ bhante imassa dārakassa bhaṇḍukammaṃ āpucchāmī’’ti tikkhattuṃ vā dvikkhattuṃ vā sakiṃ vā vattabbaṃ. Ettha ca ‘‘imassa dārakassa bhaṇḍukammaṃ āpucchāmī’’tipi ‘‘imassa samaṇakaraṇaṃ āpucchāmī’’tipi ‘‘imassa pabbājanaṃ āpucchāmī’’tipi ‘‘ayaṃ samaṇo hotukāmo’’tipi ‘‘ayaṃ pabbajitukāmo’’tipi vattuṃ vaṭṭatiyeva.
сажз сабхааг̇адтаанам̣ ход̇и, д̣̇аса ваа вийсам̣ ваа д̇им̣сам̣ ваа бхигкуу васанд̇ийд̇и барижчзд̣̇о бан̃н̃ааяад̇и, д̇зсам̣ тид̇огаасам̣ ваа нисинногаасам̣ ваа г̇анд̇вааби буриманаязнзва аабужчид̇аб̣б̣ам̣. баб̣б̣аж̇ж̇аабзгкам̣ винаава д̣̇ахарабхигкуу ваа сааман̣зрз ваа бзсзд̇вааби ‘‘зго бханд̇з баб̣б̣аж̇ж̇аабзгко ад̇т̇и д̇асса бхан̣д̣угаммам̣ аабужчаамаа’’д̇иаад̣̇инаа наязна аабужчаабзд̇ум̣ ваддад̇и.
Sace sabhāgaṭṭhānaṃ hoti, dasa vā vīsaṃ vā tiṃsaṃ vā bhikkhū vasantīti paricchedo paññāyati, tesaṃ ṭhitokāsaṃ vā nisinnokāsaṃ vā gantvāpi purimanayeneva āpucchitabbaṃ. Pabbajjāpekkhaṃ vināva daharabhikkhū vā sāmaṇere vā pesetvāpi ‘‘eko bhante pabbajjāpekkho atthi tassa bhaṇḍukammaṃ āpucchāmā’’tiādinā nayena āpucchāpetuṃ vaṭṭati.
сажз гзжи бхигкуу сзнаасанам̣ ваа г̇умб̣аад̣̇ийни ваа бависид̇ваа нид̣̇д̣̇ааяанд̇и ваа саман̣ад̇хаммам̣ ваа гаронд̇и, аабужчагаа жа бариязсанд̇ааби ад̣̇исваа ‘‘саб̣б̣з аабужчид̇аа амхзхий’’д̇и сан̃н̃ино хонд̇и, баб̣б̣аж̇ж̇аа наама лахугам̣ гаммам̣, д̇асмаа баб̣б̣аж̇ид̇о субаб̣б̣аж̇ид̇ова баб̣б̣ааж̇знд̇ассааби анаабад̇д̇и.
Sace keci bhikkhū senāsanaṃ vā gumbādīni vā pavisitvā niddāyanti vā samaṇadhammaṃ vā karonti, āpucchakā ca pariyesantāpi adisvā ‘‘sabbe āpucchitā amhehī’’ti saññino honti, pabbajjā nāma lahukaṃ kammaṃ, tasmā pabbajito supabbajitova pabbājentassāpi anāpatti.
сажз бана махаавихааро ход̇и анзгабхигкусахассааваасо, саб̣б̣з бхигкуу саннибаад̇зд̇умби д̣̇уггарам̣, баг̇зва бадибаадияаа аабужчид̇ум̣, кан̣д̣асиймааяам̣ ваа тад̇ваа над̣̇ийсамуд̣̇д̣̇аад̣̇ийни ваа г̇анд̇ваа баб̣б̣ааж̇зд̇аб̣б̣о. яо бана навамун̣д̣о ваа ход̇и виб̣бханд̇аго ваа ниг̇ан̣таад̣̇ийсу ан̃н̃ад̇аро ваа д̣̇ван̇г̇улагзсо ваа уунад̣̇ван̇г̇улагзсо ваа, д̇асса гзсажчзд̣̇анагижжам̣ над̇т̇и, д̇асмаа бхан̣д̣угаммам̣ анаабужчид̇вааби д̇аад̣̇исам̣ баб̣б̣ааж̇зд̇ум̣ ваддад̇и. д̣̇ван̇г̇улаад̇ирид̇д̇агзсо бана яо ход̇и анд̇амасо згасикаамад̇д̇ад̇хароби, со бхан̣д̣угаммам̣ аабужчид̇ваава баб̣б̣ааж̇зд̇аб̣б̣о. убааливад̇т̇у махаавибхан̇г̇з вуд̇д̇анаяамзва.
Sace pana mahāvihāro hoti anekabhikkhusahassāvāso, sabbe bhikkhū sannipātetumpi dukkaraṃ, pageva paṭipāṭiyā āpucchituṃ, khaṇḍasīmāyaṃ vā ṭhatvā nadīsamuddādīni vā gantvā pabbājetabbo. Yo pana navamuṇḍo vā hoti vibbhantako vā nigaṇṭhādīsu aññataro vā dvaṅgulakeso vā ūnadvaṅgulakeso vā, tassa kesacchedanakiccaṃ natthi, tasmā bhaṇḍukammaṃ anāpucchitvāpi tādisaṃ pabbājetuṃ vaṭṭati. Dvaṅgulātirittakeso pana yo hoti antamaso ekasikhāmattadharopi, so bhaṇḍukammaṃ āpucchitvāva pabbājetabbo. Upālivatthu mahāvibhaṅge vuttanayameva.
100. ахиваад̇агарог̇знаад̇и маариб̣яаад̇хинаа; яад̇ра хи со рог̇о уббаж̇ж̇ад̇и, д̇ам̣ гулам̣ д̣̇вибад̣̇ажад̇уббад̣̇ам̣ саб̣б̣ам̣ нассад̇и, яо бхид̇д̇им̣ ваа чад̣̇анам̣ ваа бхинд̣̇ид̇ваа балааяад̇и, д̇ирог̇аамаад̣̇иг̇ад̇о ваа ход̇и, со мужжад̇и. д̇ат̇аа жзд̇т̇а бид̇аабуд̇д̇аа мужжим̣су. д̇зна вуд̇д̇ам̣ – ‘‘бид̇аабуд̇д̇агаа сзсаа хонд̇ий’’д̇и.
100.Ahivātakarogenāti māribyādhinā; yatra hi so rogo uppajjati, taṃ kulaṃ dvipadacatuppadaṃ sabbaṃ nassati, yo bhittiṃ vā chadanaṃ vā bhinditvā palāyati, tirogāmādigato vā hoti, so muccati. Tathā cettha pitāputtā mucciṃsu. Tena vuttaṃ – ‘‘pitāputtakā sesā hontī’’ti.
гаагуд̣д̣збаганд̇и яо ваамахад̇т̇зна лзд̣д̣ум̣ г̇ахзд̇ваа нисинно саггод̇и ааг̇ад̇ааг̇ад̇з гаагз уд̣д̣аабзд̇ваа бурад̇о нигкид̇д̇ам̣ бхад̇д̇ам̣ бхун̃ж̇ид̇ум̣, аяам̣ гаагуд̣д̣збаго наама, д̇ам̣ баб̣б̣ааж̇зд̇ум̣ ваддад̇и.
Kākuḍḍepakanti yo vāmahatthena leḍḍuṃ gahetvā nisinno sakkoti āgatāgate kāke uḍḍāpetvā purato nikkhittaṃ bhattaṃ bhuñjituṃ, ayaṃ kākuḍḍepako nāma, taṃ pabbājetuṃ vaṭṭati.
102. ид̇д̇арод̇и аббамад̇д̇аго; гад̇ибаахамзва ваасо бхависсад̇ийд̇и ад̇т̇о.
102.Ittaroti appamattako; katipāhameva vāso bhavissatīti attho.
103. ог̇ан̣знаад̇и барихийнаг̇ан̣зна; аббамад̇д̇агзна бхигкусан̇гхзнаад̇и ад̇т̇о. аб̣яад̇д̇зна яааваж̇ийванд̇и зд̇т̇а сажааяам̣ вуд̣дхад̇арам̣ аажарияам̣ на лабхад̇и, убасамбад̣̇ааяа садтивассо ваа сад̇д̇ад̇ивассо ваа ход̇у, навагад̇арассааби б̣яад̇д̇асса санд̇игз уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа ‘‘аажарияо мз аавусо хохи, ааяасмад̇о ниссааяа важчаамий’’д̇и звам̣ д̇игкад̇д̇ум̣ вад̇ваа ниссаяо г̇ахзд̇аб̣б̣ова. г̇аамаббавзсанам̣ аабужчанд̇знааби уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа г̇аамаббавзсанам̣ аабужчаами аажарияаа’’д̇и вад̇д̇аб̣б̣ам̣. зса наяо саб̣б̣ааабужчанзсу. бан̃жагачаггзсу жзд̇т̇а яад̇д̇агам̣ суд̇ам̣ ниссаяамуд̇д̇агасса ижчид̇аб̣б̣ам̣, д̇ам̣ бхигкуноваад̣̇агаван̣н̣анааяам̣ вуд̇д̇ам̣. д̇асса над̇т̇ид̇ааяа жа аббассуд̇о; ад̇т̇ид̇ааяа жа б̣ахуссуд̇од̇и взд̣̇ид̇аб̣б̣о. сзсам̣ вуд̇д̇анаязнзва.
103.Ogaṇenāti parihīnagaṇena; appamattakena bhikkhusaṅghenāti attho. Abyattena yāvajīvanti ettha sacāyaṃ vuḍḍhataraṃ ācariyaṃ na labhati, upasampadāya saṭṭhivasso vā sattativasso vā hotu, navakatarassāpi byattassa santike ukkuṭikaṃ nisīditvā añjaliṃ paggahetvā ‘‘ācariyo me āvuso hohi, āyasmato nissāya vacchāmī’’ti evaṃ tikkhattuṃ vatvā nissayo gahetabbova. Gāmappavesanaṃ āpucchantenāpi ukkuṭikaṃ nisīditvā añjaliṃ paggahetvā gāmappavesanaṃ āpucchāmi ācariyā’’ti vattabbaṃ. Esa nayo sabbaāpucchanesu. Pañcakachakkesu cettha yattakaṃ sutaṃ nissayamuttakassa icchitabbaṃ, taṃ bhikkhunovādakavaṇṇanāyaṃ vuttaṃ. Tassa natthitāya ca appassuto; atthitāya ca bahussutoti veditabbo. Sesaṃ vuttanayeneva.
гаммаарабхан̣д̣увад̇т̇аад̣̇игат̇аа нидтид̇аа.
Kammārabhaṇḍuvatthādikathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
35. гаммаарабхан̣д̣увад̇т̇у • 35. Kammārabhaṇḍuvatthu
36. убаалид̣̇аарагавад̇т̇у • 36. Upālidārakavatthu
37. ахиваад̇агарог̇авад̇т̇у • 37. Ahivātakarogavatthu
39. аахунд̣̇аригавад̇т̇у • 39. Āhundarikavatthu
40. ниссаяамужжанагагат̇аа • 40. Nissayamuccanakakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ниссаяамужжанагагат̇ааван̣н̣анаа • Nissayamuccanakakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / гаммаарабхан̣д̣увад̇т̇аад̣̇игат̇ааван̣н̣анаа • Kammārabhaṇḍuvatthādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / гаммаарабхан̣д̣увад̇т̇аад̣̇игат̇ааван̣н̣анаа • Kammārabhaṇḍuvatthādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi
35. гаммаарабхан̣д̣увад̇т̇уаад̣̇игат̇аа • 35. Kammārabhaṇḍuvatthuādikathā
40. ниссаяамужжанагагат̇аа • 40. Nissayamuccanakakathā
