| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
கம்மாரப⁴ண்டு³வத்தா²தி³கதா²வண்ணனா
Kammārabhaṇḍuvatthādikathāvaṇṇanā
98. ப⁴ண்டு³கம்மாபுச்சா²னாதி³கதா²யங் கம்மாரப⁴ண்டூ³தி த³ஹரதாய அமோளிப³ந்தோ⁴ முண்டி³கஸீஸோ கம்மாரதா³ரகோ ஏவ வுத்தோ. துலாதா⁴ரமுண்ட³கோதி எத்த² துலாதா⁴ராதி தம்ப³ஸுவண்ணாதீ³னங் துலங் ஹத்தே²ன தா⁴ரேதீதி கம்மாரா ‘‘துலாதா⁴ரா’’தி வுத்தா, தேஸு ஏகோ முண்டி³கஸீஸோ த³ஹரோதி அத்தோ². தேனாஹ ‘‘பஞ்சஸிகோ² தருணதா³ரகோ’’தி. ஏகாவ ஸிகா² பஞ்ச வேணியோ கத்வா ப³ந்த⁴னேன பஞ்சஸிகா²தி வுச்சதி, ஸா ஏதஸ்ஸ அத்தீ²தி பஞ்சஸிகோ², தஸ்ஸ ஸிக²ங் சி²ந்த³ந்தா கஞ்சி பி⁴க்கு²ங் அஜானாபெத்வாவ பப்³பா³ஜேஸுங். தேன ப⁴ண்டு³கம்மாபலோகனங் அனுஞ்ஞாதங். ஸீமாபரியாபன்னேதி ப³த்³த⁴ஸீமாய ஸதி தத³ந்தோக³தே⁴, அஸதி உபசாரஸீமந்தோக³தே⁴தி அத்தோ². எத்த² ச கிஞ்சாபி ‘‘அனுஜானாமி, பி⁴க்க²வே, ஸங்க⁴ங் அபலோகேதுங் ப⁴ண்டு³கம்மாயா’’தி எத்தகமேவ வுத்தங், ந பன அனபலோகெந்தஸ்ஸ ஆபத்தி வுத்தா, ததா²பி அட்ட²கதா²யங் ‘‘ஸப்³பே³ ஆபுச்சி²தா அம்ஹேஹீதிஸஞ்ஞினோ…பே॰… பப்³பா³ஜெந்தஸ்ஸபி அனாபத்தீ’’தி வுத்தத்தா ஸஞ்சிச்ச அனாபுச்சா² கேஸே ஓஹாரெந்தஸ்ஸ து³க்கடமேவாதி த³ட்ட²ப்³ப³ங். கேஸோரோபனம்பி ஸமணபப்³ப³ஜனவோஹாரங் லப⁴தீதி ஆஹ ‘‘இமஸ்ஸ ஸமணகரண’’ந்திஆதி³. ஏகஸிகா²மத்தத⁴ரோதி எத்த² ஏகேன கேஸேன ஸிகா² ஏகஸிகா²தி வத³ந்தி, அப்பகேஸாவ ஸிகா² ஏவங் வுத்தாதி க³ஹேதப்³பா³. ஏககேஸம்பி பன அனாபுச்சா² சி²ந்தி³துங் ந வட்டதியேவ.
98. Bhaṇḍukammāpucchānādikathāyaṃ kammārabhaṇḍūti daharatāya amoḷibandho muṇḍikasīso kammāradārako eva vutto. Tulādhāramuṇḍakoti ettha tulādhārāti tambasuvaṇṇādīnaṃ tulaṃ hatthena dhāretīti kammārā ‘‘tulādhārā’’ti vuttā, tesu eko muṇḍikasīso daharoti attho. Tenāha ‘‘pañcasikho taruṇadārako’’ti. Ekāva sikhā pañca veṇiyo katvā bandhanena pañcasikhāti vuccati, sā etassa atthīti pañcasikho, tassa sikhaṃ chindantā kañci bhikkhuṃ ajānāpetvāva pabbājesuṃ. Tena bhaṇḍukammāpalokanaṃ anuññātaṃ. Sīmāpariyāpanneti baddhasīmāya sati tadantogadhe, asati upacārasīmantogadheti attho. Ettha ca kiñcāpi ‘‘anujānāmi, bhikkhave, saṅghaṃ apaloketuṃ bhaṇḍukammāyā’’ti ettakameva vuttaṃ, na pana anapalokentassa āpatti vuttā, tathāpi aṭṭhakathāyaṃ ‘‘sabbe āpucchitā amhehītisaññino…pe… pabbājentassapi anāpattī’’ti vuttattā sañcicca anāpucchā kese ohārentassa dukkaṭamevāti daṭṭhabbaṃ. Kesoropanampi samaṇapabbajanavohāraṃ labhatīti āha ‘‘imassa samaṇakaraṇa’’ntiādi. Ekasikhāmattadharoti ettha ekena kesena sikhā ekasikhāti vadanti, appakesāva sikhā evaṃ vuttāti gahetabbā. Ekakesampi pana anāpucchā chindituṃ na vaṭṭatiyeva.
100. வாமஹத்தே²னாதி த³க்கி²ணஹத்தே²ன பு⁴ஞ்ஜனதோ வுத்தங்.
100.Vāmahatthenāti dakkhiṇahatthena bhuñjanato vuttaṃ.
103-4. நிஸ்ஸயமுச்சனகஸ்ஸ வத்தேஸு பஞ்சகச²க்கேஸு பன ‘‘உப⁴யானி கோ² பனஸ்ஸ பாதிமொக்கா²னி…பே॰… அனுப்³யஞ்ஜனஸோ’’தி எத்த² ஸப்³போ³பி சாயங் பபே⁴தோ³ மாதிகாட்ட²கதா²யங் ஞாதாயங் ஞாதோ ஹோதி. ‘‘ஆபத்திங் ஜானாதி, அனாபத்திங் ஜானாதீ’’தி இத³ஞ்ச அத்தனா ஞாதட்டா²னேஸு ஆபத்தாதி³ங் ஸந்தா⁴ய வுத்தந்தி ந க³ஹேதப்³ப³ங்.
103-4. Nissayamuccanakassa vattesu pañcakachakkesu pana ‘‘ubhayāni kho panassa pātimokkhāni…pe… anubyañjanaso’’ti ettha sabbopi cāyaṃ pabhedo mātikāṭṭhakathāyaṃ ñātāyaṃ ñāto hoti. ‘‘Āpattiṃ jānāti, anāpattiṃ jānātī’’ti idañca attanā ñātaṭṭhānesu āpattādiṃ sandhāya vuttanti na gahetabbaṃ.
கம்மாரப⁴ண்டு³வத்தா²தி³கதா²வண்ணனா நிட்டி²தா.
Kammārabhaṇḍuvatthādikathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi
35. கம்மாரப⁴ண்டு³வத்து² • 35. Kammārabhaṇḍuvatthu
37. அஹிவாதகரோக³வத்து² • 37. Ahivātakarogavatthu
40. நிஸ்ஸயமுச்சனககதா² • 40. Nissayamuccanakakathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / கம்மாரப⁴ண்டு³வத்தா²தி³கதா² • Kammārabhaṇḍuvatthādikathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / நிஸ்ஸயமுச்சனககதா²வண்ணனா • Nissayamuccanakakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / கம்மாரப⁴ண்டு³வத்தா²தி³கதா²வண்ணனா • Kammārabhaṇḍuvatthādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi
35. கம்மாரப⁴ண்டு³வத்து²ஆதி³கதா² • 35. Kammārabhaṇḍuvatthuādikathā
40. நிஸ்ஸயமுச்சனககதா² • 40. Nissayamuccanakakathā
