| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
гаммаарабхан̣д̣увад̇т̇аад̣̇игат̇ааван̣н̣анаа
Kammārabhaṇḍuvatthādikathāvaṇṇanā
98. бхан̣д̣угаммаабужчаанаад̣̇игат̇ааяам̣ гаммаарабхан̣д̣ууд̇и д̣̇ахарад̇ааяа амол̣иб̣анд̇хо мун̣д̣игасийсо гаммаарад̣̇аараго зва вуд̇д̇о. д̇улаад̇хаарамун̣д̣агод̇и зд̇т̇а д̇улаад̇хаараад̇и д̇амб̣асуван̣н̣аад̣̇ийнам̣ д̇улам̣ хад̇т̇зна д̇хаарзд̇ийд̇и гаммаараа ‘‘д̇улаад̇хаараа’’д̇и вуд̇д̇аа, д̇зсу зго мун̣д̣игасийсо д̣̇ахарод̇и ад̇т̇о. д̇знааха ‘‘бан̃жасико д̇арун̣ад̣̇аараго’’д̇и. згаава сикаа бан̃жа взн̣ияо гад̇ваа б̣анд̇ханзна бан̃жасикаад̇и вужжад̇и, саа зд̇асса ад̇т̇ийд̇и бан̃жасико, д̇асса сикам̣ чинд̣̇анд̇аа ган̃жи бхигкум̣ аж̇аанаабзд̇ваава баб̣б̣ааж̇зсум̣. д̇зна бхан̣д̣угаммаабалоганам̣ анун̃н̃аад̇ам̣. сиймаабарияаабаннзд̇и б̣ад̣̇д̇хасиймааяа сад̇и д̇ад̣̇анд̇ог̇ад̇хз, асад̇и убажаарасийманд̇ог̇ад̇хзд̇и ад̇т̇о. зд̇т̇а жа гин̃жааби ‘‘ануж̇аанаами, бхигкавз, сан̇гхам̣ абалогзд̇ум̣ бхан̣д̣угаммааяаа’’д̇и зд̇д̇агамзва вуд̇д̇ам̣, на бана анабалогзнд̇асса аабад̇д̇и вуд̇д̇аа, д̇ат̇ааби адтагат̇ааяам̣ ‘‘саб̣б̣з аабужчид̇аа амхзхийд̇исан̃н̃ино…бз… баб̣б̣ааж̇знд̇ассаби анаабад̇д̇ий’’д̇и вуд̇д̇ад̇д̇аа сан̃жижжа анаабужчаа гзсз охаарзнд̇асса д̣̇уггадамзваад̇и д̣̇адтаб̣б̣ам̣. гзсоробанамби саман̣абаб̣б̣аж̇анавохаарам̣ лабхад̇ийд̇и ааха ‘‘имасса саман̣агаран̣а’’нд̇иаад̣̇и. згасикаамад̇д̇ад̇харод̇и зд̇т̇а згзна гзсзна сикаа згасикаад̇и вад̣̇анд̇и, аббагзсаава сикаа звам̣ вуд̇д̇аад̇и г̇ахзд̇аб̣б̣аа. згагзсамби бана анаабужчаа чинд̣̇ид̇ум̣ на ваддад̇иязва.
98. Bhaṇḍukammāpucchānādikathāyaṃ kammārabhaṇḍūti daharatāya amoḷibandho muṇḍikasīso kammāradārako eva vutto. Tulādhāramuṇḍakoti ettha tulādhārāti tambasuvaṇṇādīnaṃ tulaṃ hatthena dhāretīti kammārā ‘‘tulādhārā’’ti vuttā, tesu eko muṇḍikasīso daharoti attho. Tenāha ‘‘pañcasikho taruṇadārako’’ti. Ekāva sikhā pañca veṇiyo katvā bandhanena pañcasikhāti vuccati, sā etassa atthīti pañcasikho, tassa sikhaṃ chindantā kañci bhikkhuṃ ajānāpetvāva pabbājesuṃ. Tena bhaṇḍukammāpalokanaṃ anuññātaṃ. Sīmāpariyāpanneti baddhasīmāya sati tadantogadhe, asati upacārasīmantogadheti attho. Ettha ca kiñcāpi ‘‘anujānāmi, bhikkhave, saṅghaṃ apaloketuṃ bhaṇḍukammāyā’’ti ettakameva vuttaṃ, na pana anapalokentassa āpatti vuttā, tathāpi aṭṭhakathāyaṃ ‘‘sabbe āpucchitā amhehītisaññino…pe… pabbājentassapi anāpattī’’ti vuttattā sañcicca anāpucchā kese ohārentassa dukkaṭamevāti daṭṭhabbaṃ. Kesoropanampi samaṇapabbajanavohāraṃ labhatīti āha ‘‘imassa samaṇakaraṇa’’ntiādi. Ekasikhāmattadharoti ettha ekena kesena sikhā ekasikhāti vadanti, appakesāva sikhā evaṃ vuttāti gahetabbā. Ekakesampi pana anāpucchā chindituṃ na vaṭṭatiyeva.
100. ваамахад̇т̇знаад̇и д̣̇агкин̣ахад̇т̇зна бхун̃ж̇анад̇о вуд̇д̇ам̣.
100.Vāmahatthenāti dakkhiṇahatthena bhuñjanato vuttaṃ.
103-4. ниссаяамужжанагасса вад̇д̇зсу бан̃жагачаггзсу бана ‘‘убхаяаани ко банасса баад̇имогкаани…бз… ануб̣яан̃ж̇анасо’’д̇и зд̇т̇а саб̣б̣оби жааяам̣ бабхзд̣̇о маад̇игаадтагат̇ааяам̣ н̃аад̇ааяам̣ н̃аад̇о ход̇и. ‘‘аабад̇д̇им̣ ж̇аанаад̇и, анаабад̇д̇им̣ ж̇аанаад̇ий’’д̇и ид̣̇ан̃жа ад̇д̇анаа н̃аад̇адтаанзсу аабад̇д̇аад̣̇им̣ санд̇хааяа вуд̇д̇анд̇и на г̇ахзд̇аб̣б̣ам̣.
103-4. Nissayamuccanakassa vattesu pañcakachakkesu pana ‘‘ubhayāni kho panassa pātimokkhāni…pe… anubyañjanaso’’ti ettha sabbopi cāyaṃ pabhedo mātikāṭṭhakathāyaṃ ñātāyaṃ ñāto hoti. ‘‘Āpattiṃ jānāti, anāpattiṃ jānātī’’ti idañca attanā ñātaṭṭhānesu āpattādiṃ sandhāya vuttanti na gahetabbaṃ.
гаммаарабхан̣д̣увад̇т̇аад̣̇игат̇ааван̣н̣анаа нидтид̇аа.
Kammārabhaṇḍuvatthādikathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
35. гаммаарабхан̣д̣увад̇т̇у • 35. Kammārabhaṇḍuvatthu
37. ахиваад̇агарог̇авад̇т̇у • 37. Ahivātakarogavatthu
40. ниссаяамужжанагагат̇аа • 40. Nissayamuccanakakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / гаммаарабхан̣д̣увад̇т̇аад̣̇игат̇аа • Kammārabhaṇḍuvatthādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ниссаяамужжанагагат̇ааван̣н̣анаа • Nissayamuccanakakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / гаммаарабхан̣д̣увад̇т̇аад̣̇игат̇ааван̣н̣анаа • Kammārabhaṇḍuvatthādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi
35. гаммаарабхан̣д̣увад̇т̇уаад̣̇игат̇аа • 35. Kammārabhaṇḍuvatthuādikathā
40. ниссаяамужжанагагат̇аа • 40. Nissayamuccanakakathā
