| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
35. гаммаарабхан̣д̣увад̇т̇у
35. Kammārabhaṇḍuvatthu
98. д̇зна ко бана самаязна ан̃н̃ад̇аро гаммаарабхан̣д̣у маад̇аабид̇уухи сад̣̇д̇хим̣ бхан̣д̣ид̇ваа аараамам̣ г̇анд̇ваа бхигкуусу баб̣б̣аж̇ид̇о ход̇и. ат̇а ко д̇асса гаммаарабхан̣д̣усса маад̇аабид̇аро д̇ам̣ гаммаарабхан̣д̣ум̣ вижинанд̇аа аараамам̣ г̇анд̇ваа бхигкуу бужчим̣су – ‘‘аби, бханд̇з, зваруубам̣ д̣̇аарагам̣ бассзяяаат̇аа’’д̇и? бхигкуу аж̇аанам̣язва аахам̣су – ‘‘на ж̇аанаамаа’’д̇и, абассам̣язва аахам̣су – ‘‘на бассаамаа’’д̇и. ат̇а ко д̇асса гаммаарабхан̣д̣усса маад̇аабид̇аро д̇ам̣ гаммаарабхан̣д̣ум̣ вижинанд̇аа бхигкуусу баб̣б̣аж̇ид̇ам̣ д̣̇исваа уж̇жхааяанд̇и кияяанд̇и вибаажзнд̇и – ‘‘алаж̇ж̇ино имз саман̣аа сагяабуд̇д̇ияаа, д̣̇уссийлаа мусааваад̣̇ино. ж̇аанам̣язва аахам̣су – ‘на ж̇аанаамаа’д̇и, бассам̣язва аахам̣су – ‘на бассаамаа’д̇и. аяам̣ д̣̇аараго бхигкуусу баб̣б̣аж̇ид̇о’’д̇и. ассосум̣ ко бхигкуу д̇асса гаммаарабхан̣д̣усса маад̇аабид̇уунам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, сан̇гхам̣ абалогзд̇ум̣ бхан̣д̣угаммааяаад̇и.
98. Tena kho pana samayena aññataro kammārabhaṇḍu mātāpitūhi saddhiṃ bhaṇḍitvā ārāmaṃ gantvā bhikkhūsu pabbajito hoti. Atha kho tassa kammārabhaṇḍussa mātāpitaro taṃ kammārabhaṇḍuṃ vicinantā ārāmaṃ gantvā bhikkhū pucchiṃsu – ‘‘api, bhante, evarūpaṃ dārakaṃ passeyyāthā’’ti? Bhikkhū ajānaṃyeva āhaṃsu – ‘‘na jānāmā’’ti, apassaṃyeva āhaṃsu – ‘‘na passāmā’’ti. Atha kho tassa kammārabhaṇḍussa mātāpitaro taṃ kammārabhaṇḍuṃ vicinantā bhikkhūsu pabbajitaṃ disvā ujjhāyanti khiyyanti vipācenti – ‘‘alajjino ime samaṇā sakyaputtiyā, dussīlā musāvādino. Jānaṃyeva āhaṃsu – ‘na jānāmā’ti, passaṃyeva āhaṃsu – ‘na passāmā’ti. Ayaṃ dārako bhikkhūsu pabbajito’’ti. Assosuṃ kho bhikkhū tassa kammārabhaṇḍussa mātāpitūnaṃ ujjhāyantānaṃ khiyyantānaṃ vipācentānaṃ. Atha kho te bhikkhū bhagavato etamatthaṃ ārocesuṃ. Anujānāmi, bhikkhave, saṅghaṃ apaloketuṃ bhaṇḍukammāyāti.
гаммаарабхан̣д̣увад̇т̇у нидтид̇ам̣.
Kammārabhaṇḍuvatthu niṭṭhitaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / гаммаарабхан̣д̣увад̇т̇аад̣̇игат̇аа • Kammārabhaṇḍuvatthādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / гаммаарабхан̣д̣увад̇т̇аад̣̇игат̇ааван̣н̣анаа • Kammārabhaṇḍuvatthādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / гаммаарабхан̣д̣увад̇т̇аад̣̇игат̇ааван̣н̣анаа • Kammārabhaṇḍuvatthādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 35. гаммаарабхан̣д̣увад̇т̇уаад̣̇игат̇аа • 35. Kammārabhaṇḍuvatthuādikathā
