| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੩੫. ਕਮ੍ਮਾਰਭਣ੍ਡੁવਤ੍ਥੁ
35. Kammārabhaṇḍuvatthu
੯੮. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਕਮ੍ਮਾਰਭਣ੍ਡੁ ਮਾਤਾਪਿਤੂਹਿ ਸਦ੍ਧਿਂ ਭਣ੍ਡਿਤ੍વਾ ਆਰਾਮਂ ਗਨ੍ਤ੍વਾ ਭਿਕ੍ਖੂਸੁ ਪਬ੍ਬਜਿਤੋ ਹੋਤਿ। ਅਥ ਖੋ ਤਸ੍ਸ ਕਮ੍ਮਾਰਭਣ੍ਡੁਸ੍ਸ ਮਾਤਾਪਿਤਰੋ ਤਂ ਕਮ੍ਮਾਰਭਣ੍ਡੁਂ વਿਚਿਨਨ੍ਤਾ ਆਰਾਮਂ ਗਨ੍ਤ੍વਾ ਭਿਕ੍ਖੂ ਪੁਚ੍ਛਿਂਸੁ – ‘‘ਅਪਿ, ਭਨ੍ਤੇ, ਏવਰੂਪਂ ਦਾਰਕਂ ਪਸ੍ਸੇਯ੍ਯਾਥਾ’’ਤਿ? ਭਿਕ੍ਖੂ ਅਜਾਨਂਯੇવ ਆਹਂਸੁ – ‘‘ਨ ਜਾਨਾਮਾ’’ਤਿ, ਅਪਸ੍ਸਂਯੇવ ਆਹਂਸੁ – ‘‘ਨ ਪਸ੍ਸਾਮਾ’’ਤਿ। ਅਥ ਖੋ ਤਸ੍ਸ ਕਮ੍ਮਾਰਭਣ੍ਡੁਸ੍ਸ ਮਾਤਾਪਿਤਰੋ ਤਂ ਕਮ੍ਮਾਰਭਣ੍ਡੁਂ વਿਚਿਨਨ੍ਤਾ ਭਿਕ੍ਖੂਸੁ ਪਬ੍ਬਜਿਤਂ ਦਿਸ੍વਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਅਲਜ੍ਜਿਨੋ ਇਮੇ ਸਮਣਾ ਸਕ੍ਯਪੁਤ੍ਤਿਯਾ, ਦੁਸ੍ਸੀਲਾ ਮੁਸਾવਾਦਿਨੋ। ਜਾਨਂਯੇવ ਆਹਂਸੁ – ‘ਨ ਜਾਨਾਮਾ’ਤਿ, ਪਸ੍ਸਂਯੇવ ਆਹਂਸੁ – ‘ਨ ਪਸ੍ਸਾਮਾ’ਤਿ। ਅਯਂ ਦਾਰਕੋ ਭਿਕ੍ਖੂਸੁ ਪਬ੍ਬਜਿਤੋ’’ਤਿ। ਅਸ੍ਸੋਸੁਂ ਖੋ ਭਿਕ੍ਖੂ ਤਸ੍ਸ ਕਮ੍ਮਾਰਭਣ੍ਡੁਸ੍ਸ ਮਾਤਾਪਿਤੂਨਂ ਉਜ੍ਝਾਯਨ੍ਤਾਨਂ ਖਿਯ੍ਯਨ੍ਤਾਨਂ વਿਪਾਚੇਨ੍ਤਾਨਂ। ਅਥ ਖੋ ਤੇ ਭਿਕ੍ਖੂ ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਸਙ੍ਘਂ ਅਪਲੋਕੇਤੁਂ ਭਣ੍ਡੁਕਮ੍ਮਾਯਾਤਿ।
98. Tena kho pana samayena aññataro kammārabhaṇḍu mātāpitūhi saddhiṃ bhaṇḍitvā ārāmaṃ gantvā bhikkhūsu pabbajito hoti. Atha kho tassa kammārabhaṇḍussa mātāpitaro taṃ kammārabhaṇḍuṃ vicinantā ārāmaṃ gantvā bhikkhū pucchiṃsu – ‘‘api, bhante, evarūpaṃ dārakaṃ passeyyāthā’’ti? Bhikkhū ajānaṃyeva āhaṃsu – ‘‘na jānāmā’’ti, apassaṃyeva āhaṃsu – ‘‘na passāmā’’ti. Atha kho tassa kammārabhaṇḍussa mātāpitaro taṃ kammārabhaṇḍuṃ vicinantā bhikkhūsu pabbajitaṃ disvā ujjhāyanti khiyyanti vipācenti – ‘‘alajjino ime samaṇā sakyaputtiyā, dussīlā musāvādino. Jānaṃyeva āhaṃsu – ‘na jānāmā’ti, passaṃyeva āhaṃsu – ‘na passāmā’ti. Ayaṃ dārako bhikkhūsu pabbajito’’ti. Assosuṃ kho bhikkhū tassa kammārabhaṇḍussa mātāpitūnaṃ ujjhāyantānaṃ khiyyantānaṃ vipācentānaṃ. Atha kho te bhikkhū bhagavato etamatthaṃ ārocesuṃ. Anujānāmi, bhikkhave, saṅghaṃ apaloketuṃ bhaṇḍukammāyāti.
ਕਮ੍ਮਾਰਭਣ੍ਡੁવਤ੍ਥੁ ਨਿਟ੍ਠਿਤਂ।
Kammārabhaṇḍuvatthu niṭṭhitaṃ.
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਕਮ੍ਮਾਰਭਣ੍ਡੁવਤ੍ਥਾਦਿਕਥਾ • Kammārabhaṇḍuvatthādikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਕਮ੍ਮਾਰਭਣ੍ਡੁવਤ੍ਥਾਦਿਕਥਾવਣ੍ਣਨਾ • Kammārabhaṇḍuvatthādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਕਮ੍ਮਾਰਭਣ੍ਡੁવਤ੍ਥਾਦਿਕਥਾવਣ੍ਣਨਾ • Kammārabhaṇḍuvatthādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੩੫. ਕਮ੍ਮਾਰਭਣ੍ਡੁવਤ੍ਥੁਆਦਿਕਥਾ • 35. Kammārabhaṇḍuvatthuādikathā
