| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
10. гаммасуд̇д̇ам̣
10. Kammasuttaṃ
263. ‘‘жад̇уухи, бхигкавз, д̇хаммзхи саманнааг̇ад̇о б̣аало аб̣яад̇д̇о асаббурисо кад̇ам̣ убахад̇ам̣ ад̇д̇аанам̣ барихарад̇и, сааваж̇ж̇о жа ход̇и саануваж̇ж̇о вин̃н̃уунам̣, б̣ахун̃жа абун̃н̃ам̣ басавад̇и. гад̇амзхи жад̇уухи? сааваж̇ж̇зна гааяагаммзна, сааваж̇ж̇зна важийгаммзна, сааваж̇ж̇зна маногаммзна, сааваж̇ж̇ааяа д̣̇идтияаа – имзхи ко, бхигкавз, жад̇уухи д̇хаммзхи саманнааг̇ад̇о б̣аало аб̣яад̇д̇о асаббурисо кад̇ам̣ убахад̇ам̣ ад̇д̇аанам̣ барихарад̇и, сааваж̇ж̇о жа ход̇и саануваж̇ж̇о вин̃н̃уунам̣, б̣ахун̃жа абун̃н̃ам̣ басавад̇и.
263. ‘‘Catūhi, bhikkhave, dhammehi samannāgato bālo abyatto asappuriso khataṃ upahataṃ attānaṃ pariharati, sāvajjo ca hoti sānuvajjo viññūnaṃ, bahuñca apuññaṃ pasavati. Katamehi catūhi? Sāvajjena kāyakammena, sāvajjena vacīkammena, sāvajjena manokammena, sāvajjāya diṭṭhiyā – imehi kho, bhikkhave, catūhi dhammehi samannāgato bālo abyatto asappuriso khataṃ upahataṃ attānaṃ pariharati, sāvajjo ca hoti sānuvajjo viññūnaṃ, bahuñca apuññaṃ pasavati.
‘‘жад̇уухи, бхигкавз, д̇хаммзхи саманнааг̇ад̇о бан̣д̣ид̇о вияад̇д̇о саббурисо агкад̇ам̣ анубахад̇ам̣ ад̇д̇аанам̣ барихарад̇и, анаваж̇ж̇о жа ход̇и анануваж̇ж̇о вин̃н̃уунам̣, б̣ахун̃жа бун̃н̃ам̣ басавад̇и. гад̇амзхи жад̇уухи? анаваж̇ж̇зна гааяагаммзна, анаваж̇ж̇зна важийгаммзна, анаваж̇ж̇зна маногаммзна, анаваж̇ж̇ааяа д̣̇идтияаа – имзхи ко, бхигкавз, жад̇уухи д̇хаммзхи саманнааг̇ад̇о бан̣д̣ид̇о вияад̇д̇о саббурисо агкад̇ам̣ анубахад̇ам̣ ад̇д̇аанам̣ барихарад̇и, анаваж̇ж̇о жа ход̇и анануваж̇ж̇о вин̃н̃уунам̣, б̣ахун̃жа бун̃н̃ам̣ басавад̇ий’’д̇и. д̣̇асамам̣.
‘‘Catūhi, bhikkhave, dhammehi samannāgato paṇḍito viyatto sappuriso akkhataṃ anupahataṃ attānaṃ pariharati, anavajjo ca hoti ananuvajjo viññūnaṃ, bahuñca puññaṃ pasavati. Katamehi catūhi? Anavajjena kāyakammena, anavajjena vacīkammena, anavajjena manokammena, anavajjāya diṭṭhiyā – imehi kho, bhikkhave, catūhi dhammehi samannāgato paṇḍito viyatto sappuriso akkhataṃ anupahataṃ attānaṃ pariharati, anavajjo ca hoti ananuvajjo viññūnaṃ, bahuñca puññaṃ pasavatī’’ti. Dasamaṃ.
абхин̃н̃ааваг̇г̇о чадто.
Abhiññāvaggo chaṭṭho.
д̇ассуд̣̇д̣̇аанам̣ –
Tassuddānaṃ –
абхин̃н̃аа бариязсанаа, сан̇г̇ахам̣ маалугяабуд̇д̇о;
Abhiññā pariyesanā, saṅgahaṃ mālukyaputto;
гулам̣ д̣̇вз жа ааж̇аанийяаа, б̣алам̣ аран̃н̃агаммунаад̇и.
Kulaṃ dve ca ājānīyā, balaṃ araññakammunāti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5-10. гуласуд̇д̇аад̣̇иван̣н̣анаа • 5-10. Kulasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4-10. маалугяабуд̇д̇асуд̇д̇аад̣̇иван̣н̣анаа • 4-10. Mālukyaputtasuttādivaṇṇanā
