| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੧੦. ਕਮ੍ਮਸੁਤ੍ਤਂ
10. Kammasuttaṃ
੨੬੩. ‘‘ਚਤੂਹਿ, ਭਿਕ੍ਖવੇ, ਧਮ੍ਮੇਹਿ ਸਮਨ੍ਨਾਗਤੋ ਬਾਲੋ ਅਬ੍ਯਤ੍ਤੋ ਅਸਪ੍ਪੁਰਿਸੋ ਖਤਂ ਉਪਹਤਂ ਅਤ੍ਤਾਨਂ ਪਰਿਹਰਤਿ, ਸਾવਜ੍ਜੋ ਚ ਹੋਤਿ ਸਾਨੁવਜ੍ਜੋ વਿਞ੍ਞੂਨਂ, ਬਹੁਞ੍ਚ ਅਪੁਞ੍ਞਂ ਪਸવਤਿ। ਕਤਮੇਹਿ ਚਤੂਹਿ? ਸਾવਜ੍ਜੇਨ ਕਾਯਕਮ੍ਮੇਨ, ਸਾવਜ੍ਜੇਨ વਚੀਕਮ੍ਮੇਨ, ਸਾવਜ੍ਜੇਨ ਮਨੋਕਮ੍ਮੇਨ, ਸਾવਜ੍ਜਾਯ ਦਿਟ੍ਠਿਯਾ – ਇਮੇਹਿ ਖੋ, ਭਿਕ੍ਖવੇ, ਚਤੂਹਿ ਧਮ੍ਮੇਹਿ ਸਮਨ੍ਨਾਗਤੋ ਬਾਲੋ ਅਬ੍ਯਤ੍ਤੋ ਅਸਪ੍ਪੁਰਿਸੋ ਖਤਂ ਉਪਹਤਂ ਅਤ੍ਤਾਨਂ ਪਰਿਹਰਤਿ, ਸਾવਜ੍ਜੋ ਚ ਹੋਤਿ ਸਾਨੁવਜ੍ਜੋ વਿਞ੍ਞੂਨਂ, ਬਹੁਞ੍ਚ ਅਪੁਞ੍ਞਂ ਪਸવਤਿ।
263. ‘‘Catūhi, bhikkhave, dhammehi samannāgato bālo abyatto asappuriso khataṃ upahataṃ attānaṃ pariharati, sāvajjo ca hoti sānuvajjo viññūnaṃ, bahuñca apuññaṃ pasavati. Katamehi catūhi? Sāvajjena kāyakammena, sāvajjena vacīkammena, sāvajjena manokammena, sāvajjāya diṭṭhiyā – imehi kho, bhikkhave, catūhi dhammehi samannāgato bālo abyatto asappuriso khataṃ upahataṃ attānaṃ pariharati, sāvajjo ca hoti sānuvajjo viññūnaṃ, bahuñca apuññaṃ pasavati.
‘‘ਚਤੂਹਿ, ਭਿਕ੍ਖવੇ, ਧਮ੍ਮੇਹਿ ਸਮਨ੍ਨਾਗਤੋ ਪਣ੍ਡਿਤੋ વਿਯਤ੍ਤੋ ਸਪ੍ਪੁਰਿਸੋ ਅਕ੍ਖਤਂ ਅਨੁਪਹਤਂ ਅਤ੍ਤਾਨਂ ਪਰਿਹਰਤਿ, ਅਨવਜ੍ਜੋ ਚ ਹੋਤਿ ਅਨਨੁવਜ੍ਜੋ વਿਞ੍ਞੂਨਂ, ਬਹੁਞ੍ਚ ਪੁਞ੍ਞਂ ਪਸવਤਿ। ਕਤਮੇਹਿ ਚਤੂਹਿ? ਅਨવਜ੍ਜੇਨ ਕਾਯਕਮ੍ਮੇਨ, ਅਨવਜ੍ਜੇਨ વਚੀਕਮ੍ਮੇਨ, ਅਨવਜ੍ਜੇਨ ਮਨੋਕਮ੍ਮੇਨ, ਅਨવਜ੍ਜਾਯ ਦਿਟ੍ਠਿਯਾ – ਇਮੇਹਿ ਖੋ, ਭਿਕ੍ਖવੇ, ਚਤੂਹਿ ਧਮ੍ਮੇਹਿ ਸਮਨ੍ਨਾਗਤੋ ਪਣ੍ਡਿਤੋ વਿਯਤ੍ਤੋ ਸਪ੍ਪੁਰਿਸੋ ਅਕ੍ਖਤਂ ਅਨੁਪਹਤਂ ਅਤ੍ਤਾਨਂ ਪਰਿਹਰਤਿ, ਅਨવਜ੍ਜੋ ਚ ਹੋਤਿ ਅਨਨੁવਜ੍ਜੋ વਿਞ੍ਞੂਨਂ, ਬਹੁਞ੍ਚ ਪੁਞ੍ਞਂ ਪਸવਤੀ’’ਤਿ। ਦਸਮਂ।
‘‘Catūhi, bhikkhave, dhammehi samannāgato paṇḍito viyatto sappuriso akkhataṃ anupahataṃ attānaṃ pariharati, anavajjo ca hoti ananuvajjo viññūnaṃ, bahuñca puññaṃ pasavati. Katamehi catūhi? Anavajjena kāyakammena, anavajjena vacīkammena, anavajjena manokammena, anavajjāya diṭṭhiyā – imehi kho, bhikkhave, catūhi dhammehi samannāgato paṇḍito viyatto sappuriso akkhataṃ anupahataṃ attānaṃ pariharati, anavajjo ca hoti ananuvajjo viññūnaṃ, bahuñca puññaṃ pasavatī’’ti. Dasamaṃ.
ਅਭਿਞ੍ਞਾવਗ੍ਗੋ ਛਟ੍ਠੋ।
Abhiññāvaggo chaṭṭho.
ਤਸ੍ਸੁਦ੍ਦਾਨਂ –
Tassuddānaṃ –
ਅਭਿਞ੍ਞਾ ਪਰਿਯੇਸਨਾ, ਸਙ੍ਗਹਂ ਮਾਲੁਕ੍ਯਪੁਤ੍ਤੋ।
Abhiññā pariyesanā, saṅgahaṃ mālukyaputto;
ਕੁਲਂ ਦ੍વੇ ਚ ਆਜਾਨੀਯਾ, ਬਲਂ ਅਰਞ੍ਞਕਮ੍ਮੁਨਾਤਿ॥
Kulaṃ dve ca ājānīyā, balaṃ araññakammunāti.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੫-੧੦. ਕੁਲਸੁਤ੍ਤਾਦਿવਣ੍ਣਨਾ • 5-10. Kulasuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੪-੧੦. ਮਾਲੁਕ੍ਯਪੁਤ੍ਤਸੁਤ੍ਤਾਦਿવਣ੍ਣਨਾ • 4-10. Mālukyaputtasuttādivaṇṇanā
