| Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā |
гаммадтаанавибхааванаавид̇хаанагат̇ааван̣н̣анаа
Kammaṭṭhānavibhāvanāvidhānakathāvaṇṇanā
3125. ‘‘аад̣̇имхи сийлам̣ д̣̇ассзяяа.
3125. ‘‘Ādimhi sīlaṃ dasseyya.
маж̇жхз маг̇г̇ам̣ вибхааваяз;
Majjhe maggaṃ vibhāvaye;
барияосаанз жа ниб̣б̣аанам̣;
Pariyosāne ca nibbānaṃ;
зсаа гат̇игасан̣тид̇ий’’д̇и. (д̣̇ий. ни. адта. 1.190; ма. ни. адта. 1.291; а. ни. адта. 2.3.64) –
Esā kathikasaṇṭhitī’’ti. (dī. ni. aṭṭha. 1.190; ma. ni. aṭṭha. 1.291; a. ni. aṭṭha. 2.3.64) –
вуд̇д̇ам̣ д̇хаммагат̇игалагкан̣ам̣ самануссаранд̇ояамаажарияо баад̇имогкасам̣варасийлабарид̣̇ийбагам̣ винижчаяам̣ наад̇исан̇кзбавид̇т̇аарамукзна д̣̇ассзд̇ваа д̇ам̣муулагаанам̣ ид̇арзсан̃жа д̇ин̣н̣ам̣ сийлаанам̣ д̇ам̣д̣̇ассанзнзва д̣̇ассид̇абхааван̃жа сийлависуд̣̇д̇химуулигаа жид̇д̇ависуд̣̇д̇хиаад̣̇ияо бан̃жависуд̣̇д̇хияо жа д̇ам̣муулиган̃жа арияамаг̇г̇асан̇каад̇ам̣ н̃аан̣ад̣̇ассанависуд̣̇д̇хим̣ д̇ад̣̇ад̇хиг̇аманийяам̣ ниб̣б̣аанан̃жа д̣̇ассзд̇ваа яат̇аарад̣̇д̇хам̣ винаяагат̇ам̣ барияосаабзд̇угаамо ааха ‘‘баамогкз’’д̇иаад̣̇и. д̇ад̇т̇а баамогкзд̇и самаад̇хиаад̣̇ийнам̣ анаваж̇ж̇ад̇хаммаанам̣ бад̇идтаабхаавзна уд̇д̇амз. могкаббавзсанзд̇и амад̇амахааниб̣б̣аананаг̇арасса бавзсананимид̇д̇з. мукз асахааяад̣̇ваарабхууд̇з. яат̇ааха –
Vuttaṃ dhammakathikalakkhaṇaṃ samanussarantoyamācariyo pātimokkhasaṃvarasīlaparidīpakaṃ vinicchayaṃ nātisaṅkhepavitthāramukhena dassetvā taṃmūlakānaṃ itaresañca tiṇṇaṃ sīlānaṃ taṃdassaneneva dassitabhāvañca sīlavisuddhimūlikā cittavisuddhiādiyo pañcavisuddhiyo ca taṃmūlikañca ariyamaggasaṅkhātaṃ ñāṇadassanavisuddhiṃ tadadhigamanīyaṃ nibbānañca dassetvā yathāraddhaṃ vinayakathaṃ pariyosāpetukāmo āha ‘‘pāmokkhe’’tiādi. Tattha pāmokkheti samādhiādīnaṃ anavajjadhammānaṃ patiṭṭhābhāvena uttame. Mokkhappavesaneti amatamahānibbānanagarassa pavesananimitte. Mukhe asahāyadvārabhūte. Yathāha –
‘‘саг̇г̇аарохан̣асобаанам̣, ан̃н̃ам̣ сийласамам̣ гуд̇о;
‘‘Saggārohaṇasopānaṃ, aññaṃ sīlasamaṃ kuto;
д̣̇ваарам̣ ваа бана ниб̣б̣аана-наг̇арасса бавзсанз’’д̇и. (висуд̣̇д̇хи. 1.9; б̣у. б̣ам̣. адта. 3.д̣̇ийбан̇гараб̣уд̣̇д̇хавам̣саван̣н̣анаа);
Dvāraṃ vā pana nibbāna-nagarassa pavesane’’ti. (visuddhi. 1.9; bu. baṃ. aṭṭha. 3.dīpaṅkarabuddhavaṃsavaṇṇanā);
саб̣б̣ад̣̇угкагкаязд̇и ж̇аад̇ид̣̇угкаад̣̇исаб̣б̣ад̣̇угкаанам̣ каяасса арияамаг̇г̇асса ад̇хиг̇амуубааяад̇д̇аа палуубажаарзна саб̣б̣ад̣̇угкагкаяасан̇каад̇з. ‘‘баамогкз’’д̇и жа ‘‘могкаббавзсанз мукз’’д̇и жа ‘‘саб̣б̣ад̣̇угкагкаяз’’д̇и жа ‘‘баад̇имогкасми’’нд̇и зд̇асса висзсанам̣. вуд̇д̇зд̇и баарааж̇игад̇о бадтааяа наанаббагаарад̇о нид̣̇д̣̇идтз сад̇и. ид̇арад̇д̇аяам̣ вуд̇д̇амзваад̇и самб̣анд̇хо. инд̣̇рияасам̣варасийлаааж̇ийвабаарисуд̣̇д̇хисийлабажжаяасанниссид̇асийласан̇каад̇ам̣ ид̇арам̣ сийлад̇д̇аяам̣ вуд̇д̇амзва ход̇и ‘‘рааж̇аа ааг̇ад̇о’’д̇и вуд̇д̇з барисааяа ааг̇аманам̣ вияа, д̇асмаа д̇ам̣ на вагкаамаад̇и ад̇хиббааяо.
Sabbadukkhakkhayeti jātidukkhādisabbadukkhānaṃ khayassa ariyamaggassa adhigamūpāyattā phalūpacārena sabbadukkhakkhayasaṅkhāte. ‘‘Pāmokkhe’’ti ca ‘‘mokkhappavesane mukhe’’ti ca ‘‘sabbadukkhakkhaye’’ti ca ‘‘pātimokkhasmi’’nti etassa visesanaṃ. Vutteti pārājikato paṭṭhāya nānappakārato niddiṭṭhe sati. Itarattayaṃ vuttamevāti sambandho. Indriyasaṃvarasīlaājīvapārisuddhisīlapaccayasannissitasīlasaṅkhātaṃ itaraṃ sīlattayaṃ vuttameva hoti ‘‘rājā āgato’’ti vutte parisāya āgamanaṃ viya, tasmā taṃ na vakkhāmāti adhippāyo.
3126. ид̣̇ам̣ жад̇уб̣б̣ид̇хам̣ сийланд̇и баад̇имогкасам̣варасийлаад̣̇им̣ жад̇убаарисуд̣̇д̇хисийлам̣. н̃ад̇ваад̇и лагкан̣аад̣̇ид̇о, вод̣̇аанад̇о, хаанабхааг̇ияадтид̇ибхааг̇ияависзсабхааг̇ияаниб̣б̣зд̇хабхааг̇ияаад̣̇иббагаарад̇о жа ж̇аанид̇ваа. д̇ад̇т̇аад̇и жад̇уб̣б̣ид̇хасийлз. бад̇идтид̇од̇и ажчид̣̇д̣̇аад̣̇иан̇г̇асаманнааг̇ад̇абхаавамаабаад̣̇анзна бад̇идтид̇о. самаад̇хинд̇и убажаараббанаабхзд̣̇алогияасамаад̇хим̣. бхаавзд̇ваад̇и самажад̇д̇аалийсааяа гаммадтаанзсу бунаббунам̣ ануяог̇авасзна вад̣дхзд̇ваа. бан̃н̃ааяаад̇и д̇илагкан̣аагаараад̣̇ибарижчзд̣̇игааяа логуд̇д̇арааяа бан̃н̃ааяа хзд̇убхууд̇ааяа, гаран̣абхууд̇ааяа жа. баримужжад̇ийд̇и саб̣б̣агилзсаб̣анд̇ханам̣ чзд̇ваа сам̣сааражаарагаа саманд̇ад̇о мужжад̇и, анубаад̣̇исзсааяа ниб̣б̣аанад̇хаад̇уяаа бариниб̣б̣ааяад̇ийд̇и ад̇хиббааяо.
3126.Idaṃ catubbidhaṃ sīlanti pātimokkhasaṃvarasīlādiṃ catupārisuddhisīlaṃ. Ñatvāti lakkhaṇādito, vodānato, hānabhāgiyaṭṭhitibhāgiyavisesabhāgiyanibbedhabhāgiyādippakārato ca jānitvā. Tatthāti catubbidhasīle. Patiṭṭhitoti acchiddādiaṅgasamannāgatabhāvamāpādanena patiṭṭhito. Samādhinti upacārappanābhedalokiyasamādhiṃ. Bhāvetvāti samacattālīsāya kammaṭṭhānesu punappunaṃ anuyogavasena vaḍḍhetvā. Paññāyāti tilakkhaṇākārādiparicchedikāya lokuttarāya paññāya hetubhūtāya, karaṇabhūtāya ca. Parimuccatīti sabbakilesabandhanaṃ chetvā saṃsāracārakā samantato muccati, anupādisesāya nibbānadhātuyā parinibbāyatīti adhippāyo.
3127. звам̣ самаасад̇о вуд̇д̇амзвад̇т̇ам̣ нид̣̇д̣̇исанд̇о ааха ‘‘д̣̇асаануссад̇ияо’’д̇иаад̣̇и. д̣̇аса ануссад̇ияо жа д̣̇аса гасин̣аа жа д̣̇аса асубхаа жа жад̇ассо аббаман̃н̃ааяо жа д̇ат̇аа жад̇д̇ааро ааруббаа жа вуд̇д̇аа. абарам̣ гаммадтаанад̣̇ваяан̃жа вуд̇д̇анд̇и самб̣анд̇хо.
3127. Evaṃ samāsato vuttamevatthaṃ niddisanto āha ‘‘dasānussatiyo’’tiādi. Dasa anussatiyo ca dasa kasiṇā ca dasa asubhā ca catasso appamaññāyo ca tathā cattāro āruppā ca vuttā. Aparaṃ kammaṭṭhānadvayañca vuttanti sambandho.
д̇ад̇т̇а д̣̇асаануссад̇ияо наама ‘‘б̣уд̣̇д̇хаануссад̇и, д̇хаммаануссад̇и, сан̇гхаануссад̇и, сийлаануссад̇и, жааг̇аануссад̇и, д̣̇звад̇аануссад̇и, гааяаг̇ад̇аасад̇и, маран̣аануссад̇и, аанаабаанасад̇и, убасамаануссад̇ий’’д̇и (висуд̣̇д̇хи. 1.47) звам̣ вуд̇д̇аа д̣̇аса ануссад̇ияо.
Tattha dasānussatiyo nāma ‘‘buddhānussati, dhammānussati, saṅghānussati, sīlānussati, cāgānussati, devatānussati, kāyagatāsati, maraṇānussati, ānāpānasati, upasamānussatī’’ti (visuddhi. 1.47) evaṃ vuttā dasa anussatiyo.
д̣̇аса гасин̣аа наама ‘‘бат̇авийгасин̣ам̣, аабогасин̣ам̣, д̇зж̇огасин̣ам̣, вааяогасин̣ам̣, нийлагасин̣ам̣, бийд̇агасин̣ам̣, лохид̇агасин̣ам̣, од̣̇аад̇агасин̣ам̣, аалогагасин̣ам̣, барижчиннаагаасагасин̣а’’нд̇и (висуд̣̇д̇хи. 1.47) вуд̇д̇аа имз д̣̇аса гасин̣аа.
Dasa kasiṇā nāma ‘‘pathavīkasiṇaṃ, āpokasiṇaṃ, tejokasiṇaṃ, vāyokasiṇaṃ, nīlakasiṇaṃ, pītakasiṇaṃ, lohitakasiṇaṃ, odātakasiṇaṃ, ālokakasiṇaṃ, paricchinnākāsakasiṇa’’nti (visuddhi. 1.47) vuttā ime dasa kasiṇā.
д̣̇аса асубхаа наама ‘‘уд̣̇д̇хумаад̇агам̣, винийлагам̣, вибуб̣б̣агам̣, вижчид̣̇д̣̇агам̣, вигкааяид̇агам̣, вигкид̇д̇агам̣, хад̇авигкид̇д̇агам̣, лохид̇агам̣, бул̣увагам̣, адтига’’нд̇и (висуд̣̇д̇хи. 1.47) вуд̇д̇аа имз д̣̇аса асубхаа.
Dasa asubhā nāma ‘‘uddhumātakaṃ, vinīlakaṃ, vipubbakaṃ, vicchiddakaṃ, vikkhāyitakaṃ, vikkhittakaṃ, hatavikkhittakaṃ, lohitakaṃ, puḷuvakaṃ, aṭṭhika’’nti (visuddhi. 1.47) vuttā ime dasa asubhā.
жад̇ассо аббаман̃н̃ааяо наама ‘‘мзд̇д̇аа, гарун̣аа, муд̣̇ид̇аа, убзгкаа’’д̇и (висуд̣̇д̇хи. 1.47) вуд̇д̇аа имз аббаман̃н̃ааяо.
Catasso appamaññāyo nāma ‘‘mettā, karuṇā, muditā, upekkhā’’ti (visuddhi. 1.47) vuttā ime appamaññāyo.
жад̇д̇ааро ааруббаа наама ‘‘аагаасаанан̃жааяад̇анам̣, вин̃н̃аан̣ан̃жааяад̇анам̣, аагин̃жан̃н̃ааяад̇анам̣, нзвасан̃н̃аанаасан̃н̃ааяад̇ана’’нд̇и (висуд̣̇д̇хи. 1.47) вуд̇д̇аа имз ааруббаа. абарам̣ гаммадтаанад̣̇ваяам̣ наама ‘‘аахаарзбадиггууласан̃н̃аа, жад̇уд̇хаад̇увавад̇т̇аана’’нд̇и вуд̇д̇ам̣ дтаанаубхаяам̣.
Cattāro āruppā nāma ‘‘ākāsānañcāyatanaṃ, viññāṇañcāyatanaṃ, ākiñcaññāyatanaṃ, nevasaññānāsaññāyatana’’nti (visuddhi. 1.47) vuttā ime āruppā. Aparaṃ kammaṭṭhānadvayaṃ nāma ‘‘āhārepaṭikkūlasaññā, catudhātuvavatthāna’’nti vuttaṃ ṭṭhānaubhayaṃ.
3128. ижжзвам̣ жад̇д̇аалийсавид̇хам̣ манобхуно гаммадтаанам̣ саб̣б̣амби гаммадтаанам̣ самуд̣̇д̣̇идтам̣ сияаад̇и яож̇анаа. гаммасса яог̇асан̇каад̇асса таанам̣ аарамман̣абхаавзна бавад̇д̇идтаананд̇и гаммадтаанам̣. д̇идтад̇и зд̇т̇а палам̣ д̇ад̣̇ааяад̇д̇авуд̇д̇ид̇ааяаад̇и таанам̣, гааран̣ам̣, гаммасса вибассанааяа таанам̣ гааран̣ам̣ гаммадтаанам̣, гассаад̇и ааха ‘‘манобхуно’’д̇и. мано абхибхавад̇ийд̇и манобхуу, д̇асса манобхуно, гусалажид̇д̇аббавад̇д̇инивааран̣зна д̇ат̇аалад̣̇д̇ханаамасса гаамад̣̇звассаад̇и ад̇т̇о. иминаа гаммадтаанаг̇ан̣анаабарижчзд̣̇о д̣̇ассид̇о.
3128. Iccevaṃ cattālīsavidhaṃ manobhuno kammaṭṭhānaṃ sabbampi kammaṭṭhānaṃ samuddiṭṭhaṃ siyāti yojanā. Kammassa yogasaṅkhātassa ṭhānaṃ ārammaṇabhāvena pavattiṭṭhānanti kammaṭṭhānaṃ. Tiṭṭhati ettha phalaṃ tadāyattavuttitāyāti ṭhānaṃ, kāraṇaṃ, kammassa vipassanāya ṭhānaṃ kāraṇaṃ kammaṭṭhānaṃ, kassāti āha ‘‘manobhuno’’ti. Mano abhibhavatīti manobhū, tassa manobhuno, kusalacittappavattinivāraṇena tathāladdhanāmassa kāmadevassāti attho. Iminā kammaṭṭhānagaṇanāparicchedo dassito.
3129-30. имзсам̣ гаммадтаанаанам̣ бхааванаамаяам̣ бхинд̣̇ид̇ваа д̣̇ассзд̇ум̣ маад̇игам̣ д̇аава д̣̇ассзнд̇о ааха ‘‘убажаараббанаад̇о’’д̇иаад̣̇и. д̇ад̇т̇а убажаараббанаад̇од̇и ‘‘зд̇д̇агаани гаммадтаанаани убажаараавахаани , зд̇д̇агаани аббанаавахааний’’д̇и звам̣ убажаараббанаавасзна жа. жхаанабхзд̣̇аад̇и ‘‘зд̇д̇агаани батамаж̇жхаанигаани, зд̇д̇агаани д̇игажад̇уггаж̇жхаанигаани, зд̇д̇агаани бан̃жагаж̇жхаанигааний’’д̇иаад̣̇инаа жхаанабхзд̣̇аа жа. ад̇иггамаад̇и ан̇г̇аанам̣, аарамман̣аанан̃жа ад̇иггамад̇о. вад̣дханаавад̣дханаа жаабийд̇и ан̇г̇улад̣̇ван̇г̇улаад̣̇ивасзна вад̣дхзд̇аб̣б̣аа, авад̣дхзд̇аб̣б̣аа жа. аарамман̣абхуумид̇од̇и нимид̇д̇аарамман̣аад̣̇иаарамман̣ад̇о жзва лаб̣бхамаанаалаб̣бхамаанабхуумид̇о жа.
3129-30. Imesaṃ kammaṭṭhānānaṃ bhāvanāmayaṃ bhinditvā dassetuṃ mātikaṃ tāva dassento āha ‘‘upacārappanāto’’tiādi. Tattha upacārappanātoti ‘‘ettakāni kammaṭṭhānāni upacārāvahāni , ettakāni appanāvahānī’’ti evaṃ upacārappanāvasena ca. Jhānabhedāti ‘‘ettakāni paṭhamajjhānikāni, ettakāni tikacatukkajjhānikāni, ettakāni pañcakajjhānikānī’’tiādinā jhānabhedā ca. Atikkamāti aṅgānaṃ, ārammaṇānañca atikkamato. Vaḍḍhanāvaḍḍhanā cāpīti aṅguladvaṅgulādivasena vaḍḍhetabbā, avaḍḍhetabbā ca. Ārammaṇabhūmitoti nimittārammaṇādiārammaṇato ceva labbhamānālabbhamānabhūmito ca.
г̇ахан̣аад̇и д̣̇идтаад̣̇ивасзна г̇ахзд̇аб̣б̣ад̇о. бажжаяаад̇и д̇ам̣д̇ам̣таанаанам̣ бажжаяабхаавад̇о жа. бхияяод̇и буна-сад̣̇д̣̇ад̇т̇анийхаарад̇т̇о. жарияаанугуулад̇од̇и рааг̇ажарияаад̣̇ийнам̣ анугуулабхаавад̇од̇и аяам̣ висзсо аяам̣ бхзд̣̇о. зд̇зсу жад̇д̇аалийсааяа гаммадтаанзсу.
Gahaṇāti diṭṭhādivasena gahetabbato. Paccayāti taṃtaṃṭhānānaṃ paccayabhāvato ca. Bhiyyoti puna-saddatthanīhārattho. Cariyānukūlatoti rāgacariyādīnaṃ anukūlabhāvatoti ayaṃ viseso ayaṃ bhedo. Etesu cattālīsāya kammaṭṭhānesu.
3131. звам̣ маад̇игам̣ нид̣̇д̣̇исид̇ваа яат̇ааггамам̣ нид̣̇д̣̇исанд̇о батамам̣ д̇аава убажаараавахаад̣̇аяо д̣̇ассзд̇умааха ‘‘адтаануссад̇ияо’’д̇иаад̣̇и . д̇ад̇т̇аад̇и д̇иссам̣ маад̇игааяам̣, д̇зсу ваа жад̇д̇аалийсааяа гаммадтаанзсу. адтаануссад̇ияод̇и гааяаг̇ад̇аасад̇иаанаабаанасад̇ид̣̇ваяаваж̇ж̇ид̇аа б̣уд̣̇д̇хаануссад̇иаад̣̇игаа адта ануссад̇ияо жа. сан̃н̃аа аахаарзбадиггууласан̃н̃аа жа. вавад̇т̇аанан̃жа жад̇уд̇хаад̇увавад̇т̇аанан̃жаад̇и имз д̣̇аса. убажаараавахаад̇и б̣уд̣̇д̇хаг̇ун̣аад̣̇ийнам̣ барамад̇т̇абхаавад̇о, анзгавид̇хад̇д̇аа, згассааби г̇амбхийрабхаавад̇о жа зд̇зсу д̣̇асасу гаммадтаанзсу аббанаавасзна самаад̇хисса бад̇идтаад̇умасаггун̣зяяад̇д̇аа аббанаабхааванааббад̇д̇о самаад̇хи убажаарабхаавзязва бад̇идтаад̇и, д̇асмаа зд̇з убажаараавахаа.
3131. Evaṃ mātikaṃ niddisitvā yathākkamaṃ niddisanto paṭhamaṃ tāva upacārāvahādayo dassetumāha ‘‘aṭṭhānussatiyo’’tiādi . Tatthāti tissaṃ mātikāyaṃ, tesu vā cattālīsāya kammaṭṭhānesu. Aṭṭhānussatiyoti kāyagatāsatiānāpānasatidvayavajjitā buddhānussatiādikā aṭṭha anussatiyo ca. Saññā āhārepaṭikkūlasaññā ca. Vavatthānañca catudhātuvavatthānañcāti ime dasa. Upacārāvahāti buddhaguṇādīnaṃ paramatthabhāvato, anekavidhattā, ekassāpi gambhīrabhāvato ca etesu dasasu kammaṭṭhānesu appanāvasena samādhissa patiṭṭhātumasakkuṇeyyattā appanābhāvanāppatto samādhi upacārabhāveyeva patiṭṭhāti, tasmā ete upacārāvahā.
нану жзд̇т̇а д̣̇уд̇ияажад̇уд̇т̇ааруббасамаад̇хи, логуд̇д̇аро жа самаад̇хи барамад̇т̇ад̇хаммз аббанам̣ баабун̣аад̇и, д̇асмаа ‘‘барамад̇т̇абхаавад̇о’’д̇и хзд̇у аббанамабаабун̣анз гааран̣абхаавзна на вужжад̇ийд̇и? на, д̇асса бхааванаависзсзна барамад̇т̇ад̇хаммз бавад̇д̇исамбхавад̇о, имасса жа руубааважаражад̇уд̇т̇абхааванаависзсасамбхавад̇о жа. д̇ат̇аа хи д̣̇уд̇ияажад̇уд̇т̇ааруббасамаад̇хи аббанаабад̇д̇асса аруубааважарасамаад̇хисса жад̇уд̇т̇аж̇жхаанасса аарамман̣асамад̇иггамамад̇д̇абхааванаавасзна сабхааваарамман̣зби аббанам̣ баабун̣аад̇и. висуд̣̇д̇хибхааванаануггамаб̣алзна логуд̇д̇аро самаад̇хи аббанам̣ баабун̣аад̇ийд̇и.
Nanu cettha dutiyacatutthāruppasamādhi, lokuttaro ca samādhi paramatthadhamme appanaṃ pāpuṇāti, tasmā ‘‘paramatthabhāvato’’ti hetu appanamapāpuṇane kāraṇabhāvena na vuccatīti? Na, tassa bhāvanāvisesena paramatthadhamme pavattisambhavato, imassa ca rūpāvacaracatutthabhāvanāvisesasambhavato ca. Tathā hi dutiyacatutthāruppasamādhi appanāpattassa arūpāvacarasamādhissa catutthajjhānassa ārammaṇasamatikkamamattabhāvanāvasena sabhāvārammaṇepi appanaṃ pāpuṇāti. Visuddhibhāvanānukkamabalena lokuttaro samādhi appanaṃ pāpuṇātīti.
3132. д̇ад̇т̇аад̇и д̇зсу жхаанаавахзсу д̇им̣сагаммадтаанзсу. асубхаад̇и уд̣̇д̇хумаад̇агаад̣̇аяо д̣̇аса асубхаа. гааяаг̇ад̇аасад̇ийд̇и гааяаг̇ад̇аасад̇и жаад̇и имз згаад̣̇аса. батамаж̇жхаанигаад̇и имзсам̣ бадиггуулаарамман̣ад̇д̇аа, бадиггуулаарамман̣з жа жид̇д̇асса жан̣д̣асод̇ааяа над̣̇ияаа арид̇д̇аб̣алзна нааваадтаанам̣ вияа вид̇аггаб̣алзнзва бавад̇д̇исамбхавад̇о авид̇аггаанам̣ д̣̇уд̇ияаж̇жхаанаад̣̇ийнам̣ асамбхавод̇и савид̇аггасса батамаж̇жхаанассзва самбхавад̇о батамаж̇жхаанигаа. аанаабаанан̃жа гасин̣аа жаад̇и имз згаад̣̇аса жад̇уггаж̇жхаанигаа руубааважаражад̇уггаж̇жхаанигаа жа жад̇угганаязна, бан̃жагаж̇жхаанигаа жа.
3132.Tatthāti tesu jhānāvahesu tiṃsakammaṭṭhānesu. Asubhāti uddhumātakādayo dasa asubhā. Kāyagatāsatīti kāyagatāsati cāti ime ekādasa. Paṭhamajjhānikāti imesaṃ paṭikkūlārammaṇattā, paṭikkūlārammaṇe ca cittassa caṇḍasotāya nadiyā arittabalena nāvāṭṭhānaṃ viya vitakkabaleneva pavattisambhavato avitakkānaṃ dutiyajjhānādīnaṃ asambhavoti savitakkassa paṭhamajjhānasseva sambhavato paṭhamajjhānikā. Ānāpānañca kasiṇā cāti ime ekādasa catukkajjhānikā rūpāvacaracatukkajjhānikā ca catukkanayena, pañcakajjhānikā ca.
3133. д̇иссова аббаман̃н̃аад̇и мзд̇д̇аа, гарун̣аа, муд̣̇ид̇аад̇и аббаман̃н̃аа д̇иссова. сааман̃н̃анид̣̇д̣̇зсз зд̇аасамзва г̇ахан̣ам̣ гат̇ам̣ вин̃н̃ааяад̇ийд̇и? ‘‘ат̇а бажчимаа’’д̇иаад̣̇инаа жад̇уд̇т̇ааяа аббаман̃н̃ааяа жад̇уд̇т̇аж̇жхаанигабхаавасса вагкамаанад̇д̇аа баарисзсад̇о д̇ам̣ вин̃н̃ааяад̇и. д̇игаж̇жхаанаанийд̇и д̇игаж̇жхаанигаа. ‘‘д̇игаж̇жхаанаа’’д̇и вад̇д̇аб̣б̣з лин̇г̇авибаллаасзна звам̣ вуд̇д̇анд̇и д̣̇адтаб̣б̣ам̣. мзд̇д̇аад̣̇ийнам̣ д̣̇оманассасахаг̇ад̇аб̣яаабаад̣̇авихим̣саанабхирад̇ийнам̣ бахааяагад̇д̇аа д̣̇оманассабадибагкзна соманассзнзва сахаг̇ад̇ад̇аа вуд̇д̇аад̇и жад̇угганаязна д̇игаж̇жхаанигад̇аа вуд̇д̇аа, бан̃жаганаязна жад̇уггаж̇жхаанигад̇аа жа.
3133.Tissova appamaññāti mettā, karuṇā, muditāti appamaññā tissova. Sāmaññaniddese etāsameva gahaṇaṃ kathaṃ viññāyatīti? ‘‘Atha pacchimā’’tiādinā catutthāya appamaññāya catutthajjhānikabhāvassa vakkhamānattā pārisesato taṃ viññāyati. Tikajjhānānīti tikajjhānikā. ‘‘Tikajjhānā’’ti vattabbe liṅgavipallāsena evaṃ vuttanti daṭṭhabbaṃ. Mettādīnaṃ domanassasahagatabyāpādavihiṃsānabhiratīnaṃ pahāyakattā domanassapaṭipakkhena somanasseneva sahagatatā vuttāti catukkanayena tikajjhānikatā vuttā, pañcakanayena catukkajjhānikatā ca.
‘‘ат̇аа’’д̇и ид̣̇ам̣ ‘‘бажчимаа’’д̇и бад̣̇асса ‘‘д̇иссо’’д̇и иминаа буримабад̣̇зна самб̣анд̇ханивад̇д̇анад̇т̇ам̣. бажчимаа аббаман̃н̃аа, жад̇д̇ааро ааруббаа жа жад̇уд̇т̇аж̇жхаанигаа мад̇аа жад̇угганаязна, бан̃жамаж̇жхаанигаа жа. ‘‘саб̣б̣з сад̇д̇аа сукид̇аа хонд̇у, д̣̇угкаа мужжанд̇у, лад̣̇д̇хасукасамбад̇д̇ид̇о маа виг̇ажчанд̇уу’’д̇и мзд̇д̇аад̣̇ид̇ивид̇хавасаббавад̇д̇ам̣ б̣яаабаарад̇д̇аяам̣ бахааяа гаммассагад̇аад̣̇ассанзна сад̇д̇зсу маж̇жхад̇д̇аагаараббад̇д̇абхааванааниб̣б̣ад̇д̇ааяа д̇ад̇рамаж̇жхад̇д̇обзгкааяа б̣алавад̇арад̇д̇аа аббанааббад̇д̇асса убзгкааб̣рахмавихаарасса сукасахаг̇ад̇ад̇аасамбхавад̇о убзгкаасахаг̇ад̇ад̇аа вуд̇д̇аа.
‘‘Athā’’ti idaṃ ‘‘pacchimā’’ti padassa ‘‘tisso’’ti iminā purimapadena sambandhanivattanatthaṃ. Pacchimā appamaññā, cattāro āruppā ca catutthajjhānikā matā catukkanayena, pañcamajjhānikā ca. ‘‘Sabbe sattā sukhitā hontu, dukkhā muccantu, laddhasukhasampattito mā vigacchantū’’ti mettāditividhavasappavattaṃ byāpārattayaṃ pahāya kammassakatādassanena sattesu majjhattākārappattabhāvanānibbattāya tatramajjhattopekkhāya balavatarattā appanāppattassa upekkhābrahmavihārassa sukhasahagatatāsambhavato upekkhāsahagatatā vuttā.
3134. ан̇г̇аарамман̣ад̇о ад̇иггамо д̣̇вид̇хаа вуд̇д̇од̇и яож̇анаа. жад̇уггад̇игаж̇жхаанзсууд̇и д̣̇асагасин̣аа, аанаабаанасад̇ийд̇и згаад̣̇асасу жад̇уггаж̇жхаанигзсу жзва мзд̇д̇аад̣̇ибуримаб̣рахмавихаарад̇д̇аяасан̇каад̇зсу д̇игаж̇жхаанигзсу жа гаммадтаанзсу. ан̇г̇аад̇иггамад̇аад̇и згасмим̣язва аарамман̣з вид̇аггаад̣̇ижхаанан̇г̇а самад̇иггамзна батамаж̇жхаанаад̣̇ийнам̣ аарамман̣зязва д̣̇уд̇ияаж̇жхаанаад̣̇ийнам̣ уббад̇д̇ид̇о ан̇г̇аад̇иггамо ад̇хиббзд̇од̇и ад̇т̇о. ан̇г̇аад̇иггамоязва ан̇г̇аад̇иггамад̇аа.
3134. Aṅgārammaṇato atikkamo dvidhā vuttoti yojanā. Catukkatikajjhānesūti dasakasiṇā, ānāpānasatīti ekādasasu catukkajjhānikesu ceva mettādipurimabrahmavihārattayasaṅkhātesu tikajjhānikesu ca kammaṭṭhānesu. Aṅgātikkamatāti ekasmiṃyeva ārammaṇe vitakkādijhānaṅga samatikkamena paṭhamajjhānādīnaṃ ārammaṇeyeva dutiyajjhānādīnaṃ uppattito aṅgātikkamo adhippetoti attho. Aṅgātikkamoyeva aṅgātikkamatā.
3135. ан̇г̇аад̇иггамад̇од̇и д̇ад̇ияаж̇жхаанасамбаяуд̇д̇асоманассаад̇иггаманад̇о. аарамман̣амад̇иггаммаад̇и бадибхааг̇анимид̇д̇агасин̣уг̇гхаадимаагаасад̇аб̣б̣исаяабатамааруббавин̃н̃аан̣ад̇ад̣̇абхаавасан̇каад̇аани жад̇д̇аари аарамман̣аани яат̇ааггамам̣ ад̇иггамид̇ваа. гасин̣уг̇гхаадимаагаасад̇аб̣б̣исаяабатамааруббавин̃н̃аан̣ад̇ад̣̇абхаавад̇аб̣б̣исаяад̇ад̇ияааруббавин̃н̃аан̣асан̇каад̇зсу жад̇уусу аарамман̣зсу ааруббаа аагаасаанан̃жааяад̇анаад̣̇ийни жад̇д̇аари аруубааважараж̇жхаанаани ж̇ааяарз уббаж̇ж̇анд̇и.
3135.Aṅgātikkamatoti tatiyajjhānasampayuttasomanassātikkamanato. Ārammaṇamatikkammāti paṭibhāganimittakasiṇugghāṭimākāsatabbisayapaṭhamāruppaviññāṇatadabhāvasaṅkhātāni cattāri ārammaṇāni yathākkamaṃ atikkamitvā. Kasiṇugghāṭimākāsatabbisayapaṭhamāruppaviññāṇatadabhāvatabbisayatatiyāruppaviññāṇasaṅkhātesu catūsu ārammaṇesu āruppā ākāsānañcāyatanādīni cattāri arūpāvacarajjhānāni jāyare uppajjanti.
3136. зд̇т̇аад̇и зд̇зсу аарамман̣зсу. вад̣дхзд̇аб̣б̣аанийд̇и ‘‘яад̇д̇агам̣ огаасам̣ гасин̣зна парад̇и, д̇ад̣̇аб̣бханд̇арз д̣̇иб̣б̣ааяа сод̇ад̇хаад̇уяаа сад̣̇д̣̇ам̣ сод̇ум̣, д̣̇иб̣б̣зна жагкунаа руубам̣ бассид̇ум̣, барасад̇д̇аанан̃жа жзд̇асаа жид̇д̇ам̣ ан̃н̃аад̇ум̣ самад̇т̇о ход̇ий’’д̇и вуд̇д̇аббаяож̇анам̣ санд̇хааяа ан̇г̇аг̇ан̣анаад̣̇ивасзна барижчинд̣̇ид̇ваа яад̇д̇агам̣ ижчад̇и, д̇ад̇д̇агам̣ вад̣дхзд̇аб̣б̣аани. сзсам̣ асубхаад̣̇и саб̣б̣ам̣ д̇ам̣ гаммадтаанам̣ баяож̇анаабхааваа на вад̣дхзд̇аб̣б̣амзваад̇и яож̇анаа.
3136.Etthāti etesu ārammaṇesu. Vaḍḍhetabbānīti ‘‘yattakaṃ okāsaṃ kasiṇena pharati, tadabbhantare dibbāya sotadhātuyā saddaṃ sotuṃ, dibbena cakkhunā rūpaṃ passituṃ, parasattānañca cetasā cittaṃ aññātuṃ samattho hotī’’ti vuttappayojanaṃ sandhāya aṅgagaṇanādivasena paricchinditvā yattakaṃ icchati, tattakaṃ vaḍḍhetabbāni. Sesaṃ asubhādi sabbaṃ taṃ kammaṭṭhānaṃ payojanābhāvā na vaḍḍhetabbamevāti yojanā.
3137. д̇ад̇т̇а д̇зсу гаммадтаанзсу д̣̇аса гасин̣аа жа д̣̇аса асубхаа жа гааяаг̇ад̇аасад̇и, аанаабаанасад̇ийд̇и имз б̣аавийсад̇и гаммадтаанаани бадибхааг̇аарамман̣аанийд̇и яож̇анаа. зд̇т̇а ‘‘гасин̣аа’’д̇иаад̣̇инаа д̇ад̣̇аарамман̣аани жхаанаани г̇ахид̇аани.
3137.Tattha tesu kammaṭṭhānesu dasa kasiṇā ca dasa asubhā ca kāyagatāsati, ānāpānasatīti ime bāvīsati kammaṭṭhānāni paṭibhāgārammaṇānīti yojanā. Ettha ‘‘kasiṇā’’tiādinā tadārammaṇāni jhānāni gahitāni.
3138. д̇хаад̇увавад̇т̇ананд̇и жад̇уд̇хаад̇увавад̇т̇аанам̣, г̇аат̇ааб̣анд̇хавасзна рассад̇д̇ам̣. вин̃н̃аан̣ан̃жаад̇и вин̃н̃аан̣ан̃жааяад̇анам̣. нзвасан̃н̃аад̇и нзвасан̃н̃аанаасан̃н̃ааяад̇анам̣. д̣̇аса д̣̇взд̇и д̣̇ваад̣̇аса. бхааваг̇ожараад̇и сабхаавад̇хаммаг̇ожараа, барамад̇т̇ад̇хаммааламб̣ан̣аад̇и вуд̇д̇ам̣ ход̇и.
3138.Dhātuvavatthananti catudhātuvavatthānaṃ, gāthābandhavasena rassattaṃ. Viññāṇañcāti viññāṇañcāyatanaṃ. Nevasaññāti nevasaññānāsaññāyatanaṃ. Dasa dveti dvādasa. Bhāvagocarāti sabhāvadhammagocarā, paramatthadhammālambaṇāti vuttaṃ hoti.
3139. д̣̇вз жа ааруббамаанасаад̇и аагаасаанан̃жааяад̇анааагин̃жан̃н̃ааяад̇анасан̇каад̇аа аруубааважаражид̇д̇уббаад̣̇аа д̣̇вз жа. ча имз д̇хаммаа навад̇д̇аб̣б̣аг̇ожараа нид̣̇д̣̇идтаад̇и яож̇анаа жад̇уннам̣ аббаман̃н̃аанам̣ сад̇д̇абан̃н̃ад̇д̇ияаа, батамааруббасса гасин̣уг̇гхаадимаагаасабан̃н̃ад̇д̇ияаа, д̇ад̇ияааруббасса батамааруббавин̃н̃аан̣аабхаавабан̃н̃ад̇д̇ияаа жа аарамман̣ад̇д̇аа.
3139.Dve ca āruppamānasāti ākāsānañcāyatanaākiñcaññāyatanasaṅkhātā arūpāvacaracittuppādā dve ca. Cha ime dhammā navattabbagocarā niddiṭṭhāti yojanā catunnaṃ appamaññānaṃ sattapaññattiyā, paṭhamāruppassa kasiṇugghāṭimākāsapaññattiyā, tatiyāruppassa paṭhamāruppaviññāṇābhāvapaññattiyā ca ārammaṇattā.
3140. бадиггууласан̃н̃аад̇и аахаарзбадиггууласан̃н̃аа. гааяаг̇ад̇аасад̇ийд̇и д̣̇ваад̣̇асзва бхуумид̇о д̣̇звзсу гаамааважарад̣̇звзсу гун̣абаанам̣, бадиггуулаарахасса жа асамбхаваа на бавад̇д̇анд̇ийд̇и яож̇анаа.
3140.Paṭikkūlasaññāti āhārepaṭikkūlasaññā. Kāyagatāsatīti dvādaseva bhūmito devesu kāmāvacaradevesu kuṇapānaṃ, paṭikkūlārahassa ca asambhavā na pavattantīti yojanā.
3141. д̇аани д̣̇ваад̣̇аса жа. бхияяод̇и ад̇хигад̇т̇з нибаад̇о, д̇ад̇о ад̇хигам̣ аанаабаанасад̇и жаад̇и д̇зраса руубааруубалогз ассаасабассаасаанан̃жа абхааваа саб̣б̣асо на ж̇ааяарзд̇и яож̇анаа.
3141. Tāni dvādasa ca. Bhiyyoti adhikatthe nipāto, tato adhikaṃ ānāpānasati cāti terasa rūpārūpaloke assāsapassāsānañca abhāvā sabbaso na jāyareti yojanā.
3142. аруубааважарз аруубабхавз жад̇уро ааруббз табзд̇ваа ан̃н̃з чад̇д̇им̣са д̇хаммаа руубасамад̇иггамаабхааваа на ж̇ааяанд̇ийд̇и яож̇анаа. саб̣б̣з самажад̇д̇аалийса д̇хаммаа маанусз мануссалогз саб̣б̣зсамзва лаб̣бхамаанад̇д̇аа ж̇ааяанд̇и.
3142.Arūpāvacare arūpabhave caturo āruppe ṭhapetvā aññe chattiṃsa dhammā rūpasamatikkamābhāvā na jāyantīti yojanā. Sabbe samacattālīsa dhammā mānuse manussaloke sabbesameva labbhamānattā jāyanti.
3143. жад̇уд̇т̇агасин̣ам̣ хид̇ваад̇и вааяогасин̣ам̣ д̣̇идтапудтзна г̇ахзд̇аб̣б̣ад̇д̇аа д̇ам̣ важ̇ж̇зд̇ваа нава гасин̣аа жа д̣̇аса асубхаа жаад̇и д̇з згуунавийсад̇и д̇хаммаа д̣̇идтзнзва жагкувин̃н̃аан̣зна буб̣б̣абхааг̇з баригаммагаалз г̇ахзд̇аб̣б̣аа бхаванд̇ийд̇и яож̇анаа. буб̣б̣абхааг̇з жагкунаа ологзд̇ваа баригаммам̣ гад̇ам̣, д̇зна уг̇г̇ахид̇анимид̇д̇ам̣ д̇зсам̣ г̇ахзд̇аб̣б̣анд̇и вуд̇д̇ам̣ ход̇и.
3143.Catutthakasiṇaṃ hitvāti vāyokasiṇaṃ diṭṭhaphuṭṭhena gahetabbattā taṃ vajjetvā nava kasiṇā ca dasa asubhā cāti te ekūnavīsati dhammā diṭṭheneva cakkhuviññāṇena pubbabhāge parikammakāle gahetabbā bhavantīti yojanā. Pubbabhāge cakkhunā oloketvā parikammaṃ kataṃ, tena uggahitanimittaṃ tesaṃ gahetabbanti vuttaṃ hoti.
3144. пудтзнаад̇и наасигаг̇г̇з, уд̇д̇ародтз ваа пудтавасзна. гааяаг̇ад̇аасад̇ияам̣ д̇ажабан̃жагам̣ д̣̇идтзна г̇ахзд̇аб̣б̣ам̣. маалуд̇од̇и вааяогасин̣ам̣ д̣̇идтапудтзна г̇ахзд̇аб̣б̣ам̣ ужчусассаад̣̇ийнам̣ бад̇д̇зсу жаламаанаван̣н̣аг̇г̇ахан̣амукзна, гааяаббасаад̣̇агхадданзна жа г̇ахзд̇аб̣б̣ад̇д̇аа. зд̇т̇а зд̇зсу гаммадтаанзсу. сзсаганд̇и вуд̇д̇аавасзсам̣. б̣уд̣̇д̇хаануссад̇иаад̣̇игаа адтаануссад̇ияо, жад̇д̇ааро б̣рахмавихаараа, жад̇д̇ааро ааруббаа, аахаарзбадиггууласан̃н̃аа, жад̇уд̇хаад̇увавад̇т̇аанам̣, гааяаг̇ад̇аасад̇ияам̣ ваггабан̃жагаад̣̇ийни жаад̇и саб̣б̣амзд̇ам̣ барад̇о суд̇ваа г̇ахзд̇аб̣б̣ад̇д̇аа суд̇знзва г̇ахзд̇аб̣б̣анд̇и вуд̇д̇ам̣.
3144.Phuṭṭhenāti nāsikagge, uttaroṭṭhe vā phuṭṭhavasena. Kāyagatāsatiyaṃ tacapañcakaṃ diṭṭhena gahetabbaṃ. Mālutoti vāyokasiṇaṃ diṭṭhaphuṭṭhena gahetabbaṃ ucchusassādīnaṃ pattesu calamānavaṇṇaggahaṇamukhena, kāyappasādaghaṭṭanena ca gahetabbattā. Ettha etesu kammaṭṭhānesu. Sesakanti vuttāvasesaṃ. Buddhānussatiādikā aṭṭhānussatiyo, cattāro brahmavihārā, cattāro āruppā, āhārepaṭikkūlasaññā, catudhātuvavatthānaṃ, kāyagatāsatiyaṃ vakkapañcakādīni cāti sabbametaṃ parato sutvā gahetabbattā suteneva gahetabbanti vuttaṃ.
3145. зд̇т̇а зд̇зсу гаммадтаанзсу аагаасагасин̣ам̣ табзд̇ваа нава гасин̣аа батамааруббажид̇д̇асса аарамман̣абхууд̇агасин̣уг̇гхаадимаагаасасса хзд̇убхаавад̇о бажжаяаа ж̇ааяарз бажжаяаа бхаванд̇ийд̇и яож̇анаа.
3145.Ettha etesu kammaṭṭhānesu ākāsakasiṇaṃ ṭhapetvā nava kasiṇā paṭhamāruppacittassa ārammaṇabhūtakasiṇugghāṭimākāsassa hetubhāvato paccayā jāyare paccayā bhavantīti yojanā.
3146. д̣̇асаби гасин̣аа абхин̃н̃аанам̣ д̣̇иб̣б̣ажагкун̃аан̣аад̣̇ийнам̣ бажжаяаа бхаванд̇ийд̇и яож̇анаа. жад̇уд̇т̇ассаад̇и жад̇уд̇т̇асса б̣рахмавихаарасса.
3146. Dasapi kasiṇā abhiññānaṃ dibbacakkhuñāṇādīnaṃ paccayā bhavantīti yojanā. Catutthassāti catutthassa brahmavihārassa.
3147. хздтимахздтимааруббанд̇и аагаасаанан̃жааяад̇анаад̣̇игам̣. барасса жа барасса жаад̇и вин̃н̃аан̣ан̃жааяад̇анаад̣̇иуд̇д̇араж̇жхаанасса бажжаяод̇и багаасид̇анд̇и яож̇анаа. нзвасан̃н̃аад̇и нзвасан̃н̃аанаасан̃н̃ааяад̇анам̣. нирод̇хассаад̇и сан̃н̃аавзд̣̇аяид̇анирод̇хасса, д̇ааяа нирод̇хасамаабад̇д̇ияаа.
3147.Heṭṭhimaheṭṭhimāruppanti ākāsānañcāyatanādikaṃ. Parassa ca parassa cāti viññāṇañcāyatanādiuttarajjhānassa paccayoti pakāsitanti yojanā. Nevasaññāti nevasaññānāsaññāyatanaṃ. Nirodhassāti saññāvedayitanirodhassa, tāya nirodhasamāpattiyā.
3148. саб̣б̣зд̇и самажад̇д̇аалийсагаммадтаанад̇хаммаа. сукавихаарассаад̇и д̣̇идтад̇хаммасукавихаарасса. бхаваниссаран̣асса жаад̇и вибхавуубаниссаяад̇ааяа вибассанаабаад̣̇агад̇д̇зна аасавагкаяан̃аан̣зна ад̇хиг̇анд̇аб̣б̣асса ниб̣б̣аанасса жа. бхавасукаанан̃жаад̇и баригаммобажаарабхааванаавасаббавад̇д̇аани гаамааважарагусалажид̇д̇аани гаамасуг̇ад̇ибхавасукаанам̣, руубааважараббанаавасабавад̇д̇аани руубааважаражид̇д̇аани руубааважарабхавасукаанам̣, ид̇араани аруубааважарабхууд̇аани аруубааважарабхавасукаанан̃жа бажжаяаад̇и д̣̇ийбид̇аа.
3148.Sabbeti samacattālīsakammaṭṭhānadhammā. Sukhavihārassāti diṭṭhadhammasukhavihārassa. Bhavanissaraṇassacāti vibhavūpanissayatāya vipassanāpādakattena āsavakkhayañāṇena adhigantabbassa nibbānassa ca. Bhavasukhānañcāti parikammopacārabhāvanāvasappavattāni kāmāvacarakusalacittāni kāmasugatibhavasukhānaṃ, rūpāvacarappanāvasapavattāni rūpāvacaracittāni rūpāvacarabhavasukhānaṃ, itarāni arūpāvacarabhūtāni arūpāvacarabhavasukhānañca paccayāti dīpitā.
3149. д̣̇аса асубхаа, гааяаг̇ад̇аасад̇ийд̇и имз згаад̣̇аса рааг̇ажарид̇асса висзсад̇о анугуулаа вин̃н̃зяяаад̇и яож̇анаа. ‘‘висзсад̇о’’д̇и иминаа рааг̇асса уж̇увибажжанийгабхаавзна жа ад̇исаббааяад̇о жа вуд̇д̇о, ид̇арз жа абадигкид̇д̇аад̇и д̣̇ийбзд̇и. вуд̇д̇ан̃хзд̇ам̣ висуд̣̇д̇химаг̇г̇з ‘‘саб̣б̣ан̃жзд̇ам̣ уж̇увибажжанийгавасзна жа ад̇исаббааяавасзна жа вуд̇д̇ам̣, рааг̇аад̣̇ийнам̣ бана авигкамбхигаа, сад̣̇д̇хаад̣̇ийнам̣ ваа анубагаараа гусалабхааванаа наама над̇т̇ий’’д̇и (висуд̣̇д̇хи. 1.47).
3149. Dasa asubhā, kāyagatāsatīti ime ekādasa rāgacaritassa visesato anukūlā viññeyyāti yojanā. ‘‘Visesato’’ti iminā rāgassa ujuvipaccanīkabhāvena ca atisappāyato ca vutto, itare ca apaṭikkhittāti dīpeti. Vuttañhetaṃ visuddhimagge ‘‘sabbañcetaṃ ujuvipaccanīkavasena ca atisappāyavasena ca vuttaṃ, rāgādīnaṃ pana avikkhambhikā, saddhādīnaṃ vā anupakārā kusalabhāvanā nāma natthī’’ti (visuddhi. 1.47).
3150. саван̣н̣агасин̣аад̇и жад̇уухи ван̣н̣агзхи гасин̣зхи сахид̇аа. жад̇ассо аббаман̃н̃ааяод̇и имз адта д̣̇осажарид̇асса анугуулаад̇и багаасид̇аад̇и яож̇анаа.
3150.Savaṇṇakasiṇāti catūhi vaṇṇakehi kasiṇehi sahitā. Catasso appamaññāyoti ime aṭṭha dosacaritassa anukūlāti pakāsitāti yojanā.
3151. мохаббагад̇инод̇и мохажарид̇асса. ‘‘аанаабаанасад̇и згааваа’’д̇и бад̣̇ажчзд̣̇о.
3151.Mohappakatinoti mohacaritassa. ‘‘Ānāpānasati ekāvā’’ti padacchedo.
3152. маран̣уубасамзд̇и маран̣ан̃жа убасамо жа маран̣уубасамам̣, д̇асмим̣ маран̣уубасамз. сад̇ийд̇и маран̣аануссад̇и, убасамаануссад̇и жаад̇и зд̇з жад̇д̇ааро д̇хаммаа. бан̃н̃аабагад̇инод̇и б̣уд̣̇д̇хижарид̇асса.
3152.Maraṇūpasameti maraṇañca upasamo ca maraṇūpasamaṃ, tasmiṃ maraṇūpasame. Satīti maraṇānussati, upasamānussati cāti ete cattāro dhammā. Paññāpakatinoti buddhicaritassa.
3153. аад̣̇иануссад̇ижчагганд̇и б̣уд̣̇д̇хад̇хаммасан̇гхасийлажааг̇ад̣̇звад̇аануссад̇исан̇каад̇ам̣ чаггам̣. сад̣̇д̇хаажарид̇аван̣н̣ид̇анд̇и сад̣̇д̇хаажарид̇асса анугууланд̇и гат̇ид̇ам̣. ааруббаад̇и жад̇д̇ааро ааруббаа. сзсаа гасин̣аад̇и бхууд̇агасин̣ааалогаагаасагасин̣аанам̣ васзна ча гасин̣аад̇и сзсаа д̣̇аса д̇хаммаа. саб̣б̣аануруубагаад̇и саб̣б̣зсам̣ чаннам̣ жарияаанам̣ анугуулаад̇и ад̇т̇о.
3153.Ādianussaticchakkanti buddhadhammasaṅghasīlacāgadevatānussatisaṅkhātaṃ chakkaṃ. Saddhācaritavaṇṇitanti saddhācaritassa anukūlanti kathitaṃ. Āruppāti cattāro āruppā. Sesā kasiṇāti bhūtakasiṇaālokākāsakasiṇānaṃ vasena cha kasiṇāti sesā dasa dhammā. Sabbānurūpakāti sabbesaṃ channaṃ cariyānaṃ anukūlāti attho.
3154-8. звам̣ яат̇аанигкид̇д̇амаад̇игаануггамзна гаммадтаанаббабхзд̣̇ам̣ вибхаавзд̇ваа ид̣̇аани бхааванаанаяам̣ д̣̇ассзд̇умааха ‘‘зва’’нд̇иаад̣̇и. звам̣ бабхзд̣̇ад̇о н̃ад̇ваа гаммадтаанаанийд̇и яат̇аавуд̇д̇абхзд̣̇анаяамукзна бхааванаамаяаарамбхад̣̇ассанам̣. бан̣д̣ид̇од̇и д̇ихзд̇угабадисанд̇хибан̃н̃ааяа бан̃н̃аваа бхаб̣б̣абуг̇г̇ало. д̇зсууд̇и нид̣̇д̇хааран̣з бхуммам̣. мзд̇хаавийд̇и баарихаарияабан̃н̃ааяа саманнааг̇ад̇о. д̣̇ал̣хам̣ г̇ахзд̇ваанаад̇иаад̣̇имаж̇жхабарияосаанз судту саллагканд̇зна д̣̇ал̣хам̣ адтим̣ гад̇ваа саггажжам̣ уг̇г̇ахзд̇ваа. галяаан̣амид̇д̇агод̇и –
3154-8. Evaṃ yathānikkhittamātikānukkamena kammaṭṭhānappabhedaṃ vibhāvetvā idāni bhāvanānayaṃ dassetumāha ‘‘eva’’ntiādi. Evaṃ pabhedato ñatvā kammaṭṭhānānīti yathāvuttabhedanayamukhena bhāvanāmayārambhadassanaṃ. Paṇḍitoti tihetukapaṭisandhipaññāya paññavā bhabbapuggalo. Tesūti niddhāraṇe bhummaṃ. Medhāvīti pārihāriyapaññāya samannāgato. Daḷhaṃ gahetvānātiādimajjhapariyosāne suṭṭhu sallakkhantena daḷhaṃ aṭṭhiṃ katvā sakkaccaṃ uggahetvā. Kalyāṇamittakoti –
‘‘бияо г̇ару бхааванийяо;
‘‘Piyo garu bhāvanīyo;
вад̇д̇аа жа важанагкамо;
Vattā ca vacanakkhamo;
г̇амбхийран̃жа гат̇ам̣ гад̇д̇аа;
Gambhīrañca kathaṃ kattā;
но жадтаанз нияож̇аго’’д̇и. (висуд̣̇д̇хи. 1.37; нзд̇д̇и. 113) –
No caṭṭhāne niyojako’’ti. (visuddhi. 1.37; netti. 113) –
вуд̇д̇алагкан̣аго сийласуд̇абан̃н̃аад̣̇иг̇ун̣асаманнааг̇ад̇агаляаан̣амид̇д̇аго.
Vuttalakkhaṇako sīlasutapaññādiguṇasamannāgatakalyāṇamittako.
батамамзва балиб̣од̇хаанам̣ ужчзд̣̇ам̣ гад̇ваад̇и яож̇анаа. батаманд̇и бхааванаарамбхад̇о батамамзва. балиб̣од̇хаанам̣ ужчзд̣̇ам̣ гад̇ваад̇и –
Paṭhamameva palibodhānaṃ ucchedaṃ katvāti yojanā. Paṭhamanti bhāvanārambhato paṭhamameva. Palibodhānaṃ ucchedaṃ katvāti –
‘‘ааваасо жа гулам̣ лаабхо;
‘‘Āvāso ca kulaṃ lābho;
г̇ан̣о гамман̃жа бан̃жамам̣;
Gaṇo kammañca pañcamaṃ;
ад̣̇д̇хаанам̣ н̃аад̇и ааб̣аад̇хо;
Addhānaṃ ñāti ābādho;
г̇ант̇о ид̣̇д̇хийд̇и д̇з д̣̇асаа’’д̇и. (висуд̣̇д̇хи. 1.41) –
Gantho iddhīti te dasā’’ti. (visuddhi. 1.41) –
вуд̇д̇аанам̣ д̣̇асамахаабалиб̣од̇хаанам̣, д̣̇ийгхагзсанакаломажчзд̣̇анажийварараж̇анабад̇д̇абажанаад̣̇ийнам̣ куд̣̇д̣̇агабааб̣од̇хаанан̃жаад̇и убхаязсам̣ балиб̣од̇хаанам̣ ужчзд̣̇ам̣ гад̇ваа нидтаабанзна ваа аалаяабарижжааг̇зна ваа ужчзд̣̇ам̣ гад̇ваа. ид̣̇д̇хи банзд̇т̇а вибассанааяа балиб̣од̇хо ход̇и, на самаад̇хибхааванааяа. вуд̇д̇ан̃хзд̇ам̣ висуд̣̇д̇химаг̇г̇з ‘‘ид̣̇д̇хийд̇и бот̇уж̇ж̇анигаа ид̣̇д̇хи. саа хи уд̇д̇аанасзяяагад̣̇аараго вияа, д̇арун̣асассам̣ вияа жа д̣̇уббарихаараа ход̇и, аббамад̇д̇агзнзва бхиж̇ж̇ад̇и. саа бана вибассанааяа балиб̣од̇хо ход̇и, на самаад̇хисса самаад̇хим̣ бад̇ваа бад̇д̇аб̣б̣ад̇д̇аа’’д̇и (висуд̣̇д̇хи. 1.41).
Vuttānaṃ dasamahāpalibodhānaṃ, dīghakesanakhalomacchedanacīvararajanapattapacanādīnaṃ khuddakapaabodhānañcāti ubhayesaṃ palibodhānaṃ ucchedaṃ katvā niṭṭhāpanena vā ālayapariccāgena vā ucchedaṃ katvā. Iddhi panettha vipassanāya palibodho hoti, na samādhibhāvanāya. Vuttañhetaṃ visuddhimagge ‘‘iddhīti pothujjanikā iddhi. Sā hi uttānaseyyakadārako viya, taruṇasassaṃ viya ca dupparihārā hoti, appamattakeneva bhijjati. Sā pana vipassanāya palibodho hoti, na samādhissa samādhiṃ patvā pattabbattā’’ti (visuddhi. 1.41).
д̣̇осаваж̇ж̇ид̇з , ануруубз жа вихаарз васанд̇знаад̇и яож̇анаа. д̣̇осаваж̇ж̇ид̇зд̇и –
Dosavajjite , anurūpe ca vihāre vasantenāti yojanā. Dosavajjiteti –
‘‘махааваасам̣ навааваасам̣, ж̇арааваасан̃жа бант̇аним̣;
‘‘Mahāvāsaṃ navāvāsaṃ, jarāvāsañca panthaniṃ;
сон̣д̣им̣ бан̣н̣ан̃жа бубпан̃жа, палам̣ бад̇т̇ид̇амзва жа.
Soṇḍiṃ paṇṇañca pupphañca, phalaṃ patthitameva ca.
‘‘наг̇арам̣ д̣̇аарунаа кзд̇д̇ам̣, висабхааг̇зна бадданам̣;
‘‘Nagaraṃ dārunā khettaṃ, visabhāgena paṭṭanaṃ;
бажжанд̇асиймаасаббааяам̣, яад̇т̇а мид̇д̇о на лаб̣бхад̇и.
Paccantasīmāsappāyaṃ, yattha mitto na labbhati.
‘‘адтаарасзд̇аани таанаани, ид̇и вин̃н̃ааяа бан̣д̣ид̇о;
‘‘Aṭṭhārasetāni ṭhānāni, iti viññāya paṇḍito;
аарагаа бариваж̇ж̇зяяа, маг̇г̇ам̣ бадибхаяам̣ яат̇аа’’д̇и. (висуд̣̇д̇хи. 1.52) –
Ārakā parivajjeyya, maggaṃ paṭibhayaṃ yathā’’ti. (visuddhi. 1.52) –
адтагат̇аасу вуд̇д̇зхи имзхи адтаарасахи д̣̇осзхи г̇аж̇ж̇ид̇з.
Aṭṭhakathāsu vuttehi imehi aṭṭhārasahi dosehi gajjite.
ануруубз васанд̇знаад̇и –
Anurūpe vasantenāti –
‘‘ид̇ха , бхигкавз, сзнаасанам̣ наад̇ид̣̇уурам̣ ход̇и нажжаасаннам̣ г̇аманааг̇аманасамбаннам̣, д̣̇иваа аббаагин̣н̣ам̣, рад̇д̇им̣ аббасад̣̇д̣̇ам̣ аббаниг̇гхосам̣, аббад̣ам̣самагасаваад̇аад̇абасарийсабасампассам̣, д̇асмим̣ ко бана сзнаасанз вихаранд̇асса аббагасирзнзва уббаж̇ж̇анд̇и жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараа, д̇асмим̣ ко бана сзнаасанз яз д̇з бхигкуу вихаранд̇и б̣ахуссуд̇аа ааг̇ад̇ааг̇амаа д̇хаммад̇хараа винаяад̇хараа маад̇игаад̇хараа, д̇з гаалзна гаалам̣ убасан̇гамид̇ваа барибужчад̇и барибан̃хад̇и ‘ид̣̇ам̣, бханд̇з, гат̇ам̣, имасса го ад̇т̇о’д̇и, д̇асса д̇з ааяасманд̇о авивадан̃жзва виваранд̇и, ануд̇д̇аанийгад̇ан̃жа уд̇д̇ааним̣ гаронд̇и, анзгавихид̇зсу жа ган̇кадтаанийязсу д̇хаммзсу ган̇кам̣ бадивинод̣̇знд̇и. звам̣ ко, бхигкавз, сзнаасанам̣ бан̃жан̇г̇асаманнааг̇ад̇ам̣ ход̇ий’’д̇и (а. ни. 10.11) –
‘‘Idha , bhikkhave, senāsanaṃ nātidūraṃ hoti naccāsannaṃ gamanāgamanasampannaṃ, divā appākiṇṇaṃ, rattiṃ appasaddaṃ appanigghosaṃ, appaḍaṃsamakasavātātapasarīsapasamphassaṃ, tasmiṃ kho pana senāsane viharantassa appakasireneva uppajjanti cīvarapiṇḍapātasenāsanagilānapaccayabhesajjaparikkhārā, tasmiṃ kho pana senāsane ye te bhikkhū viharanti bahussutā āgatāgamā dhammadharā vinayadharā mātikādharā, te kālena kālaṃ upasaṅkamitvā paripucchati paripañhati ‘idaṃ, bhante, kathaṃ, imassa ko attho’ti, tassa te āyasmanto avivaṭañceva vivaranti, anuttānīkatañca uttāniṃ karonti, anekavihitesu ca kaṅkhaṭṭhānīyesu dhammesu kaṅkhaṃ paṭivinodenti. Evaṃ kho, bhikkhave, senāsanaṃ pañcaṅgasamannāgataṃ hotī’’ti (a. ni. 10.11) –
звам̣ бхаг̇авад̇аа ван̣н̣ид̇зхи бан̃жахи г̇ун̣зхи саманнааг̇ад̇ад̇д̇аа ануруубз бхааванаагаммаануг̇ун̣з вихаарз вихаранд̇знаад̇и ад̇т̇о. батамаад̣̇ийнийд̇и батамад̣̇уд̇ияаад̣̇ийни руубааважараж̇жхаанаани. саб̣б̣асо бхаавзд̇ваад̇и висуд̣̇д̇химаг̇г̇з ‘‘саб̣б̣ам̣ бхааванаавид̇хаанам̣ абарихаабзнд̇зна бхаавзд̇аб̣б̣о’’д̇и (висуд̣̇д̇хи. 1.41) нигкид̇д̇асса маад̇игаабад̣̇асса вид̇т̇аараггамзна бхаавзд̇ваа, жид̇д̇ависуд̣̇д̇хим̣ самбаад̣̇зд̇ваад̇и вуд̇д̇ам̣ ход̇и.
Evaṃ bhagavatā vaṇṇitehi pañcahi guṇehi samannāgatattā anurūpe bhāvanākammānuguṇe vihāre viharantenāti attho. Paṭhamādīnīti paṭhamadutiyādīni rūpāvacarajjhānāni. Sabbaso bhāvetvāti visuddhimagge ‘‘sabbaṃ bhāvanāvidhānaṃ aparihāpentena bhāvetabbo’’ti (visuddhi. 1.41) nikkhittassa mātikāpadassa vitthārakkamena bhāvetvā, cittavisuddhiṃ sampādetvāti vuttaṃ hoti.
саббан̃н̃од̇и гаммаж̇ад̇ихзд̇угабадисанд̇хибан̃н̃ааяа жзва гаммадтаанаманасигаарасаббааяаани бариг̇г̇ахзд̇ваа асаббааяам̣ бариваж̇ж̇зд̇ваа саббааяасзванобагаарааяа баарихаарияабан̃н̃ааяа жа саманнааг̇ад̇о яог̇ааважаро. д̇ад̇од̇и нзвасан̃н̃аанаасан̃н̃ааяад̇анаваж̇ж̇ид̇аруубааруубаж̇жхаанам̣ вибассанаабаад̣̇агабхаавзна самаабаж̇ж̇ид̇ваа адтаннам̣ вибассанаабаад̣̇агаж̇жхаанаанаман̃н̃ад̇арад̇о жхаанаа вудтааяа. д̇знааха висуд̣̇д̇химаг̇г̇з ‘‘табзд̇ваа нзвасан̃н̃аанаасан̃н̃ааяад̇анам̣ авасзсаруубааруубааважараж̇жхаанаанам̣ ан̃н̃ад̇арад̇о вудтааяаа’’д̇и (висуд̣̇д̇хи. 2.663).
Sappaññoti kammajatihetukapaṭisandhipaññāya ceva kammaṭṭhānamanasikārasappāyāni pariggahetvā asappāyaṃ parivajjetvā sappāyasevanopakārāya pārihāriyapaññāya ca samannāgato yogāvacaro. Tatoti nevasaññānāsaññāyatanavajjitarūpārūpajjhānaṃ vipassanāpādakabhāvena samāpajjitvā aṭṭhannaṃ vipassanāpādakajjhānānamaññatarato jhānā vuṭṭhāya. Tenāha visuddhimagge ‘‘ṭhapetvā nevasaññānāsaññāyatanaṃ avasesarūpārūpāvacarajjhānānaṃ aññatarato vuṭṭhāyā’’ti (visuddhi. 2.663).
наамаруубававад̇т̇аанам̣ гад̇ваад̇и висуд̣̇д̇химаг̇г̇з д̣̇идтивисуд̣̇д̇хинид̣̇д̣̇зсз вуд̇д̇анаязна бан̃жагканд̇хаад̣̇имукзсу яат̇ижчид̇зна мукзна бависид̇ваа наамаруубам̣ вавад̇т̇абзд̇ваа ‘‘ид̣̇ам̣ наамам̣, ид̣̇ам̣ руубам̣, имамхаа наамаруубад̇о б̣яад̇ирид̇д̇ам̣ ад̇д̇аад̣̇и гин̃жи вад̇д̇аб̣б̣ам̣ над̇т̇ий’’д̇и нидтам̣ г̇анд̇ваа, иминаа д̣̇идтивисуд̣̇д̇хи д̣̇ассид̇аа.
Nāmarūpavavatthānaṃ katvāti visuddhimagge diṭṭhivisuddhiniddese vuttanayena pañcakkhandhādimukhesu yathicchitena mukhena pavisitvā nāmarūpaṃ vavatthapetvā ‘‘idaṃ nāmaṃ, idaṃ rūpaṃ, imamhā nāmarūpato byatirittaṃ attādi kiñci vattabbaṃ natthī’’ti niṭṭhaṃ gantvā, iminā diṭṭhivisuddhi dassitā.
ган̇кам̣ вид̇ийрияаад̇и яат̇аад̣̇идтанаамаруубад̇хаммаанам̣ висуд̣̇д̇химаг̇г̇з ган̇каавид̇аран̣ависуд̣̇д̇хинид̣̇д̣̇зсз (висуд̣̇д̇хи. 2.678 аад̣̇аяо) вуд̇д̇анаязна бан̃жад̇хаа бариг̇г̇ахзд̇ваа ‘‘на д̇аавид̣̇ам̣ наамаруубам̣ ахзд̇угам̣, на ад̇д̇аад̣̇ихзд̇уга’’нд̇и яаат̇аавад̇о наамаруубасса бан̃жад̇хаа д̣̇ассанзна ад̣̇д̇хад̇д̇аяаг̇ад̇ам̣ ‘‘ахосим̣ ну ко ахам̣ ад̇ийд̇амад̣̇д̇хаана’’нд̇иаад̣̇инаяаббавад̇д̇ам̣ (ма. ни. 1.18; сам̣. ни. 2.20; махаани. 174) сол̣асавид̇хам̣ ган̇кам̣, ‘‘сад̇т̇ари ган̇кад̇ий’’д̇иаад̣̇инаяаббавад̇д̇ам̣ (д̇ха. са. 1008) адтавид̇хан̃жа ган̇кам̣ вийриязна д̇арид̇ваа баж̇ахид̇ваа, иминаа ган̇каавид̇аран̣ависуд̣̇д̇хи д̣̇ассид̇аа ход̇и.
Kaṅkhaṃ vitīriyāti yathādiṭṭhanāmarūpadhammānaṃ visuddhimagge kaṅkhāvitaraṇavisuddhiniddese (visuddhi. 2.678 ādayo) vuttanayena pañcadhā pariggahetvā ‘‘na tāvidaṃ nāmarūpaṃ ahetukaṃ, na attādihetuka’’nti yāthāvato nāmarūpassa pañcadhā dassanena addhattayagataṃ ‘‘ahosiṃ nu kho ahaṃ atītamaddhāna’’ntiādinayappavattaṃ (ma. ni. 1.18; saṃ. ni. 2.20; mahāni. 174) soḷasavidhaṃ kaṅkhaṃ, ‘‘satthari kaṅkhatī’’tiādinayappavattaṃ (dha. sa. 1008) aṭṭhavidhañca kaṅkhaṃ vīriyena taritvā pajahitvā, iminā kaṅkhāvitaraṇavisuddhi dassitā hoti.
звам̣ ган̇каавид̇аран̣ависуд̣̇д̇хинибпаад̣̇анзна н̃аад̇абарин̃н̃ааяа тид̇о яог̇ааважаро саббааяам̣ наамаруубам̣ лагкан̣ад̇д̇аяам̣ ааробзд̇ваа ган̇каавуубасаман̃аан̣зна маг̇г̇аамаг̇г̇ан̃аан̣ад̣̇ассанависуд̣̇д̇хинид̣̇д̣̇зсз (висуд̣̇д̇хи. 2.692 аад̣̇аяо) вуд̇д̇анаязна сан̇каарз саммасанд̇о обхаасо, н̃аан̣ам̣, бийд̇и, бассад̣̇д̇хи, сукам̣, ад̇химогко, баг̇г̇ахо, убадтаанам̣, убзгкаа, ниганд̇ийд̇и д̣̇асасу убаггилзсзсу баад̇убхууд̇зсу д̇ат̇аа баад̇убхууд̇з обхаасаад̣̇аяо д̣̇аса убаггилзсз ‘‘амаг̇г̇о’’д̇и маг̇г̇авийт̇ибадибаннам̣ вибассанаан̃аан̣амзва ‘‘маг̇г̇о’’д̇и бан̣д̣ид̇о бан̃н̃аваа яог̇ааважаро ж̇аанаад̇ийд̇и ад̇т̇о, иминаа маг̇г̇аамаг̇г̇ан̃аан̣ад̣̇ассанависуд̣̇д̇хи сан̇кзбад̇о д̣̇ассид̇аа ход̇и.
Evaṃ kaṅkhāvitaraṇavisuddhinipphādanena ñātapariññāya ṭhito yogāvacaro sappāyaṃ nāmarūpaṃ lakkhaṇattayaṃ āropetvā kaṅkhāvūpasamañāṇena maggāmaggañāṇadassanavisuddhiniddese (visuddhi. 2.692 ādayo) vuttanayena saṅkhāre sammasanto obhāso, ñāṇaṃ, pīti, passaddhi, sukhaṃ, adhimokkho, paggaho, upaṭṭhānaṃ, upekkhā, nikantīti dasasu upakkilesesu pātubhūtesu tathā pātubhūte obhāsādayo dasa upakkilese ‘‘amaggo’’ti maggavīthipaṭipannaṃ vipassanāñāṇameva ‘‘maggo’’ti paṇḍito paññavā yogāvacaro jānātīti attho, iminā maggāmaggañāṇadassanavisuddhi saṅkhepato dassitā hoti.
3159. зд̇д̇аавад̇аа д̇зсам̣ д̇ин̣н̣ам̣ вавад̇т̇аанзд̇и яож̇анаа. зд̇д̇аавад̇аад̇и ‘‘наамаруубававад̇т̇аанам̣ гад̇ваа’’д̇иаад̣̇инаа сан̇кзбад̇о д̣̇ассид̇анаязна. д̇зсам̣ д̇ин̣н̣анд̇и д̣̇идтивисуд̣̇д̇хи, ган̇каавид̇аран̣ависуд̣̇д̇хи, маг̇г̇аамаг̇г̇ан̃аан̣ад̣̇ассанависуд̣̇д̇хийд̇и д̇ийхи висуд̣̇д̇хийхи сагасагавибассанаанам̣ наамаруубад̇аббажжаяамаг̇г̇аамаг̇г̇аанам̣ д̇ин̣н̣ам̣. вавад̇т̇аанз гад̇з нияамз гад̇з. д̇ин̣н̣ам̣ сажжаананд̇и д̣̇угкасамуд̣̇аяамаг̇г̇асан̇кааад̇аанам̣ д̇ин̣н̣ам̣ сажжаанам̣. вавад̇т̇аанам̣ гад̇ам̣ сияаад̇и н̃аад̇ад̇ийран̣абарин̃н̃аасан̇каад̇зна логиязнзва н̃аан̣зна ануб̣од̇хавасзна нижчаяо гад̇о ход̇ийд̇и ад̇т̇о. гат̇ам̣? наамаруубававад̇т̇аанасан̇каад̇зна д̣̇идтивисуд̣̇д̇хин̃аан̣зна д̣̇угкасажжававад̇т̇аанам̣ гад̇ам̣ ход̇и, бажжаяабариг̇г̇ахасан̇каад̇зна ган̇каавид̇аран̣ависуд̣̇д̇хин̃аан̣зна самуд̣̇аяасажжававад̇т̇аанам̣, маг̇г̇аамаг̇г̇ававад̇т̇аанасан̇каад̇зна маг̇г̇аамаг̇г̇ан̃аан̣ад̣̇ассанзна маг̇г̇асажжававад̇т̇аанам̣.
3159. Ettāvatā tesaṃ tiṇṇaṃ vavatthāneti yojanā. Ettāvatāti ‘‘nāmarūpavavatthānaṃ katvā’’tiādinā saṅkhepato dassitanayena. Tesaṃ tiṇṇanti diṭṭhivisuddhi, kaṅkhāvitaraṇavisuddhi, maggāmaggañāṇadassanavisuddhīti tīhi visuddhīhi sakasakavipassanānaṃ nāmarūpatappaccayamaggāmaggānaṃ tiṇṇaṃ. Vavatthāne kate niyame kate. Tiṇṇaṃ saccānanti dukkhasamudayamaggasaṅkhaātānaṃ tiṇṇaṃ saccānaṃ. Vavatthānaṃ kataṃ siyāti ñātatīraṇapariññāsaṅkhātena lokiyeneva ñāṇena anubodhavasena nicchayo kato hotīti attho. Kathaṃ? Nāmarūpavavatthānasaṅkhātena diṭṭhivisuddhiñāṇena dukkhasaccavavatthānaṃ kataṃ hoti, paccayapariggahasaṅkhātena kaṅkhāvitaraṇavisuddhiñāṇena samudayasaccavavatthānaṃ, maggāmaggavavatthānasaṅkhātena maggāmaggañāṇadassanena maggasaccavavatthānaṃ.
3160-1. звам̣ н̃аад̇ад̇ийран̣абарин̃н̃аад̣̇ваяам̣ сан̇кзбад̇о д̣̇ассзд̇ваа бахаанабарин̃н̃ааяа сарийрабхууд̇аани нава н̃аан̣аани д̣̇ассзд̇умааха ‘‘уд̣̇аяаб̣б̣аяаа’’д̇иаад̣̇и. д̇ад̇т̇а уд̣̇аяаб̣б̣аяаад̇и уббаад̣̇абхан̇г̇аанубассанаавасаббавад̇д̇аа уд̇д̇арабад̣̇алобзна ‘‘уд̣̇аяаб̣б̣аяаа’’д̇и вуд̇д̇аа. д̇ад̇т̇а уд̣̇аяам̣ мун̃жид̇ваа ваяз ваа бавад̇д̇аа бхан̇г̇аанубассанаа ‘‘бхан̇г̇аа’’д̇и вуд̇д̇аа. бхаяан̃жа аад̣̇ийнаво жа ниб̣б̣ид̣̇аа жа бхаяаад̣̇ийнаваниб̣б̣ид̣̇аа, сан̇каараанам̣ бхаяад̇о анубассанавасзна бавад̇д̇аа бхаяаанубассанаа жа д̣̇идтабхаяаанам̣ аад̣̇ийнавад̇о бзгканавасзна бавад̇д̇аа аад̣̇ийнаваанубассанаа жа д̣̇идтаад̣̇ийнавзсу ниб̣б̣зд̣̇авасзна бавад̇д̇аа ниб̣б̣ид̣̇аанубассанаа жа д̇ат̇аа вуд̇д̇аа. ниб̣б̣инд̣̇ид̇ваа сан̇каарзхи мужжид̇угаамад̇аавасзнзва бавад̇д̇ам̣ н̃аан̣ам̣ мужжид̇угаамад̇аан̃аан̣ам̣. мужжанасса убааяасамбадибаад̣̇анад̇т̇ам̣ буна сан̇каарад̇д̇аяабадиг̇г̇ахавасабавад̇д̇ам̣ н̃аан̣ам̣ бадисан̇каанубассанаа.
3160-1. Evaṃ ñātatīraṇapariññādvayaṃ saṅkhepato dassetvā pahānapariññāya sarīrabhūtāni nava ñāṇāni dassetumāha ‘‘udayabbayā’’tiādi. Tattha udayabbayāti uppādabhaṅgānupassanāvasappavattā uttarapadalopena ‘‘udayabbayā’’ti vuttā. Tattha udayaṃ muñcitvā vaye vā pavattā bhaṅgānupassanā ‘‘bhaṅgā’’ti vuttā. Bhayañca ādīnavo ca nibbidā ca bhayādīnavanibbidā, saṅkhārānaṃ bhayato anupassanavasena pavattā bhayānupassanā ca diṭṭhabhayānaṃ ādīnavato pekkhanavasena pavattā ādīnavānupassanā ca diṭṭhādīnavesu nibbedavasena pavattā nibbidānupassanā ca tathā vuttā. Nibbinditvā saṅkhārehi muccitukāmatāvaseneva pavattaṃ ñāṇaṃ muccitukāmatāñāṇaṃ. Muccanassa upāyasampaṭipādanatthaṃ puna saṅkhārattayapaṭiggahavasapavattaṃ ñāṇaṃ paṭisaṅkhānupassanā.
сан̇каарад̇хаммз бхаяананд̣̇ививаж̇ж̇анавасзна аж̇жхубзгкид̇ваа бавад̇д̇ан̃аан̣ам̣ сан̇каарубзгкаан̃аан̣ам̣, сажжаануломо д̇ад̣̇ад̇хиг̇амааяа зганд̇абажжаяо ход̇ийд̇и ‘‘сажжаануломига’’нд̇и жа галаабасаммасанан̃аан̣аад̣̇ийнам̣ буримаанам̣ наваннам̣ гижжанибпад̇д̇ияаа, убари жа сад̇д̇ад̇им̣сааяа б̣од̇хибагкияад̇хаммаанан̃жа ануломанад̇о ‘‘ануломан̃аан̣а’’нд̇и жа вуд̇д̇ам̣ навамам̣ н̃аан̣ан̃жаад̇и яаа наваанубуб̣б̣авибассанаасан̇каад̇аа бахаанабарин̃н̃аа д̣̇ассид̇аа, аяам̣ ‘‘бадибад̣̇аан̃аан̣ад̣̇ассана’’нд̇и багаасид̇аад̇и яож̇анаа.
Saṅkhāradhamme bhayanandivivajjanavasena ajjhupekkhitvā pavattañāṇaṃ saṅkhārupekkhāñāṇaṃ, saccānulomo tadadhigamāya ekantapaccayo hotīti ‘‘saccānulomika’’nti ca kalāpasammasanañāṇādīnaṃ purimānaṃ navannaṃ kiccanipphattiyā, upari ca sattatiṃsāya bodhipakkhiyadhammānañca anulomanato ‘‘anulomañāṇa’’nti ca vuttaṃ navamaṃ ñāṇañcāti yā navānupubbavipassanāsaṅkhātā pahānapariññā dassitā, ayaṃ ‘‘paṭipadāñāṇadassana’’nti pakāsitāti yojanā.
3162. д̇ад̇о ануломан̃аан̣ад̇о барам̣ маг̇г̇асса ааваж̇ж̇анадтаанияам̣ худ̇ваа ниб̣б̣аанамааламб̣ид̇ваа уббаннасса бут̇уж̇ж̇анаг̇од̇д̇асса абхибхаванад̇о, арияаг̇од̇д̇асса бхааванад̇о вад̣дханад̇о жа ‘‘г̇од̇рабхуу’’д̇и сан̇кам̣ г̇ад̇асса жид̇д̇асса самананд̇арамзва жа. санд̇имаарамман̣ам̣ гад̇ваад̇и саб̣б̣агилзсад̣̇арат̇аанан̃жа сан̇каарад̣̇угкаг̇г̇ино жа вуубасаманимид̇д̇ад̇д̇аа ‘‘санд̇и’’нд̇и сан̇каад̇ам̣ нирод̇хамааламб̣ид̇ваа. н̃аан̣ад̣̇ассананд̇и жад̇уннам̣ арияасажжаанам̣ барин̃н̃аабхисамаяаад̣̇ивасзна ж̇аананадтзна н̃аан̣ам̣, жагкунаа вияа бажжагкад̇о д̣̇ассанадтзна д̣̇ассананд̇и сан̇кам̣ г̇ад̇ам̣ сод̇аабад̇д̇имаг̇г̇ан̃аан̣асан̇каад̇ам̣ сад̇д̇амависуд̣̇д̇хин̃аан̣ам̣ ж̇ааяад̇з уббаж̇ж̇ад̇ийд̇и ад̇т̇о.
3162.Tato anulomañāṇato paraṃ maggassa āvajjanaṭṭhāniyaṃ hutvā nibbānamālambitvā uppannassa puthujjanagottassa abhibhavanato, ariyagottassa bhāvanato vaḍḍhanato ca ‘‘gotrabhū’’ti saṅkhaṃ gatassa cittassa samanantarameva ca. Santimārammaṇaṃ katvāti sabbakilesadarathānañca saṅkhāradukkhaggino ca vūpasamanimittattā ‘‘santi’’nti saṅkhātaṃ nirodhamālambitvā. Ñāṇadassananti catunnaṃ ariyasaccānaṃ pariññābhisamayādivasena jānanaṭṭhena ñāṇaṃ, cakkhunā viya paccakkhato dassanaṭṭhena dassananti saṅkhaṃ gataṃ sotāpattimaggañāṇasaṅkhātaṃ sattamavisuddhiñāṇaṃ jāyate uppajjatīti attho.
3163. бажжавзгкан̣абарияанд̇анд̇и бажжавзгкан̣аж̇аванабарияосаанам̣. д̇ассаад̇и н̃аан̣ад̣̇ассанасан̇каад̇асса сод̇аабад̇д̇имаг̇г̇асса. паланд̇и палажид̇д̇ам̣ ану бажчаа маг̇г̇аананд̇арам̣ худ̇ваа ж̇ааяад̇з.
3163.Paccavekkhaṇapariyantanti paccavekkhaṇajavanapariyosānaṃ. Tassāti ñāṇadassanasaṅkhātassa sotāpattimaggassa. Phalanti phalacittaṃ anu pacchā maggānantaraṃ hutvā jāyate.
зд̇т̇а ‘‘бажжавзгкан̣абарияанд̇а’’нд̇и ид̣̇ам̣ ‘‘пала’’нд̇и зд̇асса висзсанам̣, гирияаависзсанам̣ ваа, бажжавзгкан̣аж̇аванам̣ марияаад̣̇ам̣ гад̇ваад̇и ад̇т̇о. маг̇г̇аананд̇арам̣ палз д̣̇вигкад̇д̇ум̣, д̇игкад̇д̇ум̣ ваа уббаж̇ж̇ид̇ваа нируд̣̇д̇хз д̇ад̣̇ананд̇арамзва бхаван̇г̇ам̣ ход̇и, бхаван̇г̇ам̣ ааваддзд̇ваа бажжавзгкид̇аб̣б̣ам̣ маг̇г̇амааламб̣ид̇ваа манод̣̇ваарааваж̇ж̇анам̣ уббаж̇ж̇ад̇и, д̇ад̇о бажжавзгкан̣аж̇аванаани. звам̣ палажид̇д̇ам̣ бхаван̇г̇абарияанд̇амзва ход̇и, на бажжавзгкан̣абарияанд̇ам̣. д̇ат̇ааби ан̃н̃зна ж̇аванзна ананд̇аригам̣ худ̇ваа палаж̇аванаанамананд̇арам̣ бажжавзгкан̣аж̇аванамзва бавад̇д̇ад̇ийд̇и д̣̇ассанад̇т̇ам̣ палабажжавзгкан̣аж̇аванаананд̇арз уббаннаани бхаван̇г̇ааваж̇ж̇анаани аб̣б̣охааригаани гад̇ваа ‘‘бажжавзгкан̣абарияанд̇ам̣, палам̣ д̇ассаануж̇ааяад̇з’’д̇и вуд̇д̇анд̇и г̇ахзд̇аб̣б̣ам̣.
Ettha ‘‘paccavekkhaṇapariyanta’’nti idaṃ ‘‘phala’’nti etassa visesanaṃ, kiriyāvisesanaṃ vā, paccavekkhaṇajavanaṃ mariyādaṃ katvāti attho. Maggānantaraṃ phale dvikkhattuṃ, tikkhattuṃ vā uppajjitvā niruddhe tadanantarameva bhavaṅgaṃ hoti, bhavaṅgaṃ āvaṭṭetvā paccavekkhitabbaṃ maggamālambitvā manodvārāvajjanaṃ uppajjati, tato paccavekkhaṇajavanāni. Evaṃ phalacittaṃ bhavaṅgapariyantameva hoti, na paccavekkhaṇapariyantaṃ. Tathāpi aññena javanena anantarikaṃ hutvā phalajavanānamanantaraṃ paccavekkhaṇajavanameva pavattatīti dassanatthaṃ phalapaccavekkhaṇajavanānantare uppannāni bhavaṅgāvajjanāni abbohārikāni katvā ‘‘paccavekkhaṇapariyantaṃ, phalaṃ tassānujāyate’’ti vuttanti gahetabbaṃ.
бажжавзгкан̣ан̃жа маг̇г̇апаланиб̣б̣аанабахийнагилзсаавасидтагилзсаанам̣ бажжавзгкан̣авасзна бан̃жавид̇хам̣ ход̇и. д̇зсу згзгам̣ згзгзна ж̇аванаваарзна бажжавзгкад̇ийд̇и бан̃жа бажжавзгкан̣аж̇аванаваараани хонд̇и. д̇аани бажжавзгкан̣аг̇г̇ахан̣зна сааман̃н̃ад̇о д̣̇ассид̇аанийд̇и д̣̇адтаб̣б̣аани.
Paccavekkhaṇañca maggaphalanibbānapahīnakilesaavasiṭṭhakilesānaṃ paccavekkhaṇavasena pañcavidhaṃ hoti. Tesu ekekaṃ ekekena javanavārena paccavekkhatīti pañca paccavekkhaṇajavanavārāni honti. Tāni paccavekkhaṇaggahaṇena sāmaññato dassitānīti daṭṭhabbāni.
3164. д̇знзва жа убааязнаад̇и уд̣̇аяаб̣б̣аяаанубассанаад̣̇ивибассанаанам̣ батамам̣ маг̇г̇о ад̇хиг̇ад̇о, д̇знзва убааязна. со бхигкууд̇и со яог̇ааважаро бхигку. бунаббунам̣ бхаавзнд̇од̇и бунаббунам̣ вибассанам̣ вад̣дхзд̇ваа. яат̇аа батамамаг̇г̇апалаани бад̇д̇о, д̇ат̇аа. сзсамаг̇г̇апалаани жаад̇и д̣̇уд̇ияаад̣̇имаг̇г̇апалаани жа баабун̣аад̇и.
3164.Teneva ca upāyenāti udayabbayānupassanādivipassanānaṃ paṭhamaṃ maggo adhigato, teneva upāyena. So bhikkhūti so yogāvacaro bhikkhu. Punappunaṃ bhāventoti punappunaṃ vipassanaṃ vaḍḍhetvā. Yathā paṭhamamaggaphalāni patto, tathā. Sesamaggaphalāni cāti dutiyādimaggaphalāni ca pāpuṇāti.
3165. ижжзвам̣ яат̇аавуд̇д̇анаязна уббаад̣̇аваяанд̇аад̇ийд̇агад̇д̇аа ажжанд̇ам̣ амад̇ам̣ д̇хаммам̣ авзжжа бадивиж̇жхид̇ваа асзсам̣ агусалам̣ вид̣̇д̇хам̣саяид̇ваа самужчзд̣̇аббахаанзна баж̇ахид̇ваа д̇аяо бхавз гаамабхаваад̣̇ийсу д̇ийсу бхавзсу ниганд̇ияаа сосанавасзна д̇аяо бхавз висзсзна сосаяид̇ваа со аг̇г̇ад̣̇агкин̣зяяо кийн̣аасаво бхигку батамам̣ гилзсабариниб̣б̣аанз сосид̇авибаагагканд̇хагадад̇д̇ааруубасан̇каад̇аубаад̣̇исзсарахид̇ад̇д̇аа нирубаад̣̇исзсам̣ ниб̣б̣аанад̇хаад̇ум̣ убзд̇и ад̇хиг̇ажчад̇ийд̇и яож̇анаа.
3165.Iccevaṃ yathāvuttanayena uppādavayantātītakattā accantaṃ amataṃ dhammaṃ avecca paṭivijjhitvā asesaṃ akusalaṃ viddhaṃsayitvā samucchedappahānena pajahitvā tayo bhave kāmabhavādīsu tīsu bhavesu nikantiyā sosanavasena tayo bhave visesena sosayitvā so aggadakkhiṇeyyo khīṇāsavo bhikkhu paṭhamaṃ kilesaparinibbāne sositavipākakkhandhakaṭattārūpasaṅkhātaupādisesarahitattā nirupādisesaṃ nibbānadhātuṃ upeti adhigacchatīti yojanā.
ижжзвам̣ сан̇кзбад̇о гаммадтаанабхааванаанаяо аажариязна д̣̇ассид̇од̇и г̇ант̇абхийруж̇анаануг̇г̇ахавасзна вид̇т̇аараван̣н̣анам̣ анаамасид̇ваа анубад̣̇аван̣н̣анаамад̇д̇амзвзд̇т̇а гад̇ам̣. вид̇т̇аараван̣н̣анаа банасса висуд̣̇д̇химаг̇г̇ад̇о, д̇аб̣б̣ан̣н̣анад̇о жа г̇ахзд̇аб̣б̣аа.
Iccevaṃ saṅkhepato kammaṭṭhānabhāvanānayo ācariyena dassitoti ganthabhīrujanānuggahavasena vitthāravaṇṇanaṃ anāmasitvā anupadavaṇṇanāmattamevettha kataṃ. Vitthāravaṇṇanā panassa visuddhimaggato, tabbaṇṇanato ca gahetabbā.
3166-7. вин̃н̃аасаггамад̇о ваабийд̇и агкарабад̣̇аваагяасан̇каад̇аг̇ант̇аражанаггамад̇о ваа. буб̣б̣аабаравасзна ваад̇и вад̇д̇аб̣б̣аанамад̇т̇ависзсаанам̣ бадибаадивасзна ваа. агкараб̣анд̇хз ваад̇и сад̣̇д̣̇асад̇т̇аалан̇гаарасад̇т̇ачанд̣̇овижид̇исад̇т̇аанубаад̇зна гаад̇аб̣б̣ааяа агкарабад̣̇аражанааяа, г̇аат̇ааб̣анд̇хзд̇и ад̇т̇о. аяуд̇д̇ам̣ вияа яад̣̇и д̣̇иссад̇ийд̇и яож̇анаа.
3166-7.Viññāsakkamato vāpīti akkharapadavākyasaṅkhātagantharacanakkamato vā. Pubbāparavasena vāti vattabbānamatthavisesānaṃ paṭipāṭivasena vā. Akkharabandhe vāti saddasatthaalaṅkārasatthachandovicitisatthānupātena kātabbāya akkharapadaracanāya, gāthābandheti attho. Ayuttaṃ viya yadi dissatīti yojanā.
д̇анд̇и д̇ам̣ ‘‘аяуд̇д̇а’’нд̇и д̣̇иссамаанадтаанам̣. д̇ат̇аа на г̇ахзд̇аб̣б̣анд̇и д̣̇иссамаанаагаарзнзва аяуд̇д̇анд̇и на г̇ахзд̇аб̣б̣ам̣. гат̇ам̣ г̇ахзд̇аб̣б̣анд̇и ааха ‘‘г̇ахзд̇аб̣б̣амад̣̇осад̇о’’д̇и. д̇асса гааран̣амааха ‘‘маяаа убабаригкид̇ваа, гад̇ад̇д̇аа бана саб̣б̣асо’’д̇и. яо яо банзд̇т̇а д̣̇осо д̣̇иссад̇и кид̇д̇ад̣̇осо ваа ход̇у вибаллаасаг̇г̇ахан̣ад̣̇осо ваа, наабарам̣ д̣̇осод̇и д̣̇ийбзд̇и. д̇знзд̇ам̣ багаран̣ам̣ саб̣б̣зсам̣ д̇ибидагабарияад̇д̇иббабхзд̣̇ааяад̇анаб̣ахуссуд̇аанам̣ сигкаагаамаанам̣ т̇зраанам̣ ад̇д̇ано бамаан̣абхууд̇ад̇ам̣ суужзд̇и. ад̇д̇ано бамаан̣асуужанзна ад̇д̇анаа виражид̇асса винаяавинижчаяассааби бамаан̣ад̇ам̣ вибхаавзнд̇о д̇асса савануг̇г̇ахад̇хааран̣аад̣̇ийсу сод̇уж̇анам̣ нияож̇зд̇ийд̇и д̣̇адтаб̣б̣ам̣.
Tanti taṃ ‘‘ayutta’’nti dissamānaṭṭhānaṃ. Tathā na gahetabbanti dissamānākāreneva ayuttanti na gahetabbaṃ. Kathaṃ gahetabbanti āha ‘‘gahetabbamadosato’’ti. Tassa kāraṇamāha ‘‘mayā upaparikkhitvā, katattā pana sabbaso’’ti. Yo yo panettha doso dissati khittadoso vā hotu vipallāsaggahaṇadoso vā, nāparaṃ dosoti dīpeti. Tenetaṃ pakaraṇaṃ sabbesaṃ tipiṭakapariyattippabhedāyatanabahussutānaṃ sikkhākāmānaṃ therānaṃ attano pamāṇabhūtataṃ sūceti. Attano pamāṇasūcanena attanā viracitassa vinayavinicchayassāpi pamāṇataṃ vibhāvento tassa savanuggahadhāraṇādīsu sotujanaṃ niyojetīti daṭṭhabbaṃ.
ид̇и винаяад̇т̇асаарасанд̣̇ийбанияаа винаяавинижчаяаван̣н̣анааяа
Iti vinayatthasārasandīpaniyā vinayavinicchayavaṇṇanāya
гаммадтаанабхааванаавид̇хаанагат̇ааван̣н̣анаа нидтид̇аа.
Kammaṭṭhānabhāvanāvidhānakathāvaṇṇanā niṭṭhitā.
