| Library / Tipiṭaka / তিপিটক • Tipiṭaka / ৰজিরবুদ্ধি-টীকা • Vajirabuddhi-ṭīkā |
পঞ্চৰগ্গো
Pañcavaggo
কম্মৰগ্গৰণ্ণনা
Kammavaggavaṇṇanā
৪৮৩. ‘‘উম্মত্তকসম্মুতিং উম্মত্তকে যাচিত্ৰা গতে অসম্মুখাপি দাতুং ৰট্টতী’’তি ৰুত্তং। তত্থ নিসিন্নেপি ন কুপ্পতি নিযমাভাৰা। অসম্মুখা কতে দোসাভাৰং দস্সেতুং ‘‘অসম্মুখাকতং সুকতং হোতী’’তি ৰুত্তং। দূতেন উপসম্পদা পনেত্থ সম্মুখা কাতুং ন সক্কা। কম্মৰাচানানত্তসভাৰা পত্তনিক্কুজ্জনাদযো হত্থপাসতো অপনেত্ৰা কাতব্বা, তেন ৰুত্তং ‘‘অসম্মুখা কতং সুকতং হোতী’’তি। ‘‘পুচ্ছিত্ৰা চোদেত্ৰা সারেত্ৰা কাতব্বং অপুচ্ছিত্ৰা অচোদেত্ৰা অসারেত্ৰা করোতী’’তি অযং ৰচনত্থো। ঠপেত্ৰা কত্তিকমাসন্তি সো পৰারণামাসো, দ্ৰে চ পুণ্ণমাসিযোতি পঠমদুতিযৰস্সূপগতানং পৰারণা পুণ্ণমাসা দ্ৰে।
483. ‘‘Ummattakasammutiṃ ummattake yācitvā gate asammukhāpi dātuṃ vaṭṭatī’’ti vuttaṃ. Tattha nisinnepi na kuppati niyamābhāvā. Asammukhā kate dosābhāvaṃ dassetuṃ ‘‘asammukhākataṃ sukataṃ hotī’’ti vuttaṃ. Dūtena upasampadā panettha sammukhā kātuṃ na sakkā. Kammavācānānattasabhāvā pattanikkujjanādayo hatthapāsato apanetvā kātabbā, tena vuttaṃ ‘‘asammukhā kataṃ sukataṃ hotī’’ti. ‘‘Pucchitvā codetvā sāretvā kātabbaṃ apucchitvā acodetvā asāretvā karotī’’ti ayaṃ vacanattho. Ṭhapetvā kattikamāsanti so pavāraṇāmāso, dve ca puṇṇamāsiyoti paṭhamadutiyavassūpagatānaṃ pavāraṇā puṇṇamāsā dve.
৪৮৫. পদং ৰা ছড্ডেতীতি অত্থো। ক-ৰগ্গাদীসু পঞ্চসু। গরুকন্তি দীঘং, সংযোগপরঞ্চ। ‘‘বুদ্ধরক্খিতত্থেরস্স যস্স নক্খমতী’’তি এত্থ ত-কারক-কারা সংযোগপরা। দীঘে ৰত্তব্বে রস্সন্তি ‘‘সো তুণ্হী অস্সা’’তি ৰত্তব্বে সো তুণ্হি অস্সাতি ৰচনং।
485. Padaṃ vā chaḍḍetīti attho. Ka-vaggādīsu pañcasu. Garukanti dīghaṃ, saṃyogaparañca. ‘‘Buddharakkhitattherassa yassa nakkhamatī’’ti ettha ta-kāraka-kārā saṃyogaparā. Dīghe vattabbe rassanti ‘‘so tuṇhī assā’’ti vattabbe so tuṇhi assāti vacanaṃ.
৪৮৬. সেসট্ঠকথাসু ৰুত্তৰচনং কুরুন্দিযং পাকটং কত্ৰা ‘‘নিসীদিতুং ন সক্কোন্তী’’তি ৰুত্তং।
486. Sesaṭṭhakathāsu vuttavacanaṃ kurundiyaṃ pākaṭaṃ katvā ‘‘nisīdituṃ na sakkontī’’ti vuttaṃ.
৪৮৭-৮. পরিসুদ্ধসীলা চত্তারো ভিক্খূতি পারাজিকং অনাপন্না। ন তেসং ছন্দো ৰা পারিসুদ্ধি ৰা এতীতি তীসু, দ্ৰীসু ৰা নিসিন্নেসু একস্স, দ্ৰিন্নং ৰা ছন্দপারিসুদ্ধি আহটাপি অনাহটাৰ।
487-8.Parisuddhasīlā cattāro bhikkhūti pārājikaṃ anāpannā. Na tesaṃ chando vā pārisuddhi vā etīti tīsu, dvīsu vā nisinnesu ekassa, dvinnaṃ vā chandapārisuddhi āhaṭāpi anāhaṭāva.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / পরিৰারপাল়ি • Parivārapāḷi / ১. কম্মৰগ্গো • 1. Kammavaggo
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / পরিৰার-অট্ঠকথা • Parivāra-aṭṭhakathā / কম্মৰগ্গৰণ্ণনা • Kammavaggavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / কম্মৰগ্গৰণ্ণনা • Kammavaggavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / কম্মৰগ্গৰণ্ণনা • Kammavaggavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / কম্মৰগ্গৰণ্ণনা • Kammavaggavaṇṇanā
