| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
бан̃жаваг̇г̇о
Pañcavaggo
гаммаваг̇г̇аван̣н̣анаа
Kammavaggavaṇṇanā
482. гаммаваг̇г̇з жад̇уннам̣ гаммаанам̣ наанаагаран̣ам̣ самат̇агканд̇хагз вуд̇д̇амзва. гин̃жааби вуд̇д̇ам̣, ат̇а ко аяам̣ гаммавинижчаяо наама аад̣̇ид̇о бадтааяа вужжамаано баагадо ход̇и, д̇асмаа аад̣̇ид̇о бадтааязвзд̇т̇а вад̇д̇аб̣б̣ам̣ вад̣̇иссаама. жад̇д̇аарийд̇и гаммаанам̣ г̇ан̣анабарижчзд̣̇аважанамзд̇ам̣. гаммаанийд̇и барижчиннагамманид̣̇ассанам̣. абалоганагаммам̣ наама сиймадтагасан̇гхам̣ сод̇хзд̇ваа чанд̣̇аарахаанам̣ чанд̣̇ам̣ аахарид̇ваа самаг̇г̇асса сан̇гхасса анумад̇ияаа д̇игкад̇д̇ум̣ саавзд̇ваа гад̇д̇аб̣б̣ам̣ гаммам̣. н̃ад̇д̇игаммам̣ наама вуд̇д̇анаязнзва самаг̇г̇асса сан̇гхасса анумад̇ияаа згааяа н̃ад̇д̇ияаа гад̇д̇аб̣б̣ам̣ гаммам̣. н̃ад̇д̇ид̣̇уд̇ияагаммам̣ наама вуд̇д̇анаязнзва самаг̇г̇асса сан̇гхасса анумад̇ияаа згааяа н̃ад̇д̇ияаа згааяа жа ануссааванааяаад̇и звам̣ н̃ад̇д̇ид̣̇уд̇ияааяа ануссааванааяа гад̇д̇аб̣б̣ам̣ гаммам̣. н̃ад̇д̇ижад̇уд̇т̇агаммам̣ наама вуд̇д̇анаязнзва самаг̇г̇асса сан̇гхасса анумад̇ияаа згааяа н̃ад̇д̇ияаа д̇ийхи жа ануссааванаахийд̇и звам̣ н̃ад̇д̇ижад̇уд̇т̇аахи д̇ийхи ануссааванаахи гад̇д̇аб̣б̣ам̣ гаммам̣.
482. Kammavagge catunnaṃ kammānaṃ nānākaraṇaṃ samathakkhandhake vuttameva. Kiñcāpi vuttaṃ, atha kho ayaṃ kammavinicchayo nāma ādito paṭṭhāya vuccamāno pākaṭo hoti, tasmā ādito paṭṭhāyevettha vattabbaṃ vadissāma. Cattārīti kammānaṃ gaṇanaparicchedavacanametaṃ. Kammānīti paricchinnakammanidassanaṃ. Apalokanakammaṃ nāma sīmaṭṭhakasaṅghaṃ sodhetvā chandārahānaṃ chandaṃ āharitvā samaggassa saṅghassa anumatiyā tikkhattuṃ sāvetvā kattabbaṃ kammaṃ. Ñattikammaṃ nāma vuttanayeneva samaggassa saṅghassa anumatiyā ekāya ñattiyā kattabbaṃ kammaṃ. Ñattidutiyakammaṃ nāma vuttanayeneva samaggassa saṅghassa anumatiyā ekāya ñattiyā ekāya ca anussāvanāyāti evaṃ ñattidutiyāya anussāvanāya kattabbaṃ kammaṃ. Ñatticatutthakammaṃ nāma vuttanayeneva samaggassa saṅghassa anumatiyā ekāya ñattiyā tīhi ca anussāvanāhīti evaṃ ñatticatutthāhi tīhi anussāvanāhi kattabbaṃ kammaṃ.
д̇ад̇т̇а абалоганагаммам̣ абалогзд̇ваава гаад̇аб̣б̣ам̣, н̃ад̇д̇игаммаад̣̇ивасзна на гаад̇аб̣б̣ам̣. н̃ад̇д̇игаммамби згам̣ н̃ад̇д̇им̣ табзд̇ваава гаад̇аб̣б̣ам̣, абалоганагаммаад̣̇ивасзна на гаад̇аб̣б̣ам̣. н̃ад̇д̇ид̣̇уд̇ияагаммам̣ бана абалогзд̇ваа гаад̇аб̣б̣амби ад̇т̇и, агаад̇аб̣б̣амби ад̇т̇и.
Tattha apalokanakammaṃ apaloketvāva kātabbaṃ, ñattikammādivasena na kātabbaṃ. Ñattikammampi ekaṃ ñattiṃ ṭhapetvāva kātabbaṃ, apalokanakammādivasena na kātabbaṃ. Ñattidutiyakammaṃ pana apaloketvā kātabbampi atthi, akātabbampi atthi.
д̇ад̇т̇а сиймаасаммуд̇и, сиймаасамуухананам̣, гат̇инад̣̇аанам̣, гат̇инуд̣̇д̇хааро, гудивад̇т̇уд̣̇зсанаа, вихааравад̇т̇уд̣̇зсанаад̇и имаани ча гаммаани г̇аругаани абалогзд̇ваа гаад̇ум̣ на вадданд̇и, н̃ад̇д̇ид̣̇уд̇ияагаммаваажам̣ саавзд̇ваава гаад̇аб̣б̣аани. авасзсаа д̇зраса саммуд̇ияо сзнаасанаг̇г̇аахагамад̇агажийварад̣̇аанаад̣̇исаммуд̇ияо жаад̇и зд̇аани лахугагаммаани абалогзд̇вааби гаад̇ум̣ вадданд̇и, н̃ад̇д̇игамма-н̃ад̇д̇ижад̇уд̇т̇агаммавасзна бана на гаад̇аб̣б̣амзва. н̃ад̇д̇ижад̇уд̇т̇агаммавасзна гаяирамаанам̣ д̣̇ал̣хад̇арам̣ ход̇и, д̇асмаа гаад̇аб̣б̣анд̇и згажжз вад̣̇анд̇и. звам̣ бана сад̇и гаммасан̇гаро ход̇и, д̇асмаа на гаад̇аб̣б̣анд̇и бадигкид̇д̇амзва. сажз бана агкарабарихийнам̣ ваа бад̣̇абарихийнам̣ ваа д̣̇уруд̇д̇абад̣̇ам̣ ваа ход̇и , д̇асса сод̇ханад̇т̇ам̣ бунаббунам̣ вад̇д̇ум̣ ваддад̇и. ид̣̇ам̣ агуббагаммасса д̣̇ал̣хийгаммам̣ ход̇и, губбагаммз гаммам̣ худ̇ваа д̇идтад̇и.
Tattha sīmāsammuti, sīmāsamūhananaṃ, kathinadānaṃ, kathinuddhāro, kuṭivatthudesanā, vihāravatthudesanāti imāni cha kammāni garukāni apaloketvā kātuṃ na vaṭṭanti, ñattidutiyakammavācaṃ sāvetvāva kātabbāni. Avasesā terasa sammutiyo senāsanaggāhakamatakacīvaradānādisammutiyo cāti etāni lahukakammāni apaloketvāpi kātuṃ vaṭṭanti, ñattikamma-ñatticatutthakammavasena pana na kātabbameva. Ñatticatutthakammavasena kayiramānaṃ daḷhataraṃ hoti, tasmā kātabbanti ekacce vadanti. Evaṃ pana sati kammasaṅkaro hoti, tasmā na kātabbanti paṭikkhittameva. Sace pana akkharaparihīnaṃ vā padaparihīnaṃ vā duruttapadaṃ vā hoti , tassa sodhanatthaṃ punappunaṃ vattuṃ vaṭṭati. Idaṃ akuppakammassa daḷhīkammaṃ hoti, kuppakamme kammaṃ hutvā tiṭṭhati.
н̃ад̇д̇ижад̇уд̇т̇агаммам̣ н̃ад̇д̇ин̃жа д̇иссо жа гаммаваажааяо саавзд̇ваава гаад̇аб̣б̣ам̣, абалоганагаммаад̣̇ивасзна на гаад̇аб̣б̣ам̣. бан̃жахаагаарзхи вибаж̇ж̇анд̇ийд̇и бан̃жахи гааран̣зхи вибаж̇ж̇анд̇и.
Ñatticatutthakammaṃ ñattiñca tisso ca kammavācāyo sāvetvāva kātabbaṃ, apalokanakammādivasena na kātabbaṃ. Pañcahākārehi vipajjantīti pañcahi kāraṇehi vipajjanti.
483. саммукаагаран̣ийяам̣ гаммам̣ асаммукаа гарод̇и, вад̇т̇увибаннам̣ ад̇хаммагамманд̇и зд̇т̇а ад̇т̇и гаммам̣ саммукаагаран̣ийяам̣; ад̇т̇и асаммукаагаран̣ийяам̣; д̇ад̇т̇а асаммукаагаран̣ийяам̣ наама д̣̇ууд̇знубасамбад̣̇аа, бад̇д̇аниггуж̇ж̇анам̣, бад̇д̇уггуж̇ж̇анам̣, уммад̇д̇агасса бхигкуно уммад̇д̇агасаммуд̇и, сзгкаанам̣ гулаанам̣ сзгкасаммуд̇и, чаннасса бхигкуно б̣рахмад̣̇ан̣д̣о, д̣̇звад̣̇ад̇д̇асса багаасанийяагаммам̣, аббасаад̣̇анийяам̣ д̣̇ассзнд̇асса бхигкуно бхигкунисан̇гхзна гаад̇аб̣б̣ам̣ аванд̣̇анийяагамманд̇и адтавид̇хам̣ ход̇и, д̇ам̣ саб̣б̣ам̣ д̇ад̇т̇а д̇ад̇т̇а вуд̇д̇анаязнзва взд̣̇ид̇аб̣б̣ам̣. ид̣̇ам̣ адтавид̇хамби гаммам̣ асаммукаа гад̇ам̣ сугад̇ам̣ ход̇и агуббам̣.
483.Sammukhākaraṇīyaṃ kammaṃ asammukhā karoti, vatthuvipannaṃ adhammakammanti ettha atthi kammaṃ sammukhākaraṇīyaṃ; atthi asammukhākaraṇīyaṃ; tattha asammukhākaraṇīyaṃ nāma dūtenupasampadā, pattanikkujjanaṃ, pattukkujjanaṃ, ummattakassa bhikkhuno ummattakasammuti, sekkhānaṃ kulānaṃ sekkhasammuti, channassa bhikkhuno brahmadaṇḍo, devadattassa pakāsanīyakammaṃ, appasādanīyaṃ dassentassa bhikkhuno bhikkhunisaṅghena kātabbaṃ avandanīyakammanti aṭṭhavidhaṃ hoti, taṃ sabbaṃ tattha tattha vuttanayeneva veditabbaṃ. Idaṃ aṭṭhavidhampi kammaṃ asammukhā kataṃ sukataṃ hoti akuppaṃ.
сзсаани саб̣б̣агаммаани саммукаа зва гаад̇аб̣б̣аани – сан̇гхасаммукад̇аа, д̇хаммасаммукад̇аа, винаяасаммукад̇аа, буг̇г̇аласаммукад̇аад̇и имам̣ жад̇уб̣б̣ид̇хам̣ саммукаавинаяам̣ убанзд̇ваава гаад̇аб̣б̣аани. звам̣ гад̇аани хи сугад̇аани хонд̇и. звам̣ агад̇аани банзд̇аани имам̣ саммукаавинаяасан̇каад̇ам̣ вад̇т̇ум̣ винаа гад̇ад̇д̇аа вад̇т̇увибаннаани наама хонд̇и. д̇зна вуд̇д̇ам̣ – ‘‘саммукаагаран̣ийяам̣ гаммам̣ асаммукаа гарод̇и, вад̇т̇увибаннам̣ ад̇хаммагамма’’нд̇и.
Sesāni sabbakammāni sammukhā eva kātabbāni – saṅghasammukhatā, dhammasammukhatā, vinayasammukhatā, puggalasammukhatāti imaṃ catubbidhaṃ sammukhāvinayaṃ upanetvāva kātabbāni. Evaṃ katāni hi sukatāni honti. Evaṃ akatāni panetāni imaṃ sammukhāvinayasaṅkhātaṃ vatthuṃ vinā katattā vatthuvipannāni nāma honti. Tena vuttaṃ – ‘‘sammukhākaraṇīyaṃ kammaṃ asammukhā karoti, vatthuvipannaṃ adhammakamma’’nti.
бадибужчаагаран̣ийяаад̣̇ийсуби бадибужчаад̣̇игаран̣амзва вад̇т̇у, д̇ам̣ вад̇т̇ум̣ винаа гад̇ад̇д̇аа д̇зсамби вад̇т̇увибаннад̇аа взд̣̇ид̇аб̣б̣аа. ид̣̇ам̣ банзд̇т̇а важанад̇т̇амад̇д̇ам̣. бадибужчаа гаран̣ийяам̣ аббадибужчаа гарод̇ийд̇и бужчид̇ваа жод̣̇зд̇ваа саарзд̇ваа гаад̇аб̣б̣ам̣ абужчид̇ваа ажод̣̇зд̇ваа асаарзд̇ваа гарод̇и. бадин̃н̃ааяа гаран̣ийяам̣ аббадин̃н̃ааяа гарод̇ийд̇и бадин̃н̃ам̣ ааробзд̇ваа яат̇аад̣̇иннааяа бадин̃н̃ааяа гаад̇аб̣б̣ам̣ аббадин̃н̃ааяа гаронд̇асса виббалабанд̇асса б̣алаггаарзна гарод̇и. сад̇ивинаяаарахассаад̇и д̣̇аб̣б̣амаллабуд̇д̇ад̇т̇зрасад̣̇исасса кийн̣аасавасса. амуул̣хавинаяаарахассаад̇и г̇аг̇г̇абхигкусад̣̇исасса уммад̇д̇агасса. д̇ассабаабияасигагаммаарахассаад̇и убаваал̣абхигкусад̣̇исасса уссаннабаабасса. зса наяо саб̣б̣ад̇т̇а.
Paṭipucchākaraṇīyādīsupi paṭipucchādikaraṇameva vatthu, taṃ vatthuṃ vinā katattā tesampi vatthuvipannatā veditabbā. Idaṃ panettha vacanatthamattaṃ. Paṭipucchā karaṇīyaṃ appaṭipucchā karotīti pucchitvā codetvā sāretvā kātabbaṃ apucchitvā acodetvā asāretvā karoti. Paṭiññāya karaṇīyaṃappaṭiññāya karotīti paṭiññaṃ āropetvā yathādinnāya paṭiññāya kātabbaṃ appaṭiññāya karontassa vippalapantassa balakkārena karoti. Sativinayārahassāti dabbamallaputtattherasadisassa khīṇāsavassa. Amūḷhavinayārahassāti gaggabhikkhusadisassa ummattakassa. Tassapāpiyasikakammārahassāti upavāḷabhikkhusadisassa ussannapāpassa. Esa nayo sabbattha.
анубосат̇з убосат̇ам̣ гарод̇ийд̇и анубосат̇ад̣̇ивасз убосат̇ам̣ гарод̇и. убосат̇ад̣̇ивасо наама табзд̇ваа гад̇д̇игамаасам̣ авасзсзсу згаад̣̇асасу маасзсу бхиннасса сан̇гхасса саамаг̇г̇ид̣̇ивасо жа яат̇аавуд̇д̇ажаад̇уд̣̇д̣̇асабаннарасаа жа. зд̇ам̣ д̇иббагаарамби убосат̇ад̣̇ивасам̣ табзд̇ваа ан̃н̃асмим̣ д̣̇ивасз убосат̇ам̣ гаронд̇о анубосат̇з убосат̇ам̣ гарод̇и наама. яад̇ра хи бад̇д̇ажийвараад̣̇ийнам̣ ад̇т̇ааяа аббамад̇д̇агзна гааран̣зна вивад̣̇анд̇аа убосат̇ам̣ ваа бавааран̣ам̣ ваа табзнд̇и, д̇ад̇т̇а д̇асмим̣ ад̇хигаран̣з винижчид̇з ‘‘самаг̇г̇аа ж̇аад̇аамхаа’’д̇и анд̇араа саамаг̇г̇иубосат̇ам̣ гаад̇ум̣ на лабханд̇и, гаронд̇зхи анубосат̇з убосат̇о гад̇о наама ход̇и.
Anuposatheuposathaṃ karotīti anuposathadivase uposathaṃ karoti. Uposathadivaso nāma ṭhapetvā kattikamāsaṃ avasesesu ekādasasu māsesu bhinnassa saṅghassa sāmaggidivaso ca yathāvuttacātuddasapannarasā ca. Etaṃ tippakārampi uposathadivasaṃ ṭhapetvā aññasmiṃ divase uposathaṃ karonto anuposathe uposathaṃ karoti nāma. Yatra hi pattacīvarādīnaṃ atthāya appamattakena kāraṇena vivadantā uposathaṃ vā pavāraṇaṃ vā ṭhapenti, tattha tasmiṃ adhikaraṇe vinicchite ‘‘samaggā jātāmhā’’ti antarā sāmaggiuposathaṃ kātuṃ na labhanti, karontehi anuposathe uposatho kato nāma hoti.
абавааран̣ааяа баваарзд̇ийд̇и абавааран̣аад̣̇ивасз баваарзд̇и; бавааран̣аад̣̇ивасо наама згасмим̣ гад̇д̇игамаасз бхиннасса сан̇гхасса саамаг̇г̇ид̣̇ивасо жа бажжуггад̣дхид̇ваа табид̇ад̣̇ивасо жа д̣̇вз жа бун̣н̣амаасияо. звам̣ жад̇уб̣б̣ид̇хамби бавааран̣аад̣̇ивасам̣ табзд̇ваа ан̃н̃асмим̣ д̣̇ивасз баваарзнд̇о абавааран̣ааяа баваарзд̇и наама. ид̇хааби аббамад̇д̇агасса виваад̣̇асса вуубасамз саамаг̇г̇ибавааран̣ам̣ гаад̇ум̣ на лабханд̇и, гаронд̇зхи абавааран̣ааяа бавааран̣аа гад̇аа ход̇и. абижа уунавийсад̇ивассам̣ ваа анд̇имавад̇т̇ум̣ аж̇жхаабаннабуб̣б̣ам̣ ваа згаад̣̇асасу ваа абхаб̣б̣абуг̇г̇алзсу ан̃н̃ад̇арам̣ убасамбаад̣̇знд̇ассаби вад̇т̇увибаннам̣ ад̇хаммагаммам̣ ход̇и. звам̣ вад̇т̇уд̇о гаммаани вибаж̇ж̇анд̇и.
Apavāraṇāya pavāretīti apavāraṇādivase pavāreti; pavāraṇādivaso nāma ekasmiṃ kattikamāse bhinnassa saṅghassa sāmaggidivaso ca paccukkaḍḍhitvā ṭhapitadivaso ca dve ca puṇṇamāsiyo. Evaṃ catubbidhampi pavāraṇādivasaṃ ṭhapetvā aññasmiṃ divase pavārento apavāraṇāya pavāreti nāma. Idhāpi appamattakassa vivādassa vūpasame sāmaggipavāraṇaṃ kātuṃ na labhanti, karontehi apavāraṇāya pavāraṇā katā hoti. Apica ūnavīsativassaṃ vā antimavatthuṃ ajjhāpannapubbaṃ vā ekādasasu vā abhabbapuggalesu aññataraṃ upasampādentassapi vatthuvipannaṃ adhammakammaṃ hoti. Evaṃ vatthuto kammāni vipajjanti.
484. н̃ад̇д̇ид̇о вибад̇д̇ияам̣ бана вад̇т̇ум̣ на бараамасад̇ийд̇и яасса убасамбад̣̇аад̣̇игаммам̣ гарод̇и, д̇ам̣ на бараамасад̇и, д̇асса наамам̣ на г̇ан̣хаад̇и. ‘‘сун̣аад̇у мз бханд̇з сан̇гхо, аяам̣ д̇хаммарагкид̇о ааяасмад̇о б̣уд̣̇д̇харагкид̇асса убасамбад̣̇аабзгко’’д̇и вад̇д̇аб̣б̣з ‘‘сун̣аад̇у мз бханд̇з сан̇гхо, ааяасмад̇о б̣уд̣̇д̇харагкид̇асса убасамбад̣̇аабзгко’’д̇и вад̣̇ад̇и; звам̣ вад̇т̇ум̣ на бараамасад̇и.
484. Ñattito vipattiyaṃ pana vatthuṃ na parāmasatīti yassa upasampadādikammaṃ karoti, taṃ na parāmasati, tassa nāmaṃ na gaṇhāti. ‘‘Suṇātu me bhante saṅgho, ayaṃ dhammarakkhito āyasmato buddharakkhitassa upasampadāpekkho’’ti vattabbe ‘‘suṇātu me bhante saṅgho, āyasmato buddharakkhitassa upasampadāpekkho’’ti vadati; evaṃ vatthuṃ na parāmasati.
сан̇гхам̣ на бараамасад̇ийд̇и сан̇гхасса наамам̣ на г̇ан̣хаад̇и. ‘‘сун̣аад̇у мз бханд̇з сан̇гхо, аяам̣ д̇хаммарагкид̇о’’д̇и вад̇д̇аб̣б̣з ‘‘сун̣аад̇у мз бханд̇з, аяам̣ д̇хаммарагкид̇о’’д̇и вад̣̇ад̇и; звам̣ сан̇гхам̣ на бараамасад̇и.
Saṅghaṃ na parāmasatīti saṅghassa nāmaṃ na gaṇhāti. ‘‘Suṇātu me bhante saṅgho, ayaṃ dhammarakkhito’’ti vattabbe ‘‘suṇātu me bhante, ayaṃ dhammarakkhito’’ti vadati; evaṃ saṅghaṃ na parāmasati.
буг̇г̇алам̣ на бараамасад̇ийд̇и яо убасамбад̣̇аабзгкасса убаж̇жхааяо, д̇ам̣ на бараамасад̇и, д̇асса наамам̣ на г̇ан̣хаад̇и. ‘‘сун̣аад̇у мз бханд̇з сан̇гхо, аяам̣ д̇хаммарагкид̇о ааяасмад̇о б̣уд̣̇д̇харагкид̇асса убасамбад̣̇аабзгко’’д̇и вад̇д̇аб̣б̣з ‘‘сун̣аад̇у мз, бханд̇з сан̇гхо, аяам̣ д̇хаммарагкид̇о убасамбад̣̇аабзгко’’д̇и вад̣̇ад̇и; звам̣ буг̇г̇алам̣ на бараамасад̇и.
Puggalaṃ na parāmasatīti yo upasampadāpekkhassa upajjhāyo, taṃ na parāmasati, tassa nāmaṃ na gaṇhāti. ‘‘Suṇātu me bhante saṅgho, ayaṃ dhammarakkhito āyasmato buddharakkhitassa upasampadāpekkho’’ti vattabbe ‘‘suṇātu me, bhante saṅgho, ayaṃ dhammarakkhito upasampadāpekkho’’ti vadati; evaṃ puggalaṃ na parāmasati.
н̃ад̇д̇им̣ на бараамасад̇ийд̇и саб̣б̣зна саб̣б̣ам̣ н̃ад̇д̇им̣ на бараамасад̇и. н̃ад̇д̇ид̣̇уд̇ияагаммз н̃ад̇д̇им̣ адтабзд̇ваа д̣̇вигкад̇д̇ум̣ гаммаваажааяа зва ануссааванагаммам̣ гарод̇и. н̃ад̇д̇ижад̇уд̇т̇агаммзби н̃ад̇д̇им̣ адтабзд̇ваа жад̇угкад̇д̇ум̣ гаммаваажааяа зва ануссааванагаммам̣ гарод̇и; звам̣ н̃ад̇д̇им̣ на бараамасад̇и.
Ñattiṃ na parāmasatīti sabbena sabbaṃ ñattiṃ na parāmasati. Ñattidutiyakamme ñattiṃ aṭṭhapetvā dvikkhattuṃ kammavācāya eva anussāvanakammaṃ karoti. Ñatticatutthakammepi ñattiṃ aṭṭhapetvā catukkhattuṃ kammavācāya eva anussāvanakammaṃ karoti; evaṃ ñattiṃ na parāmasati.
бажчаа ваа н̃ад̇д̇им̣ табзд̇ийд̇и батамам̣ гаммаваажааяа ануссааванагаммам̣ гад̇ваа ‘‘зсаа н̃ад̇д̇ий’’д̇и вад̇ваа ‘‘камад̇и сан̇гхасса д̇асмаа д̇ун̣хий звамзд̇ам̣ д̇хаараяаамий’’д̇и вад̣̇ад̇и; звам̣ бажчаа н̃ад̇д̇им̣ табзд̇и. ид̇и имзхи бан̃жахаагаарзхи н̃ад̇д̇ид̇о гаммаани вибаж̇ж̇анд̇и.
Pacchā vā ñattiṃ ṭhapetīti paṭhamaṃ kammavācāya anussāvanakammaṃ katvā ‘‘esā ñattī’’ti vatvā ‘‘khamati saṅghassa tasmā tuṇhī evametaṃ dhārayāmī’’ti vadati; evaṃ pacchā ñattiṃ ṭhapeti. Iti imehi pañcahākārehi ñattito kammāni vipajjanti.
485. ануссааванад̇о вибад̇д̇ияам̣ бана вад̇т̇уаад̣̇ийни вуд̇д̇анаязнзва взд̣̇ид̇аб̣б̣аани. звам̣ бана нзсам̣ абараамасанам̣ ход̇и – ‘‘сун̣аад̇у мз бханд̇з сан̇гхо’’д̇и батамаануссааванз ‘‘д̣̇уд̇ияамби зд̇амад̇т̇ам̣ вад̣̇аами, д̇ад̇ияамби зд̇амад̇т̇ам̣ вад̣̇аами, сун̣аад̇у мз бханд̇з сан̇гхо’’д̇и д̣̇уд̇ияад̇ад̇ияаануссааванаасу ваа ‘‘аяам̣ д̇хаммарагкид̇о ааяасмад̇о б̣уд̣̇д̇харагкид̇асса убасамбад̣̇аабзгко’’д̇и вад̇д̇аб̣б̣з ‘‘сун̣аад̇у мз бханд̇з сан̇гхо, ааяасмад̇о б̣уд̣̇д̇харагкид̇ассаа’’д̇и вад̣̇анд̇о вад̇т̇ум̣ на бараамасад̇и наама. ‘‘сун̣аад̇у мз бханд̇з сан̇гхо, аяам̣ д̇хаммарагкид̇о’’д̇и вад̇д̇аб̣б̣з ‘‘сун̣аад̇у мз бханд̇з, аяам̣ д̇хаммарагкид̇о’’д̇и вад̣̇анд̇о сан̇гхам̣ на бараамасад̇и наама. ‘‘сун̣аад̇у мз бханд̇з сан̇гхо, аяам̣ д̇хаммарагкид̇о ааяасмад̇о б̣уд̣̇д̇харагкид̇ассаа’’д̇и вад̇д̇аб̣б̣з ‘‘сун̣аад̇у мз бханд̇з сан̇гхо, аяам̣ д̇хаммарагкид̇о убасамбад̣̇аабзгко’’д̇и вад̣̇анд̇о буг̇г̇алам̣ на бараамасад̇и наама.
485. Anussāvanato vipattiyaṃ pana vatthuādīni vuttanayeneva veditabbāni. Evaṃ pana nesaṃ aparāmasanaṃ hoti – ‘‘suṇātu me bhante saṅgho’’ti paṭhamānussāvane ‘‘dutiyampi etamatthaṃ vadāmi, tatiyampi etamatthaṃ vadāmi, suṇātu me bhante saṅgho’’ti dutiyatatiyānussāvanāsu vā ‘‘ayaṃ dhammarakkhito āyasmato buddharakkhitassa upasampadāpekkho’’ti vattabbe ‘‘suṇātu me bhante saṅgho, āyasmato buddharakkhitassā’’ti vadanto vatthuṃ na parāmasati nāma. ‘‘Suṇātu me bhante saṅgho, ayaṃ dhammarakkhito’’ti vattabbe ‘‘suṇātu me bhante, ayaṃ dhammarakkhito’’ti vadanto saṅghaṃ na parāmasati nāma. ‘‘Suṇātu me bhante saṅgho, ayaṃ dhammarakkhito āyasmato buddharakkhitassā’’ti vattabbe ‘‘suṇātu me bhante saṅgho, ayaṃ dhammarakkhito upasampadāpekkho’’ti vadanto puggalaṃ na parāmasati nāma.
сааванам̣ хаабзд̇ийд̇и саб̣б̣зна саб̣б̣ам̣ гаммаваажааяа ануссааванам̣ на гарод̇и, н̃ад̇д̇ид̣̇уд̇ияагаммз д̣̇вигкад̇д̇ум̣ н̃ад̇д̇имзва табзд̇и, н̃ад̇д̇ижад̇уд̇т̇агаммз жад̇угкад̇д̇ум̣ н̃ад̇д̇имзва табзд̇и; звам̣ ануссааванам̣ хаабзд̇и . яоби н̃ад̇д̇ид̣̇уд̇ияагаммз згам̣ н̃ад̇д̇им̣ табзд̇ваа згам̣ гаммаваажам̣ ануссаавзнд̇о агкарам̣ ваа чад̣д̣зд̇и, бад̣̇ам̣ ваа д̣̇уруд̇д̇ам̣ гарод̇и, аяамби ануссааванам̣ хаабзд̇иязва. н̃ад̇д̇ижад̇уд̇т̇агаммз бана згам̣ н̃ад̇д̇им̣ табзд̇ваа сагимзва ваа д̣̇вигкад̇д̇ум̣ ваа гаммаваажааяа ануссааванам̣ гаронд̇оби агкарам̣ ваа бад̣̇ам̣ ваа чад̣д̣знд̇оби д̣̇уруд̇д̇ам̣ гаронд̇оби ануссааванам̣ хаабзд̇иязваад̇и взд̣̇ид̇аб̣б̣о.
Sāvanaṃ hāpetīti sabbena sabbaṃ kammavācāya anussāvanaṃ na karoti, ñattidutiyakamme dvikkhattuṃ ñattimeva ṭhapeti, ñatticatutthakamme catukkhattuṃ ñattimeva ṭhapeti; evaṃ anussāvanaṃ hāpeti . Yopi ñattidutiyakamme ekaṃ ñattiṃ ṭhapetvā ekaṃ kammavācaṃ anussāvento akkharaṃ vā chaḍḍeti, padaṃ vā duruttaṃ karoti, ayampi anussāvanaṃ hāpetiyeva. Ñatticatutthakamme pana ekaṃ ñattiṃ ṭhapetvā sakimeva vā dvikkhattuṃ vā kammavācāya anussāvanaṃ karontopi akkharaṃ vā padaṃ vā chaḍḍentopi duruttaṃ karontopi anussāvanaṃ hāpetiyevāti veditabbo.
д̣̇уруд̇д̇ам̣ гарод̇ийд̇и зд̇т̇а бана аяам̣ винижчаяо – яо хи ан̃н̃асмим̣ агкарз вад̇д̇аб̣б̣з ан̃н̃ам̣ вад̣̇ад̇и, аяам̣ д̣̇уруд̇д̇ам̣ гарод̇и наама. д̇асмаа гаммаваажам̣ гаронд̇зна бхигкунаа явааяам̣ –
Duruttaṃ karotīti ettha pana ayaṃ vinicchayo – yo hi aññasmiṃ akkhare vattabbe aññaṃ vadati, ayaṃ duruttaṃ karoti nāma. Tasmā kammavācaṃ karontena bhikkhunā yvāyaṃ –
‘‘сит̇илам̣ д̇ханид̇ан̃жа д̣̇ийгхарассам̣, г̇аругам̣ лахуган̃жа ниг̇г̇ахид̇ам̣;
‘‘Sithilaṃ dhanitañca dīgharassaṃ, garukaṃ lahukañca niggahitaṃ;
самб̣анд̇хам̣ вавад̇т̇ид̇ам̣ вимуд̇д̇ам̣, д̣̇асад̇хаа б̣яан̃ж̇анаб̣уд̣̇д̇хияаа бабхзд̣̇о’’д̇и.
Sambandhaṃ vavatthitaṃ vimuttaṃ, dasadhā byañjanabuddhiyā pabhedo’’ti.
вуд̇д̇о, аяам̣ судту убалагкзд̇аб̣б̣о. зд̇т̇а хи ‘‘сит̇илам̣’’ наама бан̃жасу ваг̇г̇зсу батамад̇ад̇ияам̣. ‘‘д̇ханид̇ам̣’’ наама д̇зсвзва д̣̇уд̇ияажад̇уд̇т̇ам̣. ‘‘д̣̇ийгха’’нд̇и д̣̇ийгхзна гаалзна вад̇д̇аб̣б̣ам̣ аагаараад̣̇и. ‘‘расса’’нд̇и д̇ад̇о убад̣дхагаалзна вад̇д̇аб̣б̣ам̣ агаараад̣̇и. ‘‘г̇аруга’’нд̇и д̣̇ийгхамзва. яам̣ ваа ааяасмад̇о б̣уд̣̇д̇харагкид̇ад̇т̇зрасса яасса нагкамад̇ийд̇и звам̣ сам̣яог̇абарам̣ гад̇ваа вужжад̇и. ‘‘лахуга’’нд̇и рассамзва. яам̣ ваа ааяасмад̇о б̣уд̣̇д̇харагкид̇ат̇зрасса яасса на камад̇ийд̇и звам̣ асам̣яог̇абарам̣ гад̇ваа вужжад̇и. ‘‘ниг̇г̇ахид̇а’’нд̇и яам̣ гаран̣аани ниг̇г̇ахзд̇ваа ависсаж̇ж̇зд̇ваа авивадзна мукзна саанунаасигам̣ гад̇ваа вад̇д̇аб̣б̣ам̣. ‘‘самб̣анд̇ха’’нд̇и яам̣ барабад̣̇зна самб̣анд̇хид̇ваа ‘‘д̇ун̣хиссаа’’д̇и ваа ‘‘д̇ун̣хассаа’’д̇и ваа вужжад̇и. ‘‘вавад̇т̇ид̇а’’нд̇и яам̣ барабад̣̇зна асамб̣анд̇хам̣ гад̇ваа вижчинд̣̇ид̇ваа ‘‘д̇ун̣хий ассаа’’д̇и ваа ‘‘д̇ун̣ха ассаа’’д̇и ваа вужжад̇и. ‘‘вимуд̇д̇а’’нд̇и яам̣ гаран̣аани аниг̇г̇ахзд̇ваа виссаж̇ж̇зд̇ваа вивадзна мукзна анунаасигам̣ агад̇ваа вужжад̇и.
Vutto, ayaṃ suṭṭhu upalakkhetabbo. Ettha hi ‘‘sithilaṃ’’ nāma pañcasu vaggesu paṭhamatatiyaṃ. ‘‘Dhanitaṃ’’ nāma tesveva dutiyacatutthaṃ. ‘‘Dīgha’’nti dīghena kālena vattabbaṃ ākārādi. ‘‘Rassa’’nti tato upaḍḍhakālena vattabbaṃ akārādi. ‘‘Garuka’’nti dīghameva. Yaṃ vā āyasmato buddharakkhitattherassa yassa nakkhamatīti evaṃ saṃyogaparaṃ katvā vuccati. ‘‘Lahuka’’nti rassameva. Yaṃ vā āyasmato buddharakkhitatherassa yassa na khamatīti evaṃ asaṃyogaparaṃ katvā vuccati. ‘‘Niggahita’’nti yaṃ karaṇāni niggahetvā avissajjetvā avivaṭena mukhena sānunāsikaṃ katvā vattabbaṃ. ‘‘Sambandha’’nti yaṃ parapadena sambandhitvā ‘‘tuṇhissā’’ti vā ‘‘tuṇhassā’’ti vā vuccati. ‘‘Vavatthita’’nti yaṃ parapadena asambandhaṃ katvā vicchinditvā ‘‘tuṇhī assā’’ti vā ‘‘tuṇha assā’’ti vā vuccati. ‘‘Vimutta’’nti yaṃ karaṇāni aniggahetvā vissajjetvā vivaṭena mukhena anunāsikaṃ akatvā vuccati.
д̇ад̇т̇а ‘‘сун̣аад̇у мз’’д̇и вад̇д̇аб̣б̣з д̇а-гаарасса т̇а-гаарам̣ гад̇ваа ‘‘сун̣аат̇у мз’’д̇и важанам̣ сит̇иласса д̇ханид̇агаран̣ам̣ наама. д̇ат̇аа ‘‘бад̇д̇агаллам̣, зсаа н̃ад̇д̇ий’’д̇и вад̇д̇аб̣б̣з ‘‘бад̇т̇агаллам̣, зсаа н̃ад̇т̇ий’’д̇иаад̣̇иважанан̃жа. ‘‘бханд̇з сан̇гхо’’д̇и вад̇д̇аб̣б̣з бха-гаара гха-гаараанам̣ б̣а-гаара г̇а-гаарз гад̇ваа ‘‘б̣анд̇з сан̇г̇о’’д̇и важанам̣ д̇ханид̇асса сит̇илагаран̣ам̣ наама. ‘‘сун̣аад̇у мз’’д̇и вивадзна мукзна вад̇д̇аб̣б̣з бана ‘‘сун̣ам̣д̇у мз’’д̇и ваа ‘‘зсаа н̃ад̇д̇ий’’д̇и вад̇д̇аб̣б̣з ‘‘зсам̣ н̃ад̇д̇ий’’д̇и ваа авивадзна мукзна анунаасигам̣ гад̇ваа важанам̣ вимуд̇д̇асса ниг̇г̇ахид̇аважанам̣ наама. ‘‘бад̇д̇агалла’’нд̇и авивадзна мукзна анунаасигам̣ гад̇ваа вад̇д̇аб̣б̣з ‘‘бад̇д̇агаллаа’’д̇и вивадзна мукзна анунаасигам̣ агад̇ваа важанам̣ ниг̇г̇ахид̇асса вимуд̇д̇аважанам̣ наама.
Tattha ‘‘suṇātu me’’ti vattabbe ta-kārassa tha-kāraṃ katvā ‘‘suṇāthu me’’ti vacanaṃ sithilassa dhanitakaraṇaṃ nāma. Tathā ‘‘pattakallaṃ, esā ñattī’’ti vattabbe ‘‘patthakallaṃ, esā ñatthī’’tiādivacanañca. ‘‘Bhante saṅgho’’ti vattabbe bha-kāra gha-kārānaṃ ba-kāra ga-kāre katvā ‘‘bante saṅgo’’ti vacanaṃ dhanitassa sithilakaraṇaṃ nāma. ‘‘Suṇātu me’’ti vivaṭena mukhena vattabbe pana ‘‘suṇaṃtu me’’ti vā ‘‘esā ñattī’’ti vattabbe ‘‘esaṃ ñattī’’ti vā avivaṭena mukhena anunāsikaṃ katvā vacanaṃ vimuttassa niggahitavacanaṃ nāma. ‘‘Pattakalla’’nti avivaṭena mukhena anunāsikaṃ katvā vattabbe ‘‘pattakallā’’ti vivaṭena mukhena anunāsikaṃ akatvā vacanaṃ niggahitassa vimuttavacanaṃ nāma.
ид̇и сит̇илз гад̇д̇аб̣б̣з д̇ханид̇ам̣, д̇ханид̇з гад̇д̇аб̣б̣з сит̇илам̣, вимуд̇д̇з гад̇д̇аб̣б̣з ниг̇г̇ахид̇ам̣, ниг̇г̇ахид̇з гад̇д̇аб̣б̣з вимуд̇д̇анд̇и имаани жад̇д̇аари б̣яан̃ж̇анаани анд̇огаммаваажааяа гаммам̣ д̣̇уусзнд̇и. звам̣ вад̣̇анд̇о хи ан̃н̃асмим̣ агкарз вад̇д̇аб̣б̣з ан̃н̃ам̣ вад̣̇ад̇и, д̣̇уруд̇д̇ам̣ гарод̇ийд̇и вужжад̇и. ид̇арзсу бана д̣̇ийгхарассаад̣̇ийсу часу б̣яан̃ж̇анзсу д̣̇ийгхадтаанз д̣̇ийгхамзва, рассадтаанз жа рассамзваад̇и звам̣ яат̇аатаанз д̇ам̣ д̇ад̣̇зва агкарам̣ бхаасанд̇зна ануггамааг̇ад̇ам̣ бавзн̣им̣ авинаасзнд̇зна гаммаваажаа гаад̇аб̣б̣аа. сажз бана звам̣ агад̇ваа д̣̇ийгхз вад̇д̇аб̣б̣з рассам̣, рассз ваа вад̇д̇аб̣б̣з д̣̇ийгхам̣ вад̣̇ад̇и; д̇ат̇аа г̇аругз вад̇д̇аб̣б̣з лахугам̣, лахугз ваа вад̇д̇аб̣б̣з г̇аругам̣ вад̣̇ад̇и; самб̣анд̇хз ваа бана вад̇д̇аб̣б̣з вавад̇т̇ид̇ам̣, вавад̇т̇ид̇з ваа вад̇д̇аб̣б̣з самб̣анд̇хам̣ вад̣̇ад̇и; звам̣ вуд̇д̇зби гаммаваажаа на губбад̇и. имаани хи ча б̣яан̃ж̇анаани гаммам̣ на гобзнд̇и.
Iti sithile kattabbe dhanitaṃ, dhanite kattabbe sithilaṃ, vimutte kattabbe niggahitaṃ, niggahite kattabbe vimuttanti imāni cattāri byañjanāni antokammavācāya kammaṃ dūsenti. Evaṃ vadanto hi aññasmiṃ akkhare vattabbe aññaṃ vadati, duruttaṃ karotīti vuccati. Itaresu pana dīgharassādīsu chasu byañjanesu dīghaṭṭhāne dīghameva, rassaṭṭhāne ca rassamevāti evaṃ yathāṭhāne taṃ tadeva akkharaṃ bhāsantena anukkamāgataṃ paveṇiṃ avināsentena kammavācā kātabbā. Sace pana evaṃ akatvā dīghe vattabbe rassaṃ, rasse vā vattabbe dīghaṃ vadati; tathā garuke vattabbe lahukaṃ, lahuke vā vattabbe garukaṃ vadati; sambandhe vā pana vattabbe vavatthitaṃ, vavatthite vā vattabbe sambandhaṃ vadati; evaṃ vuttepi kammavācā na kuppati. Imāni hi cha byañjanāni kammaṃ na kopenti.
яам̣ бана суд̇д̇анд̇игад̇т̇зраа ‘‘д̣̇а-гааро д̇а-гаарамаабаж̇ж̇ад̇и, д̇а-гааро д̣̇а-гаарамаабаж̇ж̇ад̇и, жа-гааро ж̇а-гаарамаабаж̇ж̇ад̇и, ж̇а-гааро жа-гаарамаабаж̇ж̇ад̇и, яа-гааро га-гаарамаабаж̇ж̇ад̇и, га-гааро яа-гаарамаабаж̇ж̇ад̇и; д̇асмаа д̣̇а-гаараад̣̇ийсу вад̇д̇аб̣б̣зсу д̇а-гаараад̣̇иважанам̣ на вируж̇жхад̇ий’’д̇и вад̣̇анд̇и, д̇ам̣ гаммаваажам̣ бад̇ваа на ваддад̇и. д̇асмаа винаяад̇харзна нзва д̣̇а-гааро д̇а-гааро гаад̇аб̣б̣о…бз… на га-гааро яа-гааро. яат̇аабаал̣ияаа нируд̇д̇им̣ сод̇хзд̇ваа д̣̇асавид̇хааяа б̣яан̃ж̇ананируд̇д̇ияаа вуд̇д̇ад̣̇осз барихаранд̇зна гаммаваажаа гаад̇аб̣б̣аа. ид̇арат̇аа хи сааванам̣ хаабзд̇и наама.
Yaṃ pana suttantikattherā ‘‘da-kāro ta-kāramāpajjati, ta-kāro da-kāramāpajjati, ca-kāro ja-kāramāpajjati, ja-kāro ca-kāramāpajjati, ya-kāro ka-kāramāpajjati, ka-kāro ya-kāramāpajjati; tasmā da-kārādīsu vattabbesu ta-kārādivacanaṃ na virujjhatī’’ti vadanti, taṃ kammavācaṃ patvā na vaṭṭati. Tasmā vinayadharena neva da-kāro ta-kāro kātabbo…pe… na ka-kāro ya-kāro. Yathāpāḷiyā niruttiṃ sodhetvā dasavidhāya byañjananiruttiyā vuttadose pariharantena kammavācā kātabbā. Itarathā hi sāvanaṃ hāpeti nāma.
агаалз ваа саавзд̇ийд̇и сааванааяа агаалз аногаасз н̃ад̇д̇им̣ адтабзд̇ваа батамам̣язва ануссааванагаммам̣ гад̇ваа бажчаа н̃ад̇д̇им̣ табзд̇и. ид̇и имзхи бан̃жахаагаарзхи ануссааванад̇о гаммаани вибаж̇ж̇анд̇и.
Akāle vā sāvetīti sāvanāya akāle anokāse ñattiṃ aṭṭhapetvā paṭhamaṃyeva anussāvanakammaṃ katvā pacchā ñattiṃ ṭhapeti. Iti imehi pañcahākārehi anussāvanato kammāni vipajjanti.
486. сиймад̇о вибад̇д̇ияам̣ бана ад̇икуд̣̇д̣̇агасиймаа наама яаа згавийсад̇и бхигкуу на г̇ан̣хаад̇и. гурунд̣̇ияам̣ бана ‘‘яад̇т̇а згавийсад̇и бхигкуу нисийд̣̇ид̇ум̣ на саггонд̇ий’’д̇и вуд̇д̇ам̣. д̇асмаа яаа зваруубаа сиймаа, аяам̣ саммад̇ааби асаммад̇аа, г̇аамакзд̇д̇асад̣̇исаава ход̇и, д̇ад̇т̇а гад̇ам̣ гаммам̣ губбад̇и. зса наяо сзсасиймаасуби. зд̇т̇а бана ад̇имахад̇ий наама яаа гзсаг̇г̇амад̇д̇знааби д̇ияож̇анам̣ ад̇иггаамзд̇ваа саммад̇аа ход̇и. кан̣д̣анимид̇д̇аа наама агхадид̇анимид̇д̇аа вужжад̇и. бурад̇т̇имааяа д̣̇исааяа нимид̇д̇ам̣ гид̇д̇зд̇ваа ануггамзнзва д̣̇агкин̣ааяа бажчимааяа уд̇д̇арааяа д̣̇исааяа гид̇д̇зд̇ваа буна бурад̇т̇имааяа д̣̇исааяа буб̣б̣агид̇д̇ид̇ам̣ нимид̇д̇ам̣ бадигид̇д̇зд̇ваава табзд̇ум̣ ваддад̇и; звам̣ акан̣д̣анимид̇д̇аа ход̇и. сажз бана ануггамзна аахарид̇ваа уд̇д̇арааяа д̣̇исааяа нимид̇д̇ам̣ гид̇д̇зд̇ваа д̇ад̇т̇зва табзд̇и, кан̣д̣анимид̇д̇аа ход̇и. абарааби кан̣д̣анимид̇д̇аа наама яаа анимид̇д̇убаг̇ам̣ д̇ажасаараругкам̣ ваа каан̣угам̣ ваа бам̣субун̃ж̇аваалигаабун̃ж̇аанам̣ ваа ан̃н̃ад̇арам̣ анд̇араа згам̣ нимид̇д̇ам̣ гад̇ваа саммад̇аа ход̇и. чааяаанимид̇д̇аа наама яаа баб̣б̣ад̇ажчааяаад̣̇ийнам̣ яам̣гин̃жи чааяам̣ нимид̇д̇ам̣ гад̇ваа саммад̇аа ход̇и. анимид̇д̇аа наама яаа саб̣б̣зна саб̣б̣ам̣ нимид̇д̇аани агид̇д̇зд̇ваа саммад̇аа ход̇и.
486. Sīmato vipattiyaṃ pana atikhuddakasīmā nāma yā ekavīsati bhikkhū na gaṇhāti. Kurundiyaṃ pana ‘‘yattha ekavīsati bhikkhū nisīdituṃ na sakkontī’’ti vuttaṃ. Tasmā yā evarūpā sīmā, ayaṃ sammatāpi asammatā, gāmakhettasadisāva hoti, tattha kataṃ kammaṃ kuppati. Esa nayo sesasīmāsupi. Ettha pana atimahatī nāma yā kesaggamattenāpi tiyojanaṃ atikkāmetvā sammatā hoti. Khaṇḍanimittā nāma aghaṭitanimittā vuccati. Puratthimāya disāya nimittaṃ kittetvā anukkameneva dakkhiṇāya pacchimāya uttarāya disāya kittetvā puna puratthimāya disāya pubbakittitaṃ nimittaṃ paṭikittetvāva ṭhapetuṃ vaṭṭati; evaṃ akhaṇḍanimittā hoti. Sace pana anukkamena āharitvā uttarāya disāya nimittaṃ kittetvā tattheva ṭhapeti, khaṇḍanimittā hoti. Aparāpi khaṇḍanimittā nāma yā animittupagaṃ tacasārarukkhaṃ vā khāṇukaṃ vā paṃsupuñjavālikāpuñjānaṃ vā aññataraṃ antarā ekaṃ nimittaṃ katvā sammatā hoti. Chāyānimittā nāma yā pabbatacchāyādīnaṃ yaṃkiñci chāyaṃ nimittaṃ katvā sammatā hoti. Animittā nāma yā sabbena sabbaṃ nimittāni akittetvā sammatā hoti.
б̣ахисиймз тид̇о сиймам̣ самманнад̇и наама нимид̇д̇аани гид̇д̇зд̇ваа нимид̇д̇аанам̣ б̣ахи тид̇о самманнад̇и. над̣̇ияаа самуд̣̇д̣̇з ж̇аад̇ассарз сиймам̣ самманнад̇ийд̇и зд̇зсу над̣̇иаад̣̇ийсу яам̣ самманнад̇и, саа звам̣ саммад̇ааби ‘‘саб̣б̣аа, бхигкавз, над̣̇ий асиймаа, саб̣б̣о самуд̣̇д̣̇о асиймо, саб̣б̣о ж̇аад̇ассаро асиймо’’д̇и (махаава. 147) важанад̇о асаммад̇аава ход̇и. сиймааяа сиймам̣ самбхинд̣̇ад̇ийд̇и ад̇д̇ано сиймааяа барзсам̣ сиймам̣ самбхинд̣̇ад̇и. аж̇жход̇т̇арад̇ийд̇и ад̇д̇ано сиймааяа барзсам̣ сиймам̣ аж̇жход̇т̇арад̇и. д̇ад̇т̇а яат̇аа самбхзд̣̇о жа аж̇жход̇т̇аран̣ан̃жа ход̇и, д̇ам̣ саб̣б̣ам̣ убосат̇агканд̇хагз вуд̇д̇амзва. ид̇и имаа згаад̣̇асаби сиймаа асиймаа г̇аамакзд̇д̇асад̣̇исаа зва, д̇аасу нисийд̣̇ид̇ваа гад̇ам̣ гаммам̣ губбад̇и. д̇зна вуд̇д̇ам̣ ‘‘имзхи згаад̣̇асахи аагаарзхи сиймад̇о гаммаани вибаж̇ж̇анд̇ий’’д̇и.
Bahisīme ṭhito sīmaṃ sammannati nāma nimittāni kittetvā nimittānaṃ bahi ṭhito sammannati. Nadiyā samudde jātassare sīmaṃ sammannatīti etesu nadiādīsu yaṃ sammannati, sā evaṃ sammatāpi ‘‘sabbā, bhikkhave, nadī asīmā, sabbo samuddo asīmo, sabbo jātassaro asīmo’’ti (mahāva. 147) vacanato asammatāva hoti. Sīmāya sīmaṃ sambhindatīti attano sīmāya paresaṃ sīmaṃ sambhindati. Ajjhottharatīti attano sīmāya paresaṃ sīmaṃ ajjhottharati. Tattha yathā sambhedo ca ajjhottharaṇañca hoti, taṃ sabbaṃ uposathakkhandhake vuttameva. Iti imā ekādasapi sīmā asīmā gāmakhettasadisā eva, tāsu nisīditvā kataṃ kammaṃ kuppati. Tena vuttaṃ ‘‘imehi ekādasahi ākārehi sīmato kammāni vipajjantī’’ti.
487-488. барисад̇о гаммавибад̇д̇ияам̣ бана гин̃жи ануд̇д̇аанам̣ наама над̇т̇и. яамби д̇ад̇т̇а гаммаббад̇д̇ачанд̣̇аарахалагкан̣ам̣ вад̇д̇аб̣б̣ам̣ сияаа, д̇амби барад̇о ‘‘жад̇д̇ааро бхигкуу багад̇ад̇д̇аа гаммаббад̇д̇аа’’д̇иаад̣̇инаа наязна вуд̇д̇амзва. д̇ад̇т̇а багад̇ад̇д̇аа гаммаббад̇д̇аад̇и жад̇уваг̇г̇агаран̣з гаммз жад̇д̇ааро багад̇ад̇д̇аа анугкид̇д̇аа аниссаарид̇аа барисуд̣̇д̇хасийлаа жад̇д̇ааро бхигкуу гаммаббад̇д̇аа гаммасса арахаа анужчавигаа саамино. на д̇зхи винаа д̇ам̣ гаммам̣ гаяирад̇и, на д̇зсам̣ чанд̣̇о ваа баарисуд̣̇д̇хи ваа зд̇и. авасзсаа бана сажзби сахассамад̇д̇аа хонд̇и, сажз самаанасам̣ваасагаа, саб̣б̣з чанд̣̇аарахаава хонд̇и. чанд̣̇абаарисуд̣̇д̇хим̣ д̣̇ад̇ваа ааг̇ажчанд̇у ваа маа ваа, гаммам̣ бана д̇идтад̇и. яасса бана сан̇гхо бариваасаад̣̇игаммам̣ гарод̇и, со нзва гаммаббад̇д̇о, нааби чанд̣̇аарахо. абижа яасмаа д̇ам̣ буг̇г̇алам̣ вад̇т̇ум̣ гад̇ваа сан̇гхо гаммам̣ гарод̇и, д̇асмаа ‘‘гаммаарахо’’д̇и вужжад̇и. сзсагаммзсуби зсзва наяо.
487-488. Parisato kammavipattiyaṃ pana kiñci anuttānaṃ nāma natthi. Yampi tattha kammappattachandārahalakkhaṇaṃ vattabbaṃ siyā, tampi parato ‘‘cattāro bhikkhū pakatattā kammappattā’’tiādinā nayena vuttameva. Tattha pakatattā kammappattāti catuvaggakaraṇe kamme cattāro pakatattā anukkhittā anissāritā parisuddhasīlā cattāro bhikkhū kammappattā kammassa arahā anucchavikā sāmino. Na tehi vinā taṃ kammaṃ kayirati, na tesaṃ chando vā pārisuddhi vā eti. Avasesā pana sacepi sahassamattā honti, sace samānasaṃvāsakā, sabbe chandārahāva honti. Chandapārisuddhiṃ datvā āgacchantu vā mā vā, kammaṃ pana tiṭṭhati. Yassa pana saṅgho parivāsādikammaṃ karoti, so neva kammappatto, nāpi chandāraho. Apica yasmā taṃ puggalaṃ vatthuṃ katvā saṅgho kammaṃ karoti, tasmā ‘‘kammāraho’’ti vuccati. Sesakammesupi eseva nayo.
489. буна жад̇д̇аари гаммаанийд̇иаад̣̇иго наяо бан̣д̣агаад̣̇ийнам̣ авад̇т̇убхаавад̣̇ассанад̇т̇ам̣ вуд̇д̇о. сзсамзд̇т̇а уд̇д̇аанамзва.
489. Puna cattāri kammānītiādiko nayo paṇḍakādīnaṃ avatthubhāvadassanatthaṃ vutto. Sesamettha uttānameva.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 1. гаммаваг̇г̇о • 1. Kammavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / гаммаваг̇г̇аван̣н̣анаа • Kammavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / гаммаваг̇г̇аван̣н̣анаа • Kammavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / гаммаваг̇г̇аван̣н̣анаа • Kammavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / гаммаваг̇г̇аван̣н̣анаа • Kammavaggavaṇṇanā
