Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā

    бан̃жаваг̇г̇о

    Pañcavaggo

    гаммаваг̇г̇аван̣н̣анаа

    Kammavaggavaṇṇanā

    483. гаммаваг̇г̇з уммад̇д̇агасса бхигкуно уммад̇д̇агасаммуд̇и уммад̇д̇агз яаажид̇ваа г̇ад̇з асаммукааби д̣̇аад̇ум̣ ваддад̇и, д̇ад̇т̇а нисиннзби на губбад̇и нияамаабхаавад̇о. асаммукаа гад̇з бана д̣̇осаабхаавам̣ д̣̇ассзд̇ум̣ ‘‘асаммукаагад̇ам̣ сугад̇ам̣ ход̇ий’’д̇и вуд̇д̇ам̣. д̣̇ууд̇зна убасамбад̣̇аа бана саммукаа гаад̇ум̣ на саггаа гаммаваажаанаанад̇д̇асамбхавад̇о. бад̇д̇аниггуж̇ж̇анаад̣̇аяо хад̇т̇абаасад̇о абанийд̇амад̇д̇зби гаад̇ум̣ вадданд̇и. сан̇гхасаммукад̇аад̇иаад̣̇ийсу яаавад̇игаа бхигкуу гаммаббад̇д̇аа, д̇з ааг̇ад̇аа хонд̇и, чанд̣̇аарахаанам̣ чанд̣̇о аахадо ход̇и, саммукийбхууд̇аа на бадиггосанд̇и, аяам̣ сан̇гхасаммукад̇аа. язна д̇хаммзна язна винаязна язна сад̇т̇усаасанзна сан̇гхо гаммам̣ гарод̇и, аяам̣ д̇хаммасаммукад̇аа. д̇ад̇т̇а д̇хаммод̇и бхууд̇ам̣ вад̇т̇у. винаяод̇и жод̣̇анаа жзва сааран̣аа жа. сад̇т̇усаасанам̣ наама н̃ад̇д̇исамбад̣̇аа жзва ануссааванасамбад̣̇аа жа. яасса сан̇гхо гаммам̣ гарод̇и, д̇асса саммукабхааво буг̇г̇аласаммукад̇аа. гад̇д̇игамаасасса бавааран̣амаасад̇д̇аа ‘‘табзд̇ваа гад̇д̇игамааса’’нд̇и вуд̇д̇ам̣. бажжуггад̣дхид̇ваа табид̇ад̣̇ивасо жаад̇и гаал̣абагкз жаад̇уд̣̇д̣̇асим̣ ваа баннарасим̣ ваа санд̇хааяа вуд̇д̇ам̣. д̣̇вз жа бун̣н̣амаасияод̇и батамабажчимавассуубаг̇ад̇аанам̣ васзна вуд̇д̇ам̣.

    483. Kammavagge ummattakassa bhikkhuno ummattakasammuti ummattake yācitvā gate asammukhāpi dātuṃ vaṭṭati, tattha nisinnepi na kuppati niyamābhāvato. Asammukhā kate pana dosābhāvaṃ dassetuṃ ‘‘asammukhākataṃ sukataṃ hotī’’ti vuttaṃ. Dūtena upasampadā pana sammukhā kātuṃ na sakkā kammavācānānattasambhavato. Pattanikkujjanādayo hatthapāsato apanītamattepi kātuṃ vaṭṭanti. Saṅghasammukhatātiādīsu yāvatikā bhikkhū kammappattā, te āgatā honti, chandārahānaṃ chando āhaṭo hoti, sammukhībhūtā na paṭikkosanti, ayaṃ saṅghasammukhatā. Yena dhammena yena vinayena yena satthusāsanena saṅgho kammaṃ karoti, ayaṃ dhammasammukhatā. Tattha dhammoti bhūtaṃ vatthu. Vinayoti codanā ceva sāraṇā ca. Satthusāsanaṃ nāma ñattisampadā ceva anussāvanasampadā ca. Yassa saṅgho kammaṃ karoti, tassa sammukhabhāvo puggalasammukhatā. Kattikamāsassa pavāraṇamāsattā ‘‘ṭhapetvā kattikamāsa’’nti vuttaṃ. Paccukkaḍḍhitvā ṭhapitadivaso cāti kāḷapakkhe cātuddasiṃ vā pannarasiṃ vā sandhāya vuttaṃ. Dve ca puṇṇamāsiyoti paṭhamapacchimavassūpagatānaṃ vasena vuttaṃ.

    485. таанагаран̣аани сит̇илаани гад̇ваа ужжаарзд̇аб̣б̣ам̣ агкарам̣ сит̇илам̣, д̇ааниязва д̇ханид̇аани асит̇илаани гад̇ваа ужжаарзд̇аб̣б̣ам̣ агкарам̣ д̇ханид̇ам̣. д̣̇вимад̇д̇агаалам̣ д̣̇ийгхам̣, згамад̇д̇агаалам̣ рассам̣. д̣̇асад̇хаа б̣яан̃ж̇анаб̣уд̣̇д̇хияаа бабхзд̣̇од̇и звам̣ сит̇илаад̣̇ивасзна б̣яан̃ж̇анаб̣уд̣̇д̇хияаа агкаруббаад̣̇агажид̇д̇асса д̣̇асаббагаарзна бабхзд̣̇о. саб̣б̣аани хи агкараани жид̇д̇асамудтаанаани яат̇аад̇хиббзд̇ад̇т̇аб̣яан̃ж̇анад̇о б̣яан̃ж̇анаани жа. сам̣яог̇о баро зд̇асмаад̇и сам̣яог̇абаро, на сам̣яог̇абаро асам̣яог̇абаро. ааяасмад̇о б̣уд̣̇д̇харагкид̇ат̇зрасса яасса на камад̇ийд̇и зд̇т̇а д̇а-гаара на-гаарасахид̇аагааро асам̣яог̇абаро. гаран̣аанийд̇и ган̣таад̣̇ийни.

    485. Ṭhānakaraṇāni sithilāni katvā uccāretabbaṃ akkharaṃ sithilaṃ, tāniyeva dhanitāni asithilāni katvā uccāretabbaṃ akkharaṃ dhanitaṃ. Dvimattakālaṃ dīghaṃ, ekamattakālaṃ rassaṃ. Dasadhā byañjanabuddhiyā pabhedoti evaṃ sithilādivasena byañjanabuddhiyā akkharuppādakacittassa dasappakārena pabhedo. Sabbāni hi akkharāni cittasamuṭṭhānāni yathādhippetatthabyañjanato byañjanāni ca. Saṃyogo paro etasmāti saṃyogaparo, na saṃyogaparo asaṃyogaparo. Āyasmato buddharakkhitatherassa yassa na khamatīti ettha ta-kāra na-kārasahitākāro asaṃyogaparo. Karaṇānīti kaṇṭhādīni.

    488. анугкид̇д̇аа баарааж̇игам̣ анаабаннаа жа багад̇ад̇д̇аад̇и ааха ‘‘багад̇ад̇д̇аа анугкид̇д̇аа’’д̇иаад̣̇и. д̇ад̇т̇а аниссаарид̇аад̇и буримабад̣̇ассзва взважанам̣. барисуд̣̇д̇хасийлаад̇и баарааж̇игам̣ анаабаннаа. на д̇зсам̣ чанд̣̇о ваа баарисуд̣̇д̇хи ваа зд̇ийд̇и д̇ийсу д̣̇вийсу ваа нисиннзсу згасса ваа д̣̇виннам̣ ваа чанд̣̇абаарисуд̣̇д̇хи аахадааби анаахадаава ход̇ийд̇и ад̇хиббааяо.

    488. Anukkhittā pārājikaṃ anāpannā ca pakatattāti āha ‘‘pakatattā anukkhittā’’tiādi. Tattha anissāritāti purimapadasseva vevacanaṃ. Parisuddhasīlāti pārājikaṃ anāpannā. Na tesaṃ chando vā pārisuddhi vā etīti tīsu dvīsu vā nisinnesu ekassa vā dvinnaṃ vā chandapārisuddhi āhaṭāpi anāhaṭāva hotīti adhippāyo.







    Related texts:



    д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 1. гаммаваг̇г̇о • 1. Kammavaggo

    адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / гаммаваг̇г̇аван̣н̣анаа • Kammavaggavaṇṇanā

    дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / гаммаваг̇г̇аван̣н̣анаа • Kammavaggavaṇṇanā

    дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / гаммаваг̇г̇аван̣н̣анаа • Kammavaggavaṇṇanā

    дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / гаммаваг̇г̇аван̣н̣анаа • Kammavaggavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact