| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
бан̃жаваг̇г̇о
Pañcavaggo
гаммаваг̇г̇аван̣н̣анаа
Kammavaggavaṇṇanā
483. ‘‘уммад̇д̇агасаммуд̇им̣ уммад̇д̇агз яаажид̇ваа г̇ад̇з асаммукааби д̣̇аад̇ум̣ ваддад̇ий’’д̇и вуд̇д̇ам̣. д̇ад̇т̇а нисиннзби на губбад̇и нияамаабхааваа. асаммукаа гад̇з д̣̇осаабхаавам̣ д̣̇ассзд̇ум̣ ‘‘асаммукаагад̇ам̣ сугад̇ам̣ ход̇ий’’д̇и вуд̇д̇ам̣. д̣̇ууд̇зна убасамбад̣̇аа банзд̇т̇а саммукаа гаад̇ум̣ на саггаа. гаммаваажаанаанад̇д̇асабхааваа бад̇д̇аниггуж̇ж̇анаад̣̇аяо хад̇т̇абаасад̇о абанзд̇ваа гаад̇аб̣б̣аа, д̇зна вуд̇д̇ам̣ ‘‘асаммукаа гад̇ам̣ сугад̇ам̣ ход̇ий’’д̇и. ‘‘бужчид̇ваа жод̣̇зд̇ваа саарзд̇ваа гаад̇аб̣б̣ам̣ абужчид̇ваа ажод̣̇зд̇ваа асаарзд̇ваа гарод̇ий’’д̇и аяам̣ важанад̇т̇о. табзд̇ваа гад̇д̇игамаасанд̇и со бавааран̣аамаасо, д̣̇вз жа бун̣н̣амаасияод̇и батамад̣̇уд̇ияавассуубаг̇ад̇аанам̣ бавааран̣аа бун̣н̣амаасаа д̣̇вз.
483. ‘‘Ummattakasammutiṃ ummattake yācitvā gate asammukhāpi dātuṃ vaṭṭatī’’ti vuttaṃ. Tattha nisinnepi na kuppati niyamābhāvā. Asammukhā kate dosābhāvaṃ dassetuṃ ‘‘asammukhākataṃ sukataṃ hotī’’ti vuttaṃ. Dūtena upasampadā panettha sammukhā kātuṃ na sakkā. Kammavācānānattasabhāvā pattanikkujjanādayo hatthapāsato apanetvā kātabbā, tena vuttaṃ ‘‘asammukhā kataṃ sukataṃ hotī’’ti. ‘‘Pucchitvā codetvā sāretvā kātabbaṃ apucchitvā acodetvā asāretvā karotī’’ti ayaṃ vacanattho. Ṭhapetvā kattikamāsanti so pavāraṇāmāso, dve ca puṇṇamāsiyoti paṭhamadutiyavassūpagatānaṃ pavāraṇā puṇṇamāsā dve.
485. бад̣̇ам̣ ваа чад̣д̣зд̇ийд̇и ад̇т̇о. га-ваг̇г̇аад̣̇ийсу бан̃жасу. г̇аруганд̇и д̣̇ийгхам̣, сам̣яог̇абаран̃жа. ‘‘б̣уд̣̇д̇харагкид̇ад̇т̇зрасса яасса нагкамад̇ий’’д̇и зд̇т̇а д̇а-гаарага-гаараа сам̣яог̇абараа. д̣̇ийгхз вад̇д̇аб̣б̣з рассанд̇и ‘‘со д̇ун̣хий ассаа’’д̇и вад̇д̇аб̣б̣з со д̇ун̣хи ассаад̇и важанам̣.
485. Padaṃ vā chaḍḍetīti attho. Ka-vaggādīsu pañcasu. Garukanti dīghaṃ, saṃyogaparañca. ‘‘Buddharakkhitattherassa yassa nakkhamatī’’ti ettha ta-kāraka-kārā saṃyogaparā. Dīghe vattabbe rassanti ‘‘so tuṇhī assā’’ti vattabbe so tuṇhi assāti vacanaṃ.
486. сзсадтагат̇аасу вуд̇д̇аважанам̣ гурунд̣̇ияам̣ баагадам̣ гад̇ваа ‘‘нисийд̣̇ид̇ум̣ на саггонд̇ий’’д̇и вуд̇д̇ам̣.
486. Sesaṭṭhakathāsu vuttavacanaṃ kurundiyaṃ pākaṭaṃ katvā ‘‘nisīdituṃ na sakkontī’’ti vuttaṃ.
487-8. барисуд̣̇д̇хасийлаа жад̇д̇ааро бхигкууд̇и баарааж̇игам̣ анаабаннаа. на д̇зсам̣ чанд̣̇о ваа баарисуд̣̇д̇хи ваа зд̇ийд̇и д̇ийсу, д̣̇вийсу ваа нисиннзсу згасса, д̣̇виннам̣ ваа чанд̣̇абаарисуд̣̇д̇хи аахадааби анаахадаава.
487-8.Parisuddhasīlā cattāro bhikkhūti pārājikaṃ anāpannā. Na tesaṃ chando vā pārisuddhi vā etīti tīsu, dvīsu vā nisinnesu ekassa, dvinnaṃ vā chandapārisuddhi āhaṭāpi anāhaṭāva.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 1. гаммаваг̇г̇о • 1. Kammavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / гаммаваг̇г̇аван̣н̣анаа • Kammavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / гаммаваг̇г̇аван̣н̣анаа • Kammavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / гаммаваг̇г̇аван̣н̣анаа • Kammavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / гаммаваг̇г̇аван̣н̣анаа • Kammavaggavaṇṇanā
