| Library / Tipiṭaka / ਤਿਪਿਟਕ • Tipiṭaka / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā |
ਪਞ੍ਚવਗ੍ਗੋ
Pañcavaggo
ਕਮ੍ਮવਗ੍ਗવਣ੍ਣਨਾ
Kammavaggavaṇṇanā
੪੮੩. ‘‘ਉਮ੍ਮਤ੍ਤਕਸਮ੍ਮੁਤਿਂ ਉਮ੍ਮਤ੍ਤਕੇ ਯਾਚਿਤ੍વਾ ਗਤੇ ਅਸਮ੍ਮੁਖਾਪਿ ਦਾਤੁਂ વਟ੍ਟਤੀ’’ਤਿ વੁਤ੍ਤਂ। ਤਤ੍ਥ ਨਿਸਿਨ੍ਨੇਪਿ ਨ ਕੁਪ੍ਪਤਿ ਨਿਯਮਾਭਾવਾ। ਅਸਮ੍ਮੁਖਾ ਕਤੇ ਦੋਸਾਭਾવਂ ਦਸ੍ਸੇਤੁਂ ‘‘ਅਸਮ੍ਮੁਖਾਕਤਂ ਸੁਕਤਂ ਹੋਤੀ’’ਤਿ વੁਤ੍ਤਂ। ਦੂਤੇਨ ਉਪਸਮ੍ਪਦਾ ਪਨੇਤ੍ਥ ਸਮ੍ਮੁਖਾ ਕਾਤੁਂ ਨ ਸਕ੍ਕਾ। ਕਮ੍ਮવਾਚਾਨਾਨਤ੍ਤਸਭਾવਾ ਪਤ੍ਤਨਿਕ੍ਕੁਜ੍ਜਨਾਦਯੋ ਹਤ੍ਥਪਾਸਤੋ ਅਪਨੇਤ੍વਾ ਕਾਤਬ੍ਬਾ, ਤੇਨ વੁਤ੍ਤਂ ‘‘ਅਸਮ੍ਮੁਖਾ ਕਤਂ ਸੁਕਤਂ ਹੋਤੀ’’ਤਿ। ‘‘ਪੁਚ੍ਛਿਤ੍વਾ ਚੋਦੇਤ੍વਾ ਸਾਰੇਤ੍વਾ ਕਾਤਬ੍ਬਂ ਅਪੁਚ੍ਛਿਤ੍વਾ ਅਚੋਦੇਤ੍વਾ ਅਸਾਰੇਤ੍વਾ ਕਰੋਤੀ’’ਤਿ ਅਯਂ વਚਨਤ੍ਥੋ। ਠਪੇਤ੍વਾ ਕਤ੍ਤਿਕਮਾਸਨ੍ਤਿ ਸੋ ਪવਾਰਣਾਮਾਸੋ, ਦ੍વੇ ਚ ਪੁਣ੍ਣਮਾਸਿਯੋਤਿ ਪਠਮਦੁਤਿਯવਸ੍ਸੂਪਗਤਾਨਂ ਪવਾਰਣਾ ਪੁਣ੍ਣਮਾਸਾ ਦ੍વੇ।
483. ‘‘Ummattakasammutiṃ ummattake yācitvā gate asammukhāpi dātuṃ vaṭṭatī’’ti vuttaṃ. Tattha nisinnepi na kuppati niyamābhāvā. Asammukhā kate dosābhāvaṃ dassetuṃ ‘‘asammukhākataṃ sukataṃ hotī’’ti vuttaṃ. Dūtena upasampadā panettha sammukhā kātuṃ na sakkā. Kammavācānānattasabhāvā pattanikkujjanādayo hatthapāsato apanetvā kātabbā, tena vuttaṃ ‘‘asammukhā kataṃ sukataṃ hotī’’ti. ‘‘Pucchitvā codetvā sāretvā kātabbaṃ apucchitvā acodetvā asāretvā karotī’’ti ayaṃ vacanattho. Ṭhapetvā kattikamāsanti so pavāraṇāmāso, dve ca puṇṇamāsiyoti paṭhamadutiyavassūpagatānaṃ pavāraṇā puṇṇamāsā dve.
੪੮੫. ਪਦਂ વਾ ਛਡ੍ਡੇਤੀਤਿ ਅਤ੍ਥੋ। ਕ-વਗ੍ਗਾਦੀਸੁ ਪਞ੍ਚਸੁ। ਗਰੁਕਨ੍ਤਿ ਦੀਘਂ, ਸਂਯੋਗਪਰਞ੍ਚ। ‘‘ਬੁਦ੍ਧਰਕ੍ਖਿਤਤ੍ਥੇਰਸ੍ਸ ਯਸ੍ਸ ਨਕ੍ਖਮਤੀ’’ਤਿ ਏਤ੍ਥ ਤ-ਕਾਰਕ-ਕਾਰਾ ਸਂਯੋਗਪਰਾ। ਦੀਘੇ વਤ੍ਤਬ੍ਬੇ ਰਸ੍ਸਨ੍ਤਿ ‘‘ਸੋ ਤੁਣ੍ਹੀ ਅਸ੍ਸਾ’’ਤਿ વਤ੍ਤਬ੍ਬੇ ਸੋ ਤੁਣ੍ਹਿ ਅਸ੍ਸਾਤਿ વਚਨਂ।
485. Padaṃ vā chaḍḍetīti attho. Ka-vaggādīsu pañcasu. Garukanti dīghaṃ, saṃyogaparañca. ‘‘Buddharakkhitattherassa yassa nakkhamatī’’ti ettha ta-kāraka-kārā saṃyogaparā. Dīghe vattabbe rassanti ‘‘so tuṇhī assā’’ti vattabbe so tuṇhi assāti vacanaṃ.
੪੮੬. ਸੇਸਟ੍ਠਕਥਾਸੁ વੁਤ੍ਤવਚਨਂ ਕੁਰੁਨ੍ਦਿਯਂ ਪਾਕਟਂ ਕਤ੍વਾ ‘‘ਨਿਸੀਦਿਤੁਂ ਨ ਸਕ੍ਕੋਨ੍ਤੀ’’ਤਿ વੁਤ੍ਤਂ।
486. Sesaṭṭhakathāsu vuttavacanaṃ kurundiyaṃ pākaṭaṃ katvā ‘‘nisīdituṃ na sakkontī’’ti vuttaṃ.
੪੮੭-੮. ਪਰਿਸੁਦ੍ਧਸੀਲਾ ਚਤ੍ਤਾਰੋ ਭਿਕ੍ਖੂਤਿ ਪਾਰਾਜਿਕਂ ਅਨਾਪਨ੍ਨਾ। ਨ ਤੇਸਂ ਛਨ੍ਦੋ વਾ ਪਾਰਿਸੁਦ੍ਧਿ વਾ ਏਤੀਤਿ ਤੀਸੁ, ਦ੍વੀਸੁ વਾ ਨਿਸਿਨ੍ਨੇਸੁ ਏਕਸ੍ਸ, ਦ੍વਿਨ੍ਨਂ વਾ ਛਨ੍ਦਪਾਰਿਸੁਦ੍ਧਿ ਆਹਟਾਪਿ ਅਨਾਹਟਾવ।
487-8.Parisuddhasīlā cattāro bhikkhūti pārājikaṃ anāpannā. Na tesaṃ chando vā pārisuddhi vā etīti tīsu, dvīsu vā nisinnesu ekassa, dvinnaṃ vā chandapārisuddhi āhaṭāpi anāhaṭāva.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੧. ਕਮ੍ਮવਗ੍ਗੋ • 1. Kammavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਕਮ੍ਮવਗ੍ਗવਣ੍ਣਨਾ • Kammavaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਕਮ੍ਮવਗ੍ਗવਣ੍ਣਨਾ • Kammavaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਕਮ੍ਮવਗ੍ਗવਣ੍ਣਨਾ • Kammavaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਕਮ੍ਮવਗ੍ਗવਣ੍ਣਨਾ • Kammavaggavaṇṇanā
