1. гаммаваг̇г̇о

1. Kammavaggo

482. жад̇д̇аари гаммаани. абалоганагаммам̣, н̃ад̇д̇игаммам̣, н̃ад̇д̇ид̣̇уд̇ияагаммам̣, н̃ад̇д̇ижад̇уд̇т̇агаммам̣ – имаани жад̇д̇аари гаммаани. гад̇ихаагаарзхи вибаж̇ж̇анд̇и? имаани жад̇д̇аари гаммаани бан̃жахаагаарзхи вибаж̇ж̇анд̇и – вад̇т̇уд̇о ваа н̃ад̇д̇ид̇о ваа ануссааванад̇о ваа сиймад̇о ваа барисад̇о ваа.

482. Cattāri kammāni. Apalokanakammaṃ, ñattikammaṃ, ñattidutiyakammaṃ, ñatticatutthakammaṃ – imāni cattāri kammāni. Katihākārehi vipajjanti? Imāni cattāri kammāni pañcahākārehi vipajjanti – vatthuto vā ñattito vā anussāvanato vā sīmato vā parisato vā.

483. гат̇ам̣ вад̇т̇уд̇о гаммаани вибаж̇ж̇анд̇и? саммукаагаран̣ийяам̣ гаммам̣ асаммукаа гарод̇и, вад̇т̇увибаннам̣ ад̇хаммагаммам̣; бадибужчаагаран̣ийяам̣ гаммам̣ абадибужчаа гарод̇и, вад̇т̇увибаннам̣ ад̇хаммагаммам̣; бадин̃н̃ааяа гаран̣ийяам̣ гаммам̣ абадин̃н̃ааяа гарод̇и, вад̇т̇увибаннам̣ ад̇хаммагаммам̣; сад̇ивинаяаарахасса амуул̣хавинаяам̣ д̣̇зд̇и, вад̇т̇увибаннам̣ ад̇хаммагаммам̣; амуул̣хавинаяаарахасса д̇ассабаабияасигаагаммам̣ гарод̇и, вад̇т̇увибаннам̣ ад̇хаммагаммам̣; д̇ассабаабияасигаагаммаарахасса д̇аж̇ж̇анийяагаммам̣ гарод̇и, вад̇т̇увибаннам̣ ад̇хаммагаммам̣; д̇аж̇ж̇анийяагаммаарахасса нияассагаммам̣ гарод̇и, вад̇т̇увибаннам̣ ад̇хаммагаммам̣; нияассагаммаарахасса баб̣б̣ааж̇анийяагаммам̣ гарод̇и, вад̇т̇увибаннам̣ ад̇хаммагаммам̣; баб̣б̣ааж̇анийяагаммаарахасса бадисааран̣ийяагаммам̣ гарод̇и, вад̇т̇увибаннам̣ ад̇хаммагаммам̣; бадисааран̣ийяагаммаарахасса угкзбанийяагаммам̣ гарод̇и, вад̇т̇увибаннам̣ ад̇хаммагаммам̣; угкзбанийяагаммаарахасса бариваасам̣ д̣̇зд̇и, вад̇т̇увибаннам̣ ад̇хаммагаммам̣ ; бариваасаарахам̣ муулааяа бадигассад̇и, вад̇т̇увибаннам̣ ад̇хаммагаммам̣; муулааяабадигассанаарахасса маанад̇д̇ам̣ д̣̇зд̇и, вад̇т̇увибаннам̣ ад̇хаммагаммам̣; маанад̇д̇аарахам̣ аб̣бхзд̇и, вад̇т̇увибаннам̣ ад̇хаммагаммам̣; аб̣бхаанаарахам̣ убасамбаад̣̇зд̇и, вад̇т̇увибаннам̣ ад̇хаммагаммам̣; анубосат̇з убосат̇ам̣ гарод̇и, вад̇т̇увибаннам̣ ад̇хаммагаммам̣; абавааран̣ааяа баваарзд̇и, вад̇т̇увибаннам̣ ад̇хаммагаммам̣. звам̣ вад̇т̇уд̇о гаммаани вибаж̇ж̇анд̇и.

483. Kathaṃ vatthuto kammāni vipajjanti? Sammukhākaraṇīyaṃ kammaṃ asammukhā karoti, vatthuvipannaṃ adhammakammaṃ; paṭipucchākaraṇīyaṃ kammaṃ apaṭipucchā karoti, vatthuvipannaṃ adhammakammaṃ; paṭiññāya karaṇīyaṃ kammaṃ apaṭiññāya karoti, vatthuvipannaṃ adhammakammaṃ; sativinayārahassa amūḷhavinayaṃ deti, vatthuvipannaṃ adhammakammaṃ; amūḷhavinayārahassa tassapāpiyasikākammaṃ karoti, vatthuvipannaṃ adhammakammaṃ; tassapāpiyasikākammārahassa tajjanīyakammaṃ karoti, vatthuvipannaṃ adhammakammaṃ; tajjanīyakammārahassa niyassakammaṃ karoti, vatthuvipannaṃ adhammakammaṃ; niyassakammārahassa pabbājanīyakammaṃ karoti, vatthuvipannaṃ adhammakammaṃ; pabbājanīyakammārahassa paṭisāraṇīyakammaṃ karoti, vatthuvipannaṃ adhammakammaṃ; paṭisāraṇīyakammārahassa ukkhepanīyakammaṃ karoti, vatthuvipannaṃ adhammakammaṃ; ukkhepanīyakammārahassa parivāsaṃ deti, vatthuvipannaṃ adhammakammaṃ ; parivāsārahaṃ mūlāya paṭikassati, vatthuvipannaṃ adhammakammaṃ; mūlāyapaṭikassanārahassa mānattaṃ deti, vatthuvipannaṃ adhammakammaṃ; mānattārahaṃ abbheti, vatthuvipannaṃ adhammakammaṃ; abbhānārahaṃ upasampādeti, vatthuvipannaṃ adhammakammaṃ; anuposathe uposathaṃ karoti, vatthuvipannaṃ adhammakammaṃ; apavāraṇāya pavāreti, vatthuvipannaṃ adhammakammaṃ. Evaṃ vatthuto kammāni vipajjanti.

484. гат̇ам̣ н̃ад̇д̇ид̇о гаммаани вибаж̇ж̇анд̇и? бан̃жахаагаарзхи н̃ад̇д̇ид̇о гаммаани вибаж̇ж̇анд̇и – вад̇т̇ум̣ на бараамасад̇и, сан̇гхам̣ на бараамасад̇и, буг̇г̇алам̣ на бараамасад̇и, н̃ад̇д̇им̣ на бараамасад̇и, бажчаа ваа н̃ад̇д̇им̣ табзд̇и – имзхи бан̃жахаагаарзхи н̃ад̇д̇ид̇о гаммаани вибаж̇ж̇анд̇и.

484. Kathaṃ ñattito kammāni vipajjanti? Pañcahākārehi ñattito kammāni vipajjanti – vatthuṃ na parāmasati, saṅghaṃ na parāmasati, puggalaṃ na parāmasati, ñattiṃ na parāmasati, pacchā vā ñattiṃ ṭhapeti – imehi pañcahākārehi ñattito kammāni vipajjanti.

485. гат̇ам̣ ануссааванад̇о гаммаани вибаж̇ж̇анд̇и? бан̃жахаагаарзхи ануссааванад̇о гаммаани вибаж̇ж̇анд̇и – вад̇т̇ум̣ на бараамасад̇и, сан̇гхам̣ на бараамасад̇и, буг̇г̇алам̣ на бараамасад̇и, сааванам̣ хаабзд̇и, агаалз ваа саавзд̇и – имзхи бан̃жахаагаарзхи ануссааванад̇о гаммаани вибаж̇ж̇анд̇и.

485. Kathaṃ anussāvanato kammāni vipajjanti? Pañcahākārehi anussāvanato kammāni vipajjanti – vatthuṃ na parāmasati, saṅghaṃ na parāmasati, puggalaṃ na parāmasati, sāvanaṃ hāpeti, akāle vā sāveti – imehi pañcahākārehi anussāvanato kammāni vipajjanti.

486. гат̇ам̣ сиймад̇о гаммаани вибаж̇ж̇анд̇и? згаад̣̇асахи аагаарзхи сиймад̇о гаммаани вибаж̇ж̇анд̇и – ад̇икуд̣̇д̣̇агам̣ сиймам̣ самманнад̇и, ад̇имахад̇им̣ сиймам̣ самманнад̇и, кан̣д̣анимид̇д̇ам̣ сиймам̣ самманнад̇и, чааяаанимид̇д̇ам̣ сиймам̣ самманнад̇и, анимид̇д̇ам̣ сиймам̣ самманнад̇и, б̣ахисиймз тид̇о сиймам̣ самманнад̇и, над̣̇ияаа сиймам̣ самманнад̇и, самуд̣̇д̣̇з сиймам̣ самманнад̇и, ж̇аад̇ассарз сиймам̣ самманнад̇и, сиймааяа сиймам̣ самбхинд̣̇ад̇и, сиймааяа сиймам̣ аж̇жход̇т̇арад̇и – имзхи згаад̣̇асахи аагаарзхи сиймад̇о гаммаани вибаж̇ж̇анд̇и.

486. Kathaṃ sīmato kammāni vipajjanti? Ekādasahi ākārehi sīmato kammāni vipajjanti – atikhuddakaṃ sīmaṃ sammannati, atimahatiṃ sīmaṃ sammannati, khaṇḍanimittaṃ sīmaṃ sammannati, chāyānimittaṃ sīmaṃ sammannati, animittaṃ sīmaṃ sammannati, bahisīme ṭhito sīmaṃ sammannati, nadiyā sīmaṃ sammannati, samudde sīmaṃ sammannati, jātassare sīmaṃ sammannati, sīmāya sīmaṃ sambhindati, sīmāya sīmaṃ ajjhottharati – imehi ekādasahi ākārehi sīmato kammāni vipajjanti.

487. гат̇ам̣ барисад̇о гаммаани вибаж̇ж̇анд̇и? д̣̇ваад̣̇асахи аагаарзхи барисад̇о гаммаани вибаж̇ж̇анд̇и – жад̇уваг̇г̇агаран̣з гаммз яаавад̇игаа бхигкуу гаммабад̇д̇аа д̇з анааг̇ад̇аа хонд̇и, чанд̣̇аарахаанам̣ чанд̣̇о анаахадо ход̇и, саммукийбхууд̇аа бадиггосанд̇и, жад̇уваг̇г̇агаран̣з гаммз яаавад̇игаа бхигкуу гаммабад̇д̇аа д̇з ааг̇ад̇аа хонд̇и, чанд̣̇аарахаанам̣ чанд̣̇о анаахадо ход̇и, саммукийбхууд̇аа бадиггосанд̇и, жад̇уваг̇г̇агаран̣з гаммз яаавад̇игаа бхигкуу гаммабад̇д̇аа д̇з ааг̇ад̇аа хонд̇и, чанд̣̇аарахаанам̣ чанд̣̇о аахадо ход̇и, саммукийбхууд̇аа бадиггосанд̇и. бан̃жаваг̇г̇агаран̣з гаммз…бз… д̣̇асаваг̇г̇агаран̣з гаммз…бз… вийсад̇иваг̇г̇агаран̣з гаммз яаавад̇игаа бхигкуу гаммабад̇д̇аа д̇з анааг̇ад̇аа хонд̇и, чанд̣̇аарахаанам̣ чанд̣̇о анаахадо ход̇и, саммукийбхууд̇аа бадиггосанд̇и, вийсад̇иваг̇г̇агаран̣з гаммз яаавад̇игаа бхигкуу гаммабад̇д̇аа, д̇з ааг̇ад̇аа хонд̇и, чанд̣̇аарахаанам̣ чанд̣̇о анаахадо ход̇и, саммукийбхууд̇аа бадиггосанд̇и, вийсад̇иваг̇г̇агаран̣з гаммз яаавад̇игаа бхигкуу гаммабад̇д̇аа, д̇з ааг̇ад̇аа хонд̇и, чанд̣̇аарахаанам̣ чанд̣̇о аахадо ход̇и саммукийбхууд̇аа бадиггосанд̇и – имзхи д̣̇ваад̣̇асахи аагаарзхи барисад̇о гаммаани вибаж̇ж̇анд̇и.

487. Kathaṃ parisato kammāni vipajjanti? Dvādasahi ākārehi parisato kammāni vipajjanti – catuvaggakaraṇe kamme yāvatikā bhikkhū kammapattā te anāgatā honti, chandārahānaṃ chando anāhaṭo hoti, sammukhībhūtā paṭikkosanti, catuvaggakaraṇe kamme yāvatikā bhikkhū kammapattā te āgatā honti, chandārahānaṃ chando anāhaṭo hoti, sammukhībhūtā paṭikkosanti, catuvaggakaraṇe kamme yāvatikā bhikkhū kammapattā te āgatā honti, chandārahānaṃ chando āhaṭo hoti, sammukhībhūtā paṭikkosanti. Pañcavaggakaraṇe kamme…pe… dasavaggakaraṇe kamme…pe… vīsativaggakaraṇe kamme yāvatikā bhikkhū kammapattā te anāgatā honti, chandārahānaṃ chando anāhaṭo hoti, sammukhībhūtā paṭikkosanti, vīsativaggakaraṇe kamme yāvatikā bhikkhū kammapattā, te āgatā honti, chandārahānaṃ chando anāhaṭo hoti, sammukhībhūtā paṭikkosanti, vīsativaggakaraṇe kamme yāvatikā bhikkhū kammapattā, te āgatā honti, chandārahānaṃ chando āhaṭo hoti sammukhībhūtā paṭikkosanti – imehi dvādasahi ākārehi parisato kammāni vipajjanti.

488. жад̇уваг̇г̇агаран̣з гаммз жад̇д̇ааро бхигкуу багад̇ад̇д̇аа гаммабад̇д̇аа, авасзсаа багад̇ад̇д̇аа чанд̣̇аарахаа . яасса сан̇гхо гаммам̣ гарод̇и со нзва гаммабад̇д̇о нааби чанд̣̇аарахо, аби жа гаммаарахо. бан̃жаваг̇г̇агаран̣з гаммз бан̃жа бхигкуу багад̇ад̇д̇аа гаммабад̇д̇аа, авасзсаа багад̇ад̇д̇аа чанд̣̇аарахаа. яасса сан̇гхо гаммам̣ гарод̇и со нзва гаммабад̇д̇о нааби чанд̣̇аарахо, аби жа гаммаарахо. д̣̇асаваг̇г̇агаран̣з гаммз д̣̇аса бхигкуу багад̇ад̇д̇аа гаммабад̇д̇аа, авасзсаа багад̇ад̇д̇аа чанд̣̇аарахаа. яасса сан̇гхо гаммам̣ гарод̇и со нзва гаммабад̇д̇о нааби чанд̣̇аарахо, аби жа гаммаарахо. вийсад̇иваг̇г̇агаран̣з гаммз вийсад̇и бхигкуу багад̇ад̇д̇аа гаммабад̇д̇аа, авасзсаа багад̇ад̇д̇аа чанд̣̇аарахаа. яасса сан̇гхо гаммам̣ гарод̇и со нзва гаммабад̇д̇о нааби чанд̣̇аарахо, аби жа гаммаарахо.

488. Catuvaggakaraṇe kamme cattāro bhikkhū pakatattā kammapattā, avasesā pakatattā chandārahā . Yassa saṅgho kammaṃ karoti so neva kammapatto nāpi chandāraho, api ca kammāraho. Pañcavaggakaraṇe kamme pañca bhikkhū pakatattā kammapattā, avasesā pakatattā chandārahā. Yassa saṅgho kammaṃ karoti so neva kammapatto nāpi chandāraho, api ca kammāraho. Dasavaggakaraṇe kamme dasa bhikkhū pakatattā kammapattā, avasesā pakatattā chandārahā. Yassa saṅgho kammaṃ karoti so neva kammapatto nāpi chandāraho, api ca kammāraho. Vīsativaggakaraṇe kamme vīsati bhikkhū pakatattā kammapattā, avasesā pakatattā chandārahā. Yassa saṅgho kammaṃ karoti so neva kammapatto nāpi chandāraho, api ca kammāraho.

489. жад̇д̇аари гаммаани – абалоганагаммам̣, н̃ад̇д̇игаммам̣, н̃ад̇д̇ид̣̇уд̇ияагаммам̣, н̃ад̇д̇ижад̇уд̇т̇агаммам̣. имаани жад̇д̇аари гаммаани гад̇ихаагаарзхи вибаж̇ж̇анд̇и? имаани жад̇д̇аари гаммаани бан̃жахаагаарзхи вибаж̇ж̇анд̇и – вад̇т̇уд̇о ваа н̃ад̇д̇ид̇о ваа ануссааванад̇о ваа сиймад̇о ваа барисад̇о ваа.

489. Cattāri kammāni – apalokanakammaṃ, ñattikammaṃ, ñattidutiyakammaṃ, ñatticatutthakammaṃ. Imāni cattāri kammāni katihākārehi vipajjanti? Imāni cattāri kammāni pañcahākārehi vipajjanti – vatthuto vā ñattito vā anussāvanato vā sīmato vā parisato vā.

490. гат̇ам̣ вад̇т̇уд̇о гаммаани вибаж̇ж̇анд̇и? бан̣д̣агам̣ убасамбаад̣̇зд̇и , вад̇т̇увибаннам̣ ад̇хаммагаммам̣. т̇зяяасам̣ваасагам̣ убасамбаад̣̇зд̇и, вад̇т̇увибаннам̣ ад̇хаммагаммам̣. д̇ид̇т̇ияабагганд̇агам̣ убасамбаад̣̇зд̇и, вад̇т̇увибаннам̣ ад̇хаммагаммам̣. д̇иражчаанаг̇ад̇ам̣ убасамбаад̣̇зд̇и, вад̇т̇увибаннам̣ ад̇хаммагаммам̣. маад̇угхаад̇агам̣ убасамбаад̣̇зд̇и, вад̇т̇увибаннам̣ ад̇хаммагаммам̣. бид̇угхаад̇агам̣ убасамбаад̣̇зд̇и, вад̇т̇увибаннам̣ ад̇хаммагаммам̣. араханд̇агхаад̇агам̣ убасамбаад̣̇зд̇и, вад̇т̇увибаннам̣ ад̇хаммагаммам̣. бхигкунид̣̇уусагам̣ убасамбаад̣̇зд̇и, вад̇т̇увибаннам̣ ад̇хаммагаммам̣. сан̇гхабхзд̣̇агам̣ убасамбаад̣̇зд̇и, вад̇т̇увибаннам̣ ад̇хаммагаммам̣. лохид̇уббаад̣̇агам̣ убасамбаад̣̇зд̇и, вад̇т̇увибаннам̣ ад̇хаммагаммам̣. убхад̇об̣яан̃ж̇анам̣ убасамбаад̣̇зд̇и, вад̇т̇увибаннам̣ ад̇хаммагаммам̣. уунавийсад̇ивассам̣ буг̇г̇алам̣ убасамбаад̣̇зд̇и, вад̇т̇увибаннам̣ ад̇хаммагаммам̣. звам̣ вад̇т̇уд̇о гаммаани вибаж̇ж̇анд̇и.

490. Kathaṃ vatthuto kammāni vipajjanti? Paṇḍakaṃ upasampādeti , vatthuvipannaṃ adhammakammaṃ. Theyyasaṃvāsakaṃ upasampādeti, vatthuvipannaṃ adhammakammaṃ. Titthiyapakkantakaṃ upasampādeti, vatthuvipannaṃ adhammakammaṃ. Tiracchānagataṃ upasampādeti, vatthuvipannaṃ adhammakammaṃ. Mātughātakaṃ upasampādeti, vatthuvipannaṃ adhammakammaṃ. Pitughātakaṃ upasampādeti, vatthuvipannaṃ adhammakammaṃ. Arahantaghātakaṃ upasampādeti, vatthuvipannaṃ adhammakammaṃ. Bhikkhunidūsakaṃ upasampādeti, vatthuvipannaṃ adhammakammaṃ. Saṅghabhedakaṃ upasampādeti, vatthuvipannaṃ adhammakammaṃ. Lohituppādakaṃ upasampādeti, vatthuvipannaṃ adhammakammaṃ. Ubhatobyañjanaṃ upasampādeti, vatthuvipannaṃ adhammakammaṃ. Ūnavīsativassaṃ puggalaṃ upasampādeti, vatthuvipannaṃ adhammakammaṃ. Evaṃ vatthuto kammāni vipajjanti.

491. гат̇ам̣ н̃ад̇д̇ид̇о гаммаани вибаж̇ж̇анд̇и? бан̃жахаагаарзхи н̃ад̇д̇ид̇о гаммаани вибаж̇ж̇анд̇и. вад̇т̇ум̣ на бараамасад̇и, сан̇гхам̣ на бараамасад̇и, буг̇г̇алам̣ на бараамасад̇и, н̃ад̇д̇им̣ на бараамасад̇и, бажчаа ваа н̃ад̇д̇им̣ табзд̇и – имзхи бан̃жахаагаарзхи н̃ад̇д̇ид̇о гаммаани вибаж̇ж̇анд̇и.

491. Kathaṃ ñattito kammāni vipajjanti? Pañcahākārehi ñattito kammāni vipajjanti. Vatthuṃ na parāmasati, saṅghaṃ na parāmasati, puggalaṃ na parāmasati, ñattiṃ na parāmasati, pacchā vā ñattiṃ ṭhapeti – imehi pañcahākārehi ñattito kammāni vipajjanti.

492. гат̇ам̣ ануссааванад̇о гаммаани вибаж̇ж̇анд̇и? бан̃жахаагаарзхи ануссааванад̇о гаммаани вибаж̇ж̇анд̇и – вад̇т̇ум̣ на бараамасад̇и, сан̇гхам̣ на бараамасад̇и, буг̇г̇алам̣ на бараамасад̇и, сааванам̣ хаабзд̇и, агаалз ваа саавзд̇и – имзхи бан̃жахаагаарзхи ануссааванад̇о гаммаани вибаж̇ж̇анд̇и.

492. Kathaṃ anussāvanato kammāni vipajjanti? Pañcahākārehi anussāvanato kammāni vipajjanti – vatthuṃ na parāmasati, saṅghaṃ na parāmasati, puggalaṃ na parāmasati, sāvanaṃ hāpeti, akāle vā sāveti – imehi pañcahākārehi anussāvanato kammāni vipajjanti.

493. гат̇ам̣ сиймад̇о гаммаани вибаж̇ж̇анд̇и? згаад̣̇асахи аагаарзхи сиймад̇о гаммаани вибаж̇ж̇анд̇и. ад̇икуд̣̇д̣̇агам̣ сиймам̣ самманнад̇и, ад̇имахад̇им̣ сиймам̣ самманнад̇и, кан̣д̣анимид̇д̇ам̣ сиймам̣ самманнад̇и, чааяаанимид̇д̇ам̣ сиймам̣ самманнад̇и, анимид̇д̇ам̣ сиймам̣ самманнад̇и, б̣ахисиймз тид̇о сиймам̣ самманнад̇и, над̣̇ияаа сиймам̣ самманнад̇и, самуд̣̇д̣̇з сиймам̣ самманнад̇и, ж̇аад̇ассарз сиймам̣ самманнад̇и, сиймааяа сиймам̣ самбхинд̣̇ад̇и, сиймааяа сиймам̣ аж̇жход̇т̇арад̇и – имзхи згаад̣̇асахи аагаарзхи сиймад̇о гаммаани вибаж̇ж̇анд̇и.

493. Kathaṃ sīmato kammāni vipajjanti? Ekādasahi ākārehi sīmato kammāni vipajjanti. Atikhuddakaṃ sīmaṃ sammannati, atimahatiṃ sīmaṃ sammannati, khaṇḍanimittaṃ sīmaṃ sammannati, chāyānimittaṃ sīmaṃ sammannati, animittaṃ sīmaṃ sammannati, bahisīme ṭhito sīmaṃ sammannati, nadiyā sīmaṃ sammannati, samudde sīmaṃ sammannati, jātassare sīmaṃ sammannati, sīmāya sīmaṃ sambhindati, sīmāya sīmaṃ ajjhottharati – imehi ekādasahi ākārehi sīmato kammāni vipajjanti.

494. гат̇ам̣ барисад̇о гаммаани вибаж̇ж̇анд̇и? д̣̇ваад̣̇асахи аагаарзхи барисад̇о гаммаани вибаж̇ж̇анд̇и – жад̇уваг̇г̇агаран̣з гаммз яаавад̇игаа бхигкуу гаммабад̇д̇аа д̇з анааг̇ад̇аа хонд̇и, чанд̣̇аарахаанам̣ чанд̣̇о анаахадо ход̇и, саммукийбхууд̇аа бадиггосанд̇и, жад̇уваг̇г̇агаран̣з гаммз яаавад̇игаа бхигкуу гаммабад̇д̇аа д̇з ааг̇ад̇аа хонд̇и, чанд̣̇аарахаанам̣ чанд̣̇о анаахадо ход̇и, саммукийбхууд̇аа бадиггосанд̇и. жад̇уваг̇г̇агаран̣з гаммз яаавад̇игаа бхигкуу гаммабад̇д̇аа д̇з ааг̇ад̇аа хонд̇и, чанд̣̇аарахаанам̣ чанд̣̇о аахадо ход̇и саммукийбхууд̇аа бадиггосанд̇и. бан̃жаваг̇г̇агаран̣з гаммз…бз… д̣̇асаваг̇г̇агаран̣з гаммз…бз… вийсад̇иваг̇г̇агаран̣з гаммз яаавад̇игаа бхигкуу гаммабад̇д̇аа д̇з анааг̇ад̇аа хонд̇и, чанд̣̇аарахаанам̣ чанд̣̇о анаахадо ход̇и, саммукийбхууд̇аа бадиггосанд̇и. вийсад̇иваг̇г̇агаран̣з гаммз яаавад̇игаа бхигкуу гаммабад̇д̇аа д̇з ааг̇ад̇аа хонд̇и, чанд̣̇аарахаанам̣ чанд̣̇о анаахадо ход̇и, саммукийбхууд̇аа бадиггосанд̇и. вийсад̇иваг̇г̇агаран̣з гаммз яаавад̇игаа бхигкуу гаммабад̇д̇аа д̇з ааг̇ад̇аа хонд̇и, чанд̣̇аарахаанам̣ чанд̣̇о аахадо ход̇и, саммукийбхууд̇аа бадиггосанд̇и – имзхи д̣̇ваад̣̇асахи аагаарзхи барисад̇о гаммаани вибаж̇ж̇анд̇и.

494. Kathaṃ parisato kammāni vipajjanti? Dvādasahi ākārehi parisato kammāni vipajjanti – catuvaggakaraṇe kamme yāvatikā bhikkhū kammapattā te anāgatā honti, chandārahānaṃ chando anāhaṭo hoti, sammukhībhūtā paṭikkosanti, catuvaggakaraṇe kamme yāvatikā bhikkhū kammapattā te āgatā honti, chandārahānaṃ chando anāhaṭo hoti, sammukhībhūtā paṭikkosanti. Catuvaggakaraṇe kamme yāvatikā bhikkhū kammapattā te āgatā honti, chandārahānaṃ chando āhaṭo hoti sammukhībhūtā paṭikkosanti. Pañcavaggakaraṇe kamme…pe… dasavaggakaraṇe kamme…pe… vīsativaggakaraṇe kamme yāvatikā bhikkhū kammapattā te anāgatā honti, chandārahānaṃ chando anāhaṭo hoti, sammukhībhūtā paṭikkosanti. Vīsativaggakaraṇe kamme yāvatikā bhikkhū kammapattā te āgatā honti, chandārahānaṃ chando anāhaṭo hoti, sammukhībhūtā paṭikkosanti. Vīsativaggakaraṇe kamme yāvatikā bhikkhū kammapattā te āgatā honti, chandārahānaṃ chando āhaṭo hoti, sammukhībhūtā paṭikkosanti – imehi dvādasahi ākārehi parisato kammāni vipajjanti.

495. абалоганагаммам̣ гад̇и таанаани г̇ажчад̇и? н̃ад̇д̇игаммам̣ гад̇и таанаани г̇ажчад̇и? н̃ад̇д̇ид̣̇уд̇ияагаммам̣ гад̇и таанаани г̇ажчад̇и? н̃ад̇д̇ижад̇уд̇т̇агаммам̣ гад̇и таанаани г̇ажчад̇и? абалоганагаммам̣ бан̃жа таанаани г̇ажчад̇и. н̃ад̇д̇игаммам̣ нава таанаани г̇ажчад̇и. н̃ад̇д̇ид̣̇уд̇ияагаммам̣ сад̇д̇а таанаани г̇ажчад̇и. н̃ад̇д̇ижад̇уд̇т̇агаммам̣ сад̇д̇а таанаани г̇ажчад̇и.

495. Apalokanakammaṃ kati ṭhānāni gacchati? Ñattikammaṃ kati ṭhānāni gacchati? Ñattidutiyakammaṃ kati ṭhānāni gacchati? Ñatticatutthakammaṃ kati ṭhānāni gacchati? Apalokanakammaṃ pañca ṭhānāni gacchati. Ñattikammaṃ nava ṭhānāni gacchati. Ñattidutiyakammaṃ satta ṭhānāni gacchati. Ñatticatutthakammaṃ satta ṭhānāni gacchati.

496. абалоганагаммам̣ гад̇амаани бан̃жа таанаани г̇ажчад̇и? осааран̣ам̣, ниссааран̣ам̣, бхан̣д̣угаммам̣, б̣рахмад̣̇ан̣д̣ам̣, гаммалагкан̣ан̃н̃зва бан̃жамам̣ – абалоганагаммам̣ имаани бан̃жа таанаани г̇ажчад̇и . н̃ад̇д̇игаммам̣ гад̇амаани нава таанаани г̇ажчад̇и? осааран̣ам̣, ниссааран̣ам̣, убосат̇ам̣, бавааран̣ам̣, саммуд̇им̣, д̣̇аанам̣, бадиг̇г̇ахам̣, бажжуггад̣дханам̣, гаммалагкан̣ан̃н̃зва навамам̣ – н̃ад̇д̇игаммам̣ имаани нава таанаани г̇ажчад̇и. н̃ад̇д̇ид̣̇уд̇ияагаммам̣ гад̇амаани сад̇д̇а таанаани г̇ажчад̇и? осааран̣ам̣, ниссааран̣ам̣, саммуд̇им̣, д̣̇аанам̣, уд̣̇д̇харан̣ам̣, д̣̇зсанам̣, гаммалагкан̣ан̃н̃зва сад̇д̇амам̣ – н̃ад̇д̇ид̣̇уд̇ияагаммам̣ имаани сад̇д̇а таанаани г̇ажчад̇и. н̃ад̇д̇ижад̇уд̇т̇агаммам̣ гад̇амаани сад̇д̇а таанаани г̇ажчад̇и? осааран̣ам̣, ниссааран̣ам̣, саммуд̇им̣, д̣̇аанам̣, ниг̇г̇ахам̣, саманубхаасанам̣, гаммалагкан̣ан̃н̃зва сад̇д̇амам̣ – н̃ад̇д̇ижад̇уд̇т̇агаммам̣ имаани сад̇д̇а таанаани г̇ажчад̇и.

496. Apalokanakammaṃ katamāni pañca ṭhānāni gacchati? Osāraṇaṃ, nissāraṇaṃ, bhaṇḍukammaṃ, brahmadaṇḍaṃ, kammalakkhaṇaññeva pañcamaṃ – apalokanakammaṃ imāni pañca ṭhānāni gacchati . Ñattikammaṃ katamāni nava ṭhānāni gacchati? Osāraṇaṃ, nissāraṇaṃ, uposathaṃ, pavāraṇaṃ, sammutiṃ, dānaṃ, paṭiggahaṃ, paccukkaḍḍhanaṃ, kammalakkhaṇaññeva navamaṃ – ñattikammaṃ imāni nava ṭhānāni gacchati. Ñattidutiyakammaṃ katamāni satta ṭhānāni gacchati? Osāraṇaṃ, nissāraṇaṃ, sammutiṃ, dānaṃ, uddharaṇaṃ, desanaṃ, kammalakkhaṇaññeva sattamaṃ – ñattidutiyakammaṃ imāni satta ṭhānāni gacchati. Ñatticatutthakammaṃ katamāni satta ṭhānāni gacchati? Osāraṇaṃ, nissāraṇaṃ, sammutiṃ, dānaṃ, niggahaṃ, samanubhāsanaṃ, kammalakkhaṇaññeva sattamaṃ – ñatticatutthakammaṃ imāni satta ṭhānāni gacchati.

497. жад̇уваг̇г̇агаран̣з гаммз жад̇д̇ааро бхигкуу багад̇ад̇д̇аа гаммабад̇д̇аа, авасзсаа багад̇ад̇д̇аа чанд̣̇аарахаа. яасса сан̇гхо гаммам̣ гарод̇и со нзва гаммабад̇д̇о нааби чанд̣̇аарахо, аби жа гаммаарахо. бан̃жаваг̇г̇агаран̣з гаммз бан̃жа бхигкуу багад̇ад̇д̇аа гаммабад̇д̇аа, авасзсаа багад̇ад̇д̇аа чанд̣̇аарахаа. яасса сан̇гхо гаммам̣ гарод̇и со нзва гаммабад̇д̇о нааби чанд̣̇аарахо, аби жа гаммаарахо. д̣̇асаваг̇г̇агаран̣з гаммз д̣̇аса бхигкуу багад̇ад̇д̇аа гаммабад̇д̇аа, авасзсаа багад̇ад̇д̇аа чанд̣̇аарахаа. яасса сан̇гхо гаммам̣ гарод̇и со нзва гаммабад̇д̇о нааби чанд̣̇аарахо, аби жа гаммаарахо. вийсад̇иваг̇г̇агаран̣з гаммз вийсад̇и бхигкуу багад̇ад̇д̇аа гаммабад̇д̇аа, авасзсаа багад̇ад̇д̇аа чанд̣̇аарахаа. яасса сан̇гхо гаммам̣ гарод̇и со нзва гаммабад̇д̇о нааби чанд̣̇аарахо, аби жа гаммаарахо.

497. Catuvaggakaraṇe kamme cattāro bhikkhū pakatattā kammapattā, avasesā pakatattā chandārahā. Yassa saṅgho kammaṃ karoti so neva kammapatto nāpi chandāraho, api ca kammāraho. Pañcavaggakaraṇe kamme pañca bhikkhū pakatattā kammapattā, avasesā pakatattā chandārahā. Yassa saṅgho kammaṃ karoti so neva kammapatto nāpi chandāraho, api ca kammāraho. Dasavaggakaraṇe kamme dasa bhikkhū pakatattā kammapattā, avasesā pakatattā chandārahā. Yassa saṅgho kammaṃ karoti so neva kammapatto nāpi chandāraho, api ca kammāraho. Vīsativaggakaraṇe kamme vīsati bhikkhū pakatattā kammapattā, avasesā pakatattā chandārahā. Yassa saṅgho kammaṃ karoti so neva kammapatto nāpi chandāraho, api ca kammāraho.

гаммаваг̇г̇о нидтид̇о батамо.

Kammavaggo niṭṭhito paṭhamo.

Next: 2. ад̇т̇авасаваг̇г̇о • 2. Atthavasavaggo

Related texts:

адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā
гаммаваг̇г̇аван̣н̣анаа • Kammavaggavaṇṇanā
абалоганагаммагат̇аа • Apalokanakammakathā

дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
гаммаваг̇г̇аван̣н̣анаа • Kammavaggavaṇṇanā
абалоганагаммагат̇ааван̣н̣анаа • Apalokanakammakathāvaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā
гаммаваг̇г̇аван̣н̣анаа • Kammavaggavaṇṇanā
абалоганагаммагат̇ааван̣н̣анаа • Apalokanakammakathāvaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā
гаммаваг̇г̇аван̣н̣анаа • Kammavaggavaṇṇanā
абалоганагаммагат̇ааван̣н̣анаа • Apalokanakammakathāvaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi
гаммаваг̇г̇аван̣н̣анаа • Kammavaggavaṇṇanā
абалоганагаммагат̇аа • Apalokanakammakathā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact