| Library / Tipiṭaka / ਤਿਪਿਟਕ • Tipiṭaka / ਪਰਿવਾਰਪਾਲ਼ਿ • Parivārapāḷi |
ਪਞ੍ਚવਗ੍ਗੋ
Pañcavaggo
੧. ਕਮ੍ਮવਗ੍ਗੋ
1. Kammavaggo
੪੮੨. ਚਤ੍ਤਾਰਿ ਕਮ੍ਮਾਨਿ। ਅਪਲੋਕਨਕਮ੍ਮਂ, ਞਤ੍ਤਿਕਮ੍ਮਂ, ਞਤ੍ਤਿਦੁਤਿਯਕਮ੍ਮਂ, ਞਤ੍ਤਿਚਤੁਤ੍ਥਕਮ੍ਮਂ – ਇਮਾਨਿ ਚਤ੍ਤਾਰਿ ਕਮ੍ਮਾਨਿ। ਕਤਿਹਾਕਾਰੇਹਿ વਿਪਜ੍ਜਨ੍ਤਿ? ਇਮਾਨਿ ਚਤ੍ਤਾਰਿ ਕਮ੍ਮਾਨਿ ਪਞ੍ਚਹਾਕਾਰੇਹਿ વਿਪਜ੍ਜਨ੍ਤਿ – વਤ੍ਥੁਤੋ વਾ ਞਤ੍ਤਿਤੋ વਾ ਅਨੁਸ੍ਸਾવਨਤੋ વਾ ਸੀਮਤੋ વਾ ਪਰਿਸਤੋ વਾ।
482. Cattāri kammāni. Apalokanakammaṃ, ñattikammaṃ, ñattidutiyakammaṃ, ñatticatutthakammaṃ – imāni cattāri kammāni. Katihākārehi vipajjanti? Imāni cattāri kammāni pañcahākārehi vipajjanti – vatthuto vā ñattito vā anussāvanato vā sīmato vā parisato vā.
੪੮੩. ਕਥਂ વਤ੍ਥੁਤੋ ਕਮ੍ਮਾਨਿ વਿਪਜ੍ਜਨ੍ਤਿ? ਸਮ੍ਮੁਖਾਕਰਣੀਯਂ ਕਮ੍ਮਂ ਅਸਮ੍ਮੁਖਾ ਕਰੋਤਿ, વਤ੍ਥੁવਿਪਨ੍ਨਂ ਅਧਮ੍ਮਕਮ੍ਮਂ; ਪਟਿਪੁਚ੍ਛਾਕਰਣੀਯਂ ਕਮ੍ਮਂ ਅਪਟਿਪੁਚ੍ਛਾ ਕਰੋਤਿ, વਤ੍ਥੁવਿਪਨ੍ਨਂ ਅਧਮ੍ਮਕਮ੍ਮਂ; ਪਟਿਞ੍ਞਾਯ ਕਰਣੀਯਂ ਕਮ੍ਮਂ ਅਪਟਿਞ੍ਞਾਯ ਕਰੋਤਿ, વਤ੍ਥੁવਿਪਨ੍ਨਂ ਅਧਮ੍ਮਕਮ੍ਮਂ; ਸਤਿવਿਨਯਾਰਹਸ੍ਸ ਅਮੂਲ਼੍ਹવਿਨਯਂ ਦੇਤਿ, વਤ੍ਥੁવਿਪਨ੍ਨਂ ਅਧਮ੍ਮਕਮ੍ਮਂ; ਅਮੂਲ਼੍ਹવਿਨਯਾਰਹਸ੍ਸ ਤਸ੍ਸਪਾਪਿਯਸਿਕਾਕਮ੍ਮਂ ਕਰੋਤਿ, વਤ੍ਥੁવਿਪਨ੍ਨਂ ਅਧਮ੍ਮਕਮ੍ਮਂ; ਤਸ੍ਸਪਾਪਿਯਸਿਕਾਕਮ੍ਮਾਰਹਸ੍ਸ ਤਜ੍ਜਨੀਯਕਮ੍ਮਂ ਕਰੋਤਿ, વਤ੍ਥੁવਿਪਨ੍ਨਂ ਅਧਮ੍ਮਕਮ੍ਮਂ; ਤਜ੍ਜਨੀਯਕਮ੍ਮਾਰਹਸ੍ਸ ਨਿਯਸ੍ਸਕਮ੍ਮਂ ਕਰੋਤਿ, વਤ੍ਥੁવਿਪਨ੍ਨਂ ਅਧਮ੍ਮਕਮ੍ਮਂ; ਨਿਯਸ੍ਸਕਮ੍ਮਾਰਹਸ੍ਸ ਪਬ੍ਬਾਜਨੀਯਕਮ੍ਮਂ ਕਰੋਤਿ, વਤ੍ਥੁવਿਪਨ੍ਨਂ ਅਧਮ੍ਮਕਮ੍ਮਂ; ਪਬ੍ਬਾਜਨੀਯਕਮ੍ਮਾਰਹਸ੍ਸ ਪਟਿਸਾਰਣੀਯਕਮ੍ਮਂ ਕਰੋਤਿ, વਤ੍ਥੁવਿਪਨ੍ਨਂ ਅਧਮ੍ਮਕਮ੍ਮਂ; ਪਟਿਸਾਰਣੀਯਕਮ੍ਮਾਰਹਸ੍ਸ ਉਕ੍ਖੇਪਨੀਯਕਮ੍ਮਂ ਕਰੋਤਿ, વਤ੍ਥੁવਿਪਨ੍ਨਂ ਅਧਮ੍ਮਕਮ੍ਮਂ; ਉਕ੍ਖੇਪਨੀਯਕਮ੍ਮਾਰਹਸ੍ਸ ਪਰਿવਾਸਂ ਦੇਤਿ, વਤ੍ਥੁવਿਪਨ੍ਨਂ ਅਧਮ੍ਮਕਮ੍ਮਂ ; ਪਰਿવਾਸਾਰਹਂ ਮੂਲਾਯ ਪਟਿਕਸ੍ਸਤਿ, વਤ੍ਥੁવਿਪਨ੍ਨਂ ਅਧਮ੍ਮਕਮ੍ਮਂ; ਮੂਲਾਯਪਟਿਕਸ੍ਸਨਾਰਹਸ੍ਸ ਮਾਨਤ੍ਤਂ ਦੇਤਿ, વਤ੍ਥੁવਿਪਨ੍ਨਂ ਅਧਮ੍ਮਕਮ੍ਮਂ; ਮਾਨਤ੍ਤਾਰਹਂ ਅਬ੍ਭੇਤਿ, વਤ੍ਥੁવਿਪਨ੍ਨਂ ਅਧਮ੍ਮਕਮ੍ਮਂ; ਅਬ੍ਭਾਨਾਰਹਂ ਉਪਸਮ੍ਪਾਦੇਤਿ, વਤ੍ਥੁવਿਪਨ੍ਨਂ ਅਧਮ੍ਮਕਮ੍ਮਂ; ਅਨੁਪੋਸਥੇ ਉਪੋਸਥਂ ਕਰੋਤਿ, વਤ੍ਥੁવਿਪਨ੍ਨਂ ਅਧਮ੍ਮਕਮ੍ਮਂ; ਅਪવਾਰਣਾਯ ਪવਾਰੇਤਿ, વਤ੍ਥੁવਿਪਨ੍ਨਂ ਅਧਮ੍ਮਕਮ੍ਮਂ। ਏવਂ વਤ੍ਥੁਤੋ ਕਮ੍ਮਾਨਿ વਿਪਜ੍ਜਨ੍ਤਿ।
483. Kathaṃ vatthuto kammāni vipajjanti? Sammukhākaraṇīyaṃ kammaṃ asammukhā karoti, vatthuvipannaṃ adhammakammaṃ; paṭipucchākaraṇīyaṃ kammaṃ apaṭipucchā karoti, vatthuvipannaṃ adhammakammaṃ; paṭiññāya karaṇīyaṃ kammaṃ apaṭiññāya karoti, vatthuvipannaṃ adhammakammaṃ; sativinayārahassa amūḷhavinayaṃ deti, vatthuvipannaṃ adhammakammaṃ; amūḷhavinayārahassa tassapāpiyasikākammaṃ karoti, vatthuvipannaṃ adhammakammaṃ; tassapāpiyasikākammārahassa tajjanīyakammaṃ karoti, vatthuvipannaṃ adhammakammaṃ; tajjanīyakammārahassa niyassakammaṃ karoti, vatthuvipannaṃ adhammakammaṃ; niyassakammārahassa pabbājanīyakammaṃ karoti, vatthuvipannaṃ adhammakammaṃ; pabbājanīyakammārahassa paṭisāraṇīyakammaṃ karoti, vatthuvipannaṃ adhammakammaṃ; paṭisāraṇīyakammārahassa ukkhepanīyakammaṃ karoti, vatthuvipannaṃ adhammakammaṃ; ukkhepanīyakammārahassa parivāsaṃ deti, vatthuvipannaṃ adhammakammaṃ ; parivāsārahaṃ mūlāya paṭikassati, vatthuvipannaṃ adhammakammaṃ; mūlāyapaṭikassanārahassa mānattaṃ deti, vatthuvipannaṃ adhammakammaṃ; mānattārahaṃ abbheti, vatthuvipannaṃ adhammakammaṃ; abbhānārahaṃ upasampādeti, vatthuvipannaṃ adhammakammaṃ; anuposathe uposathaṃ karoti, vatthuvipannaṃ adhammakammaṃ; apavāraṇāya pavāreti, vatthuvipannaṃ adhammakammaṃ. Evaṃ vatthuto kammāni vipajjanti.
੪੮੪. ਕਥਂ ਞਤ੍ਤਿਤੋ ਕਮ੍ਮਾਨਿ વਿਪਜ੍ਜਨ੍ਤਿ? ਪਞ੍ਚਹਾਕਾਰੇਹਿ ਞਤ੍ਤਿਤੋ ਕਮ੍ਮਾਨਿ વਿਪਜ੍ਜਨ੍ਤਿ – વਤ੍ਥੁਂ ਨ ਪਰਾਮਸਤਿ, ਸਙ੍ਘਂ ਨ ਪਰਾਮਸਤਿ, ਪੁਗ੍ਗਲਂ ਨ ਪਰਾਮਸਤਿ, ਞਤ੍ਤਿਂ ਨ ਪਰਾਮਸਤਿ, ਪਚ੍ਛਾ વਾ ਞਤ੍ਤਿਂ ਠਪੇਤਿ – ਇਮੇਹਿ ਪਞ੍ਚਹਾਕਾਰੇਹਿ ਞਤ੍ਤਿਤੋ ਕਮ੍ਮਾਨਿ વਿਪਜ੍ਜਨ੍ਤਿ।
484. Kathaṃ ñattito kammāni vipajjanti? Pañcahākārehi ñattito kammāni vipajjanti – vatthuṃ na parāmasati, saṅghaṃ na parāmasati, puggalaṃ na parāmasati, ñattiṃ na parāmasati, pacchā vā ñattiṃ ṭhapeti – imehi pañcahākārehi ñattito kammāni vipajjanti.
੪੮੫. ਕਥਂ ਅਨੁਸ੍ਸਾવਨਤੋ ਕਮ੍ਮਾਨਿ વਿਪਜ੍ਜਨ੍ਤਿ? ਪਞ੍ਚਹਾਕਾਰੇਹਿ ਅਨੁਸ੍ਸਾવਨਤੋ ਕਮ੍ਮਾਨਿ વਿਪਜ੍ਜਨ੍ਤਿ – વਤ੍ਥੁਂ ਨ ਪਰਾਮਸਤਿ, ਸਙ੍ਘਂ ਨ ਪਰਾਮਸਤਿ, ਪੁਗ੍ਗਲਂ ਨ ਪਰਾਮਸਤਿ, ਸਾવਨਂ ਹਾਪੇਤਿ, ਅਕਾਲੇ વਾ ਸਾવੇਤਿ – ਇਮੇਹਿ ਪਞ੍ਚਹਾਕਾਰੇਹਿ ਅਨੁਸ੍ਸਾવਨਤੋ ਕਮ੍ਮਾਨਿ વਿਪਜ੍ਜਨ੍ਤਿ।
485. Kathaṃ anussāvanato kammāni vipajjanti? Pañcahākārehi anussāvanato kammāni vipajjanti – vatthuṃ na parāmasati, saṅghaṃ na parāmasati, puggalaṃ na parāmasati, sāvanaṃ hāpeti, akāle vā sāveti – imehi pañcahākārehi anussāvanato kammāni vipajjanti.
੪੮੬. ਕਥਂ ਸੀਮਤੋ ਕਮ੍ਮਾਨਿ વਿਪਜ੍ਜਨ੍ਤਿ? ਏਕਾਦਸਹਿ ਆਕਾਰੇਹਿ ਸੀਮਤੋ ਕਮ੍ਮਾਨਿ વਿਪਜ੍ਜਨ੍ਤਿ – ਅਤਿਖੁਦ੍ਦਕਂ ਸੀਮਂ ਸਮ੍ਮਨ੍ਨਤਿ, ਅਤਿਮਹਤਿਂ ਸੀਮਂ ਸਮ੍ਮਨ੍ਨਤਿ, ਖਣ੍ਡਨਿਮਿਤ੍ਤਂ ਸੀਮਂ ਸਮ੍ਮਨ੍ਨਤਿ, ਛਾਯਾਨਿਮਿਤ੍ਤਂ ਸੀਮਂ ਸਮ੍ਮਨ੍ਨਤਿ, ਅਨਿਮਿਤ੍ਤਂ ਸੀਮਂ ਸਮ੍ਮਨ੍ਨਤਿ, ਬਹਿਸੀਮੇ ਠਿਤੋ ਸੀਮਂ ਸਮ੍ਮਨ੍ਨਤਿ, ਨਦਿਯਾ ਸੀਮਂ ਸਮ੍ਮਨ੍ਨਤਿ, ਸਮੁਦ੍ਦੇ ਸੀਮਂ ਸਮ੍ਮਨ੍ਨਤਿ, ਜਾਤਸ੍ਸਰੇ ਸੀਮਂ ਸਮ੍ਮਨ੍ਨਤਿ, ਸੀਮਾਯ ਸੀਮਂ ਸਮ੍ਭਿਨ੍ਦਤਿ, ਸੀਮਾਯ ਸੀਮਂ ਅਜ੍ਝੋਤ੍ਥਰਤਿ – ਇਮੇਹਿ ਏਕਾਦਸਹਿ ਆਕਾਰੇਹਿ ਸੀਮਤੋ ਕਮ੍ਮਾਨਿ વਿਪਜ੍ਜਨ੍ਤਿ।
486. Kathaṃ sīmato kammāni vipajjanti? Ekādasahi ākārehi sīmato kammāni vipajjanti – atikhuddakaṃ sīmaṃ sammannati, atimahatiṃ sīmaṃ sammannati, khaṇḍanimittaṃ sīmaṃ sammannati, chāyānimittaṃ sīmaṃ sammannati, animittaṃ sīmaṃ sammannati, bahisīme ṭhito sīmaṃ sammannati, nadiyā sīmaṃ sammannati, samudde sīmaṃ sammannati, jātassare sīmaṃ sammannati, sīmāya sīmaṃ sambhindati, sīmāya sīmaṃ ajjhottharati – imehi ekādasahi ākārehi sīmato kammāni vipajjanti.
੪੮੭. ਕਥਂ ਪਰਿਸਤੋ ਕਮ੍ਮਾਨਿ વਿਪਜ੍ਜਨ੍ਤਿ? ਦ੍વਾਦਸਹਿ ਆਕਾਰੇਹਿ ਪਰਿਸਤੋ ਕਮ੍ਮਾਨਿ વਿਪਜ੍ਜਨ੍ਤਿ – ਚਤੁવਗ੍ਗਕਰਣੇ ਕਮ੍ਮੇ ਯਾવਤਿਕਾ ਭਿਕ੍ਖੂ ਕਮ੍ਮਪਤ੍ਤਾ ਤੇ ਅਨਾਗਤਾ ਹੋਨ੍ਤਿ, ਛਨ੍ਦਾਰਹਾਨਂ ਛਨ੍ਦੋ ਅਨਾਹਟੋ ਹੋਤਿ, ਸਮ੍ਮੁਖੀਭੂਤਾ ਪਟਿਕ੍ਕੋਸਨ੍ਤਿ, ਚਤੁવਗ੍ਗਕਰਣੇ ਕਮ੍ਮੇ ਯਾવਤਿਕਾ ਭਿਕ੍ਖੂ ਕਮ੍ਮਪਤ੍ਤਾ ਤੇ ਆਗਤਾ ਹੋਨ੍ਤਿ, ਛਨ੍ਦਾਰਹਾਨਂ ਛਨ੍ਦੋ ਅਨਾਹਟੋ ਹੋਤਿ, ਸਮ੍ਮੁਖੀਭੂਤਾ ਪਟਿਕ੍ਕੋਸਨ੍ਤਿ, ਚਤੁવਗ੍ਗਕਰਣੇ ਕਮ੍ਮੇ ਯਾવਤਿਕਾ ਭਿਕ੍ਖੂ ਕਮ੍ਮਪਤ੍ਤਾ ਤੇ ਆਗਤਾ ਹੋਨ੍ਤਿ, ਛਨ੍ਦਾਰਹਾਨਂ ਛਨ੍ਦੋ ਆਹਟੋ ਹੋਤਿ, ਸਮ੍ਮੁਖੀਭੂਤਾ ਪਟਿਕ੍ਕੋਸਨ੍ਤਿ। ਪਞ੍ਚવਗ੍ਗਕਰਣੇ ਕਮ੍ਮੇ…ਪੇ॰… ਦਸવਗ੍ਗਕਰਣੇ ਕਮ੍ਮੇ…ਪੇ॰… વੀਸਤਿવਗ੍ਗਕਰਣੇ ਕਮ੍ਮੇ ਯਾવਤਿਕਾ ਭਿਕ੍ਖੂ ਕਮ੍ਮਪਤ੍ਤਾ ਤੇ ਅਨਾਗਤਾ ਹੋਨ੍ਤਿ, ਛਨ੍ਦਾਰਹਾਨਂ ਛਨ੍ਦੋ ਅਨਾਹਟੋ ਹੋਤਿ, ਸਮ੍ਮੁਖੀਭੂਤਾ ਪਟਿਕ੍ਕੋਸਨ੍ਤਿ, વੀਸਤਿવਗ੍ਗਕਰਣੇ ਕਮ੍ਮੇ ਯਾવਤਿਕਾ ਭਿਕ੍ਖੂ ਕਮ੍ਮਪਤ੍ਤਾ, ਤੇ ਆਗਤਾ ਹੋਨ੍ਤਿ, ਛਨ੍ਦਾਰਹਾਨਂ ਛਨ੍ਦੋ ਅਨਾਹਟੋ ਹੋਤਿ, ਸਮ੍ਮੁਖੀਭੂਤਾ ਪਟਿਕ੍ਕੋਸਨ੍ਤਿ, વੀਸਤਿવਗ੍ਗਕਰਣੇ ਕਮ੍ਮੇ ਯਾવਤਿਕਾ ਭਿਕ੍ਖੂ ਕਮ੍ਮਪਤ੍ਤਾ, ਤੇ ਆਗਤਾ ਹੋਨ੍ਤਿ, ਛਨ੍ਦਾਰਹਾਨਂ ਛਨ੍ਦੋ ਆਹਟੋ ਹੋਤਿ ਸਮ੍ਮੁਖੀਭੂਤਾ ਪਟਿਕ੍ਕੋਸਨ੍ਤਿ – ਇਮੇਹਿ ਦ੍વਾਦਸਹਿ ਆਕਾਰੇਹਿ ਪਰਿਸਤੋ ਕਮ੍ਮਾਨਿ વਿਪਜ੍ਜਨ੍ਤਿ।
487. Kathaṃ parisato kammāni vipajjanti? Dvādasahi ākārehi parisato kammāni vipajjanti – catuvaggakaraṇe kamme yāvatikā bhikkhū kammapattā te anāgatā honti, chandārahānaṃ chando anāhaṭo hoti, sammukhībhūtā paṭikkosanti, catuvaggakaraṇe kamme yāvatikā bhikkhū kammapattā te āgatā honti, chandārahānaṃ chando anāhaṭo hoti, sammukhībhūtā paṭikkosanti, catuvaggakaraṇe kamme yāvatikā bhikkhū kammapattā te āgatā honti, chandārahānaṃ chando āhaṭo hoti, sammukhībhūtā paṭikkosanti. Pañcavaggakaraṇe kamme…pe… dasavaggakaraṇe kamme…pe… vīsativaggakaraṇe kamme yāvatikā bhikkhū kammapattā te anāgatā honti, chandārahānaṃ chando anāhaṭo hoti, sammukhībhūtā paṭikkosanti, vīsativaggakaraṇe kamme yāvatikā bhikkhū kammapattā, te āgatā honti, chandārahānaṃ chando anāhaṭo hoti, sammukhībhūtā paṭikkosanti, vīsativaggakaraṇe kamme yāvatikā bhikkhū kammapattā, te āgatā honti, chandārahānaṃ chando āhaṭo hoti sammukhībhūtā paṭikkosanti – imehi dvādasahi ākārehi parisato kammāni vipajjanti.
੪੮੮. ਚਤੁવਗ੍ਗਕਰਣੇ ਕਮ੍ਮੇ ਚਤ੍ਤਾਰੋ ਭਿਕ੍ਖੂ ਪਕਤਤ੍ਤਾ ਕਮ੍ਮਪਤ੍ਤਾ, ਅવਸੇਸਾ ਪਕਤਤ੍ਤਾ ਛਨ੍ਦਾਰਹਾ । ਯਸ੍ਸ ਸਙ੍ਘੋ ਕਮ੍ਮਂ ਕਰੋਤਿ ਸੋ ਨੇવ ਕਮ੍ਮਪਤ੍ਤੋ ਨਾਪਿ ਛਨ੍ਦਾਰਹੋ, ਅਪਿ ਚ ਕਮ੍ਮਾਰਹੋ। ਪਞ੍ਚવਗ੍ਗਕਰਣੇ ਕਮ੍ਮੇ ਪਞ੍ਚ ਭਿਕ੍ਖੂ ਪਕਤਤ੍ਤਾ ਕਮ੍ਮਪਤ੍ਤਾ, ਅવਸੇਸਾ ਪਕਤਤ੍ਤਾ ਛਨ੍ਦਾਰਹਾ। ਯਸ੍ਸ ਸਙ੍ਘੋ ਕਮ੍ਮਂ ਕਰੋਤਿ ਸੋ ਨੇવ ਕਮ੍ਮਪਤ੍ਤੋ ਨਾਪਿ ਛਨ੍ਦਾਰਹੋ, ਅਪਿ ਚ ਕਮ੍ਮਾਰਹੋ। ਦਸવਗ੍ਗਕਰਣੇ ਕਮ੍ਮੇ ਦਸ ਭਿਕ੍ਖੂ ਪਕਤਤ੍ਤਾ ਕਮ੍ਮਪਤ੍ਤਾ, ਅવਸੇਸਾ ਪਕਤਤ੍ਤਾ ਛਨ੍ਦਾਰਹਾ। ਯਸ੍ਸ ਸਙ੍ਘੋ ਕਮ੍ਮਂ ਕਰੋਤਿ ਸੋ ਨੇવ ਕਮ੍ਮਪਤ੍ਤੋ ਨਾਪਿ ਛਨ੍ਦਾਰਹੋ, ਅਪਿ ਚ ਕਮ੍ਮਾਰਹੋ। વੀਸਤਿવਗ੍ਗਕਰਣੇ ਕਮ੍ਮੇ વੀਸਤਿ ਭਿਕ੍ਖੂ ਪਕਤਤ੍ਤਾ ਕਮ੍ਮਪਤ੍ਤਾ, ਅવਸੇਸਾ ਪਕਤਤ੍ਤਾ ਛਨ੍ਦਾਰਹਾ। ਯਸ੍ਸ ਸਙ੍ਘੋ ਕਮ੍ਮਂ ਕਰੋਤਿ ਸੋ ਨੇવ ਕਮ੍ਮਪਤ੍ਤੋ ਨਾਪਿ ਛਨ੍ਦਾਰਹੋ, ਅਪਿ ਚ ਕਮ੍ਮਾਰਹੋ।
488. Catuvaggakaraṇe kamme cattāro bhikkhū pakatattā kammapattā, avasesā pakatattā chandārahā . Yassa saṅgho kammaṃ karoti so neva kammapatto nāpi chandāraho, api ca kammāraho. Pañcavaggakaraṇe kamme pañca bhikkhū pakatattā kammapattā, avasesā pakatattā chandārahā. Yassa saṅgho kammaṃ karoti so neva kammapatto nāpi chandāraho, api ca kammāraho. Dasavaggakaraṇe kamme dasa bhikkhū pakatattā kammapattā, avasesā pakatattā chandārahā. Yassa saṅgho kammaṃ karoti so neva kammapatto nāpi chandāraho, api ca kammāraho. Vīsativaggakaraṇe kamme vīsati bhikkhū pakatattā kammapattā, avasesā pakatattā chandārahā. Yassa saṅgho kammaṃ karoti so neva kammapatto nāpi chandāraho, api ca kammāraho.
੪੮੯. ਚਤ੍ਤਾਰਿ ਕਮ੍ਮਾਨਿ – ਅਪਲੋਕਨਕਮ੍ਮਂ, ਞਤ੍ਤਿਕਮ੍ਮਂ, ਞਤ੍ਤਿਦੁਤਿਯਕਮ੍ਮਂ, ਞਤ੍ਤਿਚਤੁਤ੍ਥਕਮ੍ਮਂ। ਇਮਾਨਿ ਚਤ੍ਤਾਰਿ ਕਮ੍ਮਾਨਿ ਕਤਿਹਾਕਾਰੇਹਿ વਿਪਜ੍ਜਨ੍ਤਿ? ਇਮਾਨਿ ਚਤ੍ਤਾਰਿ ਕਮ੍ਮਾਨਿ ਪਞ੍ਚਹਾਕਾਰੇਹਿ વਿਪਜ੍ਜਨ੍ਤਿ – વਤ੍ਥੁਤੋ વਾ ਞਤ੍ਤਿਤੋ વਾ ਅਨੁਸ੍ਸਾવਨਤੋ વਾ ਸੀਮਤੋ વਾ ਪਰਿਸਤੋ વਾ।
489. Cattāri kammāni – apalokanakammaṃ, ñattikammaṃ, ñattidutiyakammaṃ, ñatticatutthakammaṃ. Imāni cattāri kammāni katihākārehi vipajjanti? Imāni cattāri kammāni pañcahākārehi vipajjanti – vatthuto vā ñattito vā anussāvanato vā sīmato vā parisato vā.
੪੯੦. ਕਥਂ વਤ੍ਥੁਤੋ ਕਮ੍ਮਾਨਿ વਿਪਜ੍ਜਨ੍ਤਿ? ਪਣ੍ਡਕਂ ਉਪਸਮ੍ਪਾਦੇਤਿ , વਤ੍ਥੁવਿਪਨ੍ਨਂ ਅਧਮ੍ਮਕਮ੍ਮਂ। ਥੇਯ੍ਯਸਂવਾਸਕਂ ਉਪਸਮ੍ਪਾਦੇਤਿ, વਤ੍ਥੁવਿਪਨ੍ਨਂ ਅਧਮ੍ਮਕਮ੍ਮਂ। ਤਿਤ੍ਥਿਯਪਕ੍ਕਨ੍ਤਕਂ ਉਪਸਮ੍ਪਾਦੇਤਿ, વਤ੍ਥੁવਿਪਨ੍ਨਂ ਅਧਮ੍ਮਕਮ੍ਮਂ। ਤਿਰਚ੍ਛਾਨਗਤਂ ਉਪਸਮ੍ਪਾਦੇਤਿ, વਤ੍ਥੁવਿਪਨ੍ਨਂ ਅਧਮ੍ਮਕਮ੍ਮਂ। ਮਾਤੁਘਾਤਕਂ ਉਪਸਮ੍ਪਾਦੇਤਿ, વਤ੍ਥੁવਿਪਨ੍ਨਂ ਅਧਮ੍ਮਕਮ੍ਮਂ। ਪਿਤੁਘਾਤਕਂ ਉਪਸਮ੍ਪਾਦੇਤਿ, વਤ੍ਥੁવਿਪਨ੍ਨਂ ਅਧਮ੍ਮਕਮ੍ਮਂ। ਅਰਹਨ੍ਤਘਾਤਕਂ ਉਪਸਮ੍ਪਾਦੇਤਿ, વਤ੍ਥੁવਿਪਨ੍ਨਂ ਅਧਮ੍ਮਕਮ੍ਮਂ। ਭਿਕ੍ਖੁਨਿਦੂਸਕਂ ਉਪਸਮ੍ਪਾਦੇਤਿ, વਤ੍ਥੁવਿਪਨ੍ਨਂ ਅਧਮ੍ਮਕਮ੍ਮਂ। ਸਙ੍ਘਭੇਦਕਂ ਉਪਸਮ੍ਪਾਦੇਤਿ, વਤ੍ਥੁવਿਪਨ੍ਨਂ ਅਧਮ੍ਮਕਮ੍ਮਂ। ਲੋਹਿਤੁਪ੍ਪਾਦਕਂ ਉਪਸਮ੍ਪਾਦੇਤਿ, વਤ੍ਥੁવਿਪਨ੍ਨਂ ਅਧਮ੍ਮਕਮ੍ਮਂ। ਉਭਤੋਬ੍ਯਞ੍ਜਨਂ ਉਪਸਮ੍ਪਾਦੇਤਿ, વਤ੍ਥੁવਿਪਨ੍ਨਂ ਅਧਮ੍ਮਕਮ੍ਮਂ। ਊਨવੀਸਤਿવਸ੍ਸਂ ਪੁਗ੍ਗਲਂ ਉਪਸਮ੍ਪਾਦੇਤਿ, વਤ੍ਥੁવਿਪਨ੍ਨਂ ਅਧਮ੍ਮਕਮ੍ਮਂ। ਏવਂ વਤ੍ਥੁਤੋ ਕਮ੍ਮਾਨਿ વਿਪਜ੍ਜਨ੍ਤਿ।
490. Kathaṃ vatthuto kammāni vipajjanti? Paṇḍakaṃ upasampādeti , vatthuvipannaṃ adhammakammaṃ. Theyyasaṃvāsakaṃ upasampādeti, vatthuvipannaṃ adhammakammaṃ. Titthiyapakkantakaṃ upasampādeti, vatthuvipannaṃ adhammakammaṃ. Tiracchānagataṃ upasampādeti, vatthuvipannaṃ adhammakammaṃ. Mātughātakaṃ upasampādeti, vatthuvipannaṃ adhammakammaṃ. Pitughātakaṃ upasampādeti, vatthuvipannaṃ adhammakammaṃ. Arahantaghātakaṃ upasampādeti, vatthuvipannaṃ adhammakammaṃ. Bhikkhunidūsakaṃ upasampādeti, vatthuvipannaṃ adhammakammaṃ. Saṅghabhedakaṃ upasampādeti, vatthuvipannaṃ adhammakammaṃ. Lohituppādakaṃ upasampādeti, vatthuvipannaṃ adhammakammaṃ. Ubhatobyañjanaṃ upasampādeti, vatthuvipannaṃ adhammakammaṃ. Ūnavīsativassaṃ puggalaṃ upasampādeti, vatthuvipannaṃ adhammakammaṃ. Evaṃ vatthuto kammāni vipajjanti.
੪੯੧. ਕਥਂ ਞਤ੍ਤਿਤੋ ਕਮ੍ਮਾਨਿ વਿਪਜ੍ਜਨ੍ਤਿ? ਪਞ੍ਚਹਾਕਾਰੇਹਿ ਞਤ੍ਤਿਤੋ ਕਮ੍ਮਾਨਿ વਿਪਜ੍ਜਨ੍ਤਿ। વਤ੍ਥੁਂ ਨ ਪਰਾਮਸਤਿ, ਸਙ੍ਘਂ ਨ ਪਰਾਮਸਤਿ, ਪੁਗ੍ਗਲਂ ਨ ਪਰਾਮਸਤਿ, ਞਤ੍ਤਿਂ ਨ ਪਰਾਮਸਤਿ, ਪਚ੍ਛਾ વਾ ਞਤ੍ਤਿਂ ਠਪੇਤਿ – ਇਮੇਹਿ ਪਞ੍ਚਹਾਕਾਰੇਹਿ ਞਤ੍ਤਿਤੋ ਕਮ੍ਮਾਨਿ વਿਪਜ੍ਜਨ੍ਤਿ।
491. Kathaṃ ñattito kammāni vipajjanti? Pañcahākārehi ñattito kammāni vipajjanti. Vatthuṃ na parāmasati, saṅghaṃ na parāmasati, puggalaṃ na parāmasati, ñattiṃ na parāmasati, pacchā vā ñattiṃ ṭhapeti – imehi pañcahākārehi ñattito kammāni vipajjanti.
੪੯੨. ਕਥਂ ਅਨੁਸ੍ਸਾવਨਤੋ ਕਮ੍ਮਾਨਿ વਿਪਜ੍ਜਨ੍ਤਿ? ਪਞ੍ਚਹਾਕਾਰੇਹਿ ਅਨੁਸ੍ਸਾવਨਤੋ ਕਮ੍ਮਾਨਿ વਿਪਜ੍ਜਨ੍ਤਿ – વਤ੍ਥੁਂ ਨ ਪਰਾਮਸਤਿ, ਸਙ੍ਘਂ ਨ ਪਰਾਮਸਤਿ, ਪੁਗ੍ਗਲਂ ਨ ਪਰਾਮਸਤਿ, ਸਾવਨਂ ਹਾਪੇਤਿ, ਅਕਾਲੇ વਾ ਸਾવੇਤਿ – ਇਮੇਹਿ ਪਞ੍ਚਹਾਕਾਰੇਹਿ ਅਨੁਸ੍ਸਾવਨਤੋ ਕਮ੍ਮਾਨਿ વਿਪਜ੍ਜਨ੍ਤਿ।
492. Kathaṃ anussāvanato kammāni vipajjanti? Pañcahākārehi anussāvanato kammāni vipajjanti – vatthuṃ na parāmasati, saṅghaṃ na parāmasati, puggalaṃ na parāmasati, sāvanaṃ hāpeti, akāle vā sāveti – imehi pañcahākārehi anussāvanato kammāni vipajjanti.
੪੯੩. ਕਥਂ ਸੀਮਤੋ ਕਮ੍ਮਾਨਿ વਿਪਜ੍ਜਨ੍ਤਿ? ਏਕਾਦਸਹਿ ਆਕਾਰੇਹਿ ਸੀਮਤੋ ਕਮ੍ਮਾਨਿ વਿਪਜ੍ਜਨ੍ਤਿ। ਅਤਿਖੁਦ੍ਦਕਂ ਸੀਮਂ ਸਮ੍ਮਨ੍ਨਤਿ, ਅਤਿਮਹਤਿਂ ਸੀਮਂ ਸਮ੍ਮਨ੍ਨਤਿ, ਖਣ੍ਡਨਿਮਿਤ੍ਤਂ ਸੀਮਂ ਸਮ੍ਮਨ੍ਨਤਿ, ਛਾਯਾਨਿਮਿਤ੍ਤਂ ਸੀਮਂ ਸਮ੍ਮਨ੍ਨਤਿ, ਅਨਿਮਿਤ੍ਤਂ ਸੀਮਂ ਸਮ੍ਮਨ੍ਨਤਿ, ਬਹਿਸੀਮੇ ਠਿਤੋ ਸੀਮਂ ਸਮ੍ਮਨ੍ਨਤਿ, ਨਦਿਯਾ ਸੀਮਂ ਸਮ੍ਮਨ੍ਨਤਿ, ਸਮੁਦ੍ਦੇ ਸੀਮਂ ਸਮ੍ਮਨ੍ਨਤਿ, ਜਾਤਸ੍ਸਰੇ ਸੀਮਂ ਸਮ੍ਮਨ੍ਨਤਿ, ਸੀਮਾਯ ਸੀਮਂ ਸਮ੍ਭਿਨ੍ਦਤਿ, ਸੀਮਾਯ ਸੀਮਂ ਅਜ੍ਝੋਤ੍ਥਰਤਿ – ਇਮੇਹਿ ਏਕਾਦਸਹਿ ਆਕਾਰੇਹਿ ਸੀਮਤੋ ਕਮ੍ਮਾਨਿ વਿਪਜ੍ਜਨ੍ਤਿ।
493. Kathaṃ sīmato kammāni vipajjanti? Ekādasahi ākārehi sīmato kammāni vipajjanti. Atikhuddakaṃ sīmaṃ sammannati, atimahatiṃ sīmaṃ sammannati, khaṇḍanimittaṃ sīmaṃ sammannati, chāyānimittaṃ sīmaṃ sammannati, animittaṃ sīmaṃ sammannati, bahisīme ṭhito sīmaṃ sammannati, nadiyā sīmaṃ sammannati, samudde sīmaṃ sammannati, jātassare sīmaṃ sammannati, sīmāya sīmaṃ sambhindati, sīmāya sīmaṃ ajjhottharati – imehi ekādasahi ākārehi sīmato kammāni vipajjanti.
੪੯੪. ਕਥਂ ਪਰਿਸਤੋ ਕਮ੍ਮਾਨਿ વਿਪਜ੍ਜਨ੍ਤਿ? ਦ੍વਾਦਸਹਿ ਆਕਾਰੇਹਿ ਪਰਿਸਤੋ ਕਮ੍ਮਾਨਿ વਿਪਜ੍ਜਨ੍ਤਿ – ਚਤੁવਗ੍ਗਕਰਣੇ ਕਮ੍ਮੇ ਯਾવਤਿਕਾ ਭਿਕ੍ਖੂ ਕਮ੍ਮਪਤ੍ਤਾ ਤੇ ਅਨਾਗਤਾ ਹੋਨ੍ਤਿ, ਛਨ੍ਦਾਰਹਾਨਂ ਛਨ੍ਦੋ ਅਨਾਹਟੋ ਹੋਤਿ, ਸਮ੍ਮੁਖੀਭੂਤਾ ਪਟਿਕ੍ਕੋਸਨ੍ਤਿ, ਚਤੁવਗ੍ਗਕਰਣੇ ਕਮ੍ਮੇ ਯਾવਤਿਕਾ ਭਿਕ੍ਖੂ ਕਮ੍ਮਪਤ੍ਤਾ ਤੇ ਆਗਤਾ ਹੋਨ੍ਤਿ, ਛਨ੍ਦਾਰਹਾਨਂ ਛਨ੍ਦੋ ਅਨਾਹਟੋ ਹੋਤਿ, ਸਮ੍ਮੁਖੀਭੂਤਾ ਪਟਿਕ੍ਕੋਸਨ੍ਤਿ। ਚਤੁવਗ੍ਗਕਰਣੇ ਕਮ੍ਮੇ ਯਾવਤਿਕਾ ਭਿਕ੍ਖੂ ਕਮ੍ਮਪਤ੍ਤਾ ਤੇ ਆਗਤਾ ਹੋਨ੍ਤਿ, ਛਨ੍ਦਾਰਹਾਨਂ ਛਨ੍ਦੋ ਆਹਟੋ ਹੋਤਿ ਸਮ੍ਮੁਖੀਭੂਤਾ ਪਟਿਕ੍ਕੋਸਨ੍ਤਿ। ਪਞ੍ਚવਗ੍ਗਕਰਣੇ ਕਮ੍ਮੇ…ਪੇ॰… ਦਸવਗ੍ਗਕਰਣੇ ਕਮ੍ਮੇ…ਪੇ॰… વੀਸਤਿવਗ੍ਗਕਰਣੇ ਕਮ੍ਮੇ ਯਾવਤਿਕਾ ਭਿਕ੍ਖੂ ਕਮ੍ਮਪਤ੍ਤਾ ਤੇ ਅਨਾਗਤਾ ਹੋਨ੍ਤਿ, ਛਨ੍ਦਾਰਹਾਨਂ ਛਨ੍ਦੋ ਅਨਾਹਟੋ ਹੋਤਿ, ਸਮ੍ਮੁਖੀਭੂਤਾ ਪਟਿਕ੍ਕੋਸਨ੍ਤਿ। વੀਸਤਿવਗ੍ਗਕਰਣੇ ਕਮ੍ਮੇ ਯਾવਤਿਕਾ ਭਿਕ੍ਖੂ ਕਮ੍ਮਪਤ੍ਤਾ ਤੇ ਆਗਤਾ ਹੋਨ੍ਤਿ, ਛਨ੍ਦਾਰਹਾਨਂ ਛਨ੍ਦੋ ਅਨਾਹਟੋ ਹੋਤਿ, ਸਮ੍ਮੁਖੀਭੂਤਾ ਪਟਿਕ੍ਕੋਸਨ੍ਤਿ। વੀਸਤਿવਗ੍ਗਕਰਣੇ ਕਮ੍ਮੇ ਯਾવਤਿਕਾ ਭਿਕ੍ਖੂ ਕਮ੍ਮਪਤ੍ਤਾ ਤੇ ਆਗਤਾ ਹੋਨ੍ਤਿ, ਛਨ੍ਦਾਰਹਾਨਂ ਛਨ੍ਦੋ ਆਹਟੋ ਹੋਤਿ, ਸਮ੍ਮੁਖੀਭੂਤਾ ਪਟਿਕ੍ਕੋਸਨ੍ਤਿ – ਇਮੇਹਿ ਦ੍વਾਦਸਹਿ ਆਕਾਰੇਹਿ ਪਰਿਸਤੋ ਕਮ੍ਮਾਨਿ વਿਪਜ੍ਜਨ੍ਤਿ।
494. Kathaṃ parisato kammāni vipajjanti? Dvādasahi ākārehi parisato kammāni vipajjanti – catuvaggakaraṇe kamme yāvatikā bhikkhū kammapattā te anāgatā honti, chandārahānaṃ chando anāhaṭo hoti, sammukhībhūtā paṭikkosanti, catuvaggakaraṇe kamme yāvatikā bhikkhū kammapattā te āgatā honti, chandārahānaṃ chando anāhaṭo hoti, sammukhībhūtā paṭikkosanti. Catuvaggakaraṇe kamme yāvatikā bhikkhū kammapattā te āgatā honti, chandārahānaṃ chando āhaṭo hoti sammukhībhūtā paṭikkosanti. Pañcavaggakaraṇe kamme…pe… dasavaggakaraṇe kamme…pe… vīsativaggakaraṇe kamme yāvatikā bhikkhū kammapattā te anāgatā honti, chandārahānaṃ chando anāhaṭo hoti, sammukhībhūtā paṭikkosanti. Vīsativaggakaraṇe kamme yāvatikā bhikkhū kammapattā te āgatā honti, chandārahānaṃ chando anāhaṭo hoti, sammukhībhūtā paṭikkosanti. Vīsativaggakaraṇe kamme yāvatikā bhikkhū kammapattā te āgatā honti, chandārahānaṃ chando āhaṭo hoti, sammukhībhūtā paṭikkosanti – imehi dvādasahi ākārehi parisato kammāni vipajjanti.
੪੯੫. ਅਪਲੋਕਨਕਮ੍ਮਂ ਕਤਿ ਠਾਨਾਨਿ ਗਚ੍ਛਤਿ? ਞਤ੍ਤਿਕਮ੍ਮਂ ਕਤਿ ਠਾਨਾਨਿ ਗਚ੍ਛਤਿ? ਞਤ੍ਤਿਦੁਤਿਯਕਮ੍ਮਂ ਕਤਿ ਠਾਨਾਨਿ ਗਚ੍ਛਤਿ? ਞਤ੍ਤਿਚਤੁਤ੍ਥਕਮ੍ਮਂ ਕਤਿ ਠਾਨਾਨਿ ਗਚ੍ਛਤਿ? ਅਪਲੋਕਨਕਮ੍ਮਂ ਪਞ੍ਚ ਠਾਨਾਨਿ ਗਚ੍ਛਤਿ। ਞਤ੍ਤਿਕਮ੍ਮਂ ਨવ ਠਾਨਾਨਿ ਗਚ੍ਛਤਿ। ਞਤ੍ਤਿਦੁਤਿਯਕਮ੍ਮਂ ਸਤ੍ਤ ਠਾਨਾਨਿ ਗਚ੍ਛਤਿ। ਞਤ੍ਤਿਚਤੁਤ੍ਥਕਮ੍ਮਂ ਸਤ੍ਤ ਠਾਨਾਨਿ ਗਚ੍ਛਤਿ।
495. Apalokanakammaṃ kati ṭhānāni gacchati? Ñattikammaṃ kati ṭhānāni gacchati? Ñattidutiyakammaṃ kati ṭhānāni gacchati? Ñatticatutthakammaṃ kati ṭhānāni gacchati? Apalokanakammaṃ pañca ṭhānāni gacchati. Ñattikammaṃ nava ṭhānāni gacchati. Ñattidutiyakammaṃ satta ṭhānāni gacchati. Ñatticatutthakammaṃ satta ṭhānāni gacchati.
੪੯੬. ਅਪਲੋਕਨਕਮ੍ਮਂ ਕਤਮਾਨਿ ਪਞ੍ਚ ਠਾਨਾਨਿ ਗਚ੍ਛਤਿ? ਓਸਾਰਣਂ, ਨਿਸ੍ਸਾਰਣਂ, ਭਣ੍ਡੁਕਮ੍ਮਂ, ਬ੍ਰਹ੍ਮਦਣ੍ਡਂ, ਕਮ੍ਮਲਕ੍ਖਣਞ੍ਞੇવ ਪਞ੍ਚਮਂ – ਅਪਲੋਕਨਕਮ੍ਮਂ ਇਮਾਨਿ ਪਞ੍ਚ ਠਾਨਾਨਿ ਗਚ੍ਛਤਿ । ਞਤ੍ਤਿਕਮ੍ਮਂ ਕਤਮਾਨਿ ਨવ ਠਾਨਾਨਿ ਗਚ੍ਛਤਿ? ਓਸਾਰਣਂ, ਨਿਸ੍ਸਾਰਣਂ, ਉਪੋਸਥਂ, ਪવਾਰਣਂ, ਸਮ੍ਮੁਤਿਂ, ਦਾਨਂ, ਪਟਿਗ੍ਗਹਂ, ਪਚ੍ਚੁਕ੍ਕਡ੍ਢਨਂ, ਕਮ੍ਮਲਕ੍ਖਣਞ੍ਞੇવ ਨવਮਂ – ਞਤ੍ਤਿਕਮ੍ਮਂ ਇਮਾਨਿ ਨવ ਠਾਨਾਨਿ ਗਚ੍ਛਤਿ। ਞਤ੍ਤਿਦੁਤਿਯਕਮ੍ਮਂ ਕਤਮਾਨਿ ਸਤ੍ਤ ਠਾਨਾਨਿ ਗਚ੍ਛਤਿ? ਓਸਾਰਣਂ, ਨਿਸ੍ਸਾਰਣਂ, ਸਮ੍ਮੁਤਿਂ, ਦਾਨਂ, ਉਦ੍ਧਰਣਂ, ਦੇਸਨਂ, ਕਮ੍ਮਲਕ੍ਖਣਞ੍ਞੇવ ਸਤ੍ਤਮਂ – ਞਤ੍ਤਿਦੁਤਿਯਕਮ੍ਮਂ ਇਮਾਨਿ ਸਤ੍ਤ ਠਾਨਾਨਿ ਗਚ੍ਛਤਿ। ਞਤ੍ਤਿਚਤੁਤ੍ਥਕਮ੍ਮਂ ਕਤਮਾਨਿ ਸਤ੍ਤ ਠਾਨਾਨਿ ਗਚ੍ਛਤਿ? ਓਸਾਰਣਂ, ਨਿਸ੍ਸਾਰਣਂ, ਸਮ੍ਮੁਤਿਂ, ਦਾਨਂ, ਨਿਗ੍ਗਹਂ, ਸਮਨੁਭਾਸਨਂ, ਕਮ੍ਮਲਕ੍ਖਣਞ੍ਞੇવ ਸਤ੍ਤਮਂ – ਞਤ੍ਤਿਚਤੁਤ੍ਥਕਮ੍ਮਂ ਇਮਾਨਿ ਸਤ੍ਤ ਠਾਨਾਨਿ ਗਚ੍ਛਤਿ।
496. Apalokanakammaṃ katamāni pañca ṭhānāni gacchati? Osāraṇaṃ, nissāraṇaṃ, bhaṇḍukammaṃ, brahmadaṇḍaṃ, kammalakkhaṇaññeva pañcamaṃ – apalokanakammaṃ imāni pañca ṭhānāni gacchati . Ñattikammaṃ katamāni nava ṭhānāni gacchati? Osāraṇaṃ, nissāraṇaṃ, uposathaṃ, pavāraṇaṃ, sammutiṃ, dānaṃ, paṭiggahaṃ, paccukkaḍḍhanaṃ, kammalakkhaṇaññeva navamaṃ – ñattikammaṃ imāni nava ṭhānāni gacchati. Ñattidutiyakammaṃ katamāni satta ṭhānāni gacchati? Osāraṇaṃ, nissāraṇaṃ, sammutiṃ, dānaṃ, uddharaṇaṃ, desanaṃ, kammalakkhaṇaññeva sattamaṃ – ñattidutiyakammaṃ imāni satta ṭhānāni gacchati. Ñatticatutthakammaṃ katamāni satta ṭhānāni gacchati? Osāraṇaṃ, nissāraṇaṃ, sammutiṃ, dānaṃ, niggahaṃ, samanubhāsanaṃ, kammalakkhaṇaññeva sattamaṃ – ñatticatutthakammaṃ imāni satta ṭhānāni gacchati.
੪੯੭. ਚਤੁવਗ੍ਗਕਰਣੇ ਕਮ੍ਮੇ ਚਤ੍ਤਾਰੋ ਭਿਕ੍ਖੂ ਪਕਤਤ੍ਤਾ ਕਮ੍ਮਪਤ੍ਤਾ, ਅવਸੇਸਾ ਪਕਤਤ੍ਤਾ ਛਨ੍ਦਾਰਹਾ। ਯਸ੍ਸ ਸਙ੍ਘੋ ਕਮ੍ਮਂ ਕਰੋਤਿ ਸੋ ਨੇવ ਕਮ੍ਮਪਤ੍ਤੋ ਨਾਪਿ ਛਨ੍ਦਾਰਹੋ, ਅਪਿ ਚ ਕਮ੍ਮਾਰਹੋ। ਪਞ੍ਚવਗ੍ਗਕਰਣੇ ਕਮ੍ਮੇ ਪਞ੍ਚ ਭਿਕ੍ਖੂ ਪਕਤਤ੍ਤਾ ਕਮ੍ਮਪਤ੍ਤਾ, ਅવਸੇਸਾ ਪਕਤਤ੍ਤਾ ਛਨ੍ਦਾਰਹਾ। ਯਸ੍ਸ ਸਙ੍ਘੋ ਕਮ੍ਮਂ ਕਰੋਤਿ ਸੋ ਨੇવ ਕਮ੍ਮਪਤ੍ਤੋ ਨਾਪਿ ਛਨ੍ਦਾਰਹੋ, ਅਪਿ ਚ ਕਮ੍ਮਾਰਹੋ। ਦਸવਗ੍ਗਕਰਣੇ ਕਮ੍ਮੇ ਦਸ ਭਿਕ੍ਖੂ ਪਕਤਤ੍ਤਾ ਕਮ੍ਮਪਤ੍ਤਾ, ਅવਸੇਸਾ ਪਕਤਤ੍ਤਾ ਛਨ੍ਦਾਰਹਾ। ਯਸ੍ਸ ਸਙ੍ਘੋ ਕਮ੍ਮਂ ਕਰੋਤਿ ਸੋ ਨੇવ ਕਮ੍ਮਪਤ੍ਤੋ ਨਾਪਿ ਛਨ੍ਦਾਰਹੋ, ਅਪਿ ਚ ਕਮ੍ਮਾਰਹੋ। વੀਸਤਿવਗ੍ਗਕਰਣੇ ਕਮ੍ਮੇ વੀਸਤਿ ਭਿਕ੍ਖੂ ਪਕਤਤ੍ਤਾ ਕਮ੍ਮਪਤ੍ਤਾ, ਅવਸੇਸਾ ਪਕਤਤ੍ਤਾ ਛਨ੍ਦਾਰਹਾ। ਯਸ੍ਸ ਸਙ੍ਘੋ ਕਮ੍ਮਂ ਕਰੋਤਿ ਸੋ ਨੇવ ਕਮ੍ਮਪਤ੍ਤੋ ਨਾਪਿ ਛਨ੍ਦਾਰਹੋ, ਅਪਿ ਚ ਕਮ੍ਮਾਰਹੋ।
497. Catuvaggakaraṇe kamme cattāro bhikkhū pakatattā kammapattā, avasesā pakatattā chandārahā. Yassa saṅgho kammaṃ karoti so neva kammapatto nāpi chandāraho, api ca kammāraho. Pañcavaggakaraṇe kamme pañca bhikkhū pakatattā kammapattā, avasesā pakatattā chandārahā. Yassa saṅgho kammaṃ karoti so neva kammapatto nāpi chandāraho, api ca kammāraho. Dasavaggakaraṇe kamme dasa bhikkhū pakatattā kammapattā, avasesā pakatattā chandārahā. Yassa saṅgho kammaṃ karoti so neva kammapatto nāpi chandāraho, api ca kammāraho. Vīsativaggakaraṇe kamme vīsati bhikkhū pakatattā kammapattā, avasesā pakatattā chandārahā. Yassa saṅgho kammaṃ karoti so neva kammapatto nāpi chandāraho, api ca kammāraho.
ਕਮ੍ਮવਗ੍ਗੋ ਨਿਟ੍ਠਿਤੋ ਪਠਮੋ।
Kammavaggo niṭṭhito paṭhamo.
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā
ਕਮ੍ਮવਗ੍ਗવਣ੍ਣਨਾ • Kammavaggavaṇṇanā
ਅਪਲੋਕਨਕਮ੍ਮਕਥਾ • Apalokanakammakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā
ਕਮ੍ਮવਗ੍ਗવਣ੍ਣਨਾ • Kammavaggavaṇṇanā
ਅਪਲੋਕਨਕਮ੍ਮਕਥਾવਣ੍ਣਨਾ • Apalokanakammakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā
ਕਮ੍ਮવਗ੍ਗવਣ੍ਣਨਾ • Kammavaggavaṇṇanā
ਅਪਲੋਕਨਕਮ੍ਮਕਥਾવਣ੍ਣਨਾ • Apalokanakammakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā
ਕਮ੍ਮવਗ੍ਗવਣ੍ਣਨਾ • Kammavaggavaṇṇanā
ਅਪਲੋਕਨਕਮ੍ਮਕਥਾવਣ੍ਣਨਾ • Apalokanakammakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi
ਕਮ੍ਮવਗ੍ਗવਣ੍ਣਨਾ • Kammavaggavaṇṇanā
ਅਪਲੋਕਨਕਮ੍ਮਕਥਾ • Apalokanakammakathā
