| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
3. нанд̣̇аваг̇г̇о
3. Nandavaggo
1. гаммавибаагаж̇асуд̇д̇аван̣н̣анаа
1. Kammavipākajasuttavaṇṇanā
21. нанд̣̇аваг̇г̇асса батамз ан̃н̃ад̇аро бхигкууд̇и наамаг̇од̇д̇зна абаагадо зго кийн̣аасавабхигку. со гира рааж̇аг̇ахаваасий гулабуд̇д̇о мог̇г̇аллаанад̇т̇зрзна сам̣взж̇ид̇о сам̣саарад̣̇осам̣ д̣̇исваа сад̇т̇у санд̇игз баб̣б̣аж̇ид̇ваа сийлаани сод̇хзд̇ваа жад̇усажжагаммадтаанам̣ г̇ахзд̇ваа на жирассзва вибассанам̣ уссуггаабзд̇ваа арахад̇д̇ам̣ баабун̣и. д̇асса абарабхааг̇з каро ааб̣аад̇хо уббаж̇ж̇и, со бажжавзгкан̣ааяа ад̇хиваасзнд̇о вихарад̇и. кийн̣аасаваанан̃хи жзд̇асигад̣̇угкам̣ наама над̇т̇и, гааяигад̣̇угкам̣ бана ход̇иязва. со згад̣̇ивасам̣ бхаг̇авад̇о д̇хаммам̣ д̣̇зсзнд̇асса наад̇ид̣̇уурз таанз д̣̇угкам̣ ад̇хиваасзнд̇о баллан̇гзна нисийд̣̇и. д̇зна вуд̇д̇ам̣ ‘‘бхаг̇авад̇о авид̣̇уурз нисинно ход̇ий’’д̇иаад̣̇и.
21. Nandavaggassa paṭhame aññataro bhikkhūti nāmagottena apākaṭo eko khīṇāsavabhikkhu. So kira rājagahavāsī kulaputto moggallānattherena saṃvejito saṃsāradosaṃ disvā satthu santike pabbajitvā sīlāni sodhetvā catusaccakammaṭṭhānaṃ gahetvā na cirasseva vipassanaṃ ussukkāpetvā arahattaṃ pāpuṇi. Tassa aparabhāge kharo ābādho uppajji, so paccavekkhaṇāya adhivāsento viharati. Khīṇāsavānañhi cetasikadukkhaṃ nāma natthi, kāyikadukkhaṃ pana hotiyeva. So ekadivasaṃ bhagavato dhammaṃ desentassa nātidūre ṭhāne dukkhaṃ adhivāsento pallaṅkena nisīdi. Tena vuttaṃ ‘‘bhagavato avidūre nisinno hotī’’tiādi.
д̇ад̇т̇а баллан̇ганд̇и саманд̇ад̇о ууруб̣ад̣̇д̇хаасанам̣. аабхуж̇ид̇ваад̇и б̣анд̇хид̇ваа. уж̇ум̣ гааяам̣ бан̣ид̇хааяаад̇и убаримам̣ сарийрам̣ уж̇угам̣ табзд̇ваа адтаараса бидтиган̣дагз годияаа годим̣ бадибаад̣̇зд̇ваа. зван̃хи нисиннасса жаммамам̣санхаарууни на наманд̇и, д̇асмаа со д̇ат̇аа нисинно ход̇и. бураан̣агаммавибаагаж̇анд̇и буб̣б̣з гад̇асса гаммасса вибаагабхаавзна ж̇аад̇ам̣, бураан̣агаммавибаагз ваа сукад̣̇угкаббагаарз вибаагаваддасамуд̣̇ааяз д̇ад̣̇згад̣̇зсабхаавзна ж̇аад̇ам̣. гим̣ д̇ам̣? д̣̇угкам̣. бураан̣агаммавибаагаж̇анд̇и жа иминаа д̇асса ааб̣аад̇хасса гаммасамудтаанад̇ам̣ д̣̇ассзнд̇о обаггамигауд̇увибарин̣аамаж̇аад̣̇ибхаавам̣ бадигкибад̇и. д̣̇угканд̇и бажураж̇анзхи камид̇ум̣ асаггун̣зяяам̣. д̇иб̣б̣анд̇и д̇икин̣ам̣, абхибхавид̇ваа бавад̇д̇ияаа б̣ахалам̣ ваа. каранд̇и гагкал̣ам̣. гадуганд̇и асаад̇ам̣. ад̇хиваасзнд̇од̇и убари ваасзнд̇о саханд̇о каманд̇о.
Tattha pallaṅkanti samantato ūrubaddhāsanaṃ. Ābhujitvāti bandhitvā. Ujuṃ kāyaṃ paṇidhāyāti uparimaṃ sarīraṃ ujukaṃ ṭhapetvā aṭṭhārasa piṭṭhikaṇṭake koṭiyā koṭiṃ paṭipādetvā. Evañhi nisinnassa cammamaṃsanhārūni na namanti, tasmā so tathā nisinno hoti. Purāṇakammavipākajanti pubbe katassa kammassa vipākabhāvena jātaṃ, purāṇakammavipāke vā sukhadukkhappakāre vipākavaṭṭasamudāye tadekadesabhāvena jātaṃ. Kiṃ taṃ? Dukkhaṃ. Purāṇakammavipākajanti ca iminā tassa ābādhassa kammasamuṭṭhānataṃ dassento opakkamikautuvipariṇāmajādibhāvaṃ paṭikkhipati. Dukkhanti pacurajanehi khamituṃ asakkuṇeyyaṃ. Tibbanti tikhiṇaṃ, abhibhavitvā pavattiyā bahalaṃ vā. Kharanti kakkhaḷaṃ. Kaṭukanti asātaṃ. Adhivāsentoti upari vāsento sahanto khamanto.
сад̇о самбаж̇аанод̇и взд̣̇анаабариг̇г̇аахагаанам̣ сад̇исамбаж̇ан̃н̃аанам̣ васзна сад̇имаа самбаж̇аананд̇о жа. ид̣̇ам̣ вуд̇д̇ам̣ ход̇и – ‘‘аяам̣ взд̣̇анаа наама худ̇ваа абхаавадтзна анижжаа, анидтаарамман̣аад̣̇ибажжаяз бадижжа уббаннад̇д̇аа бадижжасамуббаннаа, уббаж̇ж̇ид̇ваа зганд̇зна бхиж̇ж̇анасабхаавад̇д̇аа каяад̇хаммаа ваяад̇хаммаа вирааг̇ад̇хаммаа нирод̇хад̇хаммаа’’д̇и взд̣̇анааяа анижжад̇аасаллагкан̣авасзна сад̇огаарид̇ааяа сад̇о , авибарийд̇асабхаавабадивиж̇жханавасзна самбаж̇аано жа худ̇ваа. ат̇а ваа сад̇ивзбуллабад̇д̇ияаа саб̣б̣ад̇т̇зва гааяавзд̣̇анаажид̇д̇ад̇хаммзсу судту убадтид̇асад̇ид̇ааяа сад̇о, д̇ат̇аа бан̃н̃аавзбуллаббад̇д̇ияаа бариг̇г̇ахид̇асан̇каарад̇ааяа самбаж̇аано. авихан̃н̃амаанод̇и ‘‘ассуд̇аваа, бхигкавз, бут̇уж̇ж̇ано ан̃н̃ад̇аран̃н̃ад̇арзна д̣̇угкад̇хаммзна пудто самаано сожад̇и гиламад̇и барид̣̇звад̇и урад̇д̇аал̣им̣ ганд̣̇ад̇и саммохам̣ аабаж̇ж̇ад̇ий’’д̇и вуд̇д̇анаязна анд̇хабут̇уж̇ж̇ано вияа на вихан̃н̃амаано маг̇г̇знзва самуг̇гхаад̇ид̇ад̇д̇аа жзд̇од̣̇угкам̣ ануббаад̣̇знд̇о гзвалам̣ гаммавибаагаж̇ам̣ сарийрад̣̇угкам̣ ад̇хиваасзнд̇о самаабад̇д̇им̣ самаабанно вияа нисинно ход̇и. ад̣̇д̣̇асаад̇и д̇ам̣ ааяасманд̇ам̣ ад̇хиваасанаканд̇ияаа д̇ат̇аа нисиннам̣ ад̣̇д̣̇агки.
Sato sampajānoti vedanāpariggāhakānaṃ satisampajaññānaṃ vasena satimā sampajānanto ca. Idaṃ vuttaṃ hoti – ‘‘ayaṃ vedanā nāma hutvā abhāvaṭṭhena aniccā, aniṭṭhārammaṇādipaccaye paṭicca uppannattā paṭiccasamuppannā, uppajjitvā ekantena bhijjanasabhāvattā khayadhammā vayadhammā virāgadhammā nirodhadhammā’’ti vedanāya aniccatāsallakkhaṇavasena satokāritāya sato, aviparītasabhāvapaṭivijjhanavasena sampajāno ca hutvā. Atha vā sativepullapattiyā sabbattheva kāyavedanācittadhammesu suṭṭhu upaṭṭhitasatitāya sato, tathā paññāvepullappattiyā pariggahitasaṅkhāratāya sampajāno. Avihaññamānoti ‘‘assutavā, bhikkhave, puthujjano aññataraññatarena dukkhadhammena phuṭṭho samāno socati kilamati paridevati urattāḷiṃ kandati sammohaṃ āpajjatī’’ti vuttanayena andhaputhujjano viya na vihaññamāno maggeneva samugghātitattā cetodukkhaṃ anuppādento kevalaṃ kammavipākajaṃ sarīradukkhaṃ adhivāsento samāpattiṃ samāpanno viya nisinno hoti. Addasāti taṃ āyasmantaṃ adhivāsanakhantiyā tathā nisinnaṃ addakkhi.
зд̇амад̇т̇анд̇и зд̇ам̣ д̇аад̣̇исассаби рог̇асса взж̇ж̇аад̣̇ийхи д̇игижчанад̇т̇ам̣ ануссуггаабаж̇ж̇анагааран̣ам̣ кийн̣аасаваанам̣ логад̇хаммзхи анубалзбид̇асан̇каад̇ам̣ ад̇т̇ам̣ саб̣б̣аагаарад̇о вид̣̇ид̇ваа. имам̣ уд̣̇аананд̇и имам̣ сан̇кад̇ад̇хаммаанам̣ язхи гзхижи д̣̇угкад̇хаммзхи авигхаад̇абад̇д̇ивибхааванам̣ уд̣̇аанам̣ уд̣̇аанзси.
Etamatthanti etaṃ tādisassapi rogassa vejjādīhi tikicchanatthaṃ anussukkāpajjanakāraṇaṃ khīṇāsavānaṃ lokadhammehi anupalepitasaṅkhātaṃ atthaṃ sabbākārato viditvā. Imaṃ udānanti imaṃ saṅkhatadhammānaṃ yehi kehici dukkhadhammehi avighātapattivibhāvanaṃ udānaṃ udānesi.
д̇ад̇т̇а саб̣б̣агаммаж̇ахассаад̇и бахийнасаб̣б̣агаммасса. аг̇г̇амаг̇г̇асса хи уббаннагаалад̇о бадтааяа арахад̇о саб̣б̣аани гусалаагусалагаммаани бахийнаани наама хонд̇и бадисанд̇хим̣ д̣̇аад̇ум̣ асамад̇т̇абхаавад̇о, яад̇о арияамаг̇г̇ан̃аан̣ам̣ гаммагкаяагаранд̇и вужжад̇и. бхигкунод̇и бхиннагилзсад̇ааяа бхигкуно. д̇хунамаанасса бурз гад̇ам̣ раж̇анд̇и арахад̇д̇аббад̇д̇ид̇о буб̣б̣з гад̇ам̣ рааг̇араж̇аад̣̇имиссад̇ааяа раж̇анд̇и лад̣̇д̇ханаамам̣ д̣̇угкавзд̣̇анийяам̣ гаммам̣ вибаагабадисам̣взд̣̇анзна д̇ам̣ д̇хунанд̇асса вид̣̇д̇хам̣сзнд̇асса, арахад̇д̇аббад̇д̇ияаа барад̇о бана сааваж̇ж̇агирияааяа самбхавоязва над̇т̇и, анаваж̇ж̇агирияаа жа бхавамууласса самужчиннад̇д̇аа самужчиннамуулад̇ааяа бубпам̣ вияа палад̣̇аанасамад̇т̇ад̇ааяа абхаавад̇о гирияамад̇д̇аава ход̇и.
Tattha sabbakammajahassāti pahīnasabbakammassa. Aggamaggassa hi uppannakālato paṭṭhāya arahato sabbāni kusalākusalakammāni pahīnāni nāma honti paṭisandhiṃ dātuṃ asamatthabhāvato, yato ariyamaggañāṇaṃ kammakkhayakaranti vuccati. Bhikkhunoti bhinnakilesatāya bhikkhuno. Dhunamānassa pure kataṃ rajanti arahattappattito pubbe kataṃ rāgarajādimissatāya rajanti laddhanāmaṃ dukkhavedanīyaṃ kammaṃ vipākapaṭisaṃvedanena taṃ dhunantassa viddhaṃsentassa, arahattappattiyā parato pana sāvajjakiriyāya sambhavoyeva natthi, anavajjakiriyā ca bhavamūlassa samucchinnattā samucchinnamūlatāya pupphaṃ viya phaladānasamatthatāya abhāvato kiriyamattāva hoti.
амамассаад̇и руубаад̣̇ийсу гад̇т̇ажи маманд̇и г̇ахан̣аабхаавад̇о амамасса маман̇гаарарахид̇асса. яасса хи маман̇гааро ад̇т̇и, со ад̇д̇асинзхзна взж̇ж̇аад̣̇ийхи сарийрам̣ бадиж̇аг̇г̇аабзд̇и. арахаа бана амамо, д̇асмаа со сарийраж̇аг̇г̇анзби уд̣̇аасийнад̇хаад̇угова. тид̇ассаад̇и жад̇уб̣б̣ид̇хамби огхам̣ д̇арид̇ваа ниб̣б̣аанат̇алз тид̇асса, бадисанд̇хиг̇г̇ахан̣авасзна ваа санд̇хааванасса абхаавзна тид̇асса . сзгкабут̇уж̇ж̇анаа хи гилзсаабхисан̇каараанам̣ аббахийнад̇д̇аа жуд̇ибадисанд̇хивасзна сам̣саарз д̇хааванд̇и наама, арахаа бана д̇ад̣̇абхаавад̇о тид̇од̇и вужжад̇и. ат̇а ваа д̣̇асавид̇хз кийн̣аасавасан̇каад̇з арияад̇хаммз тид̇асса. д̇аад̣̇инод̇и ‘‘бадигуулз аббадигууласан̃н̃ий вихарад̇ий’’д̇иаад̣̇инаа (бади. ма. 3.17) наязна вуд̇д̇ааяа бан̃жавид̇хааяа арияид̣̇д̇хияаа адтахи логад̇хаммзхи агамбанияааяа чал̣ан̇г̇убзгкааяа жа саманнааг̇ад̇зна идтаад̣̇ийсу згасад̣̇исад̇аасан̇каад̇зна д̇аад̣̇ийбхаавзна д̇аад̣̇ино. ад̇т̇о над̇т̇и ж̇анам̣ лабзд̇авзд̇и ‘‘мама бхзсаж̇ж̇аад̣̇ийни гарот̇аа’’д̇и ж̇анам̣ лабид̇ум̣ гат̇зд̇ум̣ баяож̇анам̣ над̇т̇и сарийрз нирабзгкабхаавад̇о. бан̣д̣убалаасо вияа хи б̣анд̇ханаа бавуд̇д̇о саяамзвааяам̣ гааяо бхиж̇ж̇ид̇ваа бад̇ад̇ууд̇и кийн̣аасаваанам̣ аж̇жхаасаяо. вуд̇д̇ан̃хзд̇ам̣ –
Amamassāti rūpādīsu katthaci mamanti gahaṇābhāvato amamassa mamaṅkārarahitassa. Yassa hi mamaṅkāro atthi, so attasinehena vejjādīhi sarīraṃ paṭijaggāpeti. Arahā pana amamo, tasmā so sarīrajagganepi udāsīnadhātukova. Ṭhitassāti catubbidhampi oghaṃ taritvā nibbānathale ṭhitassa, paṭisandhiggahaṇavasena vā sandhāvanassa abhāvena ṭhitassa . Sekkhaputhujjanā hi kilesābhisaṅkhārānaṃ appahīnattā cutipaṭisandhivasena saṃsāre dhāvanti nāma, arahā pana tadabhāvato ṭhitoti vuccati. Atha vā dasavidhe khīṇāsavasaṅkhāte ariyadhamme ṭhitassa. Tādinoti ‘‘paṭikūle appaṭikūlasaññī viharatī’’tiādinā (paṭi. ma. 3.17) nayena vuttāya pañcavidhāya ariyiddhiyā aṭṭhahi lokadhammehi akampaniyāya chaḷaṅgupekkhāya ca samannāgatena iṭṭhādīsu ekasadisatāsaṅkhātena tādībhāvena tādino. Attho natthi janaṃ lapetaveti ‘‘mama bhesajjādīni karothā’’ti janaṃ lapituṃ kathetuṃ payojanaṃ natthi sarīre nirapekkhabhāvato. Paṇḍupalāso viya hi bandhanā pavutto sayamevāyaṃ kāyo bhijjitvā patatūti khīṇāsavānaṃ ajjhāsayo. Vuttañhetaṃ –
‘‘наабхиган̇каами маран̣ам̣, наабхиган̇каами ж̇ийвид̇ам̣;
‘‘Nābhikaṅkhāmi maraṇaṃ, nābhikaṅkhāmi jīvitaṃ;
гаалан̃жа бадиган̇каами, ниб̣б̣исам̣ бхад̇аго яат̇аа’’д̇и. (т̇зраг̇аа. 606);
Kālañca paṭikaṅkhāmi, nibbisaṃ bhatako yathā’’ti. (theragā. 606);
ат̇а ваа яам̣гин̃жи нимид̇д̇ам̣ д̣̇ассзд̇ваа ‘‘гим̣ аяяасса ижчид̇аб̣б̣а’’нд̇и ж̇анам̣ лабзд̇авз бажжаязхи ниманд̇анавасзна лабаабзд̇ум̣ кийн̣аасавасса ад̇т̇о над̇т̇и д̇аад̣̇исасса мижчааж̇ийвасса маг̇г̇знзва самуг̇гхаад̇ид̇ад̇д̇аад̇и ад̇т̇о. ид̇и бхаг̇аваа ‘‘гиссааяам̣ т̇зро ад̇д̇ано рог̇ам̣ взж̇ж̇зхи ад̇игижчаабзд̇ваа бхаг̇авад̇о авид̣̇уурз нисийд̣̇ад̇ий’’д̇и жинд̇знд̇аанам̣ д̇асса ад̇игижчаабанз гааран̣ам̣ багаасзси.
Atha vā yaṃkiñci nimittaṃ dassetvā ‘‘kiṃ ayyassa icchitabba’’nti janaṃ lapetave paccayehi nimantanavasena lapāpetuṃ khīṇāsavassa attho natthi tādisassa micchājīvassa maggeneva samugghātitattāti attho. Iti bhagavā ‘‘kissāyaṃ thero attano rogaṃ vejjehi atikicchāpetvā bhagavato avidūre nisīdatī’’ti cintentānaṃ tassa atikicchāpane kāraṇaṃ pakāsesi.
батамасуд̇д̇аван̣н̣анаа нидтид̇аа.
Paṭhamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 1. гаммавибаагаж̇асуд̇д̇ам̣ • 1. Kammavipākajasuttaṃ
