Library / Tipiṭaka / д̇ибидага • Tipiṭaka / винаяавинижчаяа-уд̇д̇аравинижчаяа • Vinayavinicchaya-uttaravinicchaya |
гаммавибад̇д̇игат̇аа
Kammavipattikathā
3014.
3014.
вад̇т̇уд̇о н̃ад̇д̇ид̇о жзва, ануссааванасиймад̇о;
Vatthuto ñattito ceva, anussāvanasīmato;
барисад̇од̇и бан̃жзва, гаммад̣̇осаа багаасид̇аа.
Parisatoti pañceva, kammadosā pakāsitā.
3015.
3015.
саммукаагаран̣ийяам̣ яам̣, д̇ам̣ гарод̇и асаммукаа;
Sammukhākaraṇīyaṃ yaṃ, taṃ karoti asammukhā;
гаммам̣ вад̇т̇увибаннам̣ д̇ам̣, ад̇хамманд̇и бавужжад̇и.
Kammaṃ vatthuvipannaṃ taṃ, adhammanti pavuccati.
3016.
3016.
асаммукаагаран̣ийяаани, адтзва жа бхаванд̇и хи;
Asammukhākaraṇīyāni, aṭṭheva ca bhavanti hi;
бад̇д̇аниггуж̇ж̇анан̃жзва, бад̇д̇ассуггуж̇ж̇анамби жа.
Pattanikkujjanañceva, pattassukkujjanampi ca.
3017.
3017.
багаасанийяагамман̃жа , сзгкауммад̇д̇асаммуд̇и;
Pakāsanīyakammañca , sekkhaummattasammuti;
аванд̣̇ияо д̇ат̇аа б̣рахма-д̣̇ан̣д̣о д̣̇ууд̇уубасамбад̣̇аа.
Avandiyo tathā brahma-daṇḍo dūtūpasampadā.
3018.
3018.
имаанадта табзд̇ваана, сзсаани бана саб̣б̣асо;
Imānaṭṭha ṭhapetvāna, sesāni pana sabbaso;
саммукаагаран̣ийяаани, гаммаани суг̇ад̇об̣рави.
Sammukhākaraṇīyāni, kammāni sugatobravi.
3019.
3019.
н̃ад̇д̇ид̇о бана бан̃жзва, вибаж̇ж̇ананаяаа мад̇аа;
Ñattito pana pañceva, vipajjananayā matā;
на бараамасад̇и вад̇т̇ун̃жа, сан̇гхам̣ буг̇г̇аламзва ваа.
Na parāmasati vatthuñca, saṅghaṃ puggalameva vā.
3020.
3020.
на бараамасад̇и н̃ад̇д̇им̣ ваа, бажчаа н̃ад̇д̇им̣ табзд̇и ваа;
Na parāmasati ñattiṃ vā, pacchā ñattiṃ ṭhapeti vā;
бан̃жахзд̇зхи гаммаани, н̃ад̇д̇ид̇ова вибаж̇ж̇арз.
Pañcahetehi kammāni, ñattitova vipajjare.
3021.
3021.
ануссааванад̇о бан̃жа, гаммад̣̇осаа багаасид̇аа;
Anussāvanato pañca, kammadosā pakāsitā;
на бараамасад̇и вад̇т̇ум̣ ваа, сан̇гхам̣ буг̇г̇аламзва ваа.
Na parāmasati vatthuṃ vā, saṅghaṃ puggalameva vā.
3022.
3022.
хаабзд̇и сааванам̣ вааби, саавзд̇асамаязби ваа;
Hāpeti sāvanaṃ vāpi, sāvetasamayepi vā;
звам̣ бана вибаж̇ж̇анд̇и, ануссааванад̇оби жа.
Evaṃ pana vipajjanti, anussāvanatopi ca.
3023.
3023.
згаад̣̇асахи сиймаахи, сиймад̇о гаммад̣̇осад̇аа;
Ekādasahi sīmāhi, sīmato kammadosatā;
вуд̇д̇аа убосат̇з д̇аава, канд̇хагз саб̣б̣асо маяаа.
Vuttā uposathe tāva, khandhake sabbaso mayā.
3024.
3024.
жад̇уваг̇г̇зна гаад̇аб̣б̣з, гаммаббад̇д̇аа анааг̇ад̇аа;
Catuvaggena kātabbe, kammappattā anāgatā;
чанд̣̇о жа на банаанийд̇о, бадиггосанд̇и саммукаа.
Chando ca na panānīto, paṭikkosanti sammukhā.
3025.
3025.
звам̣ д̇иван̇г̇иго д̣̇осо, барисааяа васаа сияаа;
Evaṃ tivaṅgiko doso, parisāya vasā siyā;
ааг̇ад̇аа гаммабад̇д̇аа жа, чанд̣̇о жа на банааг̇ад̇о.
Āgatā kammapattā ca, chando ca na panāgato.
3026.
3026.
саммукаа бадисзд̇хзнд̇и, д̣̇уд̇ияз жад̇уваг̇г̇игз;
Sammukhā paṭisedhenti, dutiye catuvaggike;
ааг̇ад̇аа гаммабад̇д̇аа жа, чанд̣̇оби жа самаахадо.
Āgatā kammapattā ca, chandopi ca samāhaṭo.
3027.
3027.
бадиггосова зд̇т̇ад̇т̇и, д̇ад̇ияз жад̇уваг̇г̇игз;
Paṭikkosova etthatthi, tatiye catuvaggike;
звам̣ бан̃жаад̣̇иваг̇г̇зсу, сан̇гхзсу д̇ивид̇хзсуби.
Evaṃ pañcādivaggesu, saṅghesu tividhesupi.
3028.
3028.
жад̇уд̇т̇игаа сияум̣ д̣̇осаа, д̣̇аса д̣̇вз барисаавасаа;
Catutthikā siyuṃ dosā, dasa dve parisāvasā;
звам̣ д̣̇ваад̣̇асад̇хаа зд̇т̇а, гаммаани хи вибаж̇ж̇арз.
Evaṃ dvādasadhā ettha, kammāni hi vipajjare.
гаммавибад̇д̇игат̇аа.
Kammavipattikathā.