| Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā |
гаммавибад̇д̇игат̇ааван̣н̣анаа
Kammavipattikathāvaṇṇanā
3014. гаммаанам̣ вибад̇д̇ияаа д̣̇ассид̇ааяа самбад̇д̇иби б̣яад̇ирзгад̇о вин̃н̃ааяад̇ийд̇и гаммавибад̇д̇им̣ д̇аава д̣̇ассзд̇умааха ‘‘вад̇т̇уд̇о’’д̇иаад̣̇и. васад̇и зд̇т̇а гаммасан̇каад̇ам̣ палам̣ д̇ад̣̇ааяад̇д̇авуд̇д̇ид̇ааяаад̇и вад̇т̇у, гаммасса бад̇хаанагааран̣ам̣, д̇ад̇о вад̇т̇уд̇о жа. ануссааванасиймад̇од̇и ануссааванад̇о, сиймад̇о жа. бан̃жзваад̇и звагаарзна гаммад̣̇осаанам̣ зд̇ам̣барамад̇ам̣ д̣̇ассзд̇и.
3014. Kammānaṃ vipattiyā dassitāya sampattipi byatirekato viññāyatīti kammavipattiṃ tāva dassetumāha ‘‘vatthuto’’tiādi. Vasati ettha kammasaṅkhātaṃ phalaṃ tadāyattavuttitāyāti vatthu, kammassa padhānakāraṇaṃ, tato vatthuto ca. Anussāvanasīmatoti anussāvanato, sīmato ca. Pañcevāti evakārena kammadosānaṃ etaṃparamataṃ dasseti.
3015. яат̇аанигкид̇д̇агаммад̣̇осамаад̇игаануггамз гаммавибад̇д̇им̣ вибхаж̇ид̇ваа д̣̇ассзд̇умааха ‘‘саммукаа’’д̇иаад̣̇и. сан̇гхад̇хаммавинаяабуг̇г̇аласаммукаасан̇каад̇ам̣ жад̇уб̣б̣ид̇хам̣ саммукаавинаяам̣ убанзд̇ваа гаад̇аб̣б̣ам̣ гаммам̣ саммукаагаран̣ийяам̣ наама.
3015. Yathānikkhittakammadosamātikānukkame kammavipattiṃ vibhajitvā dassetumāha ‘‘sammukhā’’tiādi. Saṅghadhammavinayapuggalasammukhāsaṅkhātaṃ catubbidhaṃ sammukhāvinayaṃ upanetvā kātabbaṃ kammaṃ sammukhākaraṇīyaṃ nāma.
д̇ад̇т̇а яаавад̇игаа бхигкуу гаммабад̇д̇аа, д̇з ааг̇ад̇аа хонд̇и, чанд̣̇аарахаанам̣ чанд̣̇о аахадо ход̇и, саммукийбхууд̇аа на бадиггосанд̇и, аяам̣ сан̇гхасаммукад̇аа. язна д̇хаммзна язна винаязна язна сад̇т̇усаасанзна сан̇гхо д̇ам̣ гаммам̣ гарод̇и, аяам̣ д̇хаммасаммукад̇аа, винаяасаммукад̇аа. д̇ад̇т̇а д̇хаммод̇и бхууд̇ам̣ вад̇т̇у. винаяод̇и жод̣̇анаа жзва сааран̣аа жа. сад̇т̇усаасанам̣ наама н̃ад̇д̇исамбад̣̇аа жзва ануссааванасамбад̣̇аа жа. яасса сан̇гхо д̇ам̣ гаммам̣ гарод̇и, д̇асса саммукабхааво буг̇г̇аласаммукад̇аа. звам̣ жад̇уб̣б̣ид̇хзна саммукаавинаязна яам̣ сан̇гхагаммам̣ ‘‘гаран̣ийяа’’нд̇и вуд̇д̇ам̣, д̇ам̣ асаммукаа гарод̇и жад̇уб̣б̣ид̇халагкан̣ад̇о згамби барихаабзд̇ваа гарод̇и, д̇ам̣ гаммам̣ вад̇т̇увибаннам̣ саммукаавинаяасан̇каад̇зна вад̇т̇унаа взгаллам̣ ‘‘ад̇хаммагамма’’нд̇и бавужжад̇ийд̇и яож̇анаа.
Tattha yāvatikā bhikkhū kammapattā, te āgatā honti, chandārahānaṃ chando āhaṭo hoti, sammukhībhūtā na paṭikkosanti, ayaṃ saṅghasammukhatā. Yena dhammena yena vinayena yena satthusāsanena saṅgho taṃ kammaṃ karoti, ayaṃ dhammasammukhatā, vinayasammukhatā. Tattha dhammoti bhūtaṃ vatthu. Vinayoti codanā ceva sāraṇā ca. Satthusāsanaṃ nāma ñattisampadā ceva anussāvanasampadā ca. Yassa saṅgho taṃ kammaṃ karoti, tassa sammukhabhāvo puggalasammukhatā. Evaṃ catubbidhena sammukhāvinayena yaṃ saṅghakammaṃ ‘‘karaṇīya’’nti vuttaṃ, taṃ asammukhā karoti catubbidhalakkhaṇato ekampi parihāpetvā karoti, taṃ kammaṃ vatthuvipannaṃ sammukhāvinayasaṅkhātena vatthunā vekallaṃ ‘‘adhammakamma’’nti pavuccatīti yojanā.
3016-8. звам̣ саммукаагаран̣ийяз вад̇т̇уд̇о гаммавибад̇д̇им̣ д̣̇ассзд̇ваа асаммукаагаран̣ийяам̣ вибхаж̇ид̇ваа д̣̇ассзд̇умааха ‘‘асаммукаа’’д̇иаад̣̇и.
3016-8. Evaṃ sammukhākaraṇīye vatthuto kammavipattiṃ dassetvā asammukhākaraṇīyaṃ vibhajitvā dassetumāha ‘‘asammukhā’’tiādi.
д̣̇звад̣̇ад̇д̇асса гад̇ам̣ багаасанийяагамман̃жа. сзгкасаммуд̇и уммад̇д̇агасаммуд̇ийд̇и яож̇анаа. аванд̣̇ияагаммам̣ буг̇г̇аласийсзна ‘‘аванд̣̇ияо’’д̇и вуд̇д̇ам̣. ад̣дхагаасияаа г̇ан̣игааяа анун̃н̃аад̇аа д̣̇ууд̇зна убасамбад̣̇аа д̣̇ууд̇уубасамбад̣̇аа. ид̇и имаани адта гаммаани табзд̇ваана сзсаани бана саб̣б̣асо саб̣б̣аани гаммаани ‘‘саммукаагаран̣ийяааний’’д̇и собханаг̇аманаад̣̇ийхи суг̇ад̇о сад̇т̇аа аб̣рви гат̇зсийд̇и яож̇анаа.
Devadattassa kataṃ pakāsanīyakammañca. Sekkhasammuti ummattakasammutīti yojanā. Avandiyakammaṃ puggalasīsena ‘‘avandiyo’’ti vuttaṃ. Aḍḍhakāsiyā gaṇikāya anuññātā dūtena upasampadā dūtūpasampadā. Iti imāni aṭṭha kammāni ṭhapetvāna sesāni pana sabbaso sabbāni kammāni ‘‘sammukhākaraṇīyānī’’ti sobhanagamanādīhi sugato satthā abrvi kathesīti yojanā.
3019-20. звам̣ вад̇т̇уд̇о гаммавибад̇д̇им̣ д̣̇ассзд̇ваа н̃ад̇д̇ид̇о д̣̇ассзд̇умааха ‘‘н̃ад̇д̇ид̇о’’д̇иаад̣̇и. вибаж̇ж̇ананаяаад̇и винаяавибаж̇ж̇анаггамаа. вад̇т̇ум̣ на бараамасад̇ийд̇и яасса убасамбад̣̇аад̣̇игаммам̣ гарод̇и, д̇ам̣ на бараамасад̇и д̇асса наамам̣ на г̇ан̣хаад̇и. ‘‘сун̣аад̇у мз, бханд̇з сан̇гхо, аяам̣ д̇хаммарагкид̇о ааяасмад̇о б̣уд̣̇д̇харагкид̇асса убасамбад̣̇аабзгко’’д̇и вад̇д̇аб̣б̣з ‘‘сун̣аад̇у мз, бханд̇з сан̇гхо, ааяасмад̇о б̣уд̣̇д̇харагкид̇асса убасамбад̣̇аабзгко’’д̇и вад̣̇ад̇и. звам̣ вад̇т̇ум̣ на бараамасад̇и.
3019-20. Evaṃ vatthuto kammavipattiṃ dassetvā ñattito dassetumāha ‘‘ñattito’’tiādi. Vipajjananayāti vinayavipajjanakkamā. Vatthuṃ na parāmasatīti yassa upasampadādikammaṃ karoti, taṃ na parāmasati tassa nāmaṃ na gaṇhāti. ‘‘Suṇātu me, bhante saṅgho, ayaṃ dhammarakkhito āyasmato buddharakkhitassa upasampadāpekkho’’ti vattabbe ‘‘suṇātu me, bhante saṅgho, āyasmato buddharakkhitassa upasampadāpekkho’’ti vadati. Evaṃ vatthuṃ na parāmasati.
сан̇гхам̣ на бараамасад̇ийд̇и сан̇гхасса наамам̣ на бараамасад̇и д̇асса наамам̣ на г̇ан̣хаад̇и. ‘‘сун̣аад̇у мз, бханд̇з сан̇гхо, аяам̣ д̇хаммарагкид̇о’’д̇и вад̇д̇аб̣б̣з ‘‘сун̣аад̇у мз, бханд̇з, аяам̣ д̇хаммарагкид̇о’’д̇и вад̣̇ад̇и. звам̣ сан̇гхам̣ на бараамасад̇и.
Saṅghaṃ na parāmasatīti saṅghassa nāmaṃ na parāmasati tassa nāmaṃ na gaṇhāti. ‘‘Suṇātu me, bhante saṅgho, ayaṃ dhammarakkhito’’ti vattabbe ‘‘suṇātu me, bhante, ayaṃ dhammarakkhito’’ti vadati. Evaṃ saṅghaṃ na parāmasati.
буг̇г̇алам̣ на бараамасад̇ийд̇и яо убасамбад̣̇аабзгкасса убаж̇жхааяо, д̇ам̣ на бараамасад̇и д̇асса наамам̣ на г̇ан̣хаад̇и. ‘‘сун̣аад̇у мз, бханд̇з сан̇гхо, аяам̣ д̇хаммарагкид̇о ааяасмад̇о б̣уд̣̇д̇харагкид̇асса убасамбад̣̇аабзгко’’д̇и вад̇д̇аб̣б̣з ‘‘сун̣аад̇у мз, бханд̇з сан̇гхо, аяам̣ д̇хаммарагкид̇о убасамбад̣̇аабзгко’’д̇и вад̣̇ад̇и. звам̣ буг̇г̇алам̣ на бараамасад̇и.
Puggalaṃna parāmasatīti yo upasampadāpekkhassa upajjhāyo, taṃ na parāmasati tassa nāmaṃ na gaṇhāti. ‘‘Suṇātu me, bhante saṅgho, ayaṃ dhammarakkhito āyasmato buddharakkhitassa upasampadāpekkho’’ti vattabbe ‘‘suṇātu me, bhante saṅgho, ayaṃ dhammarakkhito upasampadāpekkho’’ti vadati. Evaṃ puggalaṃ na parāmasati.
н̃ад̇д̇им̣ на бараамасад̇ийд̇и саб̣б̣зна саб̣б̣ам̣ н̃ад̇д̇им̣ на бараамасад̇и, н̃ад̇д̇ид̣̇уд̇ияагаммз н̃ад̇д̇им̣ адтабзд̇ваа д̣̇вигкад̇д̇ум̣ гаммаваажааяа зва ануссааванагаммам̣ гарод̇и, н̃ад̇д̇ижад̇уд̇т̇агаммзби н̃ад̇д̇им̣ адтабзд̇ваа жад̇угкад̇д̇ум̣ гаммаваажааяа зва ануссааванагаммам̣ гарод̇и. звам̣ н̃ад̇д̇им̣ на бараамасад̇и.
Ñattiṃ na parāmasatīti sabbena sabbaṃ ñattiṃ na parāmasati, ñattidutiyakamme ñattiṃ aṭṭhapetvā dvikkhattuṃ kammavācāya eva anussāvanakammaṃ karoti, ñatticatutthakammepi ñattiṃ aṭṭhapetvā catukkhattuṃ kammavācāya eva anussāvanakammaṃ karoti. Evaṃ ñattiṃ na parāmasati.
бажчаа ваа н̃ад̇д̇им̣ табзд̇ийд̇и батамам̣ гаммаваажааяа ануссааванагаммам̣ гад̇ваа ‘‘зсаа н̃ад̇д̇ий’’д̇и вад̇ваа ‘‘камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и вад̣̇ад̇и. звам̣ бажчаа н̃ад̇д̇им̣ табзд̇и. бан̃жахзд̇зхийд̇и зд̇зхи бан̃жахи гааран̣зхи.
Pacchā vā ñattiṃ ṭhapetīti paṭhamaṃ kammavācāya anussāvanakammaṃ katvā ‘‘esā ñattī’’ti vatvā ‘‘khamati saṅghassa, tasmā tuṇhī, evametaṃ dhārayāmī’’ti vadati. Evaṃ pacchā ñattiṃ ṭhapeti. Pañcahetehīti etehi pañcahi kāraṇehi.
3021-2. звам̣ н̃ад̇д̇ид̇о гаммавибад̇д̇им̣ д̣̇ассзд̇ваа ид̣̇аани ануссааванад̇о д̣̇ассзд̇умааха ‘‘ануссааванад̇о’’д̇иаад̣̇и. ануссааванад̇о гаммад̣̇осаа бан̃жа багаасид̇аад̇и яож̇анаа. ‘‘на бараамасад̇и вад̇т̇ум̣ ваа’’д̇иаад̣̇ийсу вад̇т̇уаад̣̇ийни вуд̇д̇анаязнзва взд̣̇ид̇аб̣б̣аани. звам̣ бана нзсам̣ абараамасанам̣ ход̇и (бари. адта. 485) – ‘‘сун̣аад̇у мз, бханд̇з сан̇гхо’’д̇и батамаануссааванз ваа ‘‘д̣̇уд̇ияамби зд̇амад̇т̇ам̣ вад̣̇аами… д̇ад̇ияамби зд̇амад̇т̇ам̣ вад̣̇аами, ‘‘сун̣аад̇у мз бханд̇з сан̇гхо’’д̇и д̣̇уд̇ияад̇ад̇ияаануссааванзсу ваа ‘‘аяам̣ д̇хаммарагкид̇о ааяасмад̇о б̣уд̣̇д̇харагкид̇асса убасамбад̣̇аабзгко’’д̇и вад̇д̇аб̣б̣з ‘‘сун̣аад̇у мз, бханд̇з сан̇гхо, ааяасмад̇о б̣уд̣̇д̇харагкид̇ассаа’’д̇и вад̣̇анд̇о вад̇т̇ум̣ на бараамасад̇и наама.
3021-2. Evaṃ ñattito kammavipattiṃ dassetvā idāni anussāvanato dassetumāha ‘‘anussāvanato’’tiādi. Anussāvanato kammadosā pañca pakāsitāti yojanā. ‘‘Na parāmasati vatthuṃ vā’’tiādīsu vatthuādīni vuttanayeneva veditabbāni. Evaṃ pana nesaṃ aparāmasanaṃ hoti (pari. aṭṭha. 485) – ‘‘suṇātu me, bhante saṅgho’’ti paṭhamānussāvane vā ‘‘dutiyampi etamatthaṃ vadāmi… tatiyampi etamatthaṃ vadāmi, ‘‘suṇātu me bhante saṅgho’’ti dutiyatatiyānussāvanesu vā ‘‘ayaṃ dhammarakkhito āyasmato buddharakkhitassa upasampadāpekkho’’ti vattabbe ‘‘suṇātu me, bhante saṅgho, āyasmato buddharakkhitassā’’ti vadanto vatthuṃ na parāmasati nāma.
‘‘сун̣аад̇у мз, бханд̇з сан̇гхо, аяам̣ д̇хаммарагкид̇о’’д̇и вад̇д̇аб̣б̣з ‘‘сун̣аад̇у мз, бханд̇з, аяам̣ д̇хаммарагкид̇о’’д̇и вад̣̇анд̇о сан̇гхам̣ на бараамасад̇и наама.
‘‘Suṇātu me, bhante saṅgho, ayaṃ dhammarakkhito’’ti vattabbe ‘‘suṇātu me, bhante, ayaṃ dhammarakkhito’’ti vadanto saṅghaṃ na parāmasati nāma.
‘‘сун̣аад̇у мз, бханд̇з сан̇гхо, аяам̣ д̇хаммарагкид̇о ааяасмад̇о б̣уд̣̇д̇харагкид̇ассаа’’д̇и вад̇д̇аб̣б̣з ‘‘сун̣аад̇у мз, бханд̇з сан̇гхо, аяам̣ д̇хаммарагкид̇о убасамбад̣̇аабзгко’’д̇и вад̣̇анд̇о буг̇г̇алам̣ на бараамасад̇и наама.
‘‘Suṇātu me, bhante saṅgho, ayaṃ dhammarakkhito āyasmato buddharakkhitassā’’ti vattabbe ‘‘suṇātu me, bhante saṅgho, ayaṃ dhammarakkhito upasampadāpekkho’’ti vadanto puggalaṃ na parāmasati nāma.
сааванам̣ хаабзд̇ийд̇и саб̣б̣зна саб̣б̣ам̣ гаммаваажааяа ануссааванам̣ на гарод̇и, н̃ад̇д̇ид̣̇уд̇ияагаммз д̣̇вигкад̇д̇ум̣ н̃ад̇д̇имзва табзд̇и, н̃ад̇д̇ижад̇уд̇т̇агаммз жад̇угкад̇д̇ум̣ н̃ад̇д̇имзва табзд̇и. звам̣ ануссааванам̣ хаабзд̇и. яоби н̃ад̇д̇ид̣̇уд̇ияагаммз згам̣ н̃ад̇д̇им̣ табзд̇ваа згам̣ гаммаваажам̣ ануссаавзнд̇о агкарам̣ ваа чад̣д̣зд̇и, бад̣̇ам̣ ваа д̣̇уруд̇д̇ам̣ гарод̇и, аяамби ануссааванам̣ хаабзд̇иязва. н̃ад̇д̇ижад̇уд̇т̇агаммз бана згам̣ н̃ад̇д̇им̣ табзд̇ваа сагимзва ваа д̣̇вигкад̇д̇ум̣ ваа гаммаваажааяа ануссааванам̣ гаронд̇оби агкарам̣ ваа бад̣̇ам̣ ваа чад̣д̣знд̇оби д̣̇уруд̇д̇ам̣ гаронд̇оби ануссааванам̣ хаабзд̇иязваад̇и взд̣̇ид̇аб̣б̣о.
Sāvanaṃ hāpetīti sabbena sabbaṃ kammavācāya anussāvanaṃ na karoti, ñattidutiyakamme dvikkhattuṃ ñattimeva ṭhapeti, ñatticatutthakamme catukkhattuṃ ñattimeva ṭhapeti. Evaṃ anussāvanaṃ hāpeti. Yopi ñattidutiyakamme ekaṃ ñattiṃ ṭhapetvā ekaṃ kammavācaṃ anussāvento akkharaṃ vā chaḍḍeti, padaṃ vā duruttaṃ karoti, ayampi anussāvanaṃ hāpetiyeva. Ñatticatutthakamme pana ekaṃ ñattiṃ ṭhapetvā sakimeva vā dvikkhattuṃ vā kammavācāya anussāvanaṃ karontopi akkharaṃ vā padaṃ vā chaḍḍentopi duruttaṃ karontopi anussāvanaṃ hāpetiyevāti veditabbo.
д̣̇уруд̇д̇ам̣ гарод̇ийд̇и зд̇т̇а бана аяам̣ винижчаяо (бари. адта. 485) – яо хи ан̃н̃асмим̣ агкарз вад̇д̇аб̣б̣з ан̃н̃ам̣ вад̣̇ад̇и, аяам̣ д̣̇уруд̇д̇ам̣ гарод̇и наама. д̇асмаа гаммаваажам̣ гаронд̇зна бхигкунаа явааяам̣ –
Duruttaṃ karotīti ettha pana ayaṃ vinicchayo (pari. aṭṭha. 485) – yo hi aññasmiṃ akkhare vattabbe aññaṃ vadati, ayaṃ duruttaṃ karoti nāma. Tasmā kammavācaṃ karontena bhikkhunā yvāyaṃ –
‘‘сит̇илам̣ д̇ханид̇ан̃жа д̣̇ийгхарассам̣;
‘‘Sithilaṃ dhanitañca dīgharassaṃ;
г̇аругам̣ лахуган̃жа ниг̇г̇ахид̇ам̣;
Garukaṃ lahukañca niggahitaṃ;
самб̣анд̇хам̣ вавад̇т̇ид̇ам̣ вимуд̇д̇ам̣;
Sambandhaṃ vavatthitaṃ vimuttaṃ;
д̣̇асад̇хаа б̣яан̃ж̇анаб̣уд̣̇д̇хияаа бабхзд̣̇о’’д̇и. (бари. адта. 485) –
Dasadhā byañjanabuddhiyā pabhedo’’ti. (pari. aṭṭha. 485) –
вуд̇д̇о , аяам̣ судту убалагкзд̇аб̣б̣о.
Vutto , ayaṃ suṭṭhu upalakkhetabbo.
зд̇т̇а хи сит̇илам̣ наама бан̃жасу ваг̇г̇зсу батамад̇ад̇ияам̣. д̇ханид̇ам̣ наама д̇зсвзва д̣̇уд̇ияажад̇уд̇т̇ам̣. д̣̇ийгханд̇и д̣̇ийгхзна гаалзна вад̇д̇аб̣б̣ам̣ аагаараад̣̇и . рассанд̇и д̇ад̇о убад̣дхагаалзна вад̇д̇аб̣б̣ам̣ агаараад̣̇и. г̇аруганд̇и д̣̇ийгхамзва, яам̣ ваа ‘‘ааяасмад̇о б̣уд̣̇д̇харагкид̇ад̇т̇зрасса, яасса нагкамад̇ий’’д̇и звам̣ сам̣яог̇абарам̣ гад̇ваа вужжад̇и. лахуганд̇и рассамзва, яам̣ ваа ‘‘ааяасмад̇о б̣уд̣̇д̇харагкид̇ат̇зрасса, яасса на камад̇ий’’д̇и звам̣ асам̣яог̇абарам̣ гад̇ваа вужжад̇и. ниг̇г̇ахид̇анд̇и яам̣ гаран̣аани ниг̇г̇ахзд̇ваа ависсаж̇ж̇зд̇ваа авивадзна мукзна анунаасигам̣ гад̇ваа вад̇д̇аб̣б̣ам̣. самб̣анд̇ханд̇и яам̣ барабад̣̇зна самб̣анд̇хид̇ваа ‘‘д̇ун̣хассаа’’д̇и ваа ‘‘д̇ун̣хиссаа’’д̇и ваа вужжад̇и. вавад̇т̇ид̇анд̇и яам̣ барабад̣̇зна асамб̣анд̇хам̣ гад̇ваа вижчинд̣̇ид̇ваа ‘‘д̇ун̣хий ассаа’’д̇и ваа ‘‘д̇ун̣ха ассаа’’д̇и ваа вужжад̇и. вимуд̇д̇анд̇и яам̣ гаран̣аани аниг̇г̇ахзд̇ваа виссаж̇ж̇зд̇ваа вивадзна мукзна анунаасигам̣ агад̇ваа вужжад̇и.
Ettha hi sithilaṃ nāma pañcasu vaggesu paṭhamatatiyaṃ. Dhanitaṃ nāma tesveva dutiyacatutthaṃ. Dīghanti dīghena kālena vattabbaṃ ākārādi . Rassanti tato upaḍḍhakālena vattabbaṃ akārādi. Garukanti dīghameva, yaṃ vā ‘‘āyasmato buddharakkhitattherassa, yassa nakkhamatī’’ti evaṃ saṃyogaparaṃ katvā vuccati. Lahukanti rassameva, yaṃ vā ‘‘āyasmato buddharakkhitatherassa, yassa na khamatī’’ti evaṃ asaṃyogaparaṃ katvā vuccati. Niggahitanti yaṃ karaṇāni niggahetvā avissajjetvā avivaṭena mukhena anunāsikaṃ katvā vattabbaṃ. Sambandhanti yaṃ parapadena sambandhitvā ‘‘tuṇhassā’’ti vā ‘‘tuṇhissā’’ti vā vuccati. Vavatthitanti yaṃ parapadena asambandhaṃ katvā vicchinditvā ‘‘tuṇhī assā’’ti vā ‘‘tuṇha assā’’ti vā vuccati. Vimuttanti yaṃ karaṇāni aniggahetvā vissajjetvā vivaṭena mukhena anunāsikaṃ akatvā vuccati.
д̇ад̇т̇а ‘‘сун̣аад̇у мз’’д̇и вад̇д̇аб̣б̣з д̇а-гаарасса т̇а-гаарам̣ гад̇ваа ‘‘сун̣аат̇у мз’’д̇и важанам̣ сит̇иласса д̇ханид̇агаран̣ам̣ наама, д̇ат̇аа ‘‘бад̇д̇агаллам̣, зсаа н̃ад̇д̇ий’’д̇и вад̇д̇аб̣б̣з ‘‘бад̇т̇агаллам̣, зсаа н̃ад̇т̇ий’’д̇иаад̣̇иважанан̃жа. ‘‘бханд̇з сан̇гхо’’д̇и вад̇д̇аб̣б̣з бхагаарагхагаараанам̣ б̣агаараг̇агаарз гад̇ваа ‘‘б̣анд̇з сам̣г̇о’’д̇и важанам̣ д̇ханид̇асса сит̇илагаран̣ам̣ наама. ‘‘сун̣аад̇у мз’’д̇и вивадзна мукзна вад̇д̇аб̣б̣з бана ‘‘сун̣ам̣д̇у мз’’д̇и ваа ‘‘зсаа н̃ад̇д̇ий’’д̇и вад̇д̇аб̣б̣з ‘‘зсам̣ н̃ад̇д̇ий’’д̇и ваа авивадзна мукзна анунаасигам̣ гад̇ваа важанам̣ вимуд̇д̇асса ниг̇г̇ахид̇аважанам̣ наама. ‘‘бад̇д̇агалла’’нд̇и авивадзна мукзна анунаасигам̣ гад̇ваа вад̇д̇аб̣б̣з ‘‘бад̇д̇агаллаа’’д̇и вивадзна мукзна анунаасигам̣ агад̇ваа важанам̣ ниг̇г̇ахид̇асса вимуд̇д̇аважанам̣ наама. ид̇и сит̇илз гад̇д̇аб̣б̣з д̇ханид̇ам̣, д̇ханид̇з гад̇д̇аб̣б̣з сит̇илам̣, вимуд̇д̇з гад̇д̇аб̣б̣з ниг̇г̇ахид̇ам̣, ниг̇г̇ахид̇з гад̇д̇аб̣б̣з вимуд̇д̇анд̇и имаани жад̇д̇аари б̣яан̃ж̇анаани анд̇огаммаваажааяа гаммам̣ д̣̇уусзнд̇и. звам̣ вад̣̇анд̇о хи ан̃н̃асмим̣ агкарз вад̇д̇аб̣б̣з ан̃н̃ам̣ вад̣̇ад̇и, д̣̇уруд̇д̇ам̣ гарод̇ийд̇и вужжад̇и.
Tattha ‘‘suṇātu me’’ti vattabbe ta-kārassa tha-kāraṃ katvā ‘‘suṇāthu me’’ti vacanaṃ sithilassa dhanitakaraṇaṃ nāma, tathā ‘‘pattakallaṃ, esā ñattī’’ti vattabbe ‘‘patthakallaṃ, esā ñatthī’’tiādivacanañca. ‘‘Bhante saṅgho’’ti vattabbe bhakāraghakārānaṃ bakāragakāre katvā ‘‘bante saṃgo’’ti vacanaṃ dhanitassa sithilakaraṇaṃ nāma. ‘‘Suṇātu me’’ti vivaṭena mukhena vattabbe pana ‘‘suṇaṃtu me’’ti vā ‘‘esā ñattī’’ti vattabbe ‘‘esaṃ ñattī’’ti vā avivaṭena mukhena anunāsikaṃ katvā vacanaṃ vimuttassa niggahitavacanaṃ nāma. ‘‘Pattakalla’’nti avivaṭena mukhena anunāsikaṃ katvā vattabbe ‘‘pattakallā’’ti vivaṭena mukhena anunāsikaṃ akatvā vacanaṃ niggahitassa vimuttavacanaṃ nāma. Iti sithile kattabbe dhanitaṃ, dhanite kattabbe sithilaṃ, vimutte kattabbe niggahitaṃ, niggahite kattabbe vimuttanti imāni cattāri byañjanāni antokammavācāya kammaṃ dūsenti. Evaṃ vadanto hi aññasmiṃ akkhare vattabbe aññaṃ vadati, duruttaṃ karotīti vuccati.
ид̇арзсу бана д̣̇ийгхарассаад̣̇ийсу часу б̣яан̃ж̇анзсу д̣̇ийгхадтаанз д̣̇ийгхамзва, рассадтаанз жа рассамзваад̇и звам̣ яат̇аатаанз д̇ам̣ д̇ад̣̇зва агкарам̣ бхаасанд̇зна ануггамааг̇ад̇ам̣ бавзн̣им̣ авинаасзнд̇зна гаммаваажаа гаад̇аб̣б̣аа. сажз бана звам̣ агад̇ваа д̣̇ийгхз вад̇д̇аб̣б̣з рассам̣, рассз ваа вад̇д̇аб̣б̣з д̣̇ийгхам̣ вад̣̇ад̇и , д̇ат̇аа г̇аругз вад̇д̇аб̣б̣з лахугам̣, лахугз ваа вад̇д̇аб̣б̣з г̇аругам̣ вад̣̇ад̇и, самб̣анд̇хз ваа бана вад̇д̇аб̣б̣з вавад̇т̇ид̇ам̣, вавад̇т̇ид̇з ваа вад̇д̇аб̣б̣з самб̣анд̇хам̣ вад̣̇ад̇и, звам̣ вуд̇д̇зби гаммаваажаа на губбад̇и. имаани хи ча б̣яан̃ж̇анаани гаммам̣ на гобзнд̇и.
Itaresu pana dīgharassādīsu chasu byañjanesu dīghaṭṭhāne dīghameva, rassaṭṭhāne ca rassamevāti evaṃ yathāṭhāne taṃ tadeva akkharaṃ bhāsantena anukkamāgataṃ paveṇiṃ avināsentena kammavācā kātabbā. Sace pana evaṃ akatvā dīghe vattabbe rassaṃ, rasse vā vattabbe dīghaṃ vadati , tathā garuke vattabbe lahukaṃ, lahuke vā vattabbe garukaṃ vadati, sambandhe vā pana vattabbe vavatthitaṃ, vavatthite vā vattabbe sambandhaṃ vadati, evaṃ vuttepi kammavācā na kuppati. Imāni hi cha byañjanāni kammaṃ na kopenti.
яам̣ бана суд̇д̇анд̇игад̇т̇зраа ‘‘д̣̇а-гааро д̇а-гаарамаабаж̇ж̇ад̇и, д̇а-гааро д̣̇а-гаарамаабаж̇ж̇ад̇и, жа-гааро ж̇а-гаарамаабаж̇ж̇ад̇и, ж̇а-гааро жа-гаарамаабаж̇ж̇ад̇и, яа-гааро га-гаарамаабаж̇ж̇ад̇и, га-гааро яа-гаарамаабаж̇ж̇ад̇и, д̇асмаа д̣̇а-гаараад̣̇ийсу вад̇д̇аб̣б̣зсу д̇а-гаараад̣̇иважанам̣ на вируж̇жхад̇ий’’д̇и вад̣̇анд̇и, д̇ам̣ гаммаваажам̣ бад̇ваа на ваддад̇и. д̇асмаа винаяад̇харзна нзва д̣̇а-гааро д̇а-гааро гаад̇аб̣б̣о…бз… на га-гааро яа-гааро. яат̇аабаал̣ияаа нируд̇д̇им̣ сод̇хзд̇ваа д̣̇асавид̇хааяа б̣яан̃ж̇ананируд̇д̇ияаа вуд̇д̇ад̣̇осз барихаранд̇зна гаммаваажаа гаад̇аб̣б̣аа. ид̇арат̇аа хи сааванам̣ хаабзд̇и наама.
Yaṃ pana suttantikattherā ‘‘da-kāro ta-kāramāpajjati, ta-kāro da-kāramāpajjati, ca-kāro ja-kāramāpajjati, ja-kāro ca-kāramāpajjati, ya-kāro ka-kāramāpajjati, ka-kāro ya-kāramāpajjati, tasmā da-kārādīsu vattabbesu ta-kārādivacanaṃ na virujjhatī’’ti vadanti, taṃ kammavācaṃ patvā na vaṭṭati. Tasmā vinayadharena neva da-kāro ta-kāro kātabbo…pe… na ka-kāro ya-kāro. Yathāpāḷiyā niruttiṃ sodhetvā dasavidhāya byañjananiruttiyā vuttadose pariharantena kammavācā kātabbā. Itarathā hi sāvanaṃ hāpeti nāma.
асамаяз саавзд̇ийд̇и сааванааяа агаалз анавагаасз н̃ад̇д̇им̣ адтабзд̇ваа батамам̣язва ануссааванагаммам̣ гад̇ваа бажчаа н̃ад̇д̇им̣ табзд̇и. ид̇и имзхи бан̃жахаагаарзхи ануссааванад̇о гаммаани вибаж̇ж̇анд̇и. д̇знааха – ‘‘звам̣ бана вибаж̇ж̇анд̇и, ануссааванад̇оби жаа’’д̇и.
Asamaye sāvetīti sāvanāya akāle anavakāse ñattiṃ aṭṭhapetvā paṭhamaṃyeva anussāvanakammaṃ katvā pacchā ñattiṃ ṭhapeti. Iti imehi pañcahākārehi anussāvanato kammāni vipajjanti. Tenāha – ‘‘evaṃ pana vipajjanti, anussāvanatopi cā’’ti.
3023. звам̣ ануссааванад̇о гаммавибад̇д̇им̣ д̣̇ассзд̇ваа сиймад̇о гаммавибад̇д̇и убосат̇агканд̇хагагат̇ааяа вуд̇д̇анаяаа зваад̇и д̇амзва ад̇ид̣̇исанд̇о ааха ‘‘згаад̣̇асахи…бз… маяаа’’д̇и. гаммад̣̇осоязва гаммад̣̇осад̇аа. д̇аава батамам̣.
3023. Evaṃ anussāvanato kammavipattiṃ dassetvā sīmato kammavipatti uposathakkhandhakakathāya vuttanayā evāti tameva atidisanto āha ‘‘ekādasahi…pe… mayā’’ti. Kammadosoyeva kammadosatā. Tāva paṭhamaṃ.
3024-7. звам̣ сиймад̇о гаммавибад̇д̇им̣ ад̇ид̣̇зсад̇о д̣̇ассзд̇ваа ид̣̇аани барисавасзна д̣̇ассзд̇умааха ‘‘жад̇уваг̇г̇знаа’’д̇иаад̣̇и. гаммабад̇д̇аад̇и зд̇т̇а ‘‘жад̇д̇ааро багад̇ад̇д̇аа’’д̇и сзсо. яат̇ааха – ‘‘жад̇уваг̇г̇агаран̣з гаммз жад̇д̇ааро бхигкуу багад̇ад̇д̇аа гаммабад̇д̇аа’’д̇и (бари. 497). зд̇т̇а жа багад̇ад̇д̇аа наама анугкид̇д̇аа аниссаарид̇аа барисуд̣̇д̇хасийлаа жад̇д̇ааро бхигкуу. гаммабад̇д̇аа гаммасса арахаа анужчавигаа саамино. на д̇зхи винаа д̇ам̣ гаммам̣ гарийяад̇и, на д̇зсам̣ чанд̣̇о ваа баарисуд̣̇д̇хи ваа зд̇и. анааг̇ад̇аад̇и барисааяа хад̇т̇абаасам̣ анааг̇ад̇аа. чанд̣̇од̇и зд̇т̇а ‘‘чанд̣̇аарахаана’’нд̇и сзсо. яат̇ааха ‘‘авасзсаа багад̇ад̇д̇аа чанд̣̇аарахаа’’д̇и. иминаа аяамад̇т̇о д̣̇ийбид̇о ход̇и – ‘‘авасзсаа бана сажзби сахассамад̇д̇аа хонд̇и, сажз самаанасам̣ваасагаа, саб̣б̣з чанд̣̇аарахаава хонд̇и, чанд̣̇абаарисуд̣̇д̇хим̣ д̣̇ад̇ваа ааг̇ажчанд̇у ваа маа ваа, гаммам̣ бана д̇идтад̇ий’’д̇и. саммукаад̇и саммукийбхууд̇аа.
3024-7. Evaṃ sīmato kammavipattiṃ atidesato dassetvā idāni parisavasena dassetumāha ‘‘catuvaggenā’’tiādi. Kammapattāti ettha ‘‘cattāro pakatattā’’ti seso. Yathāha – ‘‘catuvaggakaraṇe kamme cattāro bhikkhū pakatattā kammapattā’’ti (pari. 497). Ettha ca pakatattā nāma anukkhittā anissāritā parisuddhasīlā cattāro bhikkhū. Kammapattā kammassa arahā anucchavikā sāmino. Na tehi vinā taṃ kammaṃ karīyati, na tesaṃ chando vā pārisuddhi vā eti. Anāgatāti parisāya hatthapāsaṃ anāgatā. Chandoti ettha ‘‘chandārahāna’’nti seso. Yathāha ‘‘avasesā pakatattā chandārahā’’ti. Iminā ayamattho dīpito hoti – ‘‘avasesā pana sacepi sahassamattā honti, sace samānasaṃvāsakā, sabbe chandārahāva honti, chandapārisuddhiṃ datvā āgacchantu vā mā vā, kammaṃ pana tiṭṭhatī’’ti. Sammukhāti sammukhībhūtā.
д̇иван̇г̇игод̇и гаммабад̇д̇аанааг̇аманачанд̣̇аанаахаран̣абадиггосанасан̇каад̇аан̇г̇ад̇д̇аяаяуд̇д̇о. д̣̇осо гаммавибад̇д̇илагкан̣о. барисааяа васаа сияаад̇и барисавасзна ход̇и.
Tivaṅgikoti kammapattānāgamanachandānāharaṇapaṭikkosanasaṅkhātaaṅgattayayutto. Doso kammavipattilakkhaṇo. Parisāya vasā siyāti parisavasena hoti.
бадисзд̇хзнд̇ийд̇и бадиггосанд̇и. д̣̇уд̇ияз жад̇уваг̇г̇игз гаммз д̣̇уван̇г̇иго д̣̇осо барисааяа васаа сияаад̇и яож̇анаа.
Paṭisedhentīti paṭikkosanti. Dutiye catuvaggike kamme duvaṅgiko doso parisāya vasā siyāti yojanā.
зд̇т̇а зд̇асмим̣ д̇ад̇ияз жад̇уваг̇г̇игз бадиггосова ад̇т̇и, на ид̇арз барисад̣̇осаад̇и зган̇г̇иго д̣̇осо барисааяа васаа сияаад̇и яож̇анаа. д̣̇уван̇г̇а яуд̇д̇абарисаад̣̇осасса д̣̇уд̇ияам̣ д̣̇зсид̇ад̇д̇аа д̣̇уван̇г̇а яуд̇д̇абарисаад̣̇осо ‘‘д̣̇уд̇ияо’’д̇и вуд̇д̇о. д̇ат̇аа д̇ад̇ияам̣ д̣̇зсид̇ад̇д̇аа зган̇г̇аяуд̇д̇о д̇ад̇ияо взд̣̇ид̇аб̣б̣о. имамзва наяам̣ бан̃жаваг̇г̇аад̣̇исан̇гхад̇д̇аяасса ад̇ид̣̇исанд̇о ааха ‘‘звам̣…бз… д̇ивид̇хзсубий’’д̇и. аад̣̇и-сад̣̇д̣̇зна д̣̇асаваг̇г̇авийсад̇иваг̇г̇асан̇гхаанам̣ г̇ахан̣ам̣.
Ettha etasmiṃ tatiye catuvaggike paṭikkosova atthi, na itare parisadosāti ekaṅgiko doso parisāya vasā siyāti yojanā. Duvaṅga yuttaparisādosassa dutiyaṃ desitattā duvaṅga yuttaparisādoso ‘‘dutiyo’’ti vutto. Tathā tatiyaṃ desitattā ekaṅgayutto tatiyo veditabbo. Imameva nayaṃ pañcavaggādisaṅghattayassa atidisanto āha ‘‘evaṃ…pe… tividhesupī’’ti. Ādi-saddena dasavaggavīsativaggasaṅghānaṃ gahaṇaṃ.
3028. звам̣ жад̇уусу сан̇гхзсу жад̇уннам̣ д̇игаанам̣ васзна барисад̇о гаммавибад̇д̇ияаа д̣̇ваад̣̇асавид̇хад̇ам̣ д̣̇ассзд̇умааха ‘‘жад̇уд̇т̇игаа’’д̇и. ануваад̣̇зна ‘‘д̣̇аса д̣̇вз сияу’’нд̇и вид̇хийяад̇и. барисаавасаа жад̇уд̇т̇игаа д̣̇осаа д̣̇аса д̣̇вз д̣̇ваад̣̇аса сияунд̇и яож̇анаа. зд̇т̇аад̇и зд̇зсу ‘‘вад̇т̇уд̇о’’д̇иаад̣̇инаа вуд̇д̇зсу бан̃жасу гаммад̣̇осзсу, нид̣̇д̇хааран̣з бхуммам̣. ‘‘барисаавасаа’’д̇и ид̣̇ам̣ нид̣̇д̇хаарзд̇аб̣б̣ам̣. гаммаанийд̇и абалоганаад̣̇ийни жад̇д̇аари. зд̇т̇а жа жад̇уваг̇г̇аад̣̇игаран̣ийязсу гаммзсу багад̇ад̇д̇зна гаммаваажам̣ саавзд̇ваа гад̇амзва гаммам̣ гаммабад̇д̇зна гад̇ам̣ ход̇и. гаммабад̇д̇з багад̇ад̇д̇з табзд̇ваа абагад̇ад̇д̇зна гзнажи, гзвалзнзва гаммаваажам̣ саавзд̇ваа гад̇ам̣ абагад̇ад̇д̇агаммабад̇д̇алагкан̣аабхааваа, гаммабад̇д̇зна жа гаммаваажааяа ассаавид̇ад̇д̇аа ануссааванад̣̇осзна вибаннам̣ ход̇ийд̇и взд̣̇ид̇аб̣б̣ам̣. д̇знзва бораан̣агавинаяад̇харад̇т̇зраа гаммавибад̇д̇исан̇гаабарихаарад̇т̇ам̣ д̣̇вийхи д̇ийхи згад̇о гаммаваажам̣ сааваяанд̇и. аяамзд̇т̇а сан̇кзбо, вид̇т̇ааро бана бариваараавасаанз баал̣ияаа (бари. 482 аад̣̇аяо) ваа адтагат̇ааяа (бари. адта. 482 аад̣̇аяо) жа г̇ахзд̇аб̣б̣о.
3028. Evaṃ catūsu saṅghesu catunnaṃ tikānaṃ vasena parisato kammavipattiyā dvādasavidhataṃ dassetumāha ‘‘catutthikā’’ti. Anuvādena ‘‘dasa dve siyu’’nti vidhīyati. Parisāvasā catutthikā dosā dasa dve dvādasa siyunti yojanā. Etthāti etesu ‘‘vatthuto’’tiādinā vuttesu pañcasu kammadosesu, niddhāraṇe bhummaṃ. ‘‘Parisāvasā’’ti idaṃ niddhāretabbaṃ. Kammānīti apalokanādīni cattāri. Ettha ca catuvaggādikaraṇīyesu kammesu pakatattena kammavācaṃ sāvetvā katameva kammaṃ kammapattena kataṃ hoti. Kammapatte pakatatte ṭhapetvā apakatattena kenaci, kevaleneva kammavācaṃ sāvetvā kataṃ apakatattakammapattalakkhaṇābhāvā, kammapattena ca kammavācāya assāvitattā anussāvanadosena vipannaṃ hotīti veditabbaṃ. Teneva porāṇakavinayadharattherā kammavipattisaṅkāparihāratthaṃ dvīhi tīhi ekato kammavācaṃ sāvayanti. Ayamettha saṅkhepo, vitthāro pana parivārāvasāne pāḷiyā (pari. 482 ādayo) vā aṭṭhakathāya (pari. aṭṭha. 482 ādayo) ca gahetabbo.
гаммавибад̇д̇игат̇ааван̣н̣анаа.
Kammavipattikathāvaṇṇanā.
