| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੧੫. ਪਨ੍ਨਰਸਮવਗ੍ਗੋ
15. Pannarasamavaggo
(੧੫੫) ੧੧. ਕਮ੍ਮੂਪਚਯਕਥਾ
(155) 11. Kammūpacayakathā
੭੩੭. ਅਞ੍ਞਂ ਕਮ੍ਮਂ ਅਞ੍ਞੋ ਕਮ੍ਮੂਪਚਯੋਤਿ? ਆਮਨ੍ਤਾ। ਅਞ੍ਞੋ ਫਸ੍ਸੋ, ਅਞ੍ਞੋ ਫਸ੍ਸੂਪਚਯੋ; ਅਞ੍ਞਾ વੇਦਨਾ, ਅਞ੍ਞੋ વੇਦਨੂਪਚਯੋ; ਅਞ੍ਞਾ ਸਞ੍ਞਾ, ਅਞ੍ਞੋ ਸਞ੍ਞੂਪਚਯੋ; ਅਞ੍ਞਾ ਚੇਤਨਾ, ਅਞ੍ਞੋ ਚੇਤਨੂਪਚਯੋ; ਅਞ੍ਞਂ ਚਿਤ੍ਤਂ, ਅਞ੍ਞੋ ਚਿਤ੍ਤੂਪਚਯੋ; ਅਞ੍ਞਾ ਸਦ੍ਧਾ, ਅਞ੍ਞੋ ਸਦ੍ਧੂਪਚਯੋ; ਅਞ੍ਞਂ વੀਰਿਯਂ, ਅਞ੍ਞੋ વੀਰਿਯੂਪਚਯੋ; ਅਞ੍ਞਾ ਸਤਿ, ਅਞ੍ਞੋ ਸਤੂਪਚਯੋ ; ਅਞ੍ਞੋ ਸਮਾਧਿ, ਅਞ੍ਞੋ ਸਮਾਧੂਪਚਯੋ; ਅਞ੍ਞਾ ਪਞ੍ਞਾ, ਅਞ੍ਞੋ ਪਞ੍ਞੂਪਚਯੋ; ਅਞ੍ਞੋ ਰਾਗੋ, ਅਞ੍ਞੋ ਰਾਗੂਪਚਯੋ…ਪੇ॰… ਅਞ੍ਞਂ ਅਨੋਤ੍ਤਪ੍ਪਂ, ਅਞ੍ਞੋ ਅਨੋਤ੍ਤਪ੍ਪੂਪਚਯੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
737. Aññaṃ kammaṃ añño kammūpacayoti? Āmantā. Añño phasso, añño phassūpacayo; aññā vedanā, añño vedanūpacayo; aññā saññā, añño saññūpacayo; aññā cetanā, añño cetanūpacayo; aññaṃ cittaṃ, añño cittūpacayo; aññā saddhā, añño saddhūpacayo; aññaṃ vīriyaṃ, añño vīriyūpacayo; aññā sati, añño satūpacayo ; añño samādhi, añño samādhūpacayo; aññā paññā, añño paññūpacayo; añño rāgo, añño rāgūpacayo…pe… aññaṃ anottappaṃ, añño anottappūpacayoti? Na hevaṃ vattabbe…pe….
੭੩੮. ਅਞ੍ਞਂ ਕਮ੍ਮਂ, ਅਞ੍ਞੋ ਕਮ੍ਮੂਪਚਯੋਤਿ? ਆਮਨ੍ਤਾ। ਕਮ੍ਮੂਪਚਯੋ ਕਮ੍ਮੇਨ ਸਹਜਾਤੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
738. Aññaṃ kammaṃ, añño kammūpacayoti? Āmantā. Kammūpacayo kammena sahajātoti? Na hevaṃ vattabbe…pe….
ਕਮ੍ਮੂਪਚਯੋ ਕਮ੍ਮੇਨ ਸਹਜਾਤੋਤਿ, ਆਮਨ੍ਤਾ। ਕੁਸਲੇਨ ਕਮ੍ਮੇਨ ਸਹਜਾਤੋ ਕਮ੍ਮੂਪਚਯੋ ਕੁਸਲੋਤਿ, ਨ ਹੇવਂ વਤ੍ਤਬ੍ਬੇ…ਪੇ॰…।
Kammūpacayo kammena sahajātoti, āmantā. Kusalena kammena sahajāto kammūpacayo kusaloti, na hevaṃ vattabbe…pe….
ਕੁਸਲੇਨ ਕਮ੍ਮੇਨ ਸਹਜਾਤੋ ਕਮ੍ਮੂਪਚਯੋ ਕੁਸਲੋਤਿ? ਆਮਨ੍ਤਾ। ਸੁਖਾਯ વੇਦਨਾਯ ਸਮ੍ਪਯੁਤ੍ਤੇਨ ਕਮ੍ਮੇਨ ਸਹਜਾਤੋ ਕਮ੍ਮੂਪਚਯੋ ਸੁਖਾਯ વੇਦਨਾਯ ਸਮ੍ਪਯੁਤ੍ਤੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਦੁਕ੍ਖਾਯ વੇਦਨਾਯ…ਪੇ॰… ਅਦੁਕ੍ਖਮਸੁਖਾਯ વੇਦਨਾਯ ਸਮ੍ਪਯੁਤ੍ਤੇਨ ਕਮ੍ਮੇਨ ਸਹਜਾਤੋ ਕਮ੍ਮੂਪਚਯੋ ਅਦੁਕ੍ਖਮਸੁਖਾਯ વੇਦਨਾਯ ਸਮ੍ਪਯੁਤ੍ਤੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Kusalena kammena sahajāto kammūpacayo kusaloti? Āmantā. Sukhāya vedanāya sampayuttena kammena sahajāto kammūpacayo sukhāya vedanāya sampayuttoti? Na hevaṃ vattabbe…pe… dukkhāya vedanāya…pe… adukkhamasukhāya vedanāya sampayuttena kammena sahajāto kammūpacayo adukkhamasukhāya vedanāya sampayuttoti? Na hevaṃ vattabbe…pe….
੭੩੯. ਕਮ੍ਮੂਪਚਯੋ ਕਮ੍ਮੇਨ ਸਹਜਾਤੋਤਿ? ਆਮਨ੍ਤਾ। ਅਕੁਸਲੇਨ ਕਮ੍ਮੇਨ ਸਹਜਾਤੋ ਕਮ੍ਮੂਪਚਯੋ ਅਕੁਸਲੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
739. Kammūpacayo kammena sahajātoti? Āmantā. Akusalena kammena sahajāto kammūpacayo akusaloti? Na hevaṃ vattabbe…pe….
ਅਕੁਸਲੇਨ ਕਮ੍ਮੇਨ ਸਹਜਾਤੋ ਕਮ੍ਮੂਪਚਯੋ ਅਕੁਸਲੋਤਿ? ਆਮਨ੍ਤਾ। ਸੁਖਾਯ વੇਦਨਾਯ ਸਮ੍ਪਯੁਤ੍ਤੇਨ ਕਮ੍ਮੇਨ ਸਹਜਾਤੋ ਕਮ੍ਮੂਪਚਯੋ ਸੁਖਾਯ વੇਦਨਾਯ ਸਮ੍ਪਯੁਤ੍ਤੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਦੁਕ੍ਖਾਯ વੇਦਨਾਯ…ਪੇ॰… ਅਦੁਕ੍ਖਮਸੁਖਾਯ વੇਦਨਾਯ ਸਮ੍ਪਯੁਤ੍ਤੇਨ ਕਮ੍ਮੇਨ ਸਹਜਾਤੋ ਕਮ੍ਮੂਪਚਯੋ ਅਦੁਕ੍ਖਮਸੁਖਾਯ વੇਦਨਾਯ ਸਮ੍ਪਯੁਤ੍ਤੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Akusalena kammena sahajāto kammūpacayo akusaloti? Āmantā. Sukhāya vedanāya sampayuttena kammena sahajāto kammūpacayo sukhāya vedanāya sampayuttoti? Na hevaṃ vattabbe…pe… dukkhāya vedanāya…pe… adukkhamasukhāya vedanāya sampayuttena kammena sahajāto kammūpacayo adukkhamasukhāya vedanāya sampayuttoti? Na hevaṃ vattabbe…pe….
੭੪੦. ਕਮ੍ਮਂ ਚਿਤ੍ਤੇਨ ਸਹਜਾਤਂ, ਕਮ੍ਮਂ ਸਾਰਮ੍ਮਣਨ੍ਤਿ? ਆਮਨ੍ਤਾ। ਕਮ੍ਮੂਪਚਯੋ ਚਿਤ੍ਤੇਨ ਸਹਜਾਤੋ, ਕਮ੍ਮੂਪਚਯੋ ਸਾਰਮ੍ਮਣੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਕਮ੍ਮੂਪਚਯੋ ਚਿਤ੍ਤੇਨ ਸਹਜਾਤੋ , ਕਮ੍ਮੂਪਚਯੋ ਅਨਾਰਮ੍ਮਣੋਤਿ ? ਆਮਨ੍ਤਾ। ਕਮ੍ਮਂ ਚਿਤ੍ਤੇਨ ਸਹਜਾਤਂ, ਕਮ੍ਮਂ ਅਨਾਰਮ੍ਮਣਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
740. Kammaṃ cittena sahajātaṃ, kammaṃ sārammaṇanti? Āmantā. Kammūpacayo cittena sahajāto, kammūpacayo sārammaṇoti? Na hevaṃ vattabbe…pe… kammūpacayo cittena sahajāto , kammūpacayo anārammaṇoti ? Āmantā. Kammaṃ cittena sahajātaṃ, kammaṃ anārammaṇanti? Na hevaṃ vattabbe…pe….
ਕਮ੍ਮਂ ਚਿਤ੍ਤੇਨ ਸਹਜਾਤਂ, ਚਿਤ੍ਤਂ ਭਿਜ੍ਜਮਾਨਂ ਕਮ੍ਮਂ ਭਿਜ੍ਜਤੀਤਿ? ਆਮਨ੍ਤਾ। ਕਮ੍ਮੂਪਚਯੋ ਚਿਤ੍ਤੇਨ ਸਹਜਾਤੋ, ਚਿਤ੍ਤਂ ਭਿਜ੍ਜਮਾਨਂ ਕਮ੍ਮੂਪਚਯੋ ਭਿਜ੍ਜਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Kammaṃ cittena sahajātaṃ, cittaṃ bhijjamānaṃ kammaṃ bhijjatīti? Āmantā. Kammūpacayo cittena sahajāto, cittaṃ bhijjamānaṃ kammūpacayo bhijjatīti? Na hevaṃ vattabbe…pe….
ਕਮ੍ਮੂਪਚਯੋ ਚਿਤ੍ਤੇਨ ਸਹਜਾਤੋ, ਚਿਤ੍ਤਂ ਭਿਜ੍ਜਮਾਨਂ ਕਮ੍ਮੂਪਚਯੋ ਨ ਭਿਜ੍ਜਤੀਤਿ? ਆਮਨ੍ਤਾ। ਕਮ੍ਮਂ ਚਿਤ੍ਤੇਨ ਸਹਜਾਤਂ, ਚਿਤ੍ਤਂ ਭਿਜ੍ਜਮਾਨਂ ਕਮ੍ਮਂ ਨ ਭਿਜ੍ਜਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Kammūpacayo cittena sahajāto, cittaṃ bhijjamānaṃ kammūpacayo na bhijjatīti? Āmantā. Kammaṃ cittena sahajātaṃ, cittaṃ bhijjamānaṃ kammaṃ na bhijjatīti? Na hevaṃ vattabbe…pe….
੭੪੧. ਕਮ੍ਮਮ੍ਹਿ ਕਮ੍ਮੂਪਚਯੋਤਿ? ਆਮਨ੍ਤਾ। ਤਞ੍ਞੇવ ਕਮ੍ਮਂ ਸੋ ਕਮ੍ਮੂਪਚਯੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
741. Kammamhi kammūpacayoti? Āmantā. Taññeva kammaṃ so kammūpacayoti? Na hevaṃ vattabbe…pe….
ਕਮ੍ਮਮ੍ਹਿ ਕਮ੍ਮੂਪਚਯੋ, ਕਮ੍ਮੂਪਚਯਤੋ વਿਪਾਕੋ ਨਿਬ੍ਬਤ੍ਤਤੀਤਿ? ਆਮਨ੍ਤਾ। ਤਞ੍ਞੇવ ਕਮ੍ਮਂ, ਸੋ ਕਮ੍ਮੂਪਚਯੋ, ਸੋ ਕਮ੍ਮવਿਪਾਕੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Kammamhi kammūpacayo, kammūpacayato vipāko nibbattatīti? Āmantā. Taññeva kammaṃ, so kammūpacayo, so kammavipākoti? Na hevaṃ vattabbe…pe….
ਕਮ੍ਮਮ੍ਹਿ ਕਮ੍ਮੂਪਚਯੋ, ਕਮ੍ਮੂਪਚਯਤੋ વਿਪਾਕੋ ਨਿਬ੍ਬਤ੍ਤਤਿ, વਿਪਾਕੋ ਸਾਰਮ੍ਮਣੋਤਿ? ਆਮਨ੍ਤਾ। ਕਮ੍ਮੂਪਚਯੋ ਸਾਰਮ੍ਮਣੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਕਮ੍ਮੂਪਚਯੋ ਅਨਾਰਮ੍ਮਣੋਤਿ? ਆਮਨ੍ਤਾ। વਿਪਾਕੋ ਅਨਾਰਮ੍ਮਣੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Kammamhi kammūpacayo, kammūpacayato vipāko nibbattati, vipāko sārammaṇoti? Āmantā. Kammūpacayo sārammaṇoti? Na hevaṃ vattabbe…pe… kammūpacayo anārammaṇoti? Āmantā. Vipāko anārammaṇoti? Na hevaṃ vattabbe…pe….
੭੪੨. ਅਞ੍ਞਂ ਕਮ੍ਮਂ ਅਞ੍ਞੋ ਕਮ੍ਮੂਪਚਯੋਤਿ, ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਇਧ, ਪੁਣ੍ਣ, ਏਕਚ੍ਚੋ ਸਬ੍ਯਾਬਜ੍ਝਮ੍ਪਿ ਅਬ੍ਯਾਬਜ੍ਝਮ੍ਪਿ 1 ਕਾਯਸਙ੍ਖਾਰਂ ਅਭਿਸਙ੍ਖਰੋਤਿ, ਸਬ੍ਯਾਬਜ੍ਝਮ੍ਪਿ ਅਬ੍ਯਾਬਜ੍ਝਮ੍ਪਿ વਚੀਸਙ੍ਖਾਰਂ…ਪੇ॰… ਮਨੋਸਙ੍ਖਾਰਂ ਅਭਿਸਙ੍ਖਰੋਤਿ, ਸੋ ਸਬ੍ਯਾਬਜ੍ਝਮ੍ਪਿ ਅਬ੍ਯਾਬਜ੍ਝਮ੍ਪਿ ਕਾਯਸਙ੍ਖਾਰਂ ਅਭਿਸਙ੍ਖਰਿਤ੍વਾ, ਸਬ੍ਯਾਬਜ੍ਝਮ੍ਪਿ ਅਬ੍ਯਾਬਜ੍ਝਮ੍ਪਿ વਚੀਸਙ੍ਖਾਰਂ…ਪੇ॰… ਮਨੋਸਙ੍ਖਾਰਂ ਅਭਿਸਙ੍ਖਰਿਤ੍વਾ ਸਬ੍ਯਾਬਜ੍ਝਮ੍ਪਿ ਅਬ੍ਯਾਬਜ੍ਝਮ੍ਪਿ ਲੋਕਂ ਉਪਪਜ੍ਜਤਿ। ਤਮੇਨਂ ਸਬ੍ਯਾਬਜ੍ਝਮ੍ਪਿ ਅਬ੍ਯਾਬਜ੍ਝਮ੍ਪਿ ਲੋਕਂ ਉਪਪਨ੍ਨਂ ਸਮਾਨਂ ਸਬ੍ਯਾਬਜ੍ਝਾਪਿ ਅਬ੍ਯਾਬਜ੍ਝਾਪਿ ਫਸ੍ਸਾ ਫੁਸਨ੍ਤਿ। ਸੋ ਸਬ੍ਯਾਬਜ੍ਝੇਹਿਪਿ ਅਬ੍ਯਾਬਜ੍ਝੇਹਿਪਿ ਫਸ੍ਸੇਹਿ ਫੁਟ੍ਠੋ ਸਮਾਨੋ ਸਬ੍ਯਾਬਜ੍ਝਮ੍ਪਿ ਅਬ੍ਯਾਬਜ੍ਝਮ੍ਪਿ વੇਦਨਂ વੇਦੇਤਿ વੋਕਿਣ੍ਣਸੁਖਦੁਕ੍ਖਂ, ਸੇਯ੍ਯਥਾਪਿ ਮਨੁਸ੍ਸਾ ਏਕਚ੍ਚੇ ਚ ਦੇવਾ ਏਕਚ੍ਚੇ ਚ વਿਨਿਪਾਤਿਕਾ। ਇਤਿ ਖੋ, ਪੁਣ੍ਣ, ਭੂਤਾ ਭੂਤਸ੍ਸ ਉਪਪਤ੍ਤਿ ਹੋਤਿ, ਯਂ ਕਰੋਤਿ ਤੇਨ ਉਪਪਜ੍ਜਤਿ, ਉਪਪਨ੍ਨਮੇਤਂ ਫਸ੍ਸਾ ਫੁਸਨ੍ਤਿ। ਏવਮ੍ਪਾਹਂ, ਪੁਣ੍ਣ, ‘ਕਮ੍ਮਦਾਯਾਦਾ ਸਤ੍ਤਾ’ਤਿ વਦਾਮੀ’’ਤਿ 2। ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਨ વਤ੍ਤਬ੍ਬਂ – ‘‘ਅਞ੍ਞਂ ਕਮ੍ਮਂ, ਅਞ੍ਞੋ ਕਮ੍ਮੂਪਚਯੋ’’ਤਿ।
742. Aññaṃ kammaṃ añño kammūpacayoti, āmantā. Nanu vuttaṃ bhagavatā – ‘‘idha, puṇṇa, ekacco sabyābajjhampi abyābajjhampi 3 kāyasaṅkhāraṃ abhisaṅkharoti, sabyābajjhampi abyābajjhampi vacīsaṅkhāraṃ…pe… manosaṅkhāraṃ abhisaṅkharoti, so sabyābajjhampi abyābajjhampi kāyasaṅkhāraṃ abhisaṅkharitvā, sabyābajjhampi abyābajjhampi vacīsaṅkhāraṃ…pe… manosaṅkhāraṃ abhisaṅkharitvā sabyābajjhampi abyābajjhampi lokaṃ upapajjati. Tamenaṃ sabyābajjhampi abyābajjhampi lokaṃ upapannaṃ samānaṃ sabyābajjhāpi abyābajjhāpi phassā phusanti. So sabyābajjhehipi abyābajjhehipi phassehi phuṭṭho samāno sabyābajjhampi abyābajjhampi vedanaṃ vedeti vokiṇṇasukhadukkhaṃ, seyyathāpi manussā ekacce ca devā ekacce ca vinipātikā. Iti kho, puṇṇa, bhūtā bhūtassa upapatti hoti, yaṃ karoti tena upapajjati, upapannametaṃ phassā phusanti. Evampāhaṃ, puṇṇa, ‘kammadāyādā sattā’ti vadāmī’’ti 4. Attheva suttantoti? Āmantā. Tena hi na vattabbaṃ – ‘‘aññaṃ kammaṃ, añño kammūpacayo’’ti.
ਕਮ੍ਮੂਪਚਯਕਥਾ ਨਿਟ੍ਠਿਤਾ।
Kammūpacayakathā niṭṭhitā.
ਪਨ੍ਨਰਸਮવਗ੍ਗੋ।
Pannarasamavaggo.
ਤਸ੍ਸੁਦ੍ਦਾਨਂ –
Tassuddānaṃ –
ਪਚ੍ਚਯਤਾ વવਤ੍ਥਿਤਾ, ਪਟਿਚ੍ਚਸਮੁਪ੍ਪਾਦੋ, ਅਦ੍ਧਾ, ਖਣੋ ਲਯੋ ਮੁਹੁਤ੍ਤਂ, ਚਤ੍ਤਾਰੋ ਆਸવਾ ਅਨਾਸવਾ, ਲੋਕੁਤ੍ਤਰਾਨਂ ਧਮ੍ਮਾਨਂ ਜਰਾਮਰਣਂ ਲੋਕੁਤ੍ਤਰਾ, ਸਞ੍ਞਾવੇਦਯਿਤਨਿਰੋਧਸਮਾਪਤ੍ਤਿ ਲੋਕੁਤ੍ਤਰਾ, ਸਞ੍ਞਾવੇਦਯਿਤਨਿਰੋਧਸਮਾਪਤ੍ਤਿ ਲੋਕਿਯਾ, ਸਞ੍ਞਾવੇਦਯਿਤਨਿਰੋਧਂ ਸਮਾਪਨ੍ਨੋ ਕਾਲਂ ਕਰੇਯ੍ਯ, ਸ੍વੇવ ਮਗ੍ਗੋ ਅਸਞ੍ਞਸਤ੍ਤੁਪਪਤ੍ਤਿਯਾ , ਅਞ੍ਞਂ ਕਮ੍ਮਂ ਅਞ੍ਞੋ ਕਮ੍ਮੂਪਚਯੋਤਿ।
Paccayatā vavatthitā, paṭiccasamuppādo, addhā, khaṇo layo muhuttaṃ, cattāro āsavā anāsavā, lokuttarānaṃ dhammānaṃ jarāmaraṇaṃ lokuttarā, saññāvedayitanirodhasamāpatti lokuttarā, saññāvedayitanirodhasamāpatti lokiyā, saññāvedayitanirodhaṃ samāpanno kālaṃ kareyya, sveva maggo asaññasattupapattiyā , aññaṃ kammaṃ añño kammūpacayoti.
ਤਤਿਯੋ ਪਣ੍ਣਾਸਕੋ।
Tatiyo paṇṇāsako.
ਤਸ੍ਸੁਦ੍ਦਾਨਂ –
Tassuddānaṃ –
ਅਨੁਸਯਾ, ਸਂવਰੋ, ਕਪ੍ਪੋ, ਮੂਲਞ੍ਚ વવਤ੍ਥਿਤਾਤਿ।
Anusayā, saṃvaro, kappo, mūlañca vavatthitāti.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੧੧. ਕਮ੍ਮੂਪਚਯਕਥਾવਣ੍ਣਨਾ • 11. Kammūpacayakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੧੧. ਕਮ੍ਮੂਪਚਯਕਥਾવਣ੍ਣਨਾ • 11. Kammūpacayakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੧੧. ਕਮ੍ਮੂਪਚਯਕਥਾવਣ੍ਣਨਾ • 11. Kammūpacayakathāvaṇṇanā
