| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
11. гаммуубажаяагат̇ааван̣н̣анаа
11. Kammūpacayakathāvaṇṇanā
737. ид̣̇аани гаммуубажаяагат̇аа наама ход̇и. д̇ад̇т̇а язсам̣ гаммуубажаяо наама гаммад̇о ан̃н̃о жид̇д̇авиббаяуд̇д̇о аб̣яаагад̇о анаарамман̣од̇и лад̣̇д̇хи, сзяяат̇ааби анд̇хагаанан̃жзва саммид̇ияаанан̃жа; д̇з санд̇хааяа ан̃н̃ам̣ гамманд̇и бужчаа сагаваад̣̇исса, бадин̃н̃аа ид̇арасса. ат̇а нам̣ ‘‘яад̣̇и гаммад̇о ан̃н̃о гаммуубажаяо, пассаад̣̇ид̇оби ан̃н̃зна пассуубажаяаад̣̇инаа бхавид̇аб̣б̣а’’нд̇и жод̣̇зд̇ум̣ ан̃н̃о пассод̇иаад̣̇имааха. ид̇аро лад̣̇д̇хияаа абхаавзна бадигкибад̇и.
737. Idāni kammūpacayakathā nāma hoti. Tattha yesaṃ kammūpacayo nāma kammato añño cittavippayutto abyākato anārammaṇoti laddhi, seyyathāpi andhakānañceva sammitiyānañca; te sandhāya aññaṃ kammanti pucchā sakavādissa, paṭiññā itarassa. Atha naṃ ‘‘yadi kammato añño kammūpacayo, phassāditopi aññena phassūpacayādinā bhavitabba’’nti codetuṃ añño phassotiādimāha. Itaro laddhiyā abhāvena paṭikkhipati.
738-739. гаммзна сахаж̇аад̇од̇и бан̃хзсу жид̇д̇авиббаяуд̇д̇ам̣ санд̇хааяа бадигкибад̇и, жид̇д̇асамбаяуд̇д̇ам̣ санд̇хааяа бадиж̇аанаад̇и. гусалод̇и бан̃хзсуби жид̇д̇авиббаяуд̇д̇ам̣ санд̇хааяа бадиж̇аанаад̇и. барад̇о агусалод̇ибан̃хзсуби зсзва наяо.
738-739. Kammenasahajātoti pañhesu cittavippayuttaṃ sandhāya paṭikkhipati, cittasampayuttaṃ sandhāya paṭijānāti. Kusaloti pañhesupi cittavippayuttaṃ sandhāya paṭijānāti. Parato akusalotipañhesupi eseva nayo.
740. саарамман̣од̇и будто бана зганд̇ам̣ анаарамман̣амзва ижчад̇и, д̇асмаа бадигкибад̇и. жид̇д̇ам̣ бхиж̇ж̇амаананд̇и яад̣̇аа жид̇д̇ам̣ бхиж̇ж̇амаанам̣ ход̇и, д̇ад̣̇аа гаммам̣ бхиж̇ж̇ад̇ийд̇и ад̇т̇о. бхуммад̇т̇з ваа бажжад̇д̇ам̣, жид̇д̇з бхиж̇ж̇амаанзд̇и ад̇т̇о. аяамзва ваа баато. д̇ад̇т̇а яасмаа самбаяуд̇д̇о бхиж̇ж̇ад̇и, виббаяуд̇д̇о на бхиж̇ж̇ад̇и, д̇асмаа бадиж̇аанаад̇и жзва бадигкибад̇и жа.
740. Sārammaṇoti puṭṭho pana ekantaṃ anārammaṇameva icchati, tasmā paṭikkhipati. Cittaṃ bhijjamānanti yadā cittaṃ bhijjamānaṃ hoti, tadā kammaṃ bhijjatīti attho. Bhummatthe vā paccattaṃ, citte bhijjamāneti attho. Ayameva vā pāṭho. Tattha yasmā sampayutto bhijjati, vippayutto na bhijjati, tasmā paṭijānāti ceva paṭikkhipati ca.
741. гаммамхи гаммуубажаяод̇и гаммз сад̇и гаммуубажаяо, гаммз ваа бад̇идтид̇з гаммуубажаяо, гаммуубажаяад̇ова вибааго ниб̣б̣ад̇д̇ад̇и. д̇асмим̣ бана гаммз нируд̣̇д̇хз яаава ам̣гуруббаад̣̇аа б̣ийж̇ам̣ вияа яаава вибаагуббаад̣̇аа гаммуубажаяо д̇идтад̇ийд̇исса лад̣̇д̇хи, д̇асмаа бадиж̇аанаад̇и. д̇ан̃н̃зва гаммам̣, со гаммуубажаяо, со гаммавибаагод̇и яасмаа гаммамхи гаммуубажаяо, со жа яаава вибаагуббаад̣̇аа д̇идтад̇ийд̇исса лад̣̇д̇хи, д̇асмаа нам̣ д̇зсам̣ д̇ин̣н̣амби згад̇д̇ам̣ бужчад̇и вибааго саарамман̣од̇и ид̣̇ам̣ вибааго вияа вибаагад̇хаммад̇хаммоби аарамман̣абадиб̣ад̣̇д̇хоязваад̇и жод̣̇анад̇т̇ам̣ бужчад̇и. ид̇аро бана лад̣̇д̇хивасзнзгам̣ бадиж̇аанаад̇и, згам̣ бадигкибад̇и. бадиломзби зсзва наяо. сзсамзд̇т̇а яат̇аабаал̣имзва нияяаад̇ийд̇и.
741. Kammamhi kammūpacayoti kamme sati kammūpacayo, kamme vā patiṭṭhite kammūpacayo, kammūpacayatova vipāko nibbattati. Tasmiṃ pana kamme niruddhe yāva aṃkuruppādā bījaṃ viya yāva vipākuppādā kammūpacayo tiṭṭhatītissa laddhi, tasmā paṭijānāti. Taññeva kammaṃ, so kammūpacayo, so kammavipākoti yasmā kammamhi kammūpacayo, so ca yāva vipākuppādā tiṭṭhatītissa laddhi, tasmā naṃ tesaṃ tiṇṇampi ekattaṃ pucchati vipāko sārammaṇoti idaṃ vipāko viya vipākadhammadhammopi ārammaṇapaṭibaddhoyevāti codanatthaṃ pucchati. Itaro pana laddhivasenekaṃ paṭijānāti, ekaṃ paṭikkhipati. Paṭilomepi eseva nayo. Sesamettha yathāpāḷimeva niyyātīti.
гаммуубажаяагат̇ааван̣н̣анаа.
Kammūpacayakathāvaṇṇanā.
баннарасамо ваг̇г̇о.
Pannarasamo vaggo.
д̇ад̇ияабан̣н̣аасаго самад̇д̇о.
Tatiyapaṇṇāsako samatto.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (155) 11. гаммуубажаяагат̇аа • (155) 11. Kammūpacayakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 11. гаммуубажаяагат̇ааван̣н̣анаа • 11. Kammūpacayakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 11. гаммуубажаяагат̇ааван̣н̣анаа • 11. Kammūpacayakathāvaṇṇanā
