| Library / Tipiṭaka / திபிடக • Tipiṭaka / கங்கா²விதரணீ-புராண-டீகா • Kaṅkhāvitaraṇī-purāṇa-ṭīkā |
4. காணமாதாஸிக்கா²பத³வண்ணனா
4. Kāṇamātāsikkhāpadavaṇṇanā
த்³வத்திபத்தபூரா படிக்³க³ஹேதப்³பா³தி ததா²னீதபூவேஹி அத்தி²கேன உக்கட்ட²பத்தப்பமாணவஸேன க³ஹேதப்³பா³. ‘‘மா கோ² த்வங் எத்த² படிக்³க³ண்ஹீ’’தி அபாதெ²ய்யாதி³அத்தா²ய ஸஜ்ஜிதஸஞ்ஞாய அதிரேகப்படிக்³க³ஹணேன ஆரோசனே, அஸங்விபா⁴கே³ ச ந முச்சதி அசித்தகத்தா ஸிக்கா²பத³ஸ்ஸ. அத² உக்³க³ஹிதகங் க³ண்ஹாதி, ந முச்சதி ஏவ. அஸங்விபா⁴கே³ பன அனாபத்தி அகப்பியத்தா. அசித்தகதா பண்ணத்திஜானநாபா⁴வேனேவ, ந வத்து²ஜானநாபா⁴வேனாதி ஏகே. ‘‘ந பாதெ²ய்யாதி³அத்தா²ய ஸஜ்ஜிதபா⁴வஜானந’’ந்தி அங்கே³ஸு அவுத்தத்தா ஸசே ஸஞ்சிச்ச ந வத³தி, பாசித்தியந்தி போராணா வத³ந்தி. அதிரேகப்படிக்³க³ஹணந்தி தத்த² பஞ்சமங்வ அங்க³ங் வுத்தங், தஸ்மா அப்படிக்³க³ஹிதத்தா ந பாசித்தியங், கத்தப்³பா³கரணதோ பன து³க்கடங். அஞ்ஞதா² கிரியாகிரியங் இத³ங் ஆபஜ்ஜதி. அனிவாரணங், அனாரோசனங் வா ச²ட்ட²மங்க³ங் வத்தப்³ப³ங் ஸியா.
Dvattipattapūrā paṭiggahetabbāti tathānītapūvehi atthikena ukkaṭṭhapattappamāṇavasena gahetabbā. ‘‘Mā kho tvaṃ ettha paṭiggaṇhī’’ti apātheyyādiatthāya sajjitasaññāya atirekappaṭiggahaṇena ārocane, asaṃvibhāge ca na muccati acittakattā sikkhāpadassa. Atha uggahitakaṃ gaṇhāti, na muccati eva. Asaṃvibhāge pana anāpatti akappiyattā. Acittakatā paṇṇattijānanābhāveneva, na vatthujānanābhāvenāti eke. ‘‘Na pātheyyādiatthāya sajjitabhāvajānana’’nti aṅgesu avuttattā sace sañcicca na vadati, pācittiyanti porāṇā vadanti. Atirekappaṭiggahaṇanti tattha pañcamaṃva aṅgaṃ vuttaṃ, tasmā appaṭiggahitattā na pācittiyaṃ, kattabbākaraṇato pana dukkaṭaṃ. Aññathā kiriyākiriyaṃ idaṃ āpajjati. Anivāraṇaṃ, anārocanaṃ vā chaṭṭhamaṅgaṃ vattabbaṃ siyā.
காணமாதாஸிக்கா²பத³வண்ணனா நிட்டி²தா.
Kāṇamātāsikkhāpadavaṇṇanā niṭṭhitā.
