| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
4. гаан̣амаад̇аасигкаабад̣̇аван̣н̣анаа
4. Kāṇamātāsikkhāpadavaṇṇanā
230. жад̇уд̇т̇асигкаабад̣̇з – гаан̣амаад̇аад̇и гаан̣ааяа маад̇аа. саа гирассаа д̇хийд̇аа абхируубаа ахоси, яз яз д̇ам̣ бассанд̇и, д̇з д̇з рааг̇зна гаан̣аа хонд̇и, рааг̇анд̇хаа хонд̇ийд̇и ад̇т̇о. д̇асмаа барзсам̣ гаан̣абхаавагаран̣ад̇о ‘‘гаан̣аа’’д̇и виссуд̇аа ахоси. д̇ассаа васзна маад̇аабиссаа ‘‘гаан̣амаад̇аа’’д̇и баагадаа ж̇аад̇аа. ааг̇ад̇анд̇и ааг̇аманам̣. гисмим̣ вияаад̇и гийд̣̇исам̣ вияа; лаж̇ж̇анагам̣ вияа ход̇ийд̇и ад̇хиббааяо. рид̇д̇ахад̇т̇ам̣ г̇анд̇унд̇и рид̇д̇аа хад̇т̇аа асмим̣ г̇аманз д̇ад̣̇ид̣̇ам̣ рид̇д̇ахад̇т̇ам̣, д̇ам̣ рид̇д̇ахад̇т̇ам̣ г̇аманам̣ г̇анд̇ум̣ лаж̇ж̇анагам̣ вияа ход̇ийд̇и вуд̇д̇ам̣ ход̇и. баригкаяам̣ аг̇амаасийд̇и убаасигаа арияасаавигаа бхигкуу д̣̇исваа санд̇ам̣ ад̣̇аад̇ум̣ на саггод̇и, д̇асмаа д̇аава д̣̇аабзси, яаава саб̣б̣ам̣ баригкаяам̣ аг̇амааси. д̇хаммияаа гат̇ааяаад̇и зд̇т̇а гаан̣ааби маад̇у ад̇т̇ааяа д̣̇зсияамаанам̣ д̇хаммам̣ сун̣анд̇ий д̣̇зсанаабарияосаанз сод̇аабаннаа ахоси. удтааяаасанаа баггаамийд̇и аасанад̇о удтахид̇ваа г̇ад̇о. соби бурисо ‘‘сад̇т̇аа гира гаан̣амаад̇ааяа нивзсанам̣ аг̇амаасий’’д̇и суд̇ваа гаан̣ам̣ аанзд̇ваа багад̇идтаанзязва табзси.
230. Catutthasikkhāpade – kāṇamātāti kāṇāya mātā. Sā kirassā dhītā abhirūpā ahosi, ye ye taṃ passanti, te te rāgena kāṇā honti, rāgandhā hontīti attho. Tasmā paresaṃ kāṇabhāvakaraṇato ‘‘kāṇā’’ti vissutā ahosi. Tassā vasena mātāpissā ‘‘kāṇamātā’’ti pākaṭā jātā. Āgatanti āgamanaṃ. Kismiṃ viyāti kīdisaṃ viya; lajjanakaṃ viya hotīti adhippāyo. Rittahatthaṃ gantunti rittā hatthā asmiṃ gamane tadidaṃ rittahatthaṃ, taṃ rittahatthaṃ gamanaṃ gantuṃ lajjanakaṃ viya hotīti vuttaṃ hoti. Parikkhayaṃ agamāsīti upāsikā ariyasāvikā bhikkhū disvā santaṃ adātuṃ na sakkoti, tasmā tāva dāpesi, yāva sabbaṃ parikkhayaṃ agamāsi. Dhammiyā kathāyāti ettha kāṇāpi mātu atthāya desiyamānaṃ dhammaṃ suṇantī desanāpariyosāne sotāpannā ahosi. Uṭṭhāyāsanā pakkāmīti āsanato uṭṭhahitvā gato. Sopi puriso ‘‘satthā kira kāṇamātāya nivesanaṃ agamāsī’’ti sutvā kāṇaṃ ānetvā pakatiṭṭhāneyeva ṭhapesi.
231. имасмим̣ бана вад̇т̇усмим̣ уббаннамад̇д̇з аббан̃н̃ад̇д̇зязва сигкаабад̣̇з баат̇зяяавад̇т̇у уд̣̇абаад̣̇и, д̇асмаа ананд̇арамзва жзд̇ам̣ д̣̇ассзд̇ум̣ ‘‘д̇зна ко бана самаязнаа’’д̇иаад̣̇и вуд̇д̇ам̣. соби жа убаасаго арияасаавагад̇д̇аа саб̣б̣амзва д̣̇аабзси. д̇зна вуд̇д̇ам̣ – ‘‘баригкаяам̣ аг̇амаасий’’д̇и.
231. Imasmiṃ pana vatthusmiṃ uppannamatte appaññatteyeva sikkhāpade pātheyyavatthu udapādi, tasmā anantarameva cetaṃ dassetuṃ ‘‘tena kho pana samayenā’’tiādi vuttaṃ. Sopi ca upāsako ariyasāvakattā sabbameva dāpesi. Tena vuttaṃ – ‘‘parikkhayaṃ agamāsī’’ti.
233. яам̣гин̃жи бахзн̣агад̇т̇ааяаад̇и бан̣н̣аагаарад̇т̇ааяа бадияад̇д̇ам̣ яам̣гин̃жи ад̇ирасагамод̣̇агасагкалигаад̣̇и саб̣б̣ам̣ ид̇ха буувод̇взва сан̇кяам̣ г̇ажчад̇и. яам̣гин̃жи баат̇зяяад̇т̇ааяаад̇и маг̇г̇ам̣ г̇ажчанд̇аанам̣ анд̇араамаг̇г̇ад̇т̇ааяа бадияад̇д̇ам̣ яам̣гин̃жи б̣ад̣̇д̇хасад̇д̇уаб̣ад̣̇д̇хасад̇д̇уд̇илад̇ан̣д̣улаад̣̇и саб̣б̣ам̣ ид̇ха мант̇од̇взва сан̇кяам̣ г̇ажчад̇и. д̇ад̇о жз уд̇д̇аринд̇и сажзби д̇ад̇ияам̣ бад̇д̇ам̣ т̇уубийгад̇ам̣ г̇ан̣хаад̇и, бууваг̇ан̣анааяа баажид̇д̇ияам̣.
233.Yaṃkiñci paheṇakatthāyāti paṇṇākāratthāya paṭiyattaṃ yaṃkiñci atirasakamodakasakkhalikādi sabbaṃ idha pūvotveva saṅkhyaṃ gacchati. Yaṃkiñcipātheyyatthāyāti maggaṃ gacchantānaṃ antarāmaggatthāya paṭiyattaṃ yaṃkiñci baddhasattuabaddhasattutilataṇḍulādi sabbaṃ idha manthotveva saṅkhyaṃ gacchati. Tato ce uttarinti sacepi tatiyaṃ pattaṃ thūpīkataṃ gaṇhāti, pūvagaṇanāya pācittiyaṃ.
д̣̇вад̇д̇ибад̇д̇абуурз бадиг̇г̇ахзд̇ваад̇и мукаваддияаа хздтималзкааяа самабуурз бад̇д̇з г̇ахзд̇ваа. амуд̇ра маяаа д̣̇вад̇д̇ибад̇д̇абуураад̇и зд̇т̇а сажз д̣̇вз г̇ахид̇аа, ‘‘ад̇ра маяаа д̣̇вз бад̇д̇абуураа бадиг̇г̇ахид̇аа, д̇вам̣ згам̣ г̇ан̣хзяяаасий’’д̇и вад̇д̇аб̣б̣ам̣. д̇знааби ан̃н̃ам̣ бассид̇ваа ‘‘батамам̣ ааг̇ад̇зна д̣̇вз бад̇д̇абуураа г̇ахид̇аа, маяаа зго, маа д̇вам̣ г̇ан̣хий’’д̇и вад̇д̇аб̣б̣ам̣. язна батамам̣ зго г̇ахид̇о, д̇ассааби барамбараарожанз зсзва наяо. язна бана саяамзва д̇аяо г̇ахид̇аа, д̇зна ан̃н̃ам̣ д̣̇исваа ‘‘маа ко зд̇т̇а бадиг̇г̇ан̣хи’’ жжзва вад̇д̇аб̣б̣ам̣. бадиггаманам̣ нийхарид̇ваад̇и аасанасаалам̣ харид̇ваа, аасанасаалам̣ г̇ажчанд̇зна жа чад̣д̣ид̇асаалаа на г̇анд̇аб̣б̣аа. яад̇т̇а махаа бхигкусан̇гхо нисийд̣̇ад̇и, д̇ад̇т̇а г̇анд̇аб̣б̣ам̣. махаабажжарияам̣ бана вуд̇д̇ам̣ ‘‘яаа лад̣̇д̇хадтаанад̇о аасаннаа аасанасаалаа, д̇ад̇т̇а г̇анд̇аб̣б̣ам̣. ад̇д̇ано ‘санд̣̇идтаанам̣ ваа самбхад̇д̇аанам̣ ваа зганигааяигаанам̣ ваа д̣̇ассаамий’д̇и ан̃н̃ад̇т̇а г̇анд̇ум̣ на лаб̣бхад̇и. сажз банасса ниб̣ад̣̇д̇ханисийд̣̇анадтаанам̣ ход̇и, д̣̇уурамби г̇анд̇ум̣ ваддад̇ий’’д̇и.
Dvattipattapūre paṭiggahetvāti mukhavaṭṭiyā heṭṭhimalekhāya samapūre patte gahetvā. Amutra mayā dvattipattapūrāti ettha sace dve gahitā, ‘‘atra mayā dve pattapūrā paṭiggahitā, tvaṃ ekaṃ gaṇheyyāsī’’ti vattabbaṃ. Tenāpi aññaṃ passitvā ‘‘paṭhamaṃ āgatena dve pattapūrā gahitā, mayā eko, mā tvaṃ gaṇhī’’ti vattabbaṃ. Yena paṭhamaṃ eko gahito, tassāpi paramparārocane eseva nayo. Yena pana sayameva tayo gahitā, tena aññaṃ disvā ‘‘mā kho ettha paṭiggaṇhi’’ cceva vattabbaṃ. Paṭikkamanaṃ nīharitvāti āsanasālaṃ haritvā, āsanasālaṃ gacchantena ca chaḍḍitasālā na gantabbā. Yattha mahā bhikkhusaṅgho nisīdati, tattha gantabbaṃ. Mahāpaccariyaṃ pana vuttaṃ ‘‘yā laddhaṭṭhānato āsannā āsanasālā, tattha gantabbaṃ. Attano ‘sandiṭṭhānaṃ vā sambhattānaṃ vā ekanikāyikānaṃ vā dassāmī’ti aññattha gantuṃ na labbhati. Sace panassa nibaddhanisīdanaṭṭhānaṃ hoti, dūrampi gantuṃ vaṭṭatī’’ti.
сам̣вибхаж̇ид̇аб̣б̣анд̇и сажз д̇аяо бад̇д̇абуураа г̇ахид̇аа, згам̣ ад̇д̇ано табзд̇ваа д̣̇вз бхигкусан̇гхасса д̣̇аад̇аб̣б̣аа. сажжз д̣̇вз г̇ахид̇аа, згам̣ ад̇д̇ано табзд̇ваа зго сан̇гхасса д̣̇аад̇аб̣б̣о, яат̇аамид̇д̇ам̣ бана д̣̇аад̇ум̣ на лаб̣бхад̇и. язна зго г̇ахид̇о, на д̇зна гин̃жи агаамаа д̣̇аад̇аб̣б̣ам̣, яат̇ааружи гаад̇аб̣б̣ам̣.
Saṃvibhajitabbanti sace tayo pattapūrā gahitā, ekaṃ attano ṭhapetvā dve bhikkhusaṅghassa dātabbā. Sacce dve gahitā, ekaṃ attano ṭhapetvā eko saṅghassa dātabbo, yathāmittaṃ pana dātuṃ na labbhati. Yena eko gahito, na tena kiñci akāmā dātabbaṃ, yathāruci kātabbaṃ.
235. г̇аманз бадиббассад̣̇д̇хзд̇и анд̇араамаг̇г̇з убад̣̇д̣̇авам̣ ваа д̣̇исваа анад̇т̇игад̇ааяа ваа ‘‘маяам̣ ид̣̇аани на бзсиссаама, на г̇амиссаамаа’’д̇и звам̣ г̇аманз бадиббассад̣̇д̇хз убажчиннз. н̃аад̇агаанам̣ баваарид̇аананд̇и зд̇зсам̣ б̣ахумби д̣̇знд̇аанам̣ бадиг̇г̇ан̣ханд̇асса анаабад̇д̇и. адтагат̇аасу бана ‘‘д̇зсамби баат̇зяяабахзн̣агад̇т̇ааяа бадияад̇д̇ад̇о бамаан̣амзва ваддад̇ий’’д̇и вуд̇д̇ам̣. сзсам̣ уд̇д̇аанамзва.
235.Gamane paṭippassaddheti antarāmagge upaddavaṃ vā disvā anatthikatāya vā ‘‘mayaṃ idāni na pesissāma, na gamissāmā’’ti evaṃ gamane paṭippassaddhe upacchinne. Ñātakānaṃ pavāritānanti etesaṃ bahumpi dentānaṃ paṭiggaṇhantassa anāpatti. Aṭṭhakathāsu pana ‘‘tesampi pātheyyapaheṇakatthāya paṭiyattato pamāṇameva vaṭṭatī’’ti vuttaṃ. Sesaṃ uttānameva.
часамудтаанам̣ – гирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, важийгаммам̣, д̇ижид̇д̇ам̣, д̇ивзд̣̇ананд̇и.
Chasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
гаан̣амаад̇аасигкаабад̣̇ам̣ жад̇уд̇т̇ам̣.
Kāṇamātāsikkhāpadaṃ catutthaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. бхож̇анаваг̇г̇о • 4. Bhojanavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 4. гаан̣амаад̇аасигкаабад̣̇аван̣н̣анаа • 4. Kāṇamātāsikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 4. гаан̣амаад̇аасигкаабад̣̇аван̣н̣анаа • 4. Kāṇamātāsikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 4. гаан̣амаад̇аасигкаабад̣̇аван̣н̣анаа • 4. Kāṇamātāsikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 4. гаан̣амаад̇аасигкаабад̣̇ам̣ • 4. Kāṇamātāsikkhāpadaṃ
