| Library / Tipiṭaka / д̇ибидага • Tipiṭaka / ган̇каавид̇аран̣ий-бураан̣а-дийгаа • Kaṅkhāvitaraṇī-purāṇa-ṭīkā |
4. гаан̣амаад̇аасигкаабад̣̇аван̣н̣анаа
4. Kāṇamātāsikkhāpadavaṇṇanā
д̣̇вад̇д̇ибад̇д̇абуураа бадиг̇г̇ахзд̇аб̣б̣аад̇и д̇ат̇аанийд̇абуувзхи ад̇т̇игзна уггадтабад̇д̇аббамаан̣авасзна г̇ахзд̇аб̣б̣аа. ‘‘маа ко д̇вам̣ зд̇т̇а бадиг̇г̇ан̣хий’’д̇и абаат̇зяяаад̣̇иад̇т̇ааяа саж̇ж̇ид̇асан̃н̃ааяа ад̇ирзгаббадиг̇г̇ахан̣зна аарожанз, асам̣вибхааг̇з жа на мужжад̇и ажид̇д̇агад̇д̇аа сигкаабад̣̇асса. ат̇а уг̇г̇ахид̇агам̣ г̇ан̣хаад̇и, на мужжад̇и зва. асам̣вибхааг̇з бана анаабад̇д̇и агаббияад̇д̇аа. ажид̇д̇агад̇аа бан̣н̣ад̇д̇иж̇аананаабхаавзнзва, на вад̇т̇уж̇аананаабхаавзнаад̇и згз. ‘‘на баат̇зяяаад̣̇иад̇т̇ааяа саж̇ж̇ид̇абхааваж̇аанана’’нд̇и ан̇г̇зсу авуд̇д̇ад̇д̇аа сажз сан̃жижжа на вад̣̇ад̇и, баажид̇д̇ияанд̇и бораан̣аа вад̣̇анд̇и. ад̇ирзгаббадиг̇г̇ахан̣анд̇и д̇ад̇т̇а бан̃жамам̣ва ан̇г̇ам̣ вуд̇д̇ам̣, д̇асмаа аббадиг̇г̇ахид̇ад̇д̇аа на баажид̇д̇ияам̣, гад̇д̇аб̣б̣аагаран̣ад̇о бана д̣̇уггадам̣. ан̃н̃ат̇аа гирияаагирияам̣ ид̣̇ам̣ аабаж̇ж̇ад̇и. анивааран̣ам̣, анаарожанам̣ ваа чадтаман̇г̇ам̣ вад̇д̇аб̣б̣ам̣ сияаа.
Dvattipattapūrā paṭiggahetabbāti tathānītapūvehi atthikena ukkaṭṭhapattappamāṇavasena gahetabbā. ‘‘Mā kho tvaṃ ettha paṭiggaṇhī’’ti apātheyyādiatthāya sajjitasaññāya atirekappaṭiggahaṇena ārocane, asaṃvibhāge ca na muccati acittakattā sikkhāpadassa. Atha uggahitakaṃ gaṇhāti, na muccati eva. Asaṃvibhāge pana anāpatti akappiyattā. Acittakatā paṇṇattijānanābhāveneva, na vatthujānanābhāvenāti eke. ‘‘Na pātheyyādiatthāya sajjitabhāvajānana’’nti aṅgesu avuttattā sace sañcicca na vadati, pācittiyanti porāṇā vadanti. Atirekappaṭiggahaṇanti tattha pañcamaṃva aṅgaṃ vuttaṃ, tasmā appaṭiggahitattā na pācittiyaṃ, kattabbākaraṇato pana dukkaṭaṃ. Aññathā kiriyākiriyaṃ idaṃ āpajjati. Anivāraṇaṃ, anārocanaṃ vā chaṭṭhamaṅgaṃ vattabbaṃ siyā.
гаан̣амаад̇аасигкаабад̣̇аван̣н̣анаа нидтид̇аа.
Kāṇamātāsikkhāpadavaṇṇanā niṭṭhitā.
