| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
4. гаан̣амаад̇аасигкаабад̣̇аван̣н̣анаа
4. Kāṇamātāsikkhāpadavaṇṇanā
230-231. жад̇уд̇т̇з гаан̣ааяа маад̇аад̇и гаан̣аад̇и лад̣̇д̇ханаамааяа д̣̇ааригааяа маад̇аа. гасмаа банзсаа гаан̣аа наама ж̇аад̇аад̇и ааха ‘‘саа гирассаа’’д̇иаад̣̇и. имиссаа д̣̇ахарагаалз маад̇аабид̇аро синзхавасзна ‘‘амма гаан̣з, амма гаан̣з’’д̇и вохарим̣су, саа д̇ад̣̇убаад̣̇ааяа гаан̣аа наама ж̇аад̇аа, д̇ассаа жа маад̇аа ‘‘гаан̣амаад̇аа’’д̇и баагадаа ахосийд̇и звамзд̇т̇а гааран̣ам̣ вад̣̇анд̇и. бадияаалоганд̇и бажчимам̣ д̣̇исам̣, бажжаад̣̇ижжанд̇и вуд̇д̇ам̣ ход̇и.
230-231. Catutthe kāṇāya mātāti kāṇāti laddhanāmāya dārikāya mātā. Kasmā panesā kāṇā nāma jātāti āha ‘‘sā kirassā’’tiādi. Imissā daharakāle mātāpitaro sinehavasena ‘‘amma kāṇe, amma kāṇe’’ti vohariṃsu, sā tadupādāya kāṇā nāma jātā, tassā ca mātā ‘‘kāṇamātā’’ti pākaṭā ahosīti evamettha kāraṇaṃ vadanti. Paṭiyālokanti pacchimaṃ disaṃ, paccādiccanti vuttaṃ hoti.
233. бууваг̇ан̣анааяа баажид̇д̇ияанд̇и мукаваддияаа хздтималзкад̇о убаридтид̇абууваг̇ан̣анааяа баажид̇д̇ияам̣. ‘‘д̣̇вад̇д̇ибад̇д̇абуураа бадиг̇г̇ахзд̇аб̣б̣аа’’д̇и хи важанад̇о мукаваддияаа хздтималзкам̣ анад̇игганд̇з д̣̇вз ваа д̇аяо ваа бад̇д̇абуурз г̇ахзд̇ум̣ ваддад̇и.
233.Pūvagaṇanāya pācittiyanti mukhavaṭṭiyā heṭṭhimalekhato upariṭṭhitapūvagaṇanāya pācittiyaṃ. ‘‘Dvattipattapūrā paṭiggahetabbā’’ti hi vacanato mukhavaṭṭiyā heṭṭhimalekhaṃ anatikkante dve vā tayo vā pattapūre gahetuṃ vaṭṭati.
235. адтагат̇аасу бана…бз… вуд̇д̇анд̇и ид̣̇ам̣ адтагат̇аасу д̇ат̇аа ааг̇ад̇абхаавамад̇д̇ад̣̇ийбанад̇т̇ам̣ вуд̇д̇ам̣, на бана д̇асса ваад̣̇асса бад̇идтаабанад̇т̇ам̣. адтагат̇аасу вуд̇д̇ан̃хи баал̣ияаа на самзд̇и. д̇ад̇уд̇д̇ариг̇ахан̣з анаабад̇д̇ид̣̇ассанад̇т̇ан̃хи ‘‘н̃аад̇агаанам̣ баваарид̇аана’’нд̇и вуд̇д̇ам̣. ан̃н̃ат̇аа ‘‘анаабад̇д̇и д̣̇вад̇д̇ибад̇д̇абуурз бадиг̇г̇ан̣хаад̇ий’’д̇и иминаава бамаан̣аяуд̇д̇аг̇г̇ахан̣з анаабад̇д̇исид̣̇д̇хид̇о ‘‘н̃аад̇агаанам̣ баваарид̇аана’’нд̇и висум̣ на вад̇д̇аб̣б̣ам̣. яад̣̇и звам̣ ‘‘д̇ам̣ баал̣ияаа на самзд̇ий’’д̇и гасмаа на вуд̇д̇анд̇и? хздтаа д̇ад̇уд̇д̇арисигкаабад̣̇з вуд̇д̇анаязнзва саггаа вин̃н̃аад̇унд̇и на вуд̇д̇ам̣. вуд̇д̇ан̃хи д̇ад̇т̇а (баараа. адта. 2.526) ‘‘адтагат̇аасу бана н̃аад̇агабаваарид̇адтаанз багад̇ияаава б̣ахумби ваддад̇и, ажчиннагааран̣аа бамаан̣амзва ваддад̇ийд̇и вуд̇д̇ам̣, д̇ам̣ баал̣ияаа на самзд̇ий’’д̇и. ‘‘абаат̇зяяаад̣̇иад̇т̇ааяа бадияаад̣̇ид̇а’’нд̇и сан̃н̃ааяа г̇ан̣ханд̇ассаби аабад̇д̇иязва ажид̇д̇агад̇д̇аа сигкаабад̣̇асса. ад̇д̇аноязва г̇ахан̣ад̇т̇ам̣ ‘‘имасса хад̇т̇з д̣̇зхий’’д̇и важанзнаби аабаж̇ж̇анад̇о ‘‘важийгамма’’нд̇и вуд̇д̇ам̣. сзсам̣ уд̇д̇аанамзва . вуд̇д̇алагкан̣абуувамант̇ад̇аа, асзсагад̇аа, абадиббассад̣̇д̇хаг̇аманад̇аа, на н̃аад̇агаад̣̇ид̇аа, ад̇ирзгабадиг̇г̇ахан̣анд̇и имаани банзд̇т̇а бан̃жа ан̇г̇аани.
235.Aṭṭhakathāsu pana…pe… vuttanti idaṃ aṭṭhakathāsu tathā āgatabhāvamattadīpanatthaṃ vuttaṃ, na pana tassa vādassa patiṭṭhāpanatthaṃ. Aṭṭhakathāsu vuttañhi pāḷiyā na sameti. Tatuttarigahaṇe anāpattidassanatthañhi ‘‘ñātakānaṃ pavāritāna’’nti vuttaṃ. Aññathā ‘‘anāpatti dvattipattapūre paṭiggaṇhātī’’ti imināva pamāṇayuttaggahaṇe anāpattisiddhito ‘‘ñātakānaṃ pavāritāna’’nti visuṃ na vattabbaṃ. Yadi evaṃ ‘‘taṃ pāḷiyā na sametī’’ti kasmā na vuttanti? Heṭṭhā tatuttarisikkhāpade vuttanayeneva sakkā viññātunti na vuttaṃ. Vuttañhi tattha (pārā. aṭṭha. 2.526) ‘‘aṭṭhakathāsu pana ñātakapavāritaṭṭhāne pakatiyāva bahumpi vaṭṭati, acchinnakāraṇā pamāṇameva vaṭṭatīti vuttaṃ, taṃ pāḷiyā na sametī’’ti. ‘‘Apātheyyādiatthāya paṭiyādita’’nti saññāya gaṇhantassapi āpattiyeva acittakattā sikkhāpadassa. Attanoyeva gahaṇatthaṃ ‘‘imassa hatthe dehī’’ti vacanenapi āpajjanato ‘‘vacīkamma’’nti vuttaṃ. Sesaṃ uttānameva . Vuttalakkhaṇapūvamanthatā, asesakatā, apaṭippassaddhagamanatā, na ñātakāditā, atirekapaṭiggahaṇanti imāni panettha pañca aṅgāni.
гаан̣амаад̇аасигкаабад̣̇аван̣н̣анаа нидтид̇аа.
Kāṇamātāsikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. бхож̇анаваг̇г̇о • 4. Bhojanavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. гаан̣амаад̇аасигкаабад̣̇аван̣н̣анаа • 4. Kāṇamātāsikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 4. гаан̣амаад̇аасигкаабад̣̇аван̣н̣анаа • 4. Kāṇamātāsikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 4. гаан̣амаад̇аасигкаабад̣̇аван̣н̣анаа • 4. Kāṇamātāsikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 4. гаан̣амаад̇аасигкаабад̣̇ам̣ • 4. Kāṇamātāsikkhāpadaṃ
