| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
4. гаан̣амаад̇аасигкаабад̣̇аван̣н̣анаа
4. Kāṇamātāsikkhāpadavaṇṇanā
231-3. бадияаалоганд̇и бажчимам̣ д̣̇зсам̣. бууваг̇ан̣анааяаад̇и ад̇ирид̇д̇абууваг̇ан̣анааяаад̇и ад̇т̇о. сажз ‘‘абаат̇зяяаад̣̇иад̇т̇ааяа саж̇ж̇ид̇а’’нд̇и сан̃н̃ааяа г̇ан̣хаад̇и, ажид̇д̇агад̇д̇аа сигкаабад̣̇асса аабад̇д̇и зва. ат̇а уг̇г̇ахид̇ам̣ г̇ан̣хаад̇и, на мужжад̇иязва. асам̣вибхааг̇з бана анаабад̇д̇и агаббияад̇д̇аа. ажид̇д̇агад̇аа бан̃н̃ад̇д̇иж̇аананаабхаавзнзва, на вад̇т̇уж̇аананаабхаавзнаад̇и згз. на, маад̇игаадтагат̇ааяам̣ ‘‘баат̇зяяаад̣̇иад̇т̇ааяа саж̇ж̇ид̇абхааваж̇аанана’’нд̇и ан̇г̇зсу авуд̇д̇ад̇д̇аа. бораан̣аг̇ан̣тибад̣̇з банзвам̣ вуд̇д̇ам̣ ‘‘згзна ваа анзгзхи ваа д̣̇вад̇д̇ибад̇д̇абуурзсу г̇ахид̇зсу д̇зсам̣ анаарожанзна ваа саяам̣ ваа ж̇аанид̇ваа яо ан̃н̃ам̣ г̇ан̣хаад̇и, д̇асса д̣̇уггадам̣. згад̇о д̇ийсу, жад̇уусу ваа бавидтзсу згзна жз д̣̇взбад̇д̇абуураа г̇ахид̇аа, д̣̇уд̇ияз д̣̇вз г̇ан̣ханд̇з батамо жз на ниваарзд̇и, батамасса баажид̇д̇ияам̣. ниваарзд̇и жз, анаабад̇д̇и, д̣̇уд̇ияассзва д̣̇уггада’’нд̇и. сажз сан̃жижжа на вад̣̇ад̇и, бораан̣аг̇ан̣тибад̣̇з вуд̇д̇анаязна баажид̇д̇ияам̣, маад̇игаадтагат̇аавасзна (ган̇каа. адта. гаан̣амаад̇аасигкаабад̣̇аван̣н̣анаа) д̣̇уггадам̣. ‘‘ад̇ирзгабадиг̇г̇ахан̣а’’нд̇и д̇ад̇т̇а бан̃жамам̣ ан̇г̇ам̣ вуд̇д̇ам̣, д̇асмаа аббадиг̇г̇ахид̇ад̇д̇аа на баажид̇д̇ияам̣, гад̇д̇аб̣б̣аагаран̣ад̇о бана д̣̇уггадам̣. ан̃н̃ат̇аа гирияаагирияам̣ ид̣̇ам̣ аабаж̇ж̇ад̇и, анивааран̣ам̣, анаарожанам̣ ваа чадтан̇г̇ам̣ вад̇д̇аб̣б̣ам̣ сияаа. зганигааяигаанам̣ ваад̇и зд̇т̇а ‘‘аасаннавихаарабхигкуу, аасаннааасанасаалааг̇ад̇аа ваа сажз висабхааг̇зхи аанийд̇ам̣ на бадиг̇г̇ан̣ханд̇и, ‘аараамигаад̣̇ийнам̣язва ваа д̣̇аабзнд̇ий’д̇и ж̇аанаад̇и, яад̇т̇а барибхог̇ам̣ г̇ажчад̇и, д̇ад̇т̇а д̣̇аад̇ум̣ ваддад̇ий’’д̇и вуд̇д̇ам̣. ‘‘д̣̇вад̇д̇ибад̇д̇абуураа’д̇и важанад̇о бажчиаад̣̇ийсу ад̇хигамби г̇ан̣хад̇о анаабад̇д̇ий’’д̇и гзжи винаяад̇харамаанино вад̣̇анд̇и, д̇ам̣ д̇зсам̣язва нисийд̣̇ад̇у, аажарияаа бана ‘‘бажчиаад̣̇ийсуби уггадтабад̇д̇асса бамаан̣авасзна д̣̇вад̇д̇ибад̇д̇абуураа г̇ахзд̇аб̣б̣аа. уггадтабарижчзд̣̇агат̇аа хзсаа’’д̇и вад̣̇анд̇и.
231-3.Paṭiyālokanti pacchimaṃ desaṃ. Pūvagaṇanāyāti atirittapūvagaṇanāyāti attho. Sace ‘‘apātheyyādiatthāya sajjita’’nti saññāya gaṇhāti, acittakattā sikkhāpadassa āpatti eva. Atha uggahitaṃ gaṇhāti, na muccatiyeva. Asaṃvibhāge pana anāpatti akappiyattā. Acittakatā paññattijānanābhāveneva, na vatthujānanābhāvenāti eke. Na, mātikāṭṭhakathāyaṃ ‘‘pātheyyādiatthāya sajjitabhāvajānana’’nti aṅgesu avuttattā. Porāṇagaṇṭhipade panevaṃ vuttaṃ ‘‘ekena vā anekehi vā dvattipattapūresu gahitesu tesaṃ anārocanena vā sayaṃ vā jānitvā yo aññaṃ gaṇhāti, tassa dukkaṭaṃ. Ekato tīsu, catūsu vā paviṭṭhesu ekena ce dvepattapūrā gahitā, dutiye dve gaṇhante paṭhamo ce na nivāreti, paṭhamassa pācittiyaṃ. Nivāreti ce, anāpatti, dutiyasseva dukkaṭa’’nti. Sace sañcicca na vadati, porāṇagaṇṭhipade vuttanayena pācittiyaṃ, mātikāṭṭhakathāvasena (kaṅkhā. aṭṭha. kāṇamātāsikkhāpadavaṇṇanā) dukkaṭaṃ. ‘‘Atirekapaṭiggahaṇa’’nti tattha pañcamaṃ aṅgaṃ vuttaṃ, tasmā appaṭiggahitattā na pācittiyaṃ, kattabbākaraṇato pana dukkaṭaṃ. Aññathā kiriyākiriyaṃ idaṃ āpajjati, anivāraṇaṃ, anārocanaṃ vā chaṭṭhaṅgaṃ vattabbaṃ siyā. Ekanikāyikānaṃ vāti ettha ‘‘āsannavihārabhikkhū, āsannaāsanasālāgatā vā sace visabhāgehi ānītaṃ na paṭiggaṇhanti, ‘ārāmikādīnaṃyeva vā dāpentī’ti jānāti, yattha paribhogaṃ gacchati, tattha dātuṃ vaṭṭatī’’ti vuttaṃ. ‘‘Dvattipattapūrā’ti vacanato pacchiādīsu adhikampi gaṇhato anāpattī’’ti keci vinayadharamānino vadanti, taṃ tesaṃyeva nisīdatu, ācariyā pana ‘‘pacchiādīsupi ukkaṭṭhapattassa pamāṇavasena dvattipattapūrā gahetabbā. Ukkaṭṭhaparicchedakathā hesā’’ti vadanti.
гаан̣амаад̇аасигкаабад̣̇аван̣н̣анаа нидтид̇аа.
Kāṇamātāsikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. бхож̇анаваг̇г̇о • 4. Bhojanavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. гаан̣амаад̇аасигкаабад̣̇аван̣н̣анаа • 4. Kāṇamātāsikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 4. гаан̣амаад̇аасигкаабад̣̇аван̣н̣анаа • 4. Kāṇamātāsikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 4. гаан̣амаад̇аасигкаабад̣̇аван̣н̣анаа • 4. Kāṇamātāsikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 4. гаан̣амаад̇аасигкаабад̣̇ам̣ • 4. Kāṇamātāsikkhāpadaṃ
