| Library / Tipiṭaka / ติปิฎก • Tipiṭaka / กงฺขาวิตรณี-อภินว-ฎีกา • Kaṅkhāvitaraṇī-abhinava-ṭīkā |
๔. กาณมาตาสิกฺขาปทวณฺณนา
4. Kāṇamātāsikkhāpadavaṇṇanā
ปเหณกตฺถายาติ ปณฺณาการตฺถายฯ ปาเถยฺยตฺถายาติ มคฺคํ คจฺฉนฺตานํ อนฺตรามคฺคตฺถายฯ สตฺตูติ พทฺธสตฺตุ, อพทฺธสตฺตุ จฯ ทฺวตฺติปตฺตปูเร ปฎิคฺคเหตฺวาติ มุขวฎฺฎิยา เหฎฺฐิมเลขาย สมํ ปูเร ทฺวตฺติปตฺตปูเร คเหตฺวาติ อโตฺถฯ อิมสฺส จตฺถสฺส เหฎฺฐา วุตฺตนเยเนว ปากฎตฺตา ตตฺถ กตฺตพฺพปฺปการเมว ทเสฺสตุํ ‘‘เอตฺถา’’ติอาทิมาหฯ เสสนฺติ ตโต เอกปตฺตโต อญฺญํ ปตฺตํฯ สเจ ตโย ปตฺตปูรา คหิตา เทฺว, สเจ เทฺว คหิตา, เอกนฺติ วุตฺตํ โหติฯ
Paheṇakatthāyāti paṇṇākāratthāya. Pātheyyatthāyāti maggaṃ gacchantānaṃ antarāmaggatthāya. Sattūti baddhasattu, abaddhasattu ca. Dvattipattapūre paṭiggahetvāti mukhavaṭṭiyā heṭṭhimalekhāya samaṃ pūre dvattipattapūre gahetvāti attho. Imassa catthassa heṭṭhā vuttanayeneva pākaṭattā tattha kattabbappakārameva dassetuṃ ‘‘etthā’’tiādimāha. Sesanti tato ekapattato aññaṃ pattaṃ. Sace tayo pattapūrā gahitā dve, sace dve gahitā, ekanti vuttaṃ hoti.
คมเน วา ปฎิปฺปสฺสเทฺธติ อนฺตรามเคฺค อุปทฺทวํ ทิสฺวา, อนตฺถิกตาย วา ‘‘มยํ อิทานิ น เปสิสฺสาม น คมิสฺสามา’’ติ เอวํ คมเน อุปจฺฉิเนฺน เทนฺตานนฺติ อโตฺถฯ
Gamanevā paṭippassaddheti antarāmagge upaddavaṃ disvā, anatthikatāya vā ‘‘mayaṃ idāni na pesissāma na gamissāmā’’ti evaṃ gamane upacchinne dentānanti attho.
กาณมาตาสิกฺขาปทวณฺณนา นิฎฺฐิตาฯ
Kāṇamātāsikkhāpadavaṇṇanā niṭṭhitā.
