| Library / Tipiṭaka / ཏིཔིཊཀ • Tipiṭaka / ཀངྑཱཝིཏརཎཱི-ཨབྷིནཝ-ཊཱིཀཱ • Kaṅkhāvitaraṇī-abhinava-ṭīkā |
༤. ཀཱཎམཱཏཱསིཀྑཱཔདཝཎྞནཱ
4. Kāṇamātāsikkhāpadavaṇṇanā
པཧེཎཀཏྠཱཡཱཏི པཎྞཱཀཱརཏྠཱཡ། པཱཐེཡྻཏྠཱཡཱཏི མགྒཾ གཙྪནྟཱནཾ ཨནྟརཱམགྒཏྠཱཡ། སཏྟཱུཏི བདྡྷསཏྟུ, ཨབདྡྷསཏྟུ ཙ། དྭཏྟིཔཏྟཔཱུརེ པཊིགྒཧེཏྭཱཏི མུཁཝཊྚིཡཱ ཧེཊྛིམལེཁཱཡ སམཾ པཱུརེ དྭཏྟིཔཏྟཔཱུརེ གཧེཏྭཱཏི ཨཏྠོ། ཨིམསྶ ཙཏྠསྶ ཧེཊྛཱ ཝུཏྟནཡེནེཝ པཱཀཊཏྟཱ ཏཏྠ ཀཏྟབྦཔྤཀཱརམེཝ དསྶེཏུཾ ‘‘ཨེཏྠཱ’’ཏིཨཱདིམཱཧ། སེསནྟི ཏཏོ ཨེཀཔཏྟཏོ ཨཉྙཾ པཏྟཾ། སཙེ ཏཡོ པཏྟཔཱུརཱ གཧིཏཱ དྭེ, སཙེ དྭེ གཧིཏཱ, ཨེཀནྟི ཝུཏྟཾ ཧོཏི།
Paheṇakatthāyāti paṇṇākāratthāya. Pātheyyatthāyāti maggaṃ gacchantānaṃ antarāmaggatthāya. Sattūti baddhasattu, abaddhasattu ca. Dvattipattapūre paṭiggahetvāti mukhavaṭṭiyā heṭṭhimalekhāya samaṃ pūre dvattipattapūre gahetvāti attho. Imassa catthassa heṭṭhā vuttanayeneva pākaṭattā tattha kattabbappakārameva dassetuṃ ‘‘etthā’’tiādimāha. Sesanti tato ekapattato aññaṃ pattaṃ. Sace tayo pattapūrā gahitā dve, sace dve gahitā, ekanti vuttaṃ hoti.
གམནེ ཝཱ པཊིཔྤསྶདྡྷེཏི ཨནྟརཱམགྒེ ཨུཔདྡཝཾ དིསྭཱ, ཨནཏྠིཀཏཱཡ ཝཱ ‘‘མཡཾ ཨིདཱནི ན པེསིསྶཱམ ན གམིསྶཱམཱ’’ཏི ཨེཝཾ གམནེ ཨུཔཙྪིནྣེ དེནྟཱནནྟི ཨཏྠོ།
Gamanevā paṭippassaddheti antarāmagge upaddavaṃ disvā, anatthikatāya vā ‘‘mayaṃ idāni na pesissāma na gamissāmā’’ti evaṃ gamane upacchinne dentānanti attho.
ཀཱཎམཱཏཱསིཀྑཱཔདཝཎྞནཱ ནིཊྛིཏཱ།
Kāṇamātāsikkhāpadavaṇṇanā niṭṭhitā.
