| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
2. கணவேரபுப்பி²யத்தே²ரஅபதா³னவண்ணனா
2. Kaṇaverapupphiyattheraapadānavaṇṇanā
ஸித்³த⁴த்தோ² நாம ப⁴க³வாதிஆதி³கங் ஆயஸ்மதோ கணவேரபுப்பி²யத்தே²ரஸ்ஸ அபதா³னங். அயம்பி புரிமபு³த்³தே⁴ஸு கதாதி⁴காரோ ஸித்³த⁴த்த²ஸ்ஸ ப⁴க³வதோ காலே ஸுத்³த³குலே நிப்³ப³த்தோ வுத்³தி⁴மன்வாய ரஞ்ஞோ அந்தேபுரபாலகோ அஹோஸி. தஸ்மிங் ஸமயே ஸித்³த⁴த்தோ² ப⁴க³வா பி⁴க்கு²ஸங்க⁴பரிவுதோ ராஜவீதி²ங் படிபஜ்ஜி. அத² ஸோ அந்தேபுரபாலகோ சரமானங் ப⁴க³வந்தங் தி³ஸ்வா பஸன்னமானஸோ ஹுத்வா கணவேரபுப்பே²ன ப⁴க³வந்தங் பூஜெத்வா நமஸ்ஸமானோ அட்டா²ஸி. ஸோ தேன புஞ்ஞேன ஸுக³திஸம்பத்தியோயேவ அனுப⁴வித்வா இமஸ்மிங் பு³த்³து⁴ப்பாதே³ ஏகஸ்மிங் குலே நிப்³ப³த்தித்வா வுத்³தி⁴ப்பத்தோ ஸத்து² த⁴ம்மதே³ஸனங் ஸுத்வா படிலத்³த⁴ஸத்³தோ⁴ பப்³ப³ஜித்வா நசிரஸ்ஸேவ அரஹா அஹோஸி.
Siddhatthonāma bhagavātiādikaṃ āyasmato kaṇaverapupphiyattherassa apadānaṃ. Ayampi purimabuddhesu katādhikāro siddhatthassa bhagavato kāle suddakule nibbatto vuddhimanvāya rañño antepurapālako ahosi. Tasmiṃ samaye siddhattho bhagavā bhikkhusaṅghaparivuto rājavīthiṃ paṭipajji. Atha so antepurapālako caramānaṃ bhagavantaṃ disvā pasannamānaso hutvā kaṇaverapupphena bhagavantaṃ pūjetvā namassamāno aṭṭhāsi. So tena puññena sugatisampattiyoyeva anubhavitvā imasmiṃ buddhuppāde ekasmiṃ kule nibbattitvā vuddhippatto satthu dhammadesanaṃ sutvā paṭiladdhasaddho pabbajitvā nacirasseva arahā ahosi.
7. ஸோ பத்தஅக்³க³ப²லோ புப்³பே³ கதகுஸலங் ஸரித்வா ஸஞ்ஜாதஸோமனஸ்ஸோ புப்³ப³சரிதாபதா³னங் பகாஸெந்தோ ஸித்³த⁴த்தோ² நாம ப⁴க³வாதிஆதி³மாஹ. தங் ஸப்³ப³ங் ஹெட்டா² வுத்தத்தா உத்தானத்த²மேவாதி.
7. So pattaaggaphalo pubbe katakusalaṃ saritvā sañjātasomanasso pubbacaritāpadānaṃ pakāsento siddhattho nāma bhagavātiādimāha. Taṃ sabbaṃ heṭṭhā vuttattā uttānatthamevāti.
கணவேரபுப்பி²யத்தே²ரஅபதா³னவண்ணனா ஸமத்தா.
Kaṇaverapupphiyattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 2. கணவேரபுப்பி²யத்தே²ரஅபதா³னங் • 2. Kaṇaverapupphiyattheraapadānaṃ
