| Library / Tipiṭaka / తిపిటక • Tipiṭaka / అపదాన-అట్ఠకథా • Apadāna-aṭṭhakathā |
౨. కణవేరపుప్ఫియత్థేరఅపదానవణ్ణనా
2. Kaṇaverapupphiyattheraapadānavaṇṇanā
సిద్ధత్థో నామ భగవాతిఆదికం ఆయస్మతో కణవేరపుప్ఫియత్థేరస్స అపదానం. అయమ్పి పురిమబుద్ధేసు కతాధికారో సిద్ధత్థస్స భగవతో కాలే సుద్దకులే నిబ్బత్తో వుద్ధిమన్వాయ రఞ్ఞో అన్తేపురపాలకో అహోసి. తస్మిం సమయే సిద్ధత్థో భగవా భిక్ఖుసఙ్ఘపరివుతో రాజవీథిం పటిపజ్జి. అథ సో అన్తేపురపాలకో చరమానం భగవన్తం దిస్వా పసన్నమానసో హుత్వా కణవేరపుప్ఫేన భగవన్తం పూజేత్వా నమస్సమానో అట్ఠాసి. సో తేన పుఞ్ఞేన సుగతిసమ్పత్తియోయేవ అనుభవిత్వా ఇమస్మిం బుద్ధుప్పాదే ఏకస్మిం కులే నిబ్బత్తిత్వా వుద్ధిప్పత్తో సత్థు ధమ్మదేసనం సుత్వా పటిలద్ధసద్ధో పబ్బజిత్వా నచిరస్సేవ అరహా అహోసి.
Siddhatthonāma bhagavātiādikaṃ āyasmato kaṇaverapupphiyattherassa apadānaṃ. Ayampi purimabuddhesu katādhikāro siddhatthassa bhagavato kāle suddakule nibbatto vuddhimanvāya rañño antepurapālako ahosi. Tasmiṃ samaye siddhattho bhagavā bhikkhusaṅghaparivuto rājavīthiṃ paṭipajji. Atha so antepurapālako caramānaṃ bhagavantaṃ disvā pasannamānaso hutvā kaṇaverapupphena bhagavantaṃ pūjetvā namassamāno aṭṭhāsi. So tena puññena sugatisampattiyoyeva anubhavitvā imasmiṃ buddhuppāde ekasmiṃ kule nibbattitvā vuddhippatto satthu dhammadesanaṃ sutvā paṭiladdhasaddho pabbajitvā nacirasseva arahā ahosi.
౭. సో పత్తఅగ్గఫలో పుబ్బే కతకుసలం సరిత్వా సఞ్జాతసోమనస్సో పుబ్బచరితాపదానం పకాసేన్తో సిద్ధత్థో నామ భగవాతిఆదిమాహ. తం సబ్బం హేట్ఠా వుత్తత్తా ఉత్తానత్థమేవాతి.
7. So pattaaggaphalo pubbe katakusalaṃ saritvā sañjātasomanasso pubbacaritāpadānaṃ pakāsento siddhattho nāma bhagavātiādimāha. Taṃ sabbaṃ heṭṭhā vuttattā uttānatthamevāti.
కణవేరపుప్ఫియత్థేరఅపదానవణ్ణనా సమత్తా.
Kaṇaverapupphiyattheraapadānavaṇṇanā samattā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / ఖుద్దకనికాయ • Khuddakanikāya / అపదానపాళి • Apadānapāḷi / ౨. కణవేరపుప్ఫియత్థేరఅపదానం • 2. Kaṇaverapupphiyattheraapadānaṃ
