| Library / Tipiṭaka / තිපිටක • Tipiṭaka / අපදාන-අට්‌ඨකථා • Apadāna-aṭṭhakathā |
2. කණවෙරපුප්‌ඵියත්‌ථෙරඅපදානවණ්‌ණනා
2. Kaṇaverapupphiyattheraapadānavaṇṇanā
සිද්‌ධත්‌ථො නාම භගවාතිආදිකං ආයස්‌මතො කණවෙරපුප්‌ඵියත්‌ථෙරස්‌ස අපදානං. අයම්‌පි පුරිමබුද්‌ධෙසු කතාධිකාරො සිද්‌ධත්‌ථස්‌ස භගවතො කාලෙ සුද්‌දකුලෙ නිබ්‌බත්‌තො වුද්‌ධිමන්‌වාය රඤ්‌ඤො අන්‌තෙපුරපාලකො අහොසි. තස්‌මිං සමයෙ සිද්‌ධත්‌ථො භගවා භික්‌ඛුසඞ්‌ඝපරිවුතො රාජවීථිං පටිපජ්‌ජි. අථ සො අන්‌තෙපුරපාලකො චරමානං භගවන්‌තං දිස්‌වා පසන්‌නමානසො හුත්‌වා කණවෙරපුප්‌ඵෙන භගවන්‌තං පූජෙත්‌වා නමස්‌සමානො අට්‌ඨාසි. සො තෙන පුඤ්‌ඤෙන සුගතිසම්‌පත්‌තියොයෙව අනුභවිත්‌වා ඉමස්‌මිං බුද්‌ධුප්‌පාදෙ එකස්‌මිං කුලෙ නිබ්‌බත්‌තිත්‌වා වුද්‌ධිප්‌පත්‌තො සත්‌ථු ධම්‌මදෙසනං සුත්‌වා පටිලද්‌ධසද්‌ධො පබ්‌බජිත්‌වා නචිරස්‌සෙව අරහා අහොසි.
Siddhatthonāma bhagavātiādikaṃ āyasmato kaṇaverapupphiyattherassa apadānaṃ. Ayampi purimabuddhesu katādhikāro siddhatthassa bhagavato kāle suddakule nibbatto vuddhimanvāya rañño antepurapālako ahosi. Tasmiṃ samaye siddhattho bhagavā bhikkhusaṅghaparivuto rājavīthiṃ paṭipajji. Atha so antepurapālako caramānaṃ bhagavantaṃ disvā pasannamānaso hutvā kaṇaverapupphena bhagavantaṃ pūjetvā namassamāno aṭṭhāsi. So tena puññena sugatisampattiyoyeva anubhavitvā imasmiṃ buddhuppāde ekasmiṃ kule nibbattitvā vuddhippatto satthu dhammadesanaṃ sutvā paṭiladdhasaddho pabbajitvā nacirasseva arahā ahosi.
7. සො පත්‌තඅග්‌ගඵලො පුබ්‌බෙ කතකුසලං සරිත්‌වා සඤ්‌ජාතසොමනස්‌සො පුබ්‌බචරිතාපදානං පකාසෙන්‌තො සිද්‌ධත්‌ථො නාම භගවාතිආදිමාහ. තං සබ්‌බං හෙට්‌ඨා වුත්‌තත්‌තා උත්‌තානත්‌ථමෙවාති.
7. So pattaaggaphalo pubbe katakusalaṃ saritvā sañjātasomanasso pubbacaritāpadānaṃ pakāsento siddhattho nāma bhagavātiādimāha. Taṃ sabbaṃ heṭṭhā vuttattā uttānatthamevāti.
කණවෙරපුප්‌ඵියත්‌ථෙරඅපදානවණ්‌ණනා සමත්‌තා.
Kaṇaverapupphiyattheraapadānavaṇṇanā samattā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / ඛුද්‌දකනිකාය • Khuddakanikāya / අපදානපාළි • Apadānapāḷi / 2. කණවෙරපුප්‌ඵියත්‌ථෙරඅපදානං • 2. Kaṇaverapupphiyattheraapadānaṃ
