| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[56] 6. ган̃жанагканд̇хаж̇аад̇агаван̣н̣анаа
[56] 6. Kañcanakkhandhajātakavaṇṇanā
яо бахадтзна жид̇д̇знаад̇и ид̣̇ам̣ сад̇т̇аа ж̇зд̇аванз вихаранд̇о ан̃н̃ад̇арам̣ бхигкум̣ аараб̣бха гат̇зси. зго гира саавад̇т̇иваасий гулабуд̇д̇о сад̇т̇у д̇хаммад̣̇зсанам̣ суд̇ваа рад̇анасаасанз урам̣ д̣̇ад̇ваа баб̣б̣аж̇и. ат̇асса аажарияубаж̇жхааяаа ‘‘аавусо, згавид̇хзна сийлам̣ наама, д̣̇увид̇хзна, д̇ивид̇хзна, жад̇уб̣б̣ид̇хзна, бан̃жавид̇хзна, чаб̣б̣ид̇хзна, сад̇д̇авид̇хзна, адтавид̇хзна, нававид̇хзна, д̣̇асавид̇хзна, б̣ахувид̇хзна сийлам̣ наама. ид̣̇ам̣ жуул̣асийлам̣ наама, ид̣̇ам̣ маж̇жхимасийлам̣ наама, ид̣̇ам̣ махаасийлам̣ наама. ид̣̇ам̣ баад̇имогкасам̣варасийлам̣ наама, ид̣̇ам̣ инд̣̇рияасам̣варасийлам̣ наама, ид̣̇ам̣ ааж̇ийвабаарисуд̣̇д̇хисийлам̣ наама, ид̣̇ам̣ бажжаяабадисзванасийлам̣ наамаа’’д̇и сийлам̣ аажигканд̇и. со жинд̇зси ‘‘ид̣̇ам̣ сийлам̣ наама ад̇иб̣аху, ахам̣ зд̇д̇агам̣ самаад̣̇ааяа вад̇д̇ид̇ум̣ на сагкиссаами, сийлам̣ буурзд̇ум̣ асаггонд̇асса жа наама баб̣б̣аж̇ж̇ааяа го ад̇т̇о, ахам̣ г̇ихий худ̇ваа д̣̇аанаад̣̇ийни бун̃н̃аани жа гариссаами, буд̇д̇ад̣̇ааран̃жа босзссаамий’’д̇и. зван̃жа бана жинд̇зд̇ваа ‘‘бханд̇з, ахам̣ сийлам̣ рагкид̇ум̣ на сагкиссаами, асаггонд̇асса жа наама баб̣б̣аж̇ж̇ааяа го ад̇т̇о, ахам̣ хийнааяаавад̇д̇иссаами, д̇умхаагам̣ бад̇д̇ажийварам̣ г̇ан̣хат̇аа’’д̇и ааха.
Yopahaṭṭhena cittenāti idaṃ satthā jetavane viharanto aññataraṃ bhikkhuṃ ārabbha kathesi. Eko kira sāvatthivāsī kulaputto satthu dhammadesanaṃ sutvā ratanasāsane uraṃ datvā pabbaji. Athassa ācariyupajjhāyā ‘‘āvuso, ekavidhena sīlaṃ nāma, duvidhena, tividhena, catubbidhena, pañcavidhena, chabbidhena, sattavidhena, aṭṭhavidhena, navavidhena, dasavidhena, bahuvidhena sīlaṃ nāma. Idaṃ cūḷasīlaṃ nāma, idaṃ majjhimasīlaṃ nāma, idaṃ mahāsīlaṃ nāma. Idaṃ pātimokkhasaṃvarasīlaṃ nāma, idaṃ indriyasaṃvarasīlaṃ nāma, idaṃ ājīvapārisuddhisīlaṃ nāma, idaṃ paccayapaṭisevanasīlaṃ nāmā’’ti sīlaṃ ācikkhanti. So cintesi ‘‘idaṃ sīlaṃ nāma atibahu, ahaṃ ettakaṃ samādāya vattituṃ na sakkhissāmi, sīlaṃ pūretuṃ asakkontassa ca nāma pabbajjāya ko attho, ahaṃ gihī hutvā dānādīni puññāni ca karissāmi, puttadārañca posessāmī’’ti. Evañca pana cintetvā ‘‘bhante, ahaṃ sīlaṃ rakkhituṃ na sakkhissāmi, asakkontassa ca nāma pabbajjāya ko attho, ahaṃ hīnāyāvattissāmi, tumhākaṃ pattacīvaraṃ gaṇhathā’’ti āha.
ат̇а нам̣ аахам̣су ‘‘аавусо звам̣ санд̇з д̣̇асаб̣алам̣ ванд̣̇ид̇ваава яаахий’’д̇и д̇з д̇ам̣ аад̣̇ааяа сад̇т̇у санд̇игам̣ д̇хаммасабхам̣ аг̇амам̣су. сад̇т̇аа д̣̇исваава ‘‘гим̣, бхигкавз, анад̇т̇игам̣ бхигкум̣ аад̣̇ааяа ааг̇ад̇ад̇т̇аа’’д̇и ааха. бханд̇з, аяам̣ бхигку ‘‘ахам̣ сийлам̣ рагкид̇ум̣ на сагкиссаамий’’д̇и бад̇д̇ажийварам̣ нияяаад̣̇зд̇и, ат̇а нам̣ маяам̣ г̇ахзд̇ваа ааг̇ад̇амхаад̇и. ‘‘гасмаа бана д̇умхз, бхигкавз, имасса бхигкуно б̣ахум̣ сийлам̣ аажигкат̇а. яад̇д̇агам̣ зса рагкид̇ум̣ саггод̇и, д̇ад̇д̇агамзва рагкиссад̇и. ид̇о бадтааяа д̇умхз зд̇ам̣ маа гин̃жи аважуд̇т̇а, ахамзд̇т̇а гад̇д̇аб̣б̣ам̣ ж̇ааниссаами, зхи д̇вам̣ бхигку, гим̣ д̇з б̣ахунаа сийлзна, д̇ийн̣иязва сийлаани рагкид̇ум̣ сагкиссасий’’д̇и? ‘‘рагкиссаами, бханд̇з’’д̇и. д̇зна хи д̇вам̣ ид̇о бадтааяа гааяад̣̇ваарам̣ важийд̣̇ваарам̣ манод̣̇вааранд̇и д̇ийн̣и д̣̇ваараани рагка, маа гааязна баабагаммам̣ гари, маа ваажааяа, маа манасаа. ‘‘г̇ажча маа хийнааяаавад̇д̇и, имаани д̇ийн̣иязва сийлаани рагкаа’’д̇и. зд̇д̇аавад̇аа со бхигку д̇удтамаанасо ‘‘саад̇ху, бханд̇з, рагкиссаами имаани д̇ийн̣и сийлааний’’д̇и сад̇т̇аарам̣ ванд̣̇ид̇ваа аажарияубаж̇жхааязхи сад̣̇д̇хим̣язва аг̇амааси. со д̇аани д̇ийн̣и сийлаани буурзнд̇ова ан̃н̃ааси ‘‘аажарияубаж̇жхааязхи маяхам̣ аажигкид̇ам̣ сийламби зд̇д̇агамзва, д̇з бана ад̇д̇ано аб̣уд̣̇д̇хабхаавзна мам̣ б̣уж̇жхаабзд̇ум̣ наасагким̣су, саммаасамб̣уд̣̇д̇хо ад̇д̇ано б̣уд̣̇д̇хасуб̣уд̣̇д̇хад̇ааяа ануд̇д̇арад̇хаммарааж̇ад̇ааяа зд̇д̇агам̣ сийлам̣ д̇ийсуязва д̣̇ваарзсу багкибид̇ваа мам̣ г̇ан̣хаабзси, авассаяо вад̇а мз сад̇т̇аа ж̇аад̇о’’д̇и вибассанам̣ вад̣дхзд̇ваа гад̇ибаахзнзва арахад̇д̇з бад̇идтааси.
Atha naṃ āhaṃsu ‘‘āvuso evaṃ sante dasabalaṃ vanditvāva yāhī’’ti te taṃ ādāya satthu santikaṃ dhammasabhaṃ agamaṃsu. Satthā disvāva ‘‘kiṃ, bhikkhave, anatthikaṃ bhikkhuṃ ādāya āgatatthā’’ti āha. Bhante, ayaṃ bhikkhu ‘‘ahaṃ sīlaṃ rakkhituṃ na sakkhissāmī’’ti pattacīvaraṃ niyyādeti, atha naṃ mayaṃ gahetvā āgatamhāti. ‘‘Kasmā pana tumhe, bhikkhave, imassa bhikkhuno bahuṃ sīlaṃ ācikkhatha. Yattakaṃ esa rakkhituṃ sakkoti, tattakameva rakkhissati. Ito paṭṭhāya tumhe etaṃ mā kiñci avacuttha, ahamettha kattabbaṃ jānissāmi, ehi tvaṃ bhikkhu, kiṃ te bahunā sīlena, tīṇiyeva sīlāni rakkhituṃ sakkhissasī’’ti? ‘‘Rakkhissāmi, bhante’’ti. Tena hi tvaṃ ito paṭṭhāya kāyadvāraṃ vacīdvāraṃ manodvāranti tīṇi dvārāni rakkha, mā kāyena pāpakammaṃ kari, mā vācāya, mā manasā. ‘‘Gaccha mā hīnāyāvatti, imāni tīṇiyeva sīlāni rakkhā’’ti. Ettāvatā so bhikkhu tuṭṭhamānaso ‘‘sādhu, bhante, rakkhissāmi imāni tīṇi sīlānī’’ti satthāraṃ vanditvā ācariyupajjhāyehi saddhiṃyeva agamāsi. So tāni tīṇi sīlāni pūrentova aññāsi ‘‘ācariyupajjhāyehi mayhaṃ ācikkhitaṃ sīlampi ettakameva, te pana attano abuddhabhāvena maṃ bujjhāpetuṃ nāsakkhiṃsu, sammāsambuddho attano buddhasubuddhatāya anuttaradhammarājatāya ettakaṃ sīlaṃ tīsuyeva dvāresu pakkhipitvā maṃ gaṇhāpesi, avassayo vata me satthā jāto’’ti vipassanaṃ vaḍḍhetvā katipāheneva arahatte patiṭṭhāsi.
д̇ам̣ бавад̇д̇им̣ н̃ад̇ваа д̇хаммасабхааяам̣ саннибад̇ид̇аа бхигкуу ‘‘аавусо, д̇ам̣ гира бхигкум̣ ‘б̣ахусийлаани рагкид̇ум̣ на саггомий’д̇и хийнааяаавад̇д̇анд̇ам̣ саб̣б̣аани сийлаани д̇ийхи годтаасзхи сан̇кибид̇ваа г̇аахаабзд̇ваа сад̇т̇аа арахад̇д̇ам̣ баабзси, ахо б̣уд̣̇д̇хаанам̣ б̣алам̣ наама ажчарияа’’нд̇и б̣уд̣̇д̇хаг̇ун̣з гат̇знд̇аа нисийд̣̇им̣су. ат̇а сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘бхигкавз, ад̇иг̇аругоби бхааро годтаасавасзна бхааж̇зд̇ваа д̣̇инно лахуго вияа ход̇и, буб̣б̣зби бан̣д̣ид̇аа маханд̇ам̣ ган̃жанагканд̇хам̣ лабхид̇ваа угкибид̇ум̣ асаггонд̇аа вибхааг̇ам̣ гад̇ваа угкибид̇ваа аг̇амам̣суу’’д̇и вад̇ваа ад̇ийд̇ам̣ аахари.
Taṃ pavattiṃ ñatvā dhammasabhāyaṃ sannipatitā bhikkhū ‘‘āvuso, taṃ kira bhikkhuṃ ‘bahusīlāni rakkhituṃ na sakkomī’ti hīnāyāvattantaṃ sabbāni sīlāni tīhi koṭṭhāsehi saṅkhipitvā gāhāpetvā satthā arahattaṃ pāpesi, aho buddhānaṃ balaṃ nāma acchariya’’nti buddhaguṇe kathentā nisīdiṃsu. Atha satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘bhikkhave, atigarukopi bhāro koṭṭhāsavasena bhājetvā dinno lahuko viya hoti, pubbepi paṇḍitā mahantaṃ kañcanakkhandhaṃ labhitvā ukkhipituṃ asakkontā vibhāgaṃ katvā ukkhipitvā agamaṃsū’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о згасмим̣ г̇аамагз гассаго ахоси. со згад̣̇ивасам̣ ан̃н̃ад̇арасмим̣ чад̣д̣ид̇аг̇аамагз кзд̇д̇з гасим̣ гасад̇и. буб̣б̣з жа д̇асмим̣ г̇аамз зго вибхавасамбанно сздти уурумад̇д̇абарин̣аахам̣ жад̇ухад̇т̇ааяаамам̣ ган̃жанагканд̇хам̣ нид̣̇ахид̇ваа гааламагааси. д̇асмим̣ б̣од̇хисад̇д̇асса нан̇г̇алам̣ лаг̇ид̇ваа адтааси. со ‘‘мууласанд̇аанагам̣ бхависсад̇ий’’д̇и бам̣сум̣ вияууханд̇о д̇ам̣ д̣̇исваа бам̣сунаа бадижчаад̣̇зд̇ваа д̣̇ивасам̣ гасид̇ваа ад̇т̇ан̇г̇ад̇з суурияз яуг̇анан̇г̇алаад̣̇ийни згаманд̇з нигкибид̇ваа ‘‘ган̃жанагканд̇хам̣ г̇ан̣хид̇ваа г̇ажчиссаамий’’д̇и д̇ам̣ угкибид̇ум̣ наасагки. асаггонд̇о нисийд̣̇ид̇ваа ‘‘зд̇д̇агам̣ гужчибхаран̣ааяа бхависсад̇и, зд̇д̇агам̣ нид̣̇ахид̇ваа табзссаами, зд̇д̇агзна гамманд̇з баяож̇зссаами, зд̇д̇агам̣ д̣̇аанаад̣̇ибун̃н̃агирияааяа бхависсад̇ий’’д̇и жад̇д̇ааро годтаасз агааси. д̇ассзвам̣ вибхад̇д̇агаалз со ган̃жанагканд̇хо саллахуго вияа ахоси. со д̇ам̣ угкибид̇ваа гхарам̣ нзд̇ваа жад̇уд̇хаа вибхаж̇ид̇ваа д̣̇аанаад̣̇ийни бун̃н̃аани гад̇ваа яат̇аагаммам̣ г̇ад̇о.
Atīte bārāṇasiyaṃ brahmadatte rajjaṃ kārente bodhisatto ekasmiṃ gāmake kassako ahosi. So ekadivasaṃ aññatarasmiṃ chaḍḍitagāmake khette kasiṃ kasati. Pubbe ca tasmiṃ gāme eko vibhavasampanno seṭṭhi ūrumattapariṇāhaṃ catuhatthāyāmaṃ kañcanakkhandhaṃ nidahitvā kālamakāsi. Tasmiṃ bodhisattassa naṅgalaṃ lagitvā aṭṭhāsi. So ‘‘mūlasantānakaṃ bhavissatī’’ti paṃsuṃ viyūhanto taṃ disvā paṃsunā paṭicchādetvā divasaṃ kasitvā atthaṅgate sūriye yuganaṅgalādīni ekamante nikkhipitvā ‘‘kañcanakkhandhaṃ gaṇhitvā gacchissāmī’’ti taṃ ukkhipituṃ nāsakkhi. Asakkonto nisīditvā ‘‘ettakaṃ kucchibharaṇāya bhavissati, ettakaṃ nidahitvā ṭhapessāmi, ettakena kammante payojessāmi, ettakaṃ dānādipuññakiriyāya bhavissatī’’ti cattāro koṭṭhāse akāsi. Tassevaṃ vibhattakāle so kañcanakkhandho sallahuko viya ahosi. So taṃ ukkhipitvā gharaṃ netvā catudhā vibhajitvā dānādīni puññāni katvā yathākammaṃ gato.
ид̇и бхаг̇аваа имам̣ д̇хаммад̣̇зсанам̣ аахарид̇ваа абхисамб̣уд̣̇д̇хо худ̇ваа имам̣ г̇аат̇амааха –
Iti bhagavā imaṃ dhammadesanaṃ āharitvā abhisambuddho hutvā imaṃ gāthamāha –
56.
56.
‘‘яо бахадтзна жид̇д̇зна, бахадтаманасо наро;
‘‘Yo pahaṭṭhena cittena, pahaṭṭhamanaso naro;
бхаавзд̇и гусалам̣ д̇хаммам̣, яог̇агкзмасса бад̇д̇ияаа;
Bhāveti kusalaṃ dhammaṃ, yogakkhemassa pattiyā;
баабун̣з анубуб̣б̣зна, саб̣б̣асам̣яож̇анагкаяа’’нд̇и.
Pāpuṇe anupubbena, sabbasaṃyojanakkhaya’’nti.
д̇ад̇т̇а бахадтзнаад̇и винийваран̣зна. бахадтаманасод̇и д̇ааяа зва винийваран̣ад̇ааяа бахадтамаанасо, суван̣н̣ам̣ вияа бахам̣сид̇ваа самуж̇ж̇од̇ид̇асаббабхаасажид̇д̇о худ̇ваад̇и ад̇т̇о.
Tattha pahaṭṭhenāti vinīvaraṇena. Pahaṭṭhamanasoti tāya eva vinīvaraṇatāya pahaṭṭhamānaso, suvaṇṇaṃ viya pahaṃsitvā samujjotitasappabhāsacitto hutvāti attho.
звам̣ сад̇т̇аа арахад̇д̇агуудзна д̣̇зсанам̣ нидтаабзд̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа ган̃жанагканд̇халад̣̇д̇хабурисо ахамзва ахоси’’нд̇и.
Evaṃ satthā arahattakūṭena desanaṃ niṭṭhāpetvā anusandhiṃ ghaṭetvā jātakaṃ samodhānesi – ‘‘tadā kañcanakkhandhaladdhapuriso ahameva ahosi’’nti.
ган̃жанагканд̇хаж̇аад̇агаван̣н̣анаа чадтаа.
Kañcanakkhandhajātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 56. ган̃жанагканд̇хаж̇аад̇агам̣ • 56. Kañcanakkhandhajātakaṃ
