Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā

7. ган̣д̣агавимаанаван̣н̣анаа

7. Kaṇḍakavimānavaṇṇanā

бун̣н̣амаасз яат̇аа жанд̣̇од̇и ган̣д̣агавимаанам̣. д̇асса гаа уббад̇д̇и? бхаг̇аваа саавад̇т̇ияам̣ вихарад̇и ж̇зд̇аванз. д̇зна жа самаязна ааяасмаа махаамог̇г̇аллаано хздтаа вуд̇д̇анаязнзва д̣̇зважааригам̣ жаранд̇о д̇аавад̇им̣сабхаванам̣ г̇ад̇о. д̇асмим̣ кан̣з ган̣д̣аго д̣̇звабуд̇д̇о сагабхаванад̇о нигкамид̇ваа д̣̇иб̣б̣аяаанам̣ абхирухид̇ваа маханд̇зна бариваарзна махад̇ияаа д̣̇звид̣̇д̇хияаа уяяаанам̣ г̇ажчанд̇о ааяасманд̇ам̣ махаамог̇г̇аллаанам̣ д̣̇исваа сан̃ж̇аад̇аг̇аараваб̣ахумаано сахасаа яаанад̇о оруяха т̇зрам̣ убасан̇гамид̇ваа бан̃жабад̇идтид̇зна ванд̣̇ид̇ваа сирасмим̣ ан̃ж̇алим̣ баг̇г̇аяха адтааси. ат̇а нам̣ т̇зро –

Puṇṇamāseyathā candoti kaṇḍakavimānaṃ. Tassa kā uppatti? Bhagavā sāvatthiyaṃ viharati jetavane. Tena ca samayena āyasmā mahāmoggallāno heṭṭhā vuttanayeneva devacārikaṃ caranto tāvatiṃsabhavanaṃ gato. Tasmiṃ khaṇe kaṇḍako devaputto sakabhavanato nikkhamitvā dibbayānaṃ abhiruhitvā mahantena parivārena mahatiyā deviddhiyā uyyānaṃ gacchanto āyasmantaṃ mahāmoggallānaṃ disvā sañjātagāravabahumāno sahasā yānato oruyha theraṃ upasaṅkamitvā pañcapatiṭṭhitena vanditvā sirasmiṃ añjaliṃ paggayha aṭṭhāsi. Atha naṃ thero –

1171.

‘‘бун̣н̣амаасз яат̇аа жанд̣̇о, нагкад̇д̇абариваарид̇о;

‘‘Puṇṇamāse yathā cando, nakkhattaparivārito;

саманд̇аа анубарияаад̇и, д̇аарагаад̇хибад̇ий сасий.

Samantā anupariyāti, tārakādhipatī sasī.

1172.

‘‘д̇ат̇уубамам̣ ид̣̇ам̣ б̣яамхам̣, д̣̇иб̣б̣ам̣ д̣̇звабурамхи жа;

‘‘Tathūpamaṃ idaṃ byamhaṃ, dibbaṃ devapuramhi ca;

ад̇ирожад̇и ван̣н̣зна, уд̣̇аяанд̇ова рам̣симаа.

Atirocati vaṇṇena, udayantova raṃsimā.

1173.

‘‘взл̣уурияасуван̣н̣асса, палигаа руубияасса жа;

‘‘Veḷūriyasuvaṇṇassa, phalikā rūpiyassa ca;

масаараг̇алламуд̇д̇аахи, лохид̇ан̇г̇аман̣ийхи жа.

Masāragallamuttāhi, lohitaṅgamaṇīhi ca.

1174.

‘‘жид̇раа манорамаа бхууми, взл̣уурияасса сант̇ад̇аа;

‘‘Citrā manoramā bhūmi, veḷūriyassa santhatā;

гуудааг̇аараа субхаа раммаа, баасаад̣̇о д̇з сумаабид̇о.

Kūṭāgārā subhā rammā, pāsādo te sumāpito.

1175.

‘‘раммаа жа д̇з богкаран̣ий, бут̇уломанисзвид̇аа;

‘‘Rammā ca te pokkharaṇī, puthulomanisevitā;

ажчод̣̇агаа виббасаннаа, сон̣н̣аваалугасант̇ад̇аа.

Acchodakā vippasannā, soṇṇavālukasanthatā.

1176.

‘‘наанаабад̣̇умасан̃чаннаа, бун̣д̣арийгасамод̇ад̇аа;

‘‘Nānāpadumasañchannā, puṇḍarīkasamotatā;

сурабхим̣ самбавааяанд̇и, манун̃н̃аа маад̇уд̇зрид̇аа.

Surabhiṃ sampavāyanti, manuññā mātuteritā.

1177.

‘‘д̇ассаа д̇з убхад̇о бассз, ванаг̇умб̣аа сумаабид̇аа;

‘‘Tassā te ubhato passe, vanagumbā sumāpitā;

убзд̇аа бубпаругкзхи, паларугкзхи жуубхаяам̣.

Upetā puppharukkhehi, phalarukkhehi cūbhayaṃ.

1178.

‘‘сован̣н̣абаад̣̇з баллан̇гз, муд̣̇угз г̇онагад̇т̇ад̇з;

‘‘Sovaṇṇapāde pallaṅke, muduke gonakatthate;

нисиннам̣ д̣̇зварааж̇ам̣ва, убад̇идтанд̇и ажчараа.

Nisinnaṃ devarājaṃva, upatiṭṭhanti accharā.

1179.

‘‘саб̣б̣аабхаран̣асан̃чаннаа , наанаамаалаавибхуусид̇аа;

‘‘Sabbābharaṇasañchannā , nānāmālāvibhūsitā;

рамзнд̇и д̇ам̣ махид̣̇д̇хигам̣, васавад̇д̇ийва мод̣̇аси.

Ramenti taṃ mahiddhikaṃ, vasavattīva modasi.

1180.

‘‘бхзрисан̇камуд̣̇ин̇г̇аахи, вийн̣аахи бан̣авзхи жа;

‘‘Bherisaṅkhamudiṅgāhi, vīṇāhi paṇavehi ca;

рамаси рад̇исамбанно, нажжаг̇ийд̇з суваад̣̇ид̇з.

Ramasi ratisampanno, naccagīte suvādite.

1181.

‘‘д̣̇иб̣б̣аа д̇з вивид̇хаа руубаа, д̣̇иб̣б̣аа сад̣̇д̣̇аа ат̇о расаа;

‘‘Dibbā te vividhā rūpā, dibbā saddā atho rasā;

г̇анд̇хаа жа д̇з ад̇хиббзд̇аа, подтаб̣б̣аа жа манорамаа.

Gandhā ca te adhippetā, phoṭṭhabbā ca manoramā.

1182.

‘‘д̇асмим̣ вимаанз баварз, д̣̇звабуд̇д̇а махаббабхо;

‘‘Tasmiṃ vimāne pavare, devaputta mahappabho;

ад̇ирожаси ван̣н̣зна, уд̣̇аяанд̇ова бхаан̣умаа.

Atirocasi vaṇṇena, udayantova bhāṇumā.

1183.

‘‘д̣̇аанасса д̇з ид̣̇ам̣ палам̣, ат̇о сийласса ваа бана;

‘‘Dānassa te idaṃ phalaṃ, atho sīlassa vā pana;

ат̇о ан̃ж̇алигаммасса, д̇ам̣ мз агкаахи бужчид̇о’’д̇и. –

Atho añjalikammassa, taṃ me akkhāhi pucchito’’ti. –

ад̇хиг̇ад̇асамбад̇д̇игид̇д̇анамукзна гад̇агаммам̣ бужчи.

Adhigatasampattikittanamukhena katakammaṃ pucchi.

1184.

‘‘со д̣̇звабуд̇д̇о ад̇д̇амано, мог̇г̇аллаанзна бужчид̇о;

‘‘So devaputto attamano, moggallānena pucchito;

бан̃хам̣ будто вияаагааси, яасса гаммассид̣̇ам̣ палам̣’’.

Pañhaṃ puṭṭho viyākāsi, yassa kammassidaṃ phalaṃ’’.

1185.

‘‘ахам̣ габилавад̇т̇усмим̣, саагияаанам̣ буруд̇д̇амз;

‘‘Ahaṃ kapilavatthusmiṃ, sākiyānaṃ puruttame;

суд̣̇д̇ход̣̇анасса буд̇д̇асса, ган̣д̣аго сахаж̇о ахам̣.

Suddhodanassa puttassa, kaṇḍako sahajo ahaṃ.

1186.

‘‘яад̣̇аа со ад̣дхарад̇д̇ааяам̣, б̣од̇хааяа мабхинигками;

‘‘Yadā so aḍḍharattāyaṃ, bodhāya mabhinikkhami;

со мам̣ муд̣̇уухи баан̣ийхи, ж̇аалид̇амб̣анакзхи жа.

So maṃ mudūhi pāṇīhi, jālitambanakhehi ca.

1187.

‘‘сад̇т̇им̣ аагодаяид̇ваана, ваха саммаад̇и жаб̣рави;

‘‘Satthiṃ ākoṭayitvāna, vaha sammāti cabravi;

‘ахам̣ логам̣ д̇аараяиссам̣, бад̇д̇о самб̣од̇химуд̇д̇амам̣’.

‘Ahaṃ lokaṃ tārayissaṃ, patto sambodhimuttamaṃ’.

1188.

‘‘д̇ам̣ мз г̇ирам̣ сун̣анд̇асса, хаасо мз вибуло аху;

‘‘Taṃ me giraṃ suṇantassa, hāso me vipulo ahu;

уд̣̇аг̇г̇ажид̇д̇о сумано, абхисийсим̣ д̇ад̣̇аа ахам̣.

Udaggacitto sumano, abhisīsiṃ tadā ahaṃ.

1189.

‘‘абхируул̣хан̃жа мам̣ н̃ад̇ваа, сагяабуд̇д̇ам̣ махааяасам̣;

‘‘Abhirūḷhañca maṃ ñatvā, sakyaputtaṃ mahāyasaṃ;

уд̣̇аг̇г̇ажид̇д̇о муд̣̇ид̇о, вахиссам̣ бурисуд̇д̇амам̣.

Udaggacitto mudito, vahissaṃ purisuttamaṃ.

1190.

‘‘барзсам̣ виж̇ид̇ам̣ г̇анд̇ваа, уг̇г̇ад̇асмим̣ д̣̇иваагарз;

‘‘Paresaṃ vijitaṃ gantvā, uggatasmiṃ divākare;

мамам̣ чаннан̃жа охааяа, анабзгко со абаггами.

Mamaṃ channañca ohāya, anapekkho so apakkami.

1191.

‘‘д̇асса д̇амб̣анакз баад̣̇з, ж̇ивхааяа барилзхисам̣;

‘‘Tassa tambanakhe pāde, jivhāya parilehisaṃ;

г̇ажчанд̇ан̃жа махаавийрам̣, руд̣̇амаано уд̣̇игкисам̣.

Gacchantañca mahāvīraṃ, rudamāno udikkhisaṃ.

1192.

‘‘ад̣̇ассанзнахам̣ д̇асса, сагяабуд̇д̇асса сириймад̇о;

‘‘Adassanenahaṃ tassa, sakyaputtassa sirīmato;

алад̇т̇ам̣ г̇аругааб̣аад̇хам̣, киббам̣ мз маран̣ам̣ аху.

Alatthaṃ garukābādhaṃ, khippaṃ me maraṇaṃ ahu.

1193.

‘‘д̇ассзва аанубхаавзна, вимаанам̣ аавасаамид̣̇ам̣;

‘‘Tasseva ānubhāvena, vimānaṃ āvasāmidaṃ;

саб̣б̣агаамаг̇ун̣обзд̇ам̣, д̣̇зво д̣̇звабурамхива.

Sabbakāmaguṇopetaṃ, devo devapuramhiva.

1194.

‘‘яан̃жа мз ахуваа хаасо, сад̣̇д̣̇ам̣ суд̇ваана б̣од̇хияаа;

‘‘Yañca me ahuvā hāso, saddaṃ sutvāna bodhiyā;

д̇знзва гусаламуулзна, пусиссам̣ аасавагкаяам̣.

Teneva kusalamūlena, phusissaṃ āsavakkhayaṃ.

1195.

‘‘сажз хи бханд̇з г̇ажчзяяааси, сад̇т̇у б̣уд̣̇д̇хасса санд̇игз;

‘‘Sace hi bhante gaccheyyāsi, satthu buddhassa santike;

мамааби нам̣ важанзна, сирасаа важ̇ж̇ааси ванд̣̇анам̣.

Mamāpi naṃ vacanena, sirasā vajjāsi vandanaṃ.

1196.

‘‘ахамби д̣̇адтум̣ г̇ажчиссам̣, ж̇инам̣ аббадибуг̇г̇алам̣;

‘‘Ahampi daṭṭhuṃ gacchissaṃ, jinaṃ appaṭipuggalaṃ;

д̣̇уллабхам̣ д̣̇ассанам̣ ход̇и, логанаат̇аана д̇аад̣̇ина’’нд̇и. –

Dullabhaṃ dassanaṃ hoti, lokanāthāna tādina’’nti. –

соби ад̇д̇анаа гад̇агаммам̣ гат̇зси. аяан̃хи ананд̇арз ад̇д̇абхаавз амхаагам̣ б̣од̇хисад̇д̇зна сахаж̇аад̇о ган̣д̣аго ассарааж̇аа ахоси. со абхинигкаманасамаяз абхирул̣хо д̇знзва рад̇д̇аавасзсзна д̇ийн̣и раж̇ж̇аани махаабурисам̣ ад̇иггамаабзд̇ваа аномаанад̣̇ийд̇ийрам̣ самбаабзси. ат̇а со махаасад̇д̇зна суурияз уг̇г̇ад̇з гхадигаарамахааб̣рахмунаа убанийд̇аани бад̇д̇ажийвараани г̇ахзд̇ваа баб̣б̣аж̇ид̇ваа чаннзна сад̣̇д̇хим̣ габилавад̇т̇ум̣ уд̣̇д̣̇исса виссаж̇ж̇ид̇о. синзхабхааригзна хад̣̇аязна махаабурисасса баад̣̇з ад̇д̇ано ж̇ивхааяа лзхид̇ваа басаад̣̇асоммаани агкийни уммийлзд̇ваа яаава д̣̇ассанабат̇аа ологзнд̇о д̣̇ассануубажаарам̣ бана ад̇игганд̇з логанаат̇з ‘‘звам̣вид̇хам̣ наама логаг̇г̇анааяагам̣ махаабурисам̣ ахам̣ вахим̣, сапалам̣ вад̇а мз сарийрам̣ ахосий’’д̇и басаннамаанасо худ̇ваа буна жирагаалам̣ сан̇г̇ад̇асса бзмасса васзна вияог̇ад̣̇угкам̣ асаханд̇о бхаавинияаа д̣̇иб̣б̣асамбад̇д̇ияаа васзна д̇хаммад̇ааяа жод̣̇ияамаано гаалам̣ гад̇ваа д̇аавад̇им̣сабхаванз ниб̣б̣ад̇д̇и. д̇ам̣ санд̇хааяа вуд̇д̇ам̣ ‘‘бун̣н̣амаасз яат̇аа жанд̣̇о…бз… ахам̣ габилавад̇т̇усми’’нд̇иаад̣̇и.

Sopi attanā katakammaṃ kathesi. Ayañhi anantare attabhāve amhākaṃ bodhisattena sahajāto kaṇḍako assarājā ahosi. So abhinikkhamanasamaye abhiruḷho teneva rattāvasesena tīṇi rajjāni mahāpurisaṃ atikkamāpetvā anomānadītīraṃ sampāpesi. Atha so mahāsattena sūriye uggate ghaṭikāramahābrahmunā upanītāni pattacīvarāni gahetvā pabbajitvā channena saddhiṃ kapilavatthuṃ uddissa vissajjito. Sinehabhārikena hadayena mahāpurisassa pāde attano jivhāya lehitvā pasādasommāni akkhīni ummīletvā yāva dassanapathā olokento dassanūpacāraṃ pana atikkante lokanāthe ‘‘evaṃvidhaṃ nāma lokagganāyakaṃ mahāpurisaṃ ahaṃ vahiṃ, saphalaṃ vata me sarīraṃ ahosī’’ti pasannamānaso hutvā puna cirakālaṃ saṅgatassa pemassa vasena viyogadukkhaṃ asahanto bhāviniyā dibbasampattiyā vasena dhammatāya codiyamāno kālaṃ katvā tāvatiṃsabhavane nibbatti. Taṃ sandhāya vuttaṃ ‘‘puṇṇamāse yathā cando…pe… ahaṃ kapilavatthusmi’’ntiādi.

1171. д̇ад̇т̇а бун̣н̣амаасзд̇и бун̣н̣амаасияам̣ суггабагкз баннарасияам̣. д̇аарагаад̇хибад̇ийд̇и д̇аарагаанам̣ ад̇хибад̇и. сасийд̇и сасалан̃чанаваа. ‘‘д̇аарагаад̇хиба д̣̇иссад̇ий’’д̇и гзжи батанд̇и, д̇зсам̣ д̇аарагаад̇хибаад̇и авибхад̇д̇иганид̣̇д̣̇зсо, д̇аарагаанам̣ ад̇хибо худ̇ваа д̣̇иссад̇и анубарияаад̇и жаад̇и яож̇анаа гаад̇аб̣б̣аа.

1171. Tattha puṇṇamāseti puṇṇamāsiyaṃ sukkapakkhe pannarasiyaṃ. Tārakādhipatīti tārakānaṃ adhipati. Sasīti sasalañchanavā. ‘‘Tārakādhipa dissatī’’ti keci paṭhanti, tesaṃ tārakādhipāti avibhattikaniddeso, tārakānaṃ adhipo hutvā dissati anupariyāti cāti yojanā kātabbā.

1172. д̣̇иб̣б̣ам̣ д̣̇звабурамхи жаад̇и д̣̇звабурасмимби д̣̇иб̣б̣ам̣. яат̇аа мануссаанам̣ таанад̇о д̣̇звабурам̣ уд̇д̇амам̣, звам̣ д̣̇звабурад̇о жааби ид̣̇ам̣ д̇ава вимаанам̣ уд̇д̇аманд̇и д̣̇ассзд̇и. д̇знааха ‘‘ад̇ирожад̇и ван̣н̣зна, уд̣̇аяанд̇ова рам̣симаа’’д̇и, уг̇г̇ажчанд̇о суурияо вияаад̇и ад̇т̇о.

1172.Dibbaṃ devapuramhi cāti devapurasmimpi dibbaṃ. Yathā manussānaṃ ṭhānato devapuraṃ uttamaṃ, evaṃ devapurato cāpi idaṃ tava vimānaṃ uttamanti dasseti. Tenāha ‘‘atirocati vaṇṇena, udayantova raṃsimā’’ti, uggacchanto sūriyo viyāti attho.

1173. взл̣уурияасуван̣н̣ассаад̇и взл̣уриязна суван̣н̣зна жа ид̣̇ам̣ б̣яамхам̣ ниммид̇анд̇и важанасзсзна яож̇анаа. палигаад̇и палигаман̣инаа.

1173.Veḷūriyasuvaṇṇassāti veḷuriyena suvaṇṇena ca idaṃ byamhaṃ nimmitanti vacanasesena yojanā. Phalikāti phalikamaṇinā.

1175. богкаран̣ийд̇и богкаран̣ияо.

1175.Pokkharaṇīti pokkharaṇiyo.

1177-8. д̇ассаад̇и д̇ассаа богкаран̣ияаа. ванаг̇умб̣аад̇и уяяаанз субубпаг̇ажчз санд̇хааяа вад̣̇ад̇и. д̣̇зварааж̇ам̣ваад̇и саггам̣ вияа. убад̇идтанд̇ийд̇и убадтаанам̣ гаронд̇и.

1177-8.Tassāti tassā pokkharaṇiyā. Vanagumbāti uyyāne supupphagacche sandhāya vadati. Devarājaṃvāti sakkaṃ viya. Upatiṭṭhantīti upaṭṭhānaṃ karonti.

1179. саб̣б̣аабхаран̣асан̃чаннаад̇и саб̣б̣зхи ид̇т̇аалан̇гаарзхи бадижчаад̣̇ид̇аа, саб̣б̣асо вибхуусид̇асарийраад̇и ад̇т̇о. васавад̇д̇ийваад̇и васавад̇д̇ид̣̇зварааж̇аа вияа.

1179.Sabbābharaṇasañchannāti sabbehi itthālaṅkārehi paṭicchāditā, sabbaso vibhūsitasarīrāti attho. Vasavattīvāti vasavattidevarājā viya.

1180. бхзрисан̇камуд̣̇ин̇г̇аахийд̇и лин̇г̇авибаллаасзна вуд̇д̇ам̣, бхзрийхи жа сан̇кзхи жа муд̣̇ин̇г̇зхи жаад̇и яож̇анаа. рад̇исамбаннод̇и д̣̇иб̣б̣ааяа рад̇ияаа саман̇г̇ийбхууд̇о. нажжаг̇ийд̇з суваад̣̇ид̇зд̇и нажжз жа г̇ийд̇з жа сунд̣̇арз ваад̣̇ид̇з жа, нажжанз жа г̇ааяанз жа сунд̣̇арз ваад̣̇ид̇з жа хзд̇убхууд̇з. нимид̇д̇ад̇т̇з хи зд̇ам̣ бхуммам̣, бавад̇д̇ид̇зд̇и ваа важанасзсо.

1180.Bherisaṅkhamudiṅgāhīti liṅgavipallāsena vuttaṃ, bherīhi ca saṅkhehi ca mudiṅgehi cāti yojanā. Ratisampannoti dibbāya ratiyā samaṅgībhūto. Naccagīte suvāditeti nacce ca gīte ca sundare vādite ca, naccane ca gāyane ca sundare vādite ca hetubhūte. Nimittatthe hi etaṃ bhummaṃ, pavattiteti vā vacanaseso.

1181. д̣̇иб̣б̣аа д̇з вивид̇хаа руубаад̇и д̣̇звалогабарияаабаннаа наанаббагаараа жагкувин̃н̃зяяаа руубаа д̇уяхам̣ ад̇хиббзд̇аа яат̇аад̇хиббзд̇аа манорамаа виж̇ж̇анд̇ийд̇и гирияаабад̣̇ам̣ аанзд̇ваа яож̇зд̇аб̣б̣ам̣. д̣̇иб̣б̣аа сад̣̇д̣̇аад̇иаад̣̇ийсуби зсзва наяо.

1181.Dibbā te vividhā rūpāti devalokapariyāpannā nānappakārā cakkhuviññeyyā rūpā tuyhaṃ adhippetā yathādhippetā manoramā vijjantīti kiriyāpadaṃ ānetvā yojetabbaṃ. Dibbā saddātiādīsupi eseva nayo.

1185. ган̣д̣аго сахаж̇о аханд̇и зд̇т̇а аханд̇и нибаад̇амад̇д̇ам̣. ‘‘ахуу’’д̇и гзжи бадтанд̇и, ган̣д̣аго наама ассарааж̇аа махаасад̇д̇зна саха згасмим̣язва д̣̇ивасз ж̇аад̇ад̇д̇аа сахаж̇о ахосинд̇и ад̇т̇о.

1185.Kaṇḍako sahajo ahanti ettha ahanti nipātamattaṃ. ‘‘Ahū’’ti keci paṭṭhanti, kaṇḍako nāma assarājā mahāsattena saha ekasmiṃyeva divase jātattā sahajo ahosinti attho.

1186. ад̣дхарад̇д̇ааяанд̇и ад̣дхарад̇д̇ияам̣, маж̇жхимаяаамасамаязд̇и ад̇т̇о. б̣од̇хааяа мабхинигкамийд̇и ма-гааро бад̣̇асанд̇хигаро, абхисамб̣од̇хиад̇т̇ам̣ махаабхинигкаманам̣ нигкамийд̇и ад̇т̇о. муд̣̇уухи баан̣ийхийд̇и муд̣̇ухад̇т̇ад̇ам̣ махаабурисалагкан̣ам̣ вад̣̇ад̇и. ж̇аалид̇амб̣анакзхийд̇и ж̇аалаванд̇зхи абхилохид̇анакзхи. д̇зна ж̇аалахад̇т̇ад̇ам̣ махаабурисалагкан̣ам̣ д̇амб̣анакад̇ам̣ ануб̣яан̃ж̇анан̃жа д̣̇ассзд̇и.

1186.Aḍḍharattāyanti aḍḍharattiyaṃ, majjhimayāmasamayeti attho. Bodhāya mabhinikkhamīti ma-kāro padasandhikaro, abhisambodhiatthaṃ mahābhinikkhamanaṃ nikkhamīti attho. Mudūhi pāṇīhīti muduhatthataṃ mahāpurisalakkhaṇaṃ vadati. Jālitambanakhehīti jālavantehi abhilohitanakhehi. Tena jālahatthataṃ mahāpurisalakkhaṇaṃ tambanakhataṃ anubyañjanañca dasseti.

1187. сад̇т̇и наама ж̇ан̇гхаа, ид̇ха бана сад̇т̇ино аасаннадтаанабхууд̇о ууруббад̣̇зсо ‘‘сад̇т̇ий’’д̇и вуд̇д̇о. аагодаяид̇ваанаад̇и абботзд̇ваа. ‘‘ваха саммаа’’д̇и жаб̣равийд̇и ‘‘самма ган̣д̣ага, аж̇ж̇згарад̇д̇им̣ мам̣ ваха, маяхам̣ обавуяхам̣ хохий’’д̇и жа гат̇зси. ваханз бана баяож̇анам̣ д̇ад̣̇аа махаасад̇д̇зна д̣̇ассид̇ам̣ вад̣̇анд̇о ‘‘ахам̣ логам̣ д̇аараяиссам̣, бад̇д̇о самб̣од̇химуд̇д̇ама’’нд̇и ааха. д̇зна ‘‘ахам̣ уд̇д̇амам̣ ануд̇д̇арам̣ саммаасамб̣од̇хим̣ бад̇д̇о ад̇хиг̇ад̇о худ̇ваа сад̣̇звагам̣ логам̣ сам̣саарамахогхад̇о д̇аараяиссаами, д̇асмаа наяид̣̇ам̣ г̇аманам̣ яам̣гин̃жийд̇и жинд̇зяяаасий’’д̇и г̇аманз баяож̇анасса ануд̇д̇арабхаавам̣ д̣̇ассзд̇и.

1187.Satthi nāma jaṅghā, idha pana satthino āsannaṭṭhānabhūto ūruppadeso ‘‘satthī’’ti vutto. Ākoṭayitvānāti appoṭhetvā. ‘‘Vaha sammā’’ti cabravīti ‘‘samma kaṇḍaka, ajjekarattiṃ maṃ vaha, mayhaṃ opavuyhaṃ hohī’’ti ca kathesi. Vahane pana payojanaṃ tadā mahāsattena dassitaṃ vadanto ‘‘ahaṃ lokaṃ tārayissaṃ, patto sambodhimuttama’’nti āha. Tena ‘‘ahaṃ uttamaṃ anuttaraṃ sammāsambodhiṃ patto adhigato hutvā sadevakaṃ lokaṃ saṃsāramahoghato tārayissāmi, tasmā nayidaṃ gamanaṃ yaṃkiñcīti cinteyyāsī’’ti gamane payojanassa anuttarabhāvaṃ dasseti.

1188-9. хаасод̇и д̇удти. вибулод̇и махааул̣ааро. абхисийсинд̇и аасисим̣ ижчим̣ самбадижчим̣ . абхируул̣хан̃жа мам̣ н̃ад̇ваа, сагяабуд̇д̇ам̣ махааяасанд̇и бад̇т̇адавибулаяасам̣ сагяарааж̇абуд̇д̇ам̣ махаасад̇д̇ам̣ мам̣ абхируяха нисиннам̣ ж̇аанид̇ваа. вахиссанд̇и нзсим̣.

1188-9.Hāsoti tuṭṭhi. Vipuloti mahāuḷāro. Abhisīsinti āsisiṃ icchiṃ sampaṭicchiṃ . Abhirūḷhañca maṃ ñatvā, sakyaputtaṃ mahāyasanti patthaṭavipulayasaṃ sakyarājaputtaṃ mahāsattaṃ maṃ abhiruyha nisinnaṃ jānitvā. Vahissanti nesiṃ.

1190-91. барзсанд̇и барарааж̇уунам̣. виж̇ид̇анд̇и д̣̇зсам̣ барараж̇ж̇ам̣. охааяаад̇и виссаж̇ж̇ид̇ваа. абаггамийд̇и абаггамид̇ум̣ аарабхи. ‘‘бариб̣б̣аж̇ий’’д̇и жа батанд̇и. барилзхисанд̇и барид̇о лзхим̣. уд̣̇игкисанд̇и ологзсим̣.

1190-91.Paresanti pararājūnaṃ. Vijitanti desaṃ pararajjaṃ. Ohāyāti vissajjitvā. Apakkamīti apakkamituṃ ārabhi. ‘‘Paribbajī’’ti ca paṭhanti. Parilehisanti parito lehiṃ. Udikkhisanti olokesiṃ.

1192-3. г̇аругааб̣аад̇ханд̇и г̇аругам̣ б̣аал̣хам̣ ааб̣аад̇хам̣, маран̣анд̇игам̣ д̣̇угканд̇и ад̇т̇о. д̇знааха ‘‘киббам̣ мз маран̣ам̣ ахуу’’д̇и. со хи анзгаасу ж̇аад̇ийсу махаасад̇д̇зна д̣̇ал̣хабхад̇д̇иго худ̇ваа ааг̇ад̇о, д̇асмаа вияог̇ад̣̇угкам̣ сахид̇ум̣ наасагки, ‘‘саммаасамб̣од̇хим̣ ад̇хиг̇анд̇ум̣ нигканд̇о’’д̇и бана суд̇ваа нираамисам̣ ул̣аарам̣ бийд̇исоманассан̃жа уббаж̇ж̇и, д̇зна маран̣аананд̇арам̣ д̇аавад̇им̣сзсу ниб̣б̣ад̇д̇и, ул̣аараа жасса д̣̇иб̣б̣асамбад̇д̇ияо баад̇урахзсум̣. д̇зна вуд̇д̇ам̣ ‘‘д̇ассзва аанубхаавзнаа’’д̇и, таанаг̇ад̇асса басаад̣̇амаяабун̃н̃асса б̣алзна. д̣̇зво д̣̇звабурамхиваад̇и д̇аавад̇им̣сабхаванз сагго д̣̇зварааж̇аа вияа.

1192-3.Garukābādhanti garukaṃ bāḷhaṃ ābādhaṃ, maraṇantikaṃ dukkhanti attho. Tenāha ‘‘khippaṃ me maraṇaṃ ahū’’ti. So hi anekāsu jātīsu mahāsattena daḷhabhattiko hutvā āgato, tasmā viyogadukkhaṃ sahituṃ nāsakkhi, ‘‘sammāsambodhiṃ adhigantuṃ nikkhanto’’ti pana sutvā nirāmisaṃ uḷāraṃ pītisomanassañca uppajji, tena maraṇānantaraṃ tāvatiṃsesu nibbatti, uḷārā cassa dibbasampattiyo pāturahesuṃ. Tena vuttaṃ ‘‘tasseva ānubhāvenā’’ti, ṭhānagatassa pasādamayapuññassa balena. Devo devapuramhivāti tāvatiṃsabhavane sakko devarājā viya.

1194. яан̃жа мз ахуваа хаасо, сад̣̇д̣̇ам̣ суд̇ваана б̣од̇хияаад̇и ‘‘бад̇д̇о самб̣од̇химуд̇д̇ама’’нд̇и батамад̇арам̣ б̣од̇хисад̣̇д̣̇ам̣ суд̇ваа д̇ад̣̇аа маяхам̣ хаасо аху, яам̣ хаасасса бхаванам̣ суссанам̣, д̇знзва гусаламуулзна д̇знзва гусалаб̣ийж̇зна пусиссанд̇и пусиссаами баабун̣иссаами.

1194.Yañcame ahuvā hāso, saddaṃ sutvāna bodhiyāti ‘‘patto sambodhimuttama’’nti paṭhamataraṃ bodhisaddaṃ sutvā tadā mayhaṃ hāso ahu, yaṃ hāsassa bhavanaṃ sussanaṃ, teneva kusalamūlena teneva kusalabījena phusissanti phusissāmi pāpuṇissāmi.

1195. звам̣ д̣̇звабуд̇д̇о яат̇аад̇хиг̇ад̇ааяа анааг̇ад̇ааяа бхавасамбад̇д̇ияаа гааран̣абхууд̇ам̣ ад̇д̇ано гусалагаммам̣ гат̇знд̇о ид̣̇аани ад̇д̇анаа бхаг̇авад̇о санд̇игам̣ г̇анд̇угаамоби бурзд̇арам̣ т̇зрзна сад̇т̇у ванд̣̇анам̣ бзсзнд̇о ‘‘сажз’’д̇и г̇аат̇амааха. д̇ад̇т̇а сажз г̇ажчзяяаасийд̇и яад̣̇и г̇амиссаси. ‘‘сажз г̇ажчасий’’д̇и гзжи батанд̇и, со звад̇т̇о. мамааби нам̣ важанзнаад̇и на гзвалам̣ д̇ава сабхаавзнзва, ат̇а ко мамааби важанзна бхаг̇аванд̇ам̣. важ̇ж̇аасийд̇и вад̣̇зяяааси, мамааби сирасаа ванд̣̇ананд̇и яож̇анаа.

1195. Evaṃ devaputto yathādhigatāya anāgatāya bhavasampattiyā kāraṇabhūtaṃ attano kusalakammaṃ kathento idāni attanā bhagavato santikaṃ gantukāmopi puretaraṃ therena satthu vandanaṃ pesento ‘‘sace’’ti gāthamāha. Tattha sace gaccheyyāsīti yadi gamissasi. ‘‘Sace gacchasī’’ti keci paṭhanti, so evattho. Mamāpi naṃ vacanenāti na kevalaṃ tava sabhāveneva, atha kho mamāpi vacanena bhagavantaṃ. Vajjāsīti vadeyyāsi, mamāpi sirasā vandananti yojanā.

1196. яад̣̇иби д̣̇аани ванд̣̇анан̃жа бзсзми, бзсзд̇ваа зва бана на д̇идтаамийд̇и д̣̇ассзнд̇о ааха ‘‘ахамби д̣̇адтум̣ г̇ажчиссам̣, ж̇инам̣ аббадибуг̇г̇ала’’нд̇и. г̇аманз бана д̣̇ал̣хад̇арам̣ гааран̣ам̣ д̣̇ассзд̇ум̣ ‘‘д̣̇уллабхам̣ д̣̇ассанам̣ ход̇и, логанаат̇аана д̇аад̣̇ина’’нд̇и ааха.

1196. Yadipi dāni vandanañca pesemi, pesetvā eva pana na tiṭṭhāmīti dassento āha ‘‘ahampi daṭṭhuṃ gacchissaṃ, jinaṃ appaṭipuggala’’nti. Gamane pana daḷhataraṃ kāraṇaṃ dassetuṃ ‘‘dullabhaṃ dassanaṃ hoti, lokanāthāna tādina’’nti āha.

1197.

‘‘со гад̇ан̃н̃уу гад̇авзд̣̇ий, сад̇т̇аарам̣ убасан̇гами;

‘‘So kataññū katavedī, satthāraṃ upasaṅkami;

суд̇ваа г̇ирам̣ жагкумад̇о, д̇хаммажагкум̣ висод̇хаяи.

Sutvā giraṃ cakkhumato, dhammacakkhuṃ visodhayi.

1198.

‘‘висод̇хзд̇ваа д̣̇идтиг̇ад̇ам̣, вижигижчам̣ вад̇аани жа;

‘‘Visodhetvā diṭṭhigataṃ, vicikicchaṃ vatāni ca;

ванд̣̇ид̇ваа сад̇т̇уно баад̣̇з, д̇ад̇т̇званд̇арад̇хааяат̇аа’’д̇и. –

Vanditvā satthuno pāde, tatthevantaradhāyathā’’ti. –

имаа д̣̇вз г̇аат̇аа сан̇г̇ийд̇игаарзхи табид̇аа.

Imā dve gāthā saṅgītikārehi ṭhapitā.

1197. д̇ад̇т̇а суд̇ваа г̇ирам̣ жагкумад̇од̇и бан̃жахи жагкуухи жагкумад̇о саммаасамб̣уд̣̇д̇хасса важанам̣ суд̇ваа. д̇хаммажагкунд̇и сод̇аабад̇д̇имаг̇г̇ам̣. висод̇хаяийд̇и ад̇хиг̇ажчи. ад̇хиг̇амоязва хи д̇асса висод̇ханам̣.

1197. Tattha sutvā giraṃ cakkhumatoti pañcahi cakkhūhi cakkhumato sammāsambuddhassa vacanaṃ sutvā. Dhammacakkhunti sotāpattimaggaṃ. Visodhayīti adhigacchi. Adhigamoyeva hi tassa visodhanaṃ.

1198. висод̇хзд̇ваа д̣̇идтиг̇ад̇анд̇и д̣̇идтиг̇ад̇ам̣ самуг̇гхаад̇зд̇ваа. вижигижчам̣ вад̇аани жаад̇и сол̣асавад̇т̇угам̣ адтавад̇т̇уган̃жа вижигижчан̃жа ‘‘сийлаб̣б̣ад̇зхи суд̣̇д̇хий’’д̇и бавад̇д̇анагасийлаб̣б̣ад̇абараамаасз жа висод̇хаяийд̇и яож̇анаа. д̇ад̇т̇а хи саха барияааязхи д̇ат̇аа бавад̇д̇аа бараамаасаа ‘‘вад̇ааний’’д̇и вуд̇д̇ам̣. сзсам̣ вуд̇д̇анаяамзва.

1198.Visodhetvā diṭṭhigatanti diṭṭhigataṃ samugghātetvā. Vicikicchaṃ vatāni cāti soḷasavatthukaṃ aṭṭhavatthukañca vicikicchañca ‘‘sīlabbatehi suddhī’’ti pavattanakasīlabbataparāmāse ca visodhayīti yojanā. Tattha hi saha pariyāyehi tathā pavattā parāmāsā ‘‘vatānī’’ti vuttaṃ. Sesaṃ vuttanayameva.

ган̣д̣агавимаанаван̣н̣анаа нидтид̇аа.

Kaṇḍakavimānavaṇṇanā niṭṭhitā.

Next: 8. анзгаван̣н̣авимаанаван̣н̣анаа • 8. Anekavaṇṇavimānavaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 7. ган̣д̣агавимаанавад̇т̇у • 7. Kaṇḍakavimānavatthu

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact