| Library / Tipiṭaka / තිපිටක • Tipiṭaka / අපදානපාළි • Apadānapāḷi |
9. කන්‌දලිපුප්‌ඵියත්‌ථෙරඅපදානං
9. Kandalipupphiyattheraapadānaṃ
47.
47.
‘‘සින්‌ධුයා නදියා තීරෙ, අහොසිං කස්‌සකො තදා;
‘‘Sindhuyā nadiyā tīre, ahosiṃ kassako tadā;
පරකම්‌මායනෙ යුත්‌තො, පරභත්‌තං අපස්‌සිතො.
Parakammāyane yutto, parabhattaṃ apassito.
48.
48.
‘‘සින්‌ධුං අනුචරන්‌තොහං, සිද්‌ධත්‌ථං ජිනමද්‌දසං;
‘‘Sindhuṃ anucarantohaṃ, siddhatthaṃ jinamaddasaṃ;
සමාධිනා නිසින්‌නංව, සතපත්‌තංව පුප්‌ඵිතං.
Samādhinā nisinnaṃva, satapattaṃva pupphitaṃ.
49.
49.
‘‘සත්‌ත කන්‌දලිපුප්‌ඵානි, වණ්‌ටෙ ඡෙත්‌වානහං තදා;
‘‘Satta kandalipupphāni, vaṇṭe chetvānahaṃ tadā;
මත්‌ථකෙ අභිරොපෙසිං, බුද්‌ධස්‌සාදිච්‌චබන්‌ධුනො.
Matthake abhiropesiṃ, buddhassādiccabandhuno.
50.
50.
‘‘සුවණ්‌ණවණ්‌ණං සම්‌බුද්‌ධං, අනුකූලෙ සමාහිතං;
‘‘Suvaṇṇavaṇṇaṃ sambuddhaṃ, anukūle samāhitaṃ;
තිධාපභින්‌නමාතඞ්‌ගං, කුඤ්‌ජරංව දුරාසදං.
Tidhāpabhinnamātaṅgaṃ, kuñjaraṃva durāsadaṃ.
51.
51.
‘‘තමහං උපගන්‌ත්‌වාන, නිපකං භාවිතින්‌ද්‍රියං;
‘‘Tamahaṃ upagantvāna, nipakaṃ bhāvitindriyaṃ;
අඤ්‌ජලිං පග්‌ගහෙත්‌වාන, අවන්‌දිං සත්‌ථුනො අහං.
Añjaliṃ paggahetvāna, avandiṃ satthuno ahaṃ.
52.
52.
‘‘චතුන්‌නවුතිතො කප්‌පෙ, යං පුප්‌ඵමභිරොපයිං;
‘‘Catunnavutito kappe, yaṃ pupphamabhiropayiṃ;
දුග්‌ගතිං නාභිජානාමි, බුද්‌ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
53.
53.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා කන්‌දලිපුප්‌ඵියො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā kandalipupphiyo thero imā gāthāyo abhāsitthāti.
කන්‌දලිපුප්‌ඵියත්‌ථෙරස්‌සාපදානං නවමං.
Kandalipupphiyattherassāpadānaṃ navamaṃ.
