1. ганд̣̇арагасуд̇д̇аван̣н̣анаа

1. Kandarakasuttavaṇṇanā

1. звам̣ мз суд̇анд̇и ганд̣̇арагасуд̇д̇ам̣. д̇ад̇т̇а жамбааяанд̇и звам̣наамагз наг̇арз. д̇асса хи наг̇арасса аараамабогкаран̣ийаад̣̇ийсу д̇зсу д̇зсу таанзсу жамбагаругкаава уссаннаа ахзсум̣, д̇асмаа жамбаад̇и сан̇камаг̇амааси. г̇аг̇г̇арааяа богкаран̣ияаа д̇ийрзд̇и д̇асса жамбаанаг̇арасса авид̣̇уурз г̇аг̇г̇арааяа наама рааж̇амахзсияаа кан̣ид̇ад̇д̇аа г̇аг̇г̇араад̇и лад̣̇д̇хавохаараа богкаран̣ий ад̇т̇и. д̇ассаа д̇ийрз саманд̇ад̇о нийлаад̣̇ибан̃жаван̣н̣агусумабадиман̣д̣ид̇ам̣ маханд̇ам̣ жамбагаванам̣. д̇асмим̣ бхаг̇аваа гусумаг̇анд̇хасуг̇анд̇хз жамбагаванз вихарад̇и. д̇ам̣ санд̇хааяа ‘‘г̇аг̇г̇арааяа богкаран̣ияаа д̇ийрз’’д̇и вуд̇д̇ам̣. махад̇аа бхигкусан̇гхзна сад̣̇д̇хинд̇и ад̣̇ассид̇абарижчзд̣̇зна маханд̇зна бхигкусан̇гхзна сад̣̇д̇хим̣. бзссод̇и д̇асса наамам̣. хад̇т̇аарохабуд̇д̇од̇и хад̇т̇аажарияасса буд̇д̇о. ганд̣̇араго жа бариб̣б̣ааж̇агод̇и ганд̣̇арагод̇и звам̣наамо чаннабариб̣б̣ааж̇аго. абхиваад̣̇зд̇ваад̇и чаб̣б̣ан̣н̣аанам̣ гханаб̣уд̣̇д̇харасмийнам̣ анд̇арам̣ бависид̇ваа басанналаакаарасз нимуж̇ж̇амаано вияа, син̇г̇ийсуван̣н̣аван̣н̣ам̣ д̣̇уссаварам̣ басаарзд̇ваа сасийсам̣ баарубамаано вияа, ван̣н̣аг̇анд̇хасамбаннажамбагабубпаани сирасаа самбадижчанд̇о вияа, синзрубаад̣̇ам̣ убаг̇ажчанд̇о бун̣н̣ажанд̣̇о вияа бхаг̇авад̇о жаггалагкан̣абадиман̣д̣ид̇з алад̇д̇агаван̣н̣апуллабад̣̇умасассиригз баад̣̇з ванд̣̇ид̇ваад̇и ад̇т̇о. згаманд̇ам̣ нисийд̣̇ийд̇и чанисаж̇ж̇ад̣̇осавирахид̇з згасмим̣ огаасз нисийд̣̇и.

1.Evaṃme sutanti kandarakasuttaṃ. Tattha campāyanti evaṃnāmake nagare. Tassa hi nagarassa ārāmapokkharaṇīādīsu tesu tesu ṭhānesu campakarukkhāva ussannā ahesuṃ, tasmā campāti saṅkhamagamāsi. Gaggarāya pokkharaṇiyā tīreti tassa campānagarassa avidūre gaggarāya nāma rājamahesiyā khaṇitattā gaggarāti laddhavohārā pokkharaṇī atthi. Tassā tīre samantato nīlādipañcavaṇṇakusumapaṭimaṇḍitaṃ mahantaṃ campakavanaṃ. Tasmiṃ bhagavā kusumagandhasugandhe campakavane viharati. Taṃ sandhāya ‘‘gaggarāya pokkharaṇiyā tīre’’ti vuttaṃ. Mahatā bhikkhusaṅghena saddhinti adassitaparicchedena mahantena bhikkhusaṅghena saddhiṃ. Pessoti tassa nāmaṃ. Hatthārohaputtoti hatthācariyassa putto. Kandarakoca paribbājakoti kandarakoti evaṃnāmo channaparibbājako. Abhivādetvāti chabbaṇṇānaṃ ghanabuddharasmīnaṃ antaraṃ pavisitvā pasannalākhārase nimujjamāno viya, siṅgīsuvaṇṇavaṇṇaṃ dussavaraṃ pasāretvā sasīsaṃ pārupamāno viya, vaṇṇagandhasampannacampakapupphāni sirasā sampaṭicchanto viya, sinerupādaṃ upagacchanto puṇṇacando viya bhagavato cakkalakkhaṇapaṭimaṇḍite alattakavaṇṇaphullapadumasassirike pāde vanditvāti attho. Ekamantaṃ nisīdīti chanisajjadosavirahite ekasmiṃ okāse nisīdi.

д̇ун̣хийбхуу д̇ам̣ д̇ун̣хийбхууд̇анд̇и яад̇о яад̇о анувилогзд̇и, д̇ад̇о д̇ад̇о д̇ун̣хийбхууд̇амзваад̇и ад̇т̇о. д̇ад̇т̇а хи згабхигкуссааби хад̇т̇агуггужжам̣ ваа баад̣̇агуггужжам̣ ваа над̇т̇и, саб̣б̣з бхаг̇авад̇о жзва г̇ааравзна ад̇д̇ано жа сигкид̇асигкад̇ааяа ан̃н̃аман̃н̃ам̣ виг̇ад̇асаллаабаа анд̇амасо уггаасид̇асад̣̇д̣̇амби агаронд̇аа суникаад̇аинд̣̇акийлаа вияа ниваад̇адтаанз саннисиннам̣ махаасамуд̣̇д̣̇ауд̣̇агам̣ вияа гааязнаби нижжалаа манасааби авигкид̇д̇аа рад̇д̇авалаахагаа вияа синзругуудам̣ бхаг̇аванд̇ам̣ бариваарзд̇ваа нисийд̣̇им̣су. бариб̣б̣ааж̇агасса звам̣ саннисиннам̣ барисам̣ д̣̇исваа маханд̇ам̣ бийд̇исоманассам̣ уббаж̇ж̇и. уббаннам̣ бана анд̇охад̣̇аяасмим̣язва саннид̣̇ахид̇ум̣ асаггонд̇о бияасамуд̣̇аахаарам̣ самудтаабзси. д̇асмаа ажчарияам̣ бход̇иаад̣̇имааха.

Tuṇhībhūtaṃ tuṇhībhūtanti yato yato anuviloketi, tato tato tuṇhībhūtamevāti attho. Tattha hi ekabhikkhussāpi hatthakukkuccaṃ vā pādakukkuccaṃ vā natthi, sabbe bhagavato ceva gāravena attano ca sikkhitasikkhatāya aññamaññaṃ vigatasallāpā antamaso ukkāsitasaddampi akarontā sunikhātaindakhīlā viya nivātaṭṭhāne sannisinnaṃ mahāsamuddaudakaṃ viya kāyenapi niccalā manasāpi avikkhittā rattavalāhakā viya sinerukūṭaṃ bhagavantaṃ parivāretvā nisīdiṃsu. Paribbājakassa evaṃ sannisinnaṃ parisaṃ disvā mahantaṃ pītisomanassaṃ uppajji. Uppannaṃ pana antohadayasmiṃyeva sannidahituṃ asakkonto piyasamudāhāraṃ samuṭṭhāpesi. Tasmā acchariyaṃ bhotiādimāha.

д̇ад̇т̇а анд̇хасса баб̣б̣ад̇аароханам̣ вияа нижжам̣ на ход̇ийд̇и ажчарияам̣. аяам̣ д̇аава сад̣̇д̣̇анаяо. аяам̣ бана адтагат̇аанаяо , ажчарааяог̇г̇анд̇и ажчарияам̣. ажчарам̣ бахарид̇ум̣ яуд̇д̇анд̇и ад̇т̇о. абхууд̇абуб̣б̣ам̣ бхууд̇анд̇и аб̣бхуд̇ам̣. убхаяамбзд̇ам̣ вимхаяассзваад̇хиважанам̣. д̇ам̣ банзд̇ам̣ г̇арахаажчарияам̣, басам̣сааажчарияанд̇и д̣̇увид̇хам̣ ход̇и. д̇ад̇т̇а ажчарияам̣ мог̇г̇аллаана аб̣бхуд̇ам̣ мог̇г̇аллаана, яаава б̣аахааг̇ахан̣ааби наама со могхабурисо ааг̇амзссад̇ийд̇и (жуул̣ава. 383; а. ни. 8.20), ид̣̇ам̣ г̇арахаажчарияам̣ наама. ‘‘ажчарияам̣ нанд̣̇амаад̇з аб̣бхуд̇ам̣ нанд̣̇амаад̇з, яад̇ра хи наама жид̇д̇уббаад̣̇амби барисод̇хзссасийд̇и (а. ни. 7.53) ид̣̇ам̣ басам̣сааажчарияам̣ наама. ид̇хааби ид̣̇амзва ад̇хиббзд̇ам̣’’ аяан̃хи д̇ам̣ басам̣санд̇о звамааха.

Tattha andhassa pabbatārohanaṃ viya niccaṃ na hotīti acchariyaṃ. Ayaṃ tāva saddanayo. Ayaṃ pana aṭṭhakathānayo , accharāyogganti acchariyaṃ. Accharaṃ paharituṃ yuttanti attho. Abhūtapubbaṃ bhūtanti abbhutaṃ. Ubhayampetaṃ vimhayassevādhivacanaṃ. Taṃ panetaṃ garahaacchariyaṃ, pasaṃsāacchariyanti duvidhaṃ hoti. Tattha acchariyaṃ moggallāna abbhutaṃ moggallāna, yāva bāhāgahaṇāpi nāma so moghapuriso āgamessatīti (cūḷava. 383; a. ni. 8.20), idaṃ garahaacchariyaṃ nāma. ‘‘Acchariyaṃ nandamāte abbhutaṃ nandamāte, yatra hi nāma cittuppādampi parisodhessasīti (a. ni. 7.53) idaṃ pasaṃsāacchariyaṃ nāma. Idhāpi idameva adhippetaṃ’’ ayañhi taṃ pasaṃsanto evamāha.

яааван̃жид̣̇анд̇и зд̇т̇а ид̣̇анд̇и нибаад̇амад̇д̇ам̣. яааваад̇и бамаан̣абарижчзд̣̇о, яаава саммаа бадибаад̣̇ид̇о, яад̇д̇агзна бамаан̣зна саммаа бадибаад̣̇ид̇о, на саггаа д̇асса ван̣н̣з вад̇д̇ум̣, ат̇а ко ажчарияамзвзд̇ам̣ аб̣бхуд̇амзвзд̇анд̇и вуд̇д̇ам̣ ход̇и. зд̇абарамам̣язваад̇и звам̣ саммаа бадибаад̣̇ид̇о зсо бхигкусан̇гхо д̇ассааби бхигкусан̇гхасса барамод̇и зд̇абарамо, д̇ам̣ зд̇абарамам̣ яат̇аа аяам̣ бадибаад̣̇ид̇о, звам̣ бадибаад̣̇ид̇ам̣ гад̇ваа бадибаад̣̇зсум̣, на ид̇о бхияяод̇и ад̇т̇о. д̣̇уд̇ияанаяз звам̣ бадибаад̣̇зссанд̇и, на ид̇о бхияяод̇и яож̇зд̇аб̣б̣ам̣. д̇ад̇т̇а бадибаад̣̇ид̇од̇и аабхисамаажааригавад̇д̇ам̣ аад̣̇им̣ гад̇ваа саммаа абажжанийгабадибад̇д̇ияам̣ яож̇ид̇о. ат̇а гасмаа аяам̣ бариб̣б̣ааж̇аго ад̇ийд̇аанааг̇ад̇з б̣уд̣̇д̇хз д̣̇ассзд̇и, гимасса д̇ияад̣̇д̇хаж̇аананан̃аан̣ам̣ ад̇т̇ийд̇и. над̇т̇и, наяаг̇г̇аахз бана тад̇ваа ‘‘язнаагаарзна аяам̣ бхигкусан̇гхо саннисинно д̣̇анд̇о винийд̇о убасанд̇о, ад̇ийд̇аб̣уд̣̇д̇хааби зд̇абарамам̣язва гад̇ваа бадибаж̇ж̇аабзсум̣, анааг̇ад̇аб̣уд̣̇д̇хааби бадибаж̇ж̇аабзссанд̇и, над̇т̇и ид̇о уд̇д̇ари бадибаад̣̇анаа’’д̇и ман̃н̃амаано ануб̣уд̣̇д̇хияаа звамааха.

Yāvañcidanti ettha idanti nipātamattaṃ. Yāvāti pamāṇaparicchedo, yāva sammā paṭipādito, yattakena pamāṇena sammā paṭipādito, na sakkā tassa vaṇṇe vattuṃ, atha kho acchariyamevetaṃ abbhutamevetanti vuttaṃ hoti. Etaparamaṃyevāti evaṃ sammā paṭipādito eso bhikkhusaṅgho tassāpi bhikkhusaṅghassa paramoti etaparamo, taṃ etaparamaṃ yathā ayaṃ paṭipādito, evaṃ paṭipāditaṃ katvā paṭipādesuṃ, na ito bhiyyoti attho. Dutiyanaye evaṃ paṭipādessanti, na ito bhiyyoti yojetabbaṃ. Tattha paṭipāditoti ābhisamācārikavattaṃ ādiṃ katvā sammā apaccanīkapaṭipattiyaṃ yojito. Atha kasmā ayaṃ paribbājako atītānāgate buddhe dasseti, kimassa tiyaddhajānanañāṇaṃ atthīti. Natthi, nayaggāhe pana ṭhatvā ‘‘yenākārena ayaṃ bhikkhusaṅgho sannisinno danto vinīto upasanto, atītabuddhāpi etaparamaṃyeva katvā paṭipajjāpesuṃ, anāgatabuddhāpi paṭipajjāpessanti, natthi ito uttari paṭipādanā’’ti maññamāno anubuddhiyā evamāha.

2. звамзд̇ам̣ ганд̣̇арагаад̇и баадизгго анусанд̇хи. бхаг̇аваа гира д̇ам̣ суд̇ваа ‘‘ганд̣̇арага д̇вам̣ бхигкусан̇гхам̣ убасанд̇од̇и вад̣̇аси, имасса бана бхигкусан̇гхасса убасанд̇агааран̣ам̣ д̇уяхам̣ абаагадам̣, на хи д̇вам̣ самад̇им̣са баарамияаа буурзд̇ваа гусаламуулам̣ барибаажзд̇ваа б̣од̇хибаллан̇гз саб̣б̣ан̃н̃уд̇ан̃н̃аан̣ам̣ бадивиж̇жхи, маяаа бана баарамияо буурзд̇ваа н̃аад̇ад̇т̇ажарияам̣ логад̇т̇ажарияам̣ б̣уд̣̇д̇хад̇т̇ажарияан̃жа годим̣ баабзд̇ваа б̣од̇хибаллан̇гз саб̣б̣ан̃н̃уд̇ан̃н̃аан̣ам̣ бадивид̣̇д̇хам̣, маяхам̣ зд̇зсам̣ убасанд̇агааран̣ам̣ баагада’’нд̇и д̣̇ассзд̇ум̣ имам̣ д̣̇зсанам̣ аарабхи.

2.Evametaṃ kandarakāti pāṭiekko anusandhi. Bhagavā kira taṃ sutvā ‘‘kandaraka tvaṃ bhikkhusaṅghaṃ upasantoti vadasi, imassa pana bhikkhusaṅghassa upasantakāraṇaṃ tuyhaṃ apākaṭaṃ, na hi tvaṃ samatiṃsa pāramiyā pūretvā kusalamūlaṃ paripācetvā bodhipallaṅke sabbaññutaññāṇaṃ paṭivijjhi, mayā pana pāramiyo pūretvā ñātatthacariyaṃ lokatthacariyaṃ buddhatthacariyañca koṭiṃ pāpetvā bodhipallaṅke sabbaññutaññāṇaṃ paṭividdhaṃ, mayhaṃ etesaṃ upasantakāraṇaṃ pākaṭa’’nti dassetuṃ imaṃ desanaṃ ārabhi.

санд̇и хи ганд̣̇арагаад̇и аяамби баадизгго анусанд̇хи. бхаг̇авад̇о гира зд̇ад̣̇ахоси – ‘‘аяам̣ бариб̣б̣ааж̇аго имам̣ бхигкусан̇гхам̣ убасанд̇од̇и вад̣̇ад̇и, аяан̃жа бхигкусан̇гхо габбзд̇ваа багаббзд̇ваа гухагабхаавзна ирияаабат̇ам̣ сан̣табзнд̇о жид̇д̇зна анубасанд̇о на убасанд̇аагаарам̣ д̣̇ассзд̇и. зд̇т̇а бана бхигкусан̇гхз бадибад̣̇ам̣ буураяамаанааби бадибад̣̇ам̣ буурзд̇ваа мад̇т̇агам̣ бад̇ваа тид̇абхигкууби ад̇т̇и, д̇ад̇т̇а бадибад̣̇ам̣ буурзд̇ваа мад̇т̇агам̣ бад̇д̇аа ад̇д̇анаа бадивид̣̇д̇хаг̇ун̣зхзва убасанд̇аа, бадибад̣̇ам̣ буураяамаанаа убаримаг̇г̇асса вибассанааяа убасанд̇аа, ид̇о муд̇д̇аа бана авасзсаа жад̇уухи сад̇ибадтаанзхи убасанд̇аа. д̇ам̣ нзсам̣ убасанд̇агааран̣ам̣ д̣̇ассзссаамий’’д̇и ‘‘иминаа жа иминаа жа гааран̣зна аяам̣ бхигкусан̇гхо убасанд̇о’’д̇и д̣̇ассзд̇ум̣ ‘‘санд̇и хи ганд̣̇арагаа’’д̇иаад̣̇имааха.

Santi hi kandarakāti ayampi pāṭiekko anusandhi. Bhagavato kira etadahosi – ‘‘ayaṃ paribbājako imaṃ bhikkhusaṅghaṃ upasantoti vadati, ayañca bhikkhusaṅgho kappetvā pakappetvā kuhakabhāvena iriyāpathaṃ saṇṭhapento cittena anupasanto na upasantākāraṃ dasseti. Ettha pana bhikkhusaṅghe paṭipadaṃ pūrayamānāpi paṭipadaṃ pūretvā matthakaṃ patvā ṭhitabhikkhūpi atthi, tattha paṭipadaṃ pūretvā matthakaṃ pattā attanā paṭividdhaguṇeheva upasantā, paṭipadaṃ pūrayamānā uparimaggassa vipassanāya upasantā, ito muttā pana avasesā catūhi satipaṭṭhānehi upasantā. Taṃ nesaṃ upasantakāraṇaṃ dassessāmī’’ti ‘‘iminā ca iminā ca kāraṇena ayaṃ bhikkhusaṅgho upasanto’’ti dassetuṃ ‘‘santi hi kandarakā’’tiādimāha.

д̇ад̇т̇а араханд̇о кийн̣аасаваад̇иаад̣̇ийсу яам̣ вад̇д̇аб̣б̣ам̣, д̇ам̣ муулабарияааяасуд̇д̇аван̣н̣анааяамзва вуд̇д̇ам̣. сзкабадибад̣̇амби д̇ад̇т̇зва вид̇т̇аарид̇ам̣. санд̇ад̇асийлаад̇и сад̇ад̇асийлаа ниранд̇арасийлаа. санд̇ад̇авуд̇д̇инод̇и д̇ассзва взважанам̣, санд̇ад̇аж̇ийвигаа ваад̇иби ад̇т̇о. д̇асмим̣ санд̇ад̇асийлз тад̇ваава ж̇ийвигам̣ габбзнд̇и, на д̣̇уссийляам̣ маран̣ам̣ баабун̣анд̇ийд̇и ад̇т̇о.

Tattha arahanto khīṇāsavātiādīsu yaṃ vattabbaṃ, taṃ mūlapariyāyasuttavaṇṇanāyameva vuttaṃ. Sekhapaṭipadampi tattheva vitthāritaṃ. Santatasīlāti satatasīlā nirantarasīlā. Santatavuttinoti tasseva vevacanaṃ, santatajīvikā vātipi attho. Tasmiṃ santatasīle ṭhatvāva jīvikaṃ kappenti, na dussīlyaṃ maraṇaṃ pāpuṇantīti attho.

нибагаад̇и нзбаггзна саманнааг̇ад̇аа бан̃н̃аванд̇о. нибагавуд̇д̇инод̇и бан̃н̃ааяа вуд̇д̇ино, бан̃н̃ааяа тад̇ваа ж̇ийвигам̣ габбзнд̇и. яат̇аа згажжо саасанз баб̣б̣аж̇ид̇вааби ж̇ийвид̇агааран̣аа часу аг̇ожарзсу жарад̇и, взсияааг̇ожаро ход̇и, вид̇хават̇уллагумааригабан̣д̣агабаанааг̇аарабхигкуниг̇ожаро ход̇и. сам̣садто вихарад̇и рааж̇уухи рааж̇амахаамад̇д̇зхи д̇ид̇т̇иязхи д̇ид̇т̇ияасаавагзхи анануломигзна г̇ихисам̣саг̇г̇зна (вибха. 514), взж̇ж̇агаммам̣ гарод̇и, д̣̇ууд̇агаммам̣ гарод̇и, бахин̣агаммам̣ гарод̇и, г̇ан̣д̣ам̣ паалзд̇и, арумагканам̣ д̣̇зд̇и, уд̣̇д̇хам̣вирзжанам̣ д̣̇зд̇и, ад̇ховирзжанам̣ д̣̇зд̇и, над̇т̇уд̇злам̣ бажад̇и, биванад̇злам̣ бажад̇и, взл̣уд̣̇аанам̣, бад̇д̇ад̣̇аанам̣, бубпад̣̇аанам̣, палад̣̇аанам̣, синаанад̣̇аанам̣, д̣̇анд̇агадтад̣̇аанам̣, мукод̣̇агад̣̇аанам̣, жун̣н̣амад̇д̇игад̣̇аанам̣ д̣̇зд̇и, жаадугамяам̣ гарод̇и, муг̇г̇асуубияам̣, баарибхадум̣, ж̇ан̇гхабзсанияам̣ гарод̇ийд̇и згавийсад̇ивид̇хааяа анзсанааяа ж̇ийвигам̣ габбзнд̇о анибагавуд̇д̇и наама ход̇и, на бан̃н̃ааяа тад̇ваа ж̇ийвигам̣ габбзд̇и, д̇ад̇о гаалагирияам̣ гад̇ваа саман̣аяагко наама худ̇ваа ‘‘д̇асса сан̇гхаадиби аад̣̇ид̇д̇аа ход̇и самбаж̇ж̇алид̇аа’’д̇и вуд̇д̇анаязна махаад̣̇угкам̣ анубход̇и. звам̣вид̇хаа ахуд̇ваа ж̇ийвид̇ахзд̇уби сигкаабад̣̇ам̣ анад̇иггаманд̇о жад̇убаарисуд̣̇д̇хисийлз бад̇идтааяа яат̇ааб̣алам̣ б̣уд̣̇д̇хаважанам̣ уг̇г̇ан̣хид̇ваа рат̇авинийд̇абадибад̣̇ам̣, махааг̇осин̇г̇абадибад̣̇ам̣, махаасун̃н̃ад̇абадибад̣̇ам̣, анан̇г̇ан̣абадибад̣̇ам̣, д̇хаммад̣̇ааяаад̣̇абадибад̣̇ам̣, наалагабадибад̣̇ам̣, д̇уваддагабадибад̣̇ам̣, жанд̣̇обамабадибад̣̇анд̇и имаани арияабадибад̣̇аани буурзнд̇о жад̇убажжаяа-санд̇оса-бхааванаараама-арияавам̣сабадибад̇д̇ияам̣ гааяасагкино худ̇ваа анийгаа нигканд̇ахад̇т̇ий вияа яуут̇аа виссадтасийхо вияа нибажчааб̣анд̇хамахаанааваа вияа жа г̇аманаад̣̇ийсу згавихаарино вибассанам̣ бадтабзд̇ваа аж̇ж̇ааж̇ж̇зва арахад̇д̇анд̇и бавад̇д̇ауссаахаа вихаранд̇ийд̇и ад̇т̇о.

Nipakāti nepakkena samannāgatā paññavanto. Nipakavuttinoti paññāya vuttino, paññāya ṭhatvā jīvikaṃ kappenti. Yathā ekacco sāsane pabbajitvāpi jīvitakāraṇā chasu agocaresu carati, vesiyāgocaro hoti, vidhavathullakumārikapaṇḍakapānāgārabhikkhunigocaro hoti. Saṃsaṭṭho viharati rājūhi rājamahāmattehi titthiyehi titthiyasāvakehi ananulomikena gihisaṃsaggena (vibha. 514), vejjakammaṃ karoti, dūtakammaṃ karoti, pahiṇakammaṃ karoti, gaṇḍaṃ phāleti, arumakkhanaṃ deti, uddhaṃvirecanaṃ deti, adhovirecanaṃ deti, natthutelaṃ pacati, pivanatelaṃ pacati, veḷudānaṃ, pattadānaṃ, pupphadānaṃ, phaladānaṃ, sinānadānaṃ, dantakaṭṭhadānaṃ, mukhodakadānaṃ, cuṇṇamattikadānaṃ deti, cāṭukamyaṃ karoti, muggasūpiyaṃ, pāribhaṭuṃ, jaṅghapesaniyaṃ karotīti ekavīsatividhāya anesanāya jīvikaṃ kappento anipakavutti nāma hoti, na paññāya ṭhatvā jīvikaṃ kappeti, tato kālakiriyaṃ katvā samaṇayakkho nāma hutvā ‘‘tassa saṅghāṭipi ādittā hoti sampajjalitā’’ti vuttanayena mahādukkhaṃ anubhoti. Evaṃvidhā ahutvā jīvitahetupi sikkhāpadaṃ anatikkamanto catupārisuddhisīle patiṭṭhāya yathābalaṃ buddhavacanaṃ uggaṇhitvā rathavinītapaṭipadaṃ, mahāgosiṅgapaṭipadaṃ, mahāsuññatapaṭipadaṃ, anaṅgaṇapaṭipadaṃ, dhammadāyādapaṭipadaṃ, nālakapaṭipadaṃ, tuvaṭṭakapaṭipadaṃ, candopamapaṭipadanti imāni ariyapaṭipadāni pūrento catupaccaya-santosa-bhāvanārāma-ariyavaṃsapaṭipattiyaṃ kāyasakkhino hutvā anīkā nikkhantahatthī viya yūthā vissaṭṭhasīho viya nipacchābandhamahānāvā viya ca gamanādīsu ekavihārino vipassanaṃ paṭṭhapetvā ajjaajjeva arahattanti pavattaussāhā viharantīti attho.

суббад̇идтид̇ажид̇д̇аад̇и жад̇уусу сад̇ибадтаанзсу судтабид̇ажид̇д̇аа худ̇ваа. сзсаа сад̇ибадтаанагат̇аа хздтаа вид̇т̇аарид̇аава. ид̇ха бана логияалогуд̇д̇арамиссагаа сад̇ибадтаанаа гат̇ид̇аа, зд̇д̇агзна бхигкусан̇гхасса убасанд̇агааран̣ам̣ гат̇ид̇ам̣ ход̇и.

Suppatiṭṭhitacittāti catūsu satipaṭṭhānesu suṭṭhapitacittā hutvā. Sesā satipaṭṭhānakathā heṭṭhā vitthāritāva. Idha pana lokiyalokuttaramissakā satipaṭṭhānā kathitā, ettakena bhikkhusaṅghassa upasantakāraṇaṃ kathitaṃ hoti.

3. яаава субан̃н̃ад̇д̇аад̇и яаава судтабид̇аа суд̣̇зсид̇аа. маяамби хи, бханд̇зд̇и иминаа зса ад̇д̇ано гаарагабхаавам̣ д̣̇ассзд̇и, бхигкусан̇гхан̃жа угкибад̇и. аяан̃хзд̇т̇а ад̇хиббааяо, маяамби хи, бханд̇з, г̇ихи…бз… суббад̇идтид̇ажид̇д̇аа вихараама, бхигкусан̇гхасса бана аяамзва гаси жа б̣ийж̇ан̃жа яуг̇анан̇г̇алан̃жа паалабаажанан̃жа, д̇асмаа бхигкусан̇гхо саб̣б̣агаалам̣ сад̇ибадтаанабарааяан̣о, маяам̣ бана гаалзна гаалам̣ огаасам̣ лабхид̇ваа зд̇ам̣ манасигаарам̣ гарома, маяамби гаарагаа, на саб̣б̣асо виссадтагаммадтаанааязваад̇и. мануссаг̇аханзд̇и мануссаанам̣ аж̇жхаасаяаг̇аханзна г̇аханад̇аа, аж̇жхаасаяассааби нзсам̣ гилзсаг̇аханзна г̇аханад̇аа взд̣̇ид̇аб̣б̣аа. гасадасаатзяязсуби зсзва наяо. д̇ад̇т̇а абарисуд̣̇д̇хадтзна гасадад̇аа, гзраадияадтзна саатзяяад̇аа взд̣̇ид̇аб̣б̣аа. сад̇д̇аанам̣ хид̇аахид̇ам̣ ж̇аанаад̇ийд̇и звам̣ г̇аханагасадагзраадияаанам̣ мануссаанам̣ хид̇аахид̇абадибад̣̇ам̣ яаава судту бхаг̇аваа ж̇аанаад̇и. яад̣̇ид̣̇ам̣ басавод̇и зд̇т̇а саб̣б̣ааби жад̇уббад̣̇аж̇аад̇и басавод̇и ад̇хиббзд̇аа. бахомийд̇и саггоми. яаавад̇агзна анд̇арзнаад̇и яад̇д̇агзна кан̣зна. жамбам̣ г̇ад̇ааг̇ад̇ам̣ гариссад̇ийд̇и ассаман̣д̣алад̇о яаава жамбаанаг̇арад̣̇ваараа г̇аманан̃жа ааг̇аманан̃жа гариссад̇и. саатзяяаанийд̇и сатад̇д̇аани. гуудзяяаанийд̇и гуудад̇д̇аани. ван̇гзяяаанийд̇и ван̇гад̇д̇аани. ж̇имхзяяаанийд̇и ж̇имхад̇д̇аани. баад̇угариссад̇ийд̇и багаасзссад̇и д̣̇ассзссад̇и. на хи саггаа д̇зна д̇аани зд̇д̇агзна анд̇арзна д̣̇ассзд̇ум̣.

3.Yāva supaññattāti yāva suṭṭhapitā sudesitā. Mayampi hi, bhanteti iminā esa attano kārakabhāvaṃ dasseti, bhikkhusaṅghañca ukkhipati. Ayañhettha adhippāyo, mayampi hi, bhante, gihi…pe… suppatiṭṭhitacittā viharāma, bhikkhusaṅghassa pana ayameva kasi ca bījañca yuganaṅgalañca phālapācanañca, tasmā bhikkhusaṅgho sabbakālaṃ satipaṭṭhānaparāyaṇo, mayaṃ pana kālena kālaṃ okāsaṃ labhitvā etaṃ manasikāraṃ karoma, mayampi kārakā, na sabbaso vissaṭṭhakammaṭṭhānāyevāti. Manussagahaneti manussānaṃ ajjhāsayagahanena gahanatā, ajjhāsayassāpi nesaṃ kilesagahanena gahanatā veditabbā. Kasaṭasāṭheyyesupi eseva nayo. Tattha aparisuddhaṭṭhena kasaṭatā, kerāṭiyaṭṭhena sāṭheyyatā veditabbā. Sattānaṃ hitāhitaṃ jānātīti evaṃ gahanakasaṭakerāṭiyānaṃ manussānaṃ hitāhitapaṭipadaṃ yāva suṭṭhu bhagavā jānāti. Yadidaṃ pasavoti ettha sabbāpi catuppadajāti pasavoti adhippetā. Pahomīti sakkomi. Yāvatakena antarenāti yattakena khaṇena. Campaṃ gatāgataṃ karissatīti assamaṇḍalato yāva campānagaradvārā gamanañca āgamanañca karissati. Sāṭheyyānīti saṭhattāni. Kūṭeyyānīti kūṭattāni. Vaṅkeyyānīti vaṅkattāni. Jimheyyānīti jimhattāni. Pātukarissatīti pakāsessati dassessati. Na hi sakkā tena tāni ettakena antarena dassetuṃ.

д̇ад̇т̇а яасса гисмин̃жид̣̇зва таанз таад̇угаамасса сад̇о яам̣ таанам̣ мануссаанам̣ саббадибхаяам̣, бурад̇о г̇анд̇ваа ван̃жзд̇ваа тассаамийд̇и на ход̇и, д̇асмим̣ таад̇угаамадтаанзязва никаад̇ад̇т̇амбхо вияа жад̇д̇ааро баад̣̇з нижжалз гад̇ваа д̇идтад̇и, аяам̣ сато наама. яасса бана гисмин̃жид̣̇зва таанз аважчинд̣̇ид̇ваа канд̇хаг̇ад̇ам̣ баад̇зд̇угаамасса сад̇о яам̣ таанам̣ мануссаанам̣ саббадибхаяам̣, бурад̇о г̇анд̇ваа ван̃жзд̇ваа баад̇зссаамийд̇и на ход̇и, д̇ад̇т̇зва аважчинд̣̇ид̇ваа баад̇зд̇и, аяам̣ гуудо наама. яасса гисмин̃жид̣̇зва таанз маг̇г̇аа уггамма нивад̇д̇ид̇ваа бадимаг̇г̇ам̣ аарохид̇угаамасса сад̇о яам̣ таанам̣ мануссаанам̣ саббадибхаяам̣, бурад̇о г̇анд̇ваа ван̃жзд̇ваа звам̣ гариссаамийд̇и на ход̇и, д̇ад̇т̇зва маг̇г̇аа уггамма нивад̇д̇ид̇ваа бадимаг̇г̇ам̣ аарохад̇и, аяам̣ ван̇го наама. яасса бана гаалзна ваамад̇о гаалзна д̣̇агкин̣ад̇о гаалзна уж̇умаг̇г̇знзва г̇анд̇угаамасса сад̇о яам̣ таанам̣ мануссаанам̣ саббадибхаяам̣, бурад̇о г̇анд̇ваа ван̃жзд̇ваа звам̣ гариссаамийд̇и на ход̇и, д̇ад̇т̇зва гаалзна ваамад̇о гаалзна д̣̇агкин̣ад̇о гаалзна уж̇умаг̇г̇ам̣ г̇ажчад̇и, д̇ат̇аа лан̣д̣ам̣ ваа бассаавам̣ ваа виссаж̇ж̇зд̇угаамасса сад̇о ид̣̇ам̣ таанам̣ сусаммадтам̣ аагин̣н̣амануссам̣ раман̣ийяам̣, имасмим̣ таанз зваруубам̣ гаад̇ум̣ на яуд̇д̇ам̣, бурад̇о г̇анд̇ваа бадижчаннатаанз гариссаамийд̇и на ход̇и, д̇ад̇т̇зва гарод̇и, аяам̣ ж̇имхо наама. ид̇и имам̣ жад̇уб̣б̣ид̇хамби гирияам̣ санд̇хааязд̇ам̣ вуд̇д̇ам̣. саб̣б̣аани д̇аани саатзяяаани гуудзяяаани ван̇гзяяаани ж̇имхзяяаани баад̇угариссад̇ийд̇и звам̣ гаронд̇ааби д̇з сатаад̣̇аяо д̇аани саатзяяаад̣̇ийни баад̇угаронд̇и наама.

Tattha yassa kismiñcideva ṭhāne ṭhātukāmassa sato yaṃ ṭhānaṃ manussānaṃ sappaṭibhayaṃ, purato gantvā vañcetvā ṭhassāmīti na hoti, tasmiṃ ṭhātukāmaṭṭhāneyeva nikhātatthambho viya cattāro pāde niccale katvā tiṭṭhati, ayaṃ saṭho nāma. Yassa pana kismiñcideva ṭhāne avacchinditvā khandhagataṃ pātetukāmassa sato yaṃ ṭhānaṃ manussānaṃ sappaṭibhayaṃ, purato gantvā vañcetvā pātessāmīti na hoti, tattheva avacchinditvā pāteti, ayaṃ kūṭo nāma. Yassa kismiñcideva ṭhāne maggā ukkamma nivattitvā paṭimaggaṃ ārohitukāmassa sato yaṃ ṭhānaṃ manussānaṃ sappaṭibhayaṃ, purato gantvā vañcetvā evaṃ karissāmīti na hoti, tattheva maggā ukkamma nivattitvā paṭimaggaṃ ārohati, ayaṃ vaṅko nāma. Yassa pana kālena vāmato kālena dakkhiṇato kālena ujumaggeneva gantukāmassa sato yaṃ ṭhānaṃ manussānaṃ sappaṭibhayaṃ, purato gantvā vañcetvā evaṃ karissāmīti na hoti, tattheva kālena vāmato kālena dakkhiṇato kālena ujumaggaṃ gacchati, tathā laṇḍaṃ vā passāvaṃ vā vissajjetukāmassa sato idaṃ ṭhānaṃ susammaṭṭhaṃ ākiṇṇamanussaṃ ramaṇīyaṃ, imasmiṃ ṭhāne evarūpaṃ kātuṃ na yuttaṃ, purato gantvā paṭicchannaṭhāne karissāmīti na hoti, tattheva karoti, ayaṃ jimho nāma. Iti imaṃ catubbidhampi kiriyaṃ sandhāyetaṃ vuttaṃ. Sabbāni tāni sāṭheyyāni kūṭeyyāni vaṅkeyyāni jimheyyāni pātukarissatīti evaṃ karontāpi te saṭhādayo tāni sāṭheyyādīni pātukaronti nāma.

звам̣ басуунам̣ уд̇д̇аанабхаавам̣ д̣̇ассзд̇ваа ид̣̇аани мануссаанам̣ г̇аханабхаавам̣ д̣̇ассзнд̇о амхаагам̣ бана, бханд̇зд̇иаад̣̇имааха. д̇ад̇т̇а д̣̇аасаад̇и анд̇ож̇аад̇агаа ваа д̇ханаггийд̇аа ваа гарамараанийд̇аа ваа саяам̣ ваа д̣̇аасаб̣яам̣ убаг̇ад̇аа. бзссаад̇и бзсанагаарагаа. гаммагараад̇и бхад̇д̇авзд̇анабхад̇аа. ан̃н̃ат̇аава гааязнаад̇и ан̃н̃знзваагаарзна гааязна самуд̣̇аажаранд̇и, ан̃н̃знзваагаарзна ваажааяа, ан̃н̃зна жа нзсам̣ аагаарзна жид̇д̇ам̣ тид̇ам̣ ход̇ийд̇и д̣̇ассзд̇и. д̇ад̇т̇а яз саммукаа саамигз д̣̇исваа бажжуг̇г̇аманам̣ гаронд̇и, хад̇т̇ад̇о бхан̣д̣агам̣ г̇ан̣ханд̇и, имам̣ виссаж̇ж̇зд̇ваа имам̣ г̇ан̣ханд̇аа сзсааниби аасана-бан̃н̃аабана-д̇аалаван̣даб̣ийж̇ана-баад̣̇ад̇хованаад̣̇ийни саб̣б̣аани гижжаани гаронд̇и, бараммукагаалз бана д̇зламби уд̇д̇аранд̇ам̣ на ологзнд̇и, сад̇аг̇гханагзби сахассаг̇гханагзби гаммз барихааяанд̇з нивад̇д̇ид̇ваа ологзд̇умби на ижчанд̇и, имз ан̃н̃ат̇аа гааязна самуд̣̇аажаранд̇и наама. яз бана саммукаа ‘‘амхаагам̣ саами амхаагам̣ аяяо’’д̇иаад̣̇ийни вад̇ваа басам̣санд̇и, бараммукаа авад̇д̇аб̣б̣ам̣ наама над̇т̇и, яам̣ ижчанд̇и, д̇ам̣ вад̣̇анд̇и, имз ан̃н̃ат̇аа ваажааяа самуд̣̇аажаранд̇и наама.

Evaṃ pasūnaṃ uttānabhāvaṃ dassetvā idāni manussānaṃ gahanabhāvaṃ dassento amhākaṃ pana, bhantetiādimāha. Tattha dāsāti antojātakā vā dhanakkītā vā karamarānītā vā sayaṃ vā dāsabyaṃ upagatā. Pessāti pesanakārakā. Kammakarāti bhattavetanabhatā. Aññathāva kāyenāti aññenevākārena kāyena samudācaranti, aññenevākārena vācāya, aññena ca nesaṃ ākārena cittaṃ ṭhitaṃ hotīti dasseti. Tattha ye sammukhā sāmike disvā paccuggamanaṃ karonti, hatthato bhaṇḍakaṃ gaṇhanti, imaṃ vissajjetvā imaṃ gaṇhantā sesānipi āsana-paññāpana-tālavaṇṭabījana-pādadhovanādīni sabbāni kiccāni karonti, parammukhakāle pana telampi uttarantaṃ na olokenti, satagghanakepi sahassagghanakepi kamme parihāyante nivattitvā oloketumpi na icchanti, ime aññathā kāyena samudācaranti nāma. Ye pana sammukhā ‘‘amhākaṃ sāmi amhākaṃ ayyo’’tiādīni vatvā pasaṃsanti, parammukhā avattabbaṃ nāma natthi, yaṃ icchanti, taṃ vadanti, ime aññathā vācāya samudācaranti nāma.

4. жад̇д̇ааромз бзссабуг̇г̇алаад̇и аяамби баадизгго анусанд̇хи. аяан̃хи бзссо ‘‘яааван̃жид̣̇ам̣, бханд̇з, бхаг̇аваа звам̣ мануссаг̇ахан̣з звам̣ мануссагасадз звам̣ мануссасаатзяяз вад̇д̇амаанз сад̇д̇аанам̣ хид̇аахид̇ам̣ ж̇аанаад̇ий’’д̇и ааха. буримз жа д̇аяо буг̇г̇алаа ахид̇абадибад̣̇ам̣ бадибаннаа, убари жад̇уд̇т̇о хид̇абадибад̣̇ам̣, звамахам̣ сад̇д̇аанам̣ хид̇аахид̇ам̣ ж̇аанаамийд̇и д̣̇ассзд̇ум̣ имам̣ д̣̇зсанам̣ аарабхи. хздтаа ганд̣̇арагасса гат̇ааяа сад̣̇д̇хим̣ яож̇зд̇умби ваддад̇и. д̇зна вуд̇д̇ам̣ ‘‘яааван̃жид̣̇ам̣ бход̇аа г̇од̇амзна саммаа бхигкусан̇гхо бадибаад̣̇ид̇о’’д̇и. ат̇асса бхаг̇аваа ‘‘буримз д̇аяо буг̇г̇алз бахааяа убари жад̇уд̇т̇абуг̇г̇аласса хид̇абадибад̇д̇ияам̣язва бадибаад̣̇змий’’д̇и д̣̇ассзнд̇оби имам̣ д̣̇зсанам̣ аарабхи. санд̇од̇и ид̣̇ам̣ сам̣виж̇ж̇амаанаад̇и бад̣̇ассзва взважанам̣. ‘‘санд̇аа хонд̇и самид̇аа вуубасанд̇аа’’д̇и (вибха. 542) зд̇т̇а хи нируд̣̇д̇хаа санд̇аад̇и вуд̇д̇аа. ‘‘санд̇аа зд̇з вихаараа арияасса винаяз вужжанд̇ий’’д̇и зд̇т̇а (ма. ни. 1.82) ниб̣б̣уд̇аа. ‘‘санд̇о хавз саб̣бхи бавзд̣̇аяанд̇ий’’д̇и зд̇т̇а (ж̇аа. 2.21.413) бан̣д̣ид̇аа. ид̇ха бана виж̇ж̇амаанаа убалаб̣бхамаанаад̇и ад̇т̇о.

4.Cattārome pessapuggalāti ayampi pāṭiekko anusandhi. Ayañhi pesso ‘‘yāvañcidaṃ, bhante, bhagavā evaṃ manussagahaṇe evaṃ manussakasaṭe evaṃ manussasāṭheyye vattamāne sattānaṃ hitāhitaṃ jānātī’’ti āha. Purime ca tayo puggalā ahitapaṭipadaṃ paṭipannā, upari catuttho hitapaṭipadaṃ, evamahaṃ sattānaṃ hitāhitaṃ jānāmīti dassetuṃ imaṃ desanaṃ ārabhi. Heṭṭhā kandarakassa kathāya saddhiṃ yojetumpi vaṭṭati. Tena vuttaṃ ‘‘yāvañcidaṃ bhotā gotamena sammā bhikkhusaṅgho paṭipādito’’ti. Athassa bhagavā ‘‘purime tayo puggale pahāya upari catutthapuggalassa hitapaṭipattiyaṃyeva paṭipādemī’’ti dassentopi imaṃ desanaṃ ārabhi. Santoti idaṃ saṃvijjamānāti padasseva vevacanaṃ. ‘‘Santā honti samitā vūpasantā’’ti (vibha. 542) ettha hi niruddhā santāti vuttā. ‘‘Santā ete vihārā ariyassa vinaye vuccantī’’ti ettha (ma. ni. 1.82) nibbutā. ‘‘Santo have sabbhi pavedayantī’’ti ettha (jā. 2.21.413) paṇḍitā. Idha pana vijjamānā upalabbhamānāti attho.

ад̇д̇анд̇абаад̣̇ийсу ад̇д̇аанам̣ д̇абад̇и д̣̇угкаабзд̇ийд̇и ад̇д̇анд̇або. ад̇д̇ано барид̇аабанаануяог̇ам̣ ад̇д̇абарид̇аабанаануяог̇ам̣. барам̣ д̇абад̇и д̣̇угкаабзд̇ийд̇и баранд̇або. барзсам̣ барид̇аабанаануяог̇ам̣ барабарид̇аабанаануяог̇ам̣. д̣̇идтзва д̇хаммзд̇и имасмим̣язва ад̇д̇абхаавз. нижчаад̇од̇и чаад̇ам̣ вужжад̇и д̇ан̣хаа, саа асса над̇т̇ийд̇и нижчаад̇о. саб̣б̣агилзсаанам̣ ниб̣б̣уд̇ад̇д̇аа ниб̣б̣уд̇о. анд̇о д̇аабанагилзсаанам̣ абхааваа сийд̇ало ж̇аад̇од̇и сийд̇ибхууд̇о. жхаанамаг̇г̇апаланиб̣б̣аанасукаани бадисам̣взд̣̇зд̇ийд̇и сукабадисам̣взд̣̇ий. б̣рахмабхууд̇зна ад̇д̇анаад̇и сздтабхууд̇зна ад̇д̇анаа. жид̇д̇ам̣ аараад̇хзд̇ийд̇и жид̇д̇ам̣ самбаад̣̇зд̇и, барибуурзд̇и г̇ан̣хаад̇и басаад̣̇зд̇ийд̇и ад̇т̇о.

Attantapādīsu attānaṃ tapati dukkhāpetīti attantapo. Attano paritāpanānuyogaṃ attaparitāpanānuyogaṃ. Paraṃ tapati dukkhāpetīti parantapo. Paresaṃ paritāpanānuyogaṃ paraparitāpanānuyogaṃ. Diṭṭheva dhammeti imasmiṃyeva attabhāve. Nicchātoti chātaṃ vuccati taṇhā, sā assa natthīti nicchāto. Sabbakilesānaṃ nibbutattā nibbuto. Anto tāpanakilesānaṃ abhāvā sītalo jātoti sītibhūto. Jhānamaggaphalanibbānasukhāni paṭisaṃvedetīti sukhapaṭisaṃvedī. Brahmabhūtena attanāti seṭṭhabhūtena attanā. Cittaṃ ārādhetīti cittaṃ sampādeti, paripūreti gaṇhāti pasādetīti attho.

5. д̣̇угкабадиггууланд̇и д̣̇угкасса бадигуулам̣, бажжанийгасан̣тид̇ам̣ д̣̇угкам̣ абад̇т̇аяамаананд̇и ад̇т̇о.

5.Dukkhapaṭikkūlanti dukkhassa paṭikūlaṃ, paccanīkasaṇṭhitaṃ dukkhaṃ apatthayamānanti attho.

6. бан̣д̣ид̇од̇и ид̇ха жад̇уухи гааран̣зхи бан̣д̣ид̇од̇и на вад̇д̇аб̣б̣о, сад̇ибадтаанзсу бана гаммам̣ гарод̇ийд̇и бан̣д̣ид̇од̇и вад̇д̇ум̣ ваддад̇и. махаабан̃н̃од̇и ид̣̇амби маханд̇з ад̇т̇з бариг̇г̇ан̣хаад̇ийд̇иаад̣̇инаа махаабан̃н̃алагкан̣зна на вад̇д̇аб̣б̣ам̣, сад̇ибадтаанабариг̇г̇аахигааяа бана бан̃н̃ааяа саманнааг̇ад̇ад̇д̇аа махаабан̃н̃од̇и вад̇д̇ум̣ ваддад̇и. махад̇аа ад̇т̇зна сам̣яуд̇д̇о аг̇амиссаад̇и махад̇аа ад̇т̇зна сам̣яуд̇д̇о худ̇ваа г̇ад̇о бхавзяяа, сод̇аабад̇д̇ипалам̣ баабун̣зяяаад̇и ад̇т̇о. гим̣ бана язсам̣ маг̇г̇апалаанам̣ убаниссаяо ад̇т̇и, б̣уд̣̇д̇хаанам̣ саммукийбхаавз тид̇зби д̇зсам̣ анд̇арааяо ход̇ийд̇и. аама ход̇и, на бана б̣уд̣̇д̇хз бадижжа, ат̇а ко гирияабарихаанияаа ваа баабамид̇д̇ад̇ааяа ваа ход̇и. д̇ад̇т̇а гирияабарихаанияаа ход̇и наама – сажз хи д̇хаммасзнаабад̇и д̇ханан̃ж̇аанисса б̣раахман̣асса аасаяам̣ н̃ад̇ваа д̇хаммам̣ ад̣̇зсаяиссаа, со б̣раахман̣о сод̇аабанно абхависсаа, звам̣ д̇аава гирияабарихаанияаа ход̇и. баабамид̇д̇ад̇ааяа ход̇и наама – сажз хи аж̇аад̇асад̇д̇у д̣̇звад̣̇ад̇д̇асса важанам̣ г̇ахзд̇ваа бид̇угхаад̇агаммам̣ наагариссаа, сааман̃н̃апаласуд̇д̇агат̇ид̇ад̣̇ивасзва сод̇аабанно абхависсаа, д̇асса важанам̣ г̇ахзд̇ваа бид̇угхаад̇агаммасса гад̇ад̇д̇аа бана на ход̇и, звам̣ баабамид̇д̇ад̇ааяа ход̇и. имассааби убаасагасса гирияабарихаани ж̇аад̇аа, абаринидтид̇ааяа д̣̇зсанааяа удтахид̇ваа багганд̇о. абижа, бхигкавз, зд̇д̇аавад̇ааби бзссо хад̇т̇аарохабуд̇д̇о махад̇аа ад̇т̇зна сам̣яуд̇д̇од̇и гад̇арзна маханд̇зна ад̇т̇зна? д̣̇вийхи аанисам̣сзхи. со гира убаасаго сан̇гхз жа басаад̣̇ам̣ бадилабхи, сад̇ибадтаанабариг̇г̇ахан̣ад̇т̇ааяа жасса абхинаво наяо уд̣̇абаад̣̇и. д̇зна вуд̇д̇ам̣ ‘‘махад̇аа ад̇т̇зна сам̣яуд̇д̇о’’д̇и. ганд̣̇араго бана сан̇гхз басаад̣̇амзва бадилабхи. зд̇асса бхаг̇аваа гаалод̇и зд̇асса д̇хаммагкаанасса, жад̇уннам̣ ваа буг̇г̇алаанам̣ вибхаж̇анасса гаало.

6.Paṇḍitoti idha catūhi kāraṇehi paṇḍitoti na vattabbo, satipaṭṭhānesu pana kammaṃ karotīti paṇḍitoti vattuṃ vaṭṭati. Mahāpaññoti idampi mahante atthe pariggaṇhātītiādinā mahāpaññalakkhaṇena na vattabbaṃ, satipaṭṭhānapariggāhikāya pana paññāya samannāgatattā mahāpaññoti vattuṃ vaṭṭati. Mahatā atthena saṃyutto agamissāti mahatā atthena saṃyutto hutvā gato bhaveyya, sotāpattiphalaṃ pāpuṇeyyāti attho. Kiṃ pana yesaṃ maggaphalānaṃ upanissayo atthi, buddhānaṃ sammukhībhāve ṭhitepi tesaṃ antarāyo hotīti. Āma hoti, na pana buddhe paṭicca, atha kho kiriyaparihāniyā vā pāpamittatāya vā hoti. Tattha kiriyaparihāniyā hoti nāma – sace hi dhammasenāpati dhanañjānissa brāhmaṇassa āsayaṃ ñatvā dhammaṃ adesayissā, so brāhmaṇo sotāpanno abhavissā, evaṃ tāva kiriyaparihāniyā hoti. Pāpamittatāya hoti nāma – sace hi ajātasattu devadattassa vacanaṃ gahetvā pitughātakammaṃ nākarissā, sāmaññaphalasuttakathitadivaseva sotāpanno abhavissā, tassa vacanaṃ gahetvā pitughātakammassa katattā pana na hoti, evaṃ pāpamittatāya hoti. Imassāpi upāsakassa kiriyaparihāni jātā, apariniṭṭhitāya desanāya uṭṭhahitvā pakkanto. Apica, bhikkhave, ettāvatāpi pessohatthārohaputto mahatā atthena saṃyuttoti katarena mahantena atthena? Dvīhi ānisaṃsehi. So kira upāsako saṅghe ca pasādaṃ paṭilabhi, satipaṭṭhānapariggahaṇatthāya cassa abhinavo nayo udapādi. Tena vuttaṃ ‘‘mahatā atthena saṃyutto’’ti. Kandarako pana saṅghe pasādameva paṭilabhi. Etassa bhagavā kāloti etassa dhammakkhānassa, catunnaṃ vā puggalānaṃ vibhajanassa kālo.

8. ораб̣бхигаад̣̇ийсу ураб̣бхаа вужжанд̇и зл̣агаа, ураб̣бхз ханад̇ийд̇и ораб̣бхиго. суугаригаад̣̇ийсуби зсзва наяо. луд̣̇д̣̇од̇и д̣̇аарун̣о гагкал̣о. мажчагхаад̇агод̇и мажчаб̣анд̇хагзваддо. б̣анд̇ханааг̇ааригод̇и б̣анд̇ханааг̇аараг̇обаго. гурурагамманд̇аад̇и д̣̇аарун̣агамманд̇аа.

8.Orabbhikādīsu urabbhā vuccanti eḷakā, urabbhe hanatīti orabbhiko. Sūkarikādīsupi eseva nayo. Luddoti dāruṇo kakkhaḷo. Macchaghātakoti macchabandhakevaṭṭo. Bandhanāgārikoti bandhanāgāragopako. Kururakammantāti dāruṇakammantā.

9. муд̣̇д̇хаавасид̇д̇од̇и кад̇д̇ияаабхисзгзна муд̣̇д̇хани абхисид̇д̇о. бурад̇т̇имзна наг̇арассаад̇и наг̇арад̇о бурад̇т̇имад̣̇исааяа. сант̇ааг̇ааранд̇и яан̃н̃асаалам̣. карааж̇инам̣ ниваасзд̇ваад̇и сакурам̣ аж̇инажаммам̣ ниваасзд̇ваа. саббид̇злзнаад̇и саббинаа жа д̇злзна жа. табзд̇ваа хи саббим̣ авасзсо яо гожи снзхо д̇зланд̇и вужжад̇и. ган̣д̣уувамаанод̇и накаанам̣ чиннад̇д̇аа ган̣д̣уувид̇аб̣б̣агаалз д̇зна ган̣д̣уувамаано. ананд̇арахид̇ааяаад̇и асант̇ад̇ааяа. саруубаважчааяаад̇и сад̣̇исаважчааяа. сажз г̇аавий сзд̇аа ход̇и, важчоби сзд̇агова. сажз г̇аавий габ̣араа ваа рад̇д̇аа ваа, важчоби д̇аад̣̇исо ваад̇и звам̣ саруубаважчааяа. со звамаахаад̇и со рааж̇аа звам̣ вад̣̇зд̇и. важчад̇араад̇и д̇арун̣аважчагабхаавам̣ ад̇игганд̇аа б̣алававажчаа. важчад̇арийсуби зсзва наяо. б̣арихисад̇т̇ааяаад̇и баригкзбагаран̣ад̇т̇ааяа жзва яан̃н̃абхуумияам̣ ад̇т̇аран̣ад̇т̇ааяа жа. сзсам̣ хздтаа д̇ад̇т̇а д̇ад̇т̇а вид̇т̇аарид̇ад̇д̇аа уд̇д̇аанамзваад̇и.

9.Muddhāvasittoti khattiyābhisekena muddhani abhisitto. Puratthimena nagarassāti nagarato puratthimadisāya. Santhāgāranti yaññasālaṃ. Kharājinaṃ nivāsetvāti sakhuraṃ ajinacammaṃ nivāsetvā. Sappitelenāti sappinā ca telena ca. Ṭhapetvā hi sappiṃ avaseso yo koci sneho telanti vuccati. Kaṇḍūvamānoti nakhānaṃ chinnattā kaṇḍūvitabbakāle tena kaṇḍūvamāno. Anantarahitāyāti asanthatāya. Sarūpavacchāyāti sadisavacchāya. Sace gāvī setā hoti, vacchopi setakova. Sace gāvī kabarā vā rattā vā, vacchopi tādiso vāti evaṃ sarūpavacchāya. So evamāhāti so rājā evaṃ vadeti. Vacchatarāti taruṇavacchakabhāvaṃ atikkantā balavavacchā. Vacchatarīsupi eseva nayo. Barihisatthāyāti parikkhepakaraṇatthāya ceva yaññabhūmiyaṃ attharaṇatthāya ca. Sesaṃ heṭṭhā tattha tattha vitthāritattā uttānamevāti.

бабан̃жасууд̣̇анияаа маж̇жхиманигааяадтагат̇ааяа

Papañcasūdaniyā majjhimanikāyaṭṭhakathāya

ганд̣̇арагасуд̇д̇аван̣н̣анаа нидтид̇аа.

Kandarakasuttavaṇṇanā niṭṭhitā.

Next: 2. адтаганааг̇арасуд̇д̇аван̣н̣анаа • 2. Aṭṭhakanāgarasuttavaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 1. ганд̣̇арагасуд̇д̇ам̣ • 1. Kandarakasuttaṃ

дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 1. ганд̣̇арагасуд̇д̇аван̣н̣анаа • 1. Kandarakasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact