| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
8. ган̣д̣убадижчаад̣̇исигкаабад̣̇ам̣
8. Kaṇḍupaṭicchādisikkhāpadaṃ
537. адтамз ‘‘гад̇т̇аа’’д̇иаад̣̇ийни вуд̇д̇анаяаанзва.
537. Aṭṭhame ‘‘katthā’’tiādīni vuttanayāneva.
539. ‘‘яассаа’’д̇и бад̣̇асса висаяам̣ д̣̇ассзд̇ум̣ вуд̇д̇ам̣ ‘‘бхигкуно’’д̇и. ‘‘наабхияаа хздтаа’’д̇и иминаа наабхияаа ад̇хо ад̇хонаабхийд̇и важанад̇т̇ам̣ д̣̇ассзд̇и, ‘‘ж̇аан̣уман̣д̣алаанам̣ убарий’’д̇и иминаа ж̇аан̣уман̣д̣алаанам̣ уб̣бха уб̣бхаж̇аан̣уман̣д̣аланд̇и. уб̣бхасад̣̇д̣̇о хи убарибарияааяо сад̇д̇амяанд̇анибаад̇о. ган̣д̣укаж̇ж̇усад̣̇д̣̇аанам̣ взважанад̇д̇аа вуд̇д̇ам̣ ‘‘ган̣д̣ууд̇и каж̇ж̇уу’’д̇и. ган̣д̣ад̇и бхзд̣̇анам̣ гарод̇ийд̇и ган̣д̣у. каж̇ж̇ад̇и б̣яад̇ханам̣ гарод̇ийд̇и каж̇ж̇у. гзсужи бод̇т̇агзсу ‘‘гажчуу’’д̇и баато ад̇т̇и, со аяуд̇д̇о.
539. ‘‘Yassā’’ti padassa visayaṃ dassetuṃ vuttaṃ ‘‘bhikkhuno’’ti. ‘‘Nābhiyā heṭṭhā’’ti iminā nābhiyā adho adhonābhīti vacanatthaṃ dasseti, ‘‘jāṇumaṇḍalānaṃ uparī’’ti iminā jāṇumaṇḍalānaṃ ubbha ubbhajāṇumaṇḍalanti. Ubbhasaddo hi uparipariyāyo sattamyantanipāto. Kaṇḍukhajjusaddānaṃ vevacanattā vuttaṃ ‘‘kaṇḍūti khajjū’’ti. Kaṇḍati bhedanaṃ karotīti kaṇḍu. Khajjati byadhanaṃ karotīti khajju. Kesuci potthakesu ‘‘kacchū’’ti pāṭho atthi, so ayutto.
лохид̇ам̣ д̇ун̣д̣ам̣ зд̇иссаад̇и лохид̇ад̇ун̣д̣игаа. бил̣аяад̇и виб̣аад̇хаяад̇ийд̇и бил̣агаа. аа бхусо асужим̣ савад̇и баг̇гхараабзд̇ийд̇и ассаавод̇и важанад̇т̇ам̣ д̣̇ассзнд̇о ааха ‘‘асужибаг̇гхаран̣а’’нд̇и. арисан̃жа бхаг̇анд̣̇араа жа мад̇хумзхо жа. аад̣̇исад̣̇д̣̇зна д̣̇уннаамагаад̣̇аяо сан̇г̇ан̣хаад̇и. д̇ад̇т̇а ари вияа ийсад̇и абхибхавад̇ийд̇и арисам̣. бхаг̇ам̣ вужжад̇и важжамаг̇г̇ам̣, д̇ам̣ д̣̇арад̇и паалзд̇ийд̇и бхаг̇анд̣̇араа, г̇уут̇асамийбз ж̇аад̇о ван̣ависзсо. мад̇ху вияа муд̇д̇аад̣̇им̣ михад̇и сзжад̇ийд̇и мад̇хумзхо, со ааб̣аад̇хо муд̇д̇амзхо суггамзхо рад̇д̇амзход̇и анзгавид̇хо. т̇улласад̣̇д̣̇о маханд̇абарияааяод̇и ааха ‘‘махаа’’д̇и. адтамам̣.
Lohitaṃ tuṇḍaṃ etissāti lohitatuṇḍikā. Piḷayati vibādhayatīti piḷakā. Ā bhuso asuciṃ savati paggharāpetīti assāvoti vacanatthaṃ dassento āha ‘‘asucipaggharaṇa’’nti. Arisañca bhagandarā ca madhumeho ca. Ādisaddena dunnāmakādayo saṅgaṇhāti. Tattha ari viya īsati abhibhavatīti arisaṃ. Bhagaṃ vuccati vaccamaggaṃ, taṃ darati phāletīti bhagandarā, gūthasamīpe jāto vaṇaviseso. Madhu viya muttādiṃ mihati secatīti madhumeho, so ābādho muttameho sukkameho rattamehoti anekavidho. Thullasaddo mahantapariyāyoti āha ‘‘mahā’’ti. Aṭṭhamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 9. рад̇анаваг̇г̇о • 9. Ratanavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 8. ган̣д̣убадижчаад̣̇исигкаабад̣̇аван̣н̣анаа • 8. Kaṇḍupaṭicchādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 7. нисийд̣̇анасигкаабад̣̇аван̣н̣анаа • 7. Nisīdanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 8. ган̣д̣убадижчаад̣̇исигкаабад̣̇аван̣н̣анаа • 8. Kaṇḍupaṭicchādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 7. нисийд̣̇анасигкаабад̣̇аван̣н̣анаа • 7. Nisīdanasikkhāpadavaṇṇanā
