| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
8. කණ්‌ඩුපටිච්‌ඡාදිසික්‌ඛාපදං
8. Kaṇḍupaṭicchādisikkhāpadaṃ
537. අට්‌ඨමෙ ‘‘කත්‌ථා’’තිආදීනි වුත්‌තනයානෙව.
537. Aṭṭhame ‘‘katthā’’tiādīni vuttanayāneva.
539. ‘‘යස්‌සා’’ති පදස්‌ස විසයං දස්‌සෙතුං වුත්‌තං ‘‘භික්‌ඛුනො’’ති. ‘‘නාභියා හෙට්‌ඨා’’ති ඉමිනා නාභියා අධො අධොනාභීති වචනත්‌ථං දස්‌සෙති, ‘‘ජාණුමණ්‌ඩලානං උපරී’’ති ඉමිනා ජාණුමණ්‌ඩලානං උබ්‌භ උබ්‌භජාණුමණ්‌ඩලන්‌ති. උබ්‌භසද්‌දො හි උපරිපරියායො සත්‌තම්‍යන්‌තනිපාතො. කණ්‌ඩුඛජ්‌ජුසද්‌දානං වෙවචනත්‌තා වුත්‌තං ‘‘කණ්‌ඩූති ඛජ්‌ජූ’’ති. කණ්‌ඩති භෙදනං කරොතීති කණ්‌ඩු. ඛජ්‌ජති බ්‍යධනං කරොතීති ඛජ්‌ජු. කෙසුචි පොත්‌ථකෙසු ‘‘කච්‌ඡූ’’ති පාඨො අත්‌ථි, සො අයුත්‌තො.
539. ‘‘Yassā’’ti padassa visayaṃ dassetuṃ vuttaṃ ‘‘bhikkhuno’’ti. ‘‘Nābhiyā heṭṭhā’’ti iminā nābhiyā adho adhonābhīti vacanatthaṃ dasseti, ‘‘jāṇumaṇḍalānaṃ uparī’’ti iminā jāṇumaṇḍalānaṃ ubbha ubbhajāṇumaṇḍalanti. Ubbhasaddo hi uparipariyāyo sattamyantanipāto. Kaṇḍukhajjusaddānaṃ vevacanattā vuttaṃ ‘‘kaṇḍūti khajjū’’ti. Kaṇḍati bhedanaṃ karotīti kaṇḍu. Khajjati byadhanaṃ karotīti khajju. Kesuci potthakesu ‘‘kacchū’’ti pāṭho atthi, so ayutto.
ලොහිතං තුණ්‌ඩං එතිස්‌සාති ලොහිතතුණ්‌ඩිකා. පිළයති විබාධයතීති පිළකා. ආ භුසො අසුචිං සවති පග්‌ඝරාපෙතීති අස්‌සාවොති වචනත්‌ථං දස්‌සෙන්‌තො ආහ ‘‘අසුචිපග්‌ඝරණ’’න්‌ති. අරිසඤ්‌ච භගන්‌දරා ච මධුමෙහො ච. ආදිසද්‌දෙන දුන්‌නාමකාදයො සඞ්‌ගණ්‌හාති. තත්‌ථ අරි විය ඊසති අභිභවතීති අරිසං. භගං වුච්‌චති වච්‌චමග්‌ගං, තං දරති ඵාලෙතීති භගන්‌දරා, ගූථසමීපෙ ජාතො වණවිසෙසො. මධු විය මුත්‌තාදිං මිහති සෙචතීති මධුමෙහො, සො ආබාධො මුත්‌තමෙහො සුක්‌කමෙහො රත්‌තමෙහොති අනෙකවිධො. ථුල්‌ලසද්‌දො මහන්‌තපරියායොති ආහ ‘‘මහා’’ති. අට්‌ඨමං.
Lohitaṃ tuṇḍaṃ etissāti lohitatuṇḍikā. Piḷayati vibādhayatīti piḷakā. Ā bhuso asuciṃ savati paggharāpetīti assāvoti vacanatthaṃ dassento āha ‘‘asucipaggharaṇa’’nti. Arisañca bhagandarā ca madhumeho ca. Ādisaddena dunnāmakādayo saṅgaṇhāti. Tattha ari viya īsati abhibhavatīti arisaṃ. Bhagaṃ vuccati vaccamaggaṃ, taṃ darati phāletīti bhagandarā, gūthasamīpe jāto vaṇaviseso. Madhu viya muttādiṃ mihati secatīti madhumeho, so ābādho muttameho sukkameho rattamehoti anekavidho. Thullasaddo mahantapariyāyoti āha ‘‘mahā’’ti. Aṭṭhamaṃ.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්‌ග • Mahāvibhaṅga / 9. රතනවග්‌ගො • 9. Ratanavaggo
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවිභඞ්‌ග-අට්‌ඨකථා • Mahāvibhaṅga-aṭṭhakathā / 8. කණ්‌ඩුපටිච්‌ඡාදිසික්‌ඛාපදවණ්‌ණනා • 8. Kaṇḍupaṭicchādisikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / 7. නිසීදනසික්‌ඛාපදවණ්‌ණනා • 7. Nisīdanasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / 8. කණ්‌ඩුපටිච්‌ඡාදිසික්‌ඛාපදවණ්‌ණනා • 8. Kaṇḍupaṭicchādisikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 7. නිසීදනසික්‌ඛාපදවණ්‌ණනා • 7. Nisīdanasikkhāpadavaṇṇanā
